ARYNews.tv | Urdu – Har Lamha Bakhabar

Tag: سونامی

  • چلی میں 7.5 شدت کا زلزلہ، سونامی وارننگ سینٹر کا بیان سامنے آگیا

    چلی میں 7.5 شدت کا زلزلہ، سونامی وارننگ سینٹر کا بیان سامنے آگیا

    چلی کے انٹارکٹک ریجن میں گزشتہ روز 7.5 شدت کا زلزلہ آیا، جس سے لوگوں میں خوف و ہراس پھیل گیا۔

    غیر ملکی ذرائع ابلاغ کے مطابق پیسیفک سونامی وارننگ سینٹر نے چلی کے ساحلی علاقوں کے لیے اپنی مختصر وارننگ میں کہا کہ جمعرات کو جنوبی امریکا اور انٹارکٹیکا کے درمیان ڈریک پیسیج میں 7.5 کی شدت کے زلزلے کے بعد سونامی کا کوئی خطرہ نہیں ہے۔

    رپورٹس کے مطابق امریکی جیولوجیکل سروے (یو ایس جی ایس) کا کہنا ہے کہ زلزلہ ارجنٹائن کے شہر یوشوایا کے جنوب مشرق میں 700 کلومیٹر (435 میل) سے زیادہ کے فاصلے پر آیا جس کی آبادی تقریباً 57,000 ہے۔

    دوسری طرف یورپی زلزلہ پیما مرکز کا اپنے بیان میں کہنا ہے کہ میانمار اور بھارت کی سرحد کے قریب 5.6 شدت کا زلزلہ ریکارڈ کیا گیا۔

    ترکیہ میں شدید زلزلہ، متعدد عمارتیں منہدم

    استنبول: ترکیہ میں زلزلے کے شدید جھٹکے محسوس کیے گئے ہیں، جن کی شدت 6.1 ریکارڈ کی گئی ہے، متعدد عمارتیں منہدم ہوگئیں۔

    ترک میڈیا رپورٹ کے مطابق زلزلہ استنبول کے قریب واقع بالی سیر صوبے میں آیا، ترکیہ میں شدید زلزلے کی وجہ سے متعدد عمارتیں گر گئیں جبکہ بچ جانے والی عمارتوں کی دیواروں میں دراڑیں پڑگئیں۔

    زلزلے کی شدت محسوس کرکے لوگ خوف کے عالم میں گھروں سے باہر نکل آئے، استنبول، ازمیر سمیت کئی شہروں میں زلزلے کے جھٹکوں سے زلزلے کے مرکز سندرگی میں تقریباً 10عمارتیں منہدم ہوگئیں۔

    امریکی ریاست الاسکا میں 7.3 شدت کا زلزلہ، سونامی وارننگ جاری

    ترک میڈیا رپورٹ کے مطابق سندرگی کے مرکز میں 3منزلہ عمارت بھی گرگئی، گولک کے قریبی گاؤں میں بھی کئی مکانات منہدم ہوگئے، زلزلے کے بعد 3سے4.6شدت کے آفٹر شاکس بھی آئے۔

    وزیر صحت ترکیہ نے بتایا کہ عمارتیں گرنے سے زخمی ہونے والے 4افراد کو طبی امداد کیلیے اسپتال لایا گیا ہے، ریسکیو آپریشن جاری ہے، امید ہے کوئی جانی نقصان نہ ہوا ہو۔

  • جاپان میں سونامی کا خطرہ ٹل گیا؟

    جاپان میں سونامی کا خطرہ ٹل گیا؟

    روس میں 8.8 شدت کے زلزلے کے بعد جاپان سمیت کئی ملکوں میں سونامی وارننگ جاری کی گئی تھی تاہم اب جاپانی حکام نے نئی ایڈوائزری جاری کی ہے۔

