نئی دہلی: فلم ’پیار کا پنچ نامہ‘ سے شہرت حاصل کرنے والی بھارت کی اداکارہ سونالی سیگل کی شادی میں اداکارکارتک آریان توجہ کا مرکز بن گئے۔
‘پیار کا پنچ نامہ’ کی مشہور اداکارہ سونالی سیگل نے بدھ کے روز ممبئی میں اشیش ایل سجنانی سے شادی کی، اس شادی میں ان کے اہلخانہ سمیت قریبی دوست، بشمول کارتک آریان اور سنی سنگھ نے شرکت کی۔
شادی میں بھارت کے اداکار کارتک آریان بلکل سادہ لباس میں پہنچے، وائرل ہونے والی تصاویر میں دیکھا گیا کہ اداکار نے سفید رنگ کا کُرتا، بلیک گلاسسز، بلیو جینز اور براؤن چپل پہن رکھی تھی جس سے ان کی شخصیت بلکل مختلف نظر آرہی تھی۔
اداکار کارتک آریان کے اس حُلیے میں دیکھ کر ان کے مداح صارفین مایوس ہوگئے جنہوں نے کمنٹس سیکشن میں اپنی ناپسندیدگی کا اظہار کیا وہی دوسری جانب دلچسپ تبصرے کی بھرمار کردی۔
ایک صارف نے لکھا کہ’ رلیکس گائیز، یہ ہیرا پھیری 3 میں شامل ہونے کے لیے ایکٹنگ کا طریقہ ہے، ایک اور صارف نے لکھا’ اداکار سے دودھ والے بھیا جیسی وائب آرہی ہے۔
ایک صارف نے اداکار کے چشمے کے بارے میں بات کرتے ہوئے کہا کہ’ میں حیران ہوں کہ شادی میں چپل کے ساتھ ایسے کپڑے کون پہنتا ہے۔
صارف نے کہا کہ میں چاہوں گا کہ کارتک آریا اپنے پی آر کو برطرف کرنے سے پہلے اپنے اسٹائلسٹ کو برطرف کردے، اداکار کو اُس نے اس طرح باہر نکلنے کی اجازت کیسے دیدی۔