    روس کے ساحلی شہر پیٹرو یاولوسک کامچٹسکی سے 136 کلومیٹر مشرق میں 8.8 شدت کا تباہ کن زلزلہ آیا تھا۔ زلزلے کے بعد کامچاٹکا میں آتش فشاں پھٹ پڑا۔ زلزلے سے متعدد گھر منہدم اور عمارتیں لرز گئیں، روس کے مشرقی علاقے سے 3 سے 4 میٹر اونچی لہریں ساحلوں سے ٹکرائیں جس سے مختلف علاقے زیر آب آ گئے تھے۔

    اس زلزلے کے بعد امریکا چین جاپان اور دیگر ملکوں میں سونامی وارننگ جاری کی گئی تھی جبکہ جاپان کے جزیرے ہوکیڈوں سے سونامی کی لہریں ٹکرانے کے بعد مختلف علاقوں میں ہنگامی سائرن بجائے گئے تھے جب کہ ٹوکیو میں ہائی الرٹ کرنے کے ساتھ نیوکلیئر پلانٹ بھی خالی کرا لیا گیا تھا۔

    تاہم تازہ ترین اطلاعات کے مطابق جاپانی حکام نے سونامی الرٹ میں نرمی کا اعلان کرتے ہوئے آخری سونامی الرٹ کو کم درجے پر منتقل کر دیا ہے جب کہ ملک کے شمالی حصے میں جاری آخری سونامی وارننگ ختم کر دی گئی ہے۔ تاہم جاپان کے بحرالکاہل کے ساحلی علاقوں کیلیے سونامی ایڈوائزری اب بھی برقرار ہے۔

    دوسری جانب آئی اے ای اے کی جانب سے جاری بیان میں کہا گیا ہےکہ روس کے زلزلے کے بعد سونامی سے جوہری پلانٹس کو کوئی خطرہ نہیں ہے۔ اقوام متحدہ کے جوہری ادارے نے بھی ابتدائی رپورٹ جاری کر دی ہے۔

    آئی اے ای اے نے مزید کہا کہ بحرالکاہل کے ساحلی علاقوں کے نیوکلیئر پاور پلانٹس محفوظ ہیں اور وہ جاپانی حکام سے مسلسل رابطے میں ہیں۔

    غیر ملکی میڈیا کے مطابق روس میں زلزلے کے بعد تائیوان، فلپائن، ہوائی اور الاسکا کے الیوشین جزائر کیلیے بھی سونامی کی وارننگ جاری کی گئی ہے جب کہ امریکی مغربی ساحل کے بیشتر حصے میں بھی سونامی کا خدشہ ظاہر کرتے ہوئے ایڈوائزری جاری کر دی گئی ہے۔

    امریکی جیولوجیکل سروے نے سونامی میں تین میٹر اونچی لہروں کی وارننگ جاری کی ہے جبکہ پیرو میں بھی ساحل کے لیے ہنگامی مرکز نے الرٹ جاری کر دیا ہے۔

    روس میں 8.8 شدت کے ہولناک زلزلے نے تباہی مچا دی، امریکا، چین، جاپان میں سونامی وارننگ جاری

    اس کے علاوہ چلی نے بھی ساحلی علاقوں میں سونامی ریڈ الرٹ جاری کر دیا ہے۔ ڈیزاسٹر ایجنسی نے شمالی وجنوبی ساحلی علاقوں کے لیے الرٹ جاری کرتے ہوئے ساحلی علاقوں سے لوگوں کو فوری انخلا کا حکم دیتے ہوئے علاقائی ٹیموں کو لوگوں کے محفوظ انخلا کے لیے ہدایات جاری کر دی ہیں۔

    https://urdu.arynews.tv/tsunami-waves-also-hit-the-us-coast/

  • سونامی کی لہریں امریکی ساحل سے بھی ٹکرا گئیں

    سونامی کی لہریں امریکی ساحل سے بھی ٹکرا گئیں

    روس اور جاپان میں آنے والے 8.8 شدت کے ہولناک زلزلے کی اثرات امریکا تک جا پہنچے اور سونامی کی لہریں امریکی ساحل سے بھی ٹکرا گئی ہیں۔

    غیر ملکی میڈیا کے مطابق روس اور جاپان کو نشانہ بنانے کے بعد سونامی کی لہروں نے امریکا کا رخ کیا اور امریکی ساحل سے بھی ٹکرا گئی ہیں جس کے باعث ساحلی علاقوں سے لوگوں کی منتقلی شروع ہو گئی ہے۔

    پیسیفک سونامی وارننگ سینٹر کا کہنا ہے کہ سونامی کی لہریں ہوائی کے ساحل سے ٹکرانا شروع ہو گئی ہیں اور اب تک سب سے اونچی چار فٹ کی لہر ریکارڈ کی گئی ہیں۔

    سونامی کی لہروں کے ساحل سے ٹکرانے کے بعد ہوائی میں ہزاروں افراد کو محفوظ مقام پر منتقل کردیا گیا ہے۔

    دوسری جانب ہوائی کے گورنر جوش گرین کا کہنا ہے کہ اب تک کوئی ایسی لہر نہیں آئی ہے، جو خطرے کا باعث ہو۔ تاہم خطرہ برقرار ہے۔

    انہوں نے کہا کہ صورت حال سنگین ہو سکتی ہے، لوگ اس کو سنجیدگی سے لیں اور اونچے مقامات پر پناہ لیں، کیوں کہ 10 فٹ اونچی لہریں ٹکرانے کا امکان ہے۔

    امریکی سونامی وارننگ سینٹر نے ایکدواڈور کو بھی خبردار کیا کہ 10 فٹ اونچی لہریں ایکواڈور سے ٹکرا سکتی ہیں۔

    دوسری جانب امریکی کوسٹ گارڈ کا بحری جہازوں کو ہوائی کی بندرگاہوں سے دور رہنے کا حکم دیا ہے۔

    واضح رہے کہ آج روس کے مشرقی ساحل کے قریب علاقے کمچاٹکا (Kamchatka) میں 8.8 شدت کا ہولناک زلزلہ آیا، جس نے تباہی مچا دی، جس کے بعد امریکا، چین، جاپان اور دیگر ملکوں میں سونامی وارننگ جاری کر دی گئی تھی۔

    زلزلے سے متعدد گھر منہدم اور عمارتیں لرز گئیں، روس کے مشرقی علاقے سے 3 سے 4 میٹر اونچی لہریں ٹکرا گئیں جس سے مختلف علاقے زیر آب آ گئے ہیں۔ کمچاٹکا کے گورنر نے کہا کہ یہ زلزلہ دہائیوں میں آنے والا سب سے زیادہ طاقت ور تھا، نقصانات کا جائزہ لے رہے ہیں۔

    جاپان کے مختلف علاقوں میں سونامی کی لہروں کے بعد سائرن بجائے گئے، جزیرے ہوکیڈوں سے سونامی کی لہریں ٹکرائیں، اور ٹوکیو میں بھی ہائی الرٹ کر دیا گیا اور نیوکلیئر پلانٹ بھی خالی کروا لیا گیا۔

    https://urdu.arynews.tv/japan-tsunami-warning-prediction-30-july-2025/

  • روس میں 8.8 شدت کے ہولناک زلزلے نے تباہی مچا دی، امریکا، چین، جاپان میں سونامی وارننگ جاری

    روس میں 8.8 شدت کے ہولناک زلزلے نے تباہی مچا دی، امریکا، چین، جاپان میں سونامی وارننگ جاری

    ماسکو (30 جولائی 2025): روس میں 8.8 شدت کے ہولناک زلزلے نے تباہی مچا دی ہے، جس کے بعد امریکا، چین، جاپان اور دیگر ملکوں میں سونامی وارننگ جاری کر دی گئی ہے۔

    امریکی جیولوجیکل سروے کے مطابق روس کے مشرقی ساحل کے قریب علاقے کمچاٹکا (Kamchatka) میں 8.8 شدت کا ہولناک زلزلہ آیا ہے، جس کے بعد سونامی وارننگ جاری کی گئی ہے۔

    زلزلے نے تباہی مچا دی ہے، متعدد گھر منہدم ہو گئے، جب کہ عمارتیں لرز گئیں، روس کے مشرقی علاقے سے 3 سے 4 میٹر لہریں ٹکرا گئیں جس سے مختلف علاقے زیر آب آ گئے ہیں۔ کمچاٹکا کے گورنر نے کہا کہ یہ زلزلہ دہائیوں میں آنے والا سب سے زیادہ طاقت ور تھا، نقصانات کا جائزہ لے رہے ہیں۔

    کمچاٹکا میں شدید زلزلے کے بعد روس کے ساتھ امریکا، چین، جاپان، فلپائن، ایکواڈور اور دیگر ممالک میں بھی سونامی کی وارننگ جاری کر دی گئی ہے۔ جاپان کے مختلف علاقوں میں سونامی کی لہروں کے بعد سائرن بجائے گئے، جزیرے ہوکیڈوں سے سونامی کی لہریں ٹکرائیں، اور ٹوکیو میں بھی ہائی الرٹ کر دیا گیا۔

    صدر ٹرمپ اور صدر پیوٹن کی سیکیورٹی ٹیموں نے اچانک بڑی تبدیلیاں کر دیں

    جاپان کا نیوکلیئر پلانٹ خالی کروا لیا گیا ہے، جاپانی وزیر اعظم کا کہنا ہے کہ صورت حال کا جائزہ لے رہے ہیں، لوگ ہدایت پر عمل کریں، امریکی ریاست ہوائی میں بھی لوگوں کو ساحلی علاقے خالی کرنے کا حکم دے دیا گیا ہے جب کہ جزیرہ اوواہو کو فوری طور خالی کر دیا گیا ہے، ہوائی کے گورنر نے کہا صورت حال سنگین ہے لوگ اس کو سنجیدگی سے لیں اور اونچے مقامات پر پناہ لیں، کیوں کہ 10 فٹ اونچی لہریں ٹکرانے کا امکان ہے۔

    امریکی صدر ڈونلڈ ٹرمپ نے ہوائی میں سونامی سے خبردار کر دیا ہے، چین کے مشرقی صوبے میں بھی سونامی کی وارننگ جاری کر دی گئی ہے۔ امریکی سونامی وارننگ سینٹر نے ایکدواڈور کو بھی خبردار کیا کہ 10 فٹ اونچی لہریں ایکواڈور سے ٹکرا سکتی ہیں۔

  • سونامی کی پیشگوئی کرنیوالی جاپانی بابا وانگا کی چونکا دینے والی پیشگوئی

    سونامی کی پیشگوئی کرنیوالی جاپانی بابا وانگا کی چونکا دینے والی پیشگوئی

    جاپان کی معروف پیش گوئی کرنے والی شخصیت ریو تاتسوکی جو جاپانی بابا وانگا کے نام سے بھی مشہور ہیں، نے رواں برس کے لئے ایک چونکا دینے والی پیشگوئی کی ہے۔

    غیر ملکی ذرائع ابلاغ کے مطابق جاپانی بابا وانگا نے رواں برس جولائی کے مہینے میں جاپان میں ایک خوفناک میگا سونامی کی پیشگوئی کی ہے۔

    ریو تاتسوکی نے رواں برس جولائی میں جاپان میں ایک خوفناک میگا سونامی کی پیشگوئی کرتے ہوئے کہا ہے کہ سونامی سے جاپان اور اس کے ہمسایہ ممالک بھی متاثر ہوسکتے ہیں۔

    جاپانی حکومت کا نئے میگا زلزلے کی وارننگ جاتی کرتے ہوئے کہنا ہے کہ نانکائی ٹراؤ کے علاقے میں 8 سے 9 شدت کے میگا زلزلے سے تقریباً 2 لاکھ 98 ہزار ہلاکتوں اور 1.8 ٹریلین ڈالر کے معاشی نقصان کا اندیشہ ہے۔

    تاتسوکی نے مارچ 2011 میں بھی ایک خوفناک تباہی کی پیشگوئی کی تھی جو سچ ثابت ہوئی تھی اور اسی ماہ جاپان میں توہوکو زلزلہ اور سونامی آیا تھا۔

    اُن کی جانب سے اب جولائی 2025 میں ایک خوفناک میگا سونامی کی پیشگوئی کی گئی ہے جس سے جاپان اور اس کے ہمسایہ ممالک مزید متاثر ہوسکتے ہیں۔

    رپورٹس کے مطابق جاپانی حکومت نے بھی حال ہی میں ایک نئی رپورٹ جاری کی ہے جس میں سونامی کا خدشہ ظاہر کیا گیا ہے۔

    زمین سے کونسا طوفان ٹکرائے گا؟ بابا وانگا کی پیشگوئی پر سائنسدان بھی پریشان

    واضح رہے کہ بابا وانگا نے ISIS کے عروج، نائن الیون حملے اور یہاں تک کہ 1996 میں اپنی موت کی بھی پیشگوئی کی تھی لیکن ان کی 2010 اور 2014 کے درمیان ایک طویل جنگ کی پیشگوئی خوش قسمتی سے درست ثابت نہ ہو سکی۔

  • کراچی میں سمندری زلزلے ’’سونامی‘‘ کی فرضی مشق

    کراچی میں سمندری زلزلے ’’سونامی‘‘ کی فرضی مشق

    محکمہ موسمیات کراچی کی جانب سے ریکٹر اسکیل پر 9.2 شدت کے سمندری زلزلے (سونامی) کی فرضی مشق کرائی گئی۔

    محکمہ موسمیات کی جانب سے کراچی سیسمک سینٹر میں سماٹرا کے گہرے سمندر میں 9.2 شدت کے سمندری زلزلے کی فرضی مشق کی گئی۔ اس دوران دیگر ممالک کے ساتھ فرضی زلزلے کے بعد باہمی رابطوں کے ذریعے معلومات کا تبادلہ بھی کیا گیا۔

    فرضی مشق میں دیگر ممالک کے ساتھ مواصلاتی رابطوں اور سماجی رابطوں کے ذریعے کئی مراحل کے دوران زلزلے کے پیغامات اوراس کے حوالے سے ردعمل کو جانچا گیا۔

    ڈائریکٹر سیسمک سینٹر کراچی امیر حیدرلغاری کے مطابق رواں سال میں یہ سرگرمی دوسری مرتبہ کی گئی۔

    مشق کے دوران سونامی وارننگ سینٹر کراچی طے کردہ ایس او پی کے مطابق سونامی بلیٹنز جاری کیے گئے۔

    اس حوالے سے چیف میٹرو لوجسٹ سردار سرفراز کا کہنا ہے کہ پاکستان بحر ہند کے سونامی وارننگ نظام کے بین الحکومتی رابطہ گروپ کا ایک رکن ملک ہے اور قومی سونامی وارننگ سینٹر کے طور پر ایک نامزد قومی اتھارٹی ہے۔

    ان کا کہنا تھا کہ اس ٹیسٹنگ ڈرل مشق کا بنیادی مقصد ساحلی برادری کو آگاہ کرنا اور سونامی کے کسی بھی ممکنہ خطرے کے لیے تیار رکھنا ہے۔

  • جاپان میں شدید زلزلہ، سونامی کی وارننگ جاری

    جاپان میں شدید زلزلہ، سونامی کی وارننگ جاری

    جاپان کے شمال وسطی علاقے میں زلزلے کے شدید جھٹکے محسوس کئے گئے، جس کے بعد سونامی کی وارنگ جاری کردی گئی۔

    امریکی جیولوجیکل سروے کے مطابق جاپان میں زلزلے کی شدت 7.4 ریکارڈ کی گئی۔ مغربی ساحلی علاقوں کیلئے سونامی وارننگ جاری کی گئی ہے۔

    خبرایجنسی کے مطابق جاپانی حکام نے شہریوں کو ساحلی علاقے فوری خالی کرنے کا حکم دیا ہے، 5 میٹر تک بلند لہریں ساحلی علاقوں سے ٹکرانے کاخدشہ ہے۔

    فضائی حادثات میں بھارتی فضائیہ کا پہلا نمبر!

    جاپانی حکام نے نیاگی اور فوکو شیما کیلئے سونامی وارننگ جاری کی ہے، اس کے علاوہ یاماگاٹا، یشی کاوا، نیگاٹا کیلئے سونامی وارننگ جاری کی گئی ہے۔

    جاپان میں زلزلے کے بعد شہریوں کو بلند مقامات پر جانے کی ہدایت کی گئی ہے۔

  • پاپوانیوگنی میں ساحل کے قریب 6.2 شدت کا زلزلہ

    پاپوانیوگنی میں ساحل کے قریب 6.2 شدت کا زلزلہ

    پاپوانیوگنی میں ساحل کے قریب 6.2 شدت کا زلزلہ آیا ہے۔

    غیر ملکی خبر رساں ادارے کے مطابق امریکن جیولوجیکل سروے کے مطابق زلزلہ پاپوانیوگنی کے دور دراز علاقے میں 38 کلو میٹر زیرِ زمین گہرائی میں آیا ہے۔

    امریکن جیولوجیکل سروے کا کہنا ہے کہ زلزلے کے بعد سونامی کی وارننگ جاری نہیں کی گئی ہے۔

    مقامی حکام کے مطابق زلزلے سے ہونے والے نقصان کا اندازہ لگایا جارہا ہے اور ابھی تک ہلاکتوں اور زخمیوں کی اطلاعات نہیں ہے۔

     

  • ٹونگا سونامی میں ڈوبنے والے ‘ایکوامین’ کے ساتھ کیا ہوا؟

    ٹونگا سونامی میں ڈوبنے والے ‘ایکوامین’ کے ساتھ کیا ہوا؟

    آپ نے بحرالکاہل میں واقع ملک ٹونگا میں سمندر کے نیچے وسیع سطح پر ایک آتش فشاں پھٹنے کی خبریں پڑھ لی ہوں گی، اس کے نتیجے میں ٹونگا اور فجی جزیرے کا کچھ علاقہ سونامی کی زد میں آکر تباہی کا شکار ہوا۔

    اسی سونامی میں ٹونگا کے ایک علاقے میں رہنے والے لزالا فولاؤ نامی شہری کو ایک دن سے زیادہ وقت کے لیے زندگی کی خوف ناک جنگ لڑنی پڑی تھی، وہ 28 گھنٹوں تک ٹونگا سونامی کی لہروں میں بہتا رہا، تیرتا رہا، اور لڑتا رہا، یہاں تک حقیقی زندگی کا ایکوامین قرار پایا۔

    57 سالہ معذور لزالا فولاؤ نے اس جدوجہد کی داستان سناتے ہوئے کہا کہ انھیں چلنے پھرنے میں پہلے ہی مشکلات ہوتی تھیں، وہ گھر پر پینٹنگ میں مصروف تھے جب ان کے بھائی نے سونامی کے بارے میں بتایا۔

    لزالا فولاؤ کے مطابق جب سونامی آیا تو انھیں اپنا بچاؤ کرنے کا موقع نہیں ملا، گھر پانی میں ڈوب گیا اور وہ ایک درخت پر چڑھ گئے، لیکن وہ زیادہ دیر پانی سے بچ نہ سکے اور سونامی کی تیز لہریں انھیں ساتھ بہا لے گئیں۔

    انھوں نے بتایا میں نے لہروں کے سامنے نہ جھکنے کا فیصلہ کیا اور تیراکی سے ساڑھے 7 کلومیٹر کا فاصلہ طے کیا، اور 28 گھنٹوں بعد آخر کار ٹونگا کے مرکزی جزیرے تک پہنچ گیا۔

    یاد رہے ہُنگا ٹونگا آتش فشاں سے لاوا نکلنے سے ایک لاکھ سے زائد افراد کی آبادی متاثراور 3 افراد ہلاک ہوئے تھے، جب کہ اس شہری کا علاقہ مکمل تباہ ہو چکا ہے، جسے اب حقیقی زندگی کا ایکوا مین قرار دیا جا رہا ہے۔

    دل دہلا دینے والا آتش فشاں، زمین پر بننے والی لہروں کی سیٹلائٹ ویڈیوز سامنے آگئیں

    ٹونگن شہری کا کہنا تھا کہ ہفتے کے روز تباہ کن سونامی کے بعد سمندر میں تھپیڑے کھاتے ہوئے وہ درخت کے ایک ٹوٹے تنے کے ذریعے بچنے میں کامیاب ہوا تھا، تنے کا سہارا ملنے سے قبل وہ 9 بار پانی میں بے بس ہو کر ڈوبے تھے، آٹھویں بار میں نے سوچا، اگر اگلی بار پانی کے اندر گیا تب بھی مجھے اوپر آنا ہے، کیوں کہ میرے بازو ہی صرف وہ شے تھے جو مجھے پانی سے اوپر رکھ رہے تھے، آخر کار جب نویں بار میں پانی سے ابھرا تو ایک تنا میرے ہاتھ لگا۔

    فولاؤ تقریباً 60 افراد کی آبادی کے ساتھ الگ تھلگ جزیرے اٹاٹا پر رہتا تھا، جسے ہفتے کی شام سمندر نے نگل لیا تھا۔ وہ پہلی لہر سے بچنے کے لیے ایک درخت پر چڑھے تھے لیکن جب وہ نیچے آیا تو ایک اور بڑی لہر انھیں بہا کر لے گیا، فولاؤ نے کہا کہ میں نے اپنے بیٹے کو زمین سے پکارتے ہوئے سن لیا تھا لیکن میں نے بیٹے کی پکار کا جواب نہیں دیا کیوں کہ میں نہیں چاہتا تھا کہ وہ مجھے ڈھونڈنے کے لیے پانی میں چھلانگ لگائے۔

    حقیقی زندگی کے ایکوامین نے کہا کہ جب خوفناک لہریں مجھے اِدھر اُدھر اِدھر اُدھر پٹختی رہیں، تو میرے ذہن میں خیال آیا کہ یہ سمندر ہے جس میں زندگی اور موت دونوں ہیں، جب آپ ساحل پر پہنچ جاتے ہیں، تب آپ کو معلوم ہوتا ہے کہ آپ زندہ ہیں یا مر گئے ہیں۔

  • پسنی میں سونامی الرٹ سائرن سسٹم نصب

    پسنی میں سونامی الرٹ سائرن سسٹم نصب

    گوادر: بلوچستان کے ضلع گوادر کے ساحلی شہر پسنی میں سونامی الرٹ سائرن سسٹم نصب کر دیا گیا۔

    تفصیلات کے مطابق محکمہ موسمیات کی جانب سے پسنی، گوادر میں سونامی الرٹ سائرن سسٹم نصب کیا گیا ہے، محکمے کا کہنا ہے کہ سونامی آنے سے 12 سے 15 منٹ قبل یہ سائرن بجے گا۔

    محکمہ موسمیات کے مطابق سائرن سسٹم ڈیڑھ کلو میٹر کی حدود تک لوگوں کو سونامی سے خبردار کرے گا۔

    پسنی میں جاپان کے تعاون سے 4 ہزار اسکوائر فٹ پر سونامی شیلٹر ہوم بھی تعمیر کیا جائے گا، سونامی شیلٹر ہوم کا ایک حصہ خواتین اور دوسرا مردوں کے لیے مختص ہوگا۔

    واضح رہے کہ رواں ماہ ملک کے مختلف ساحلی مقامات پر سونامی کی اطلاع فراہم کرنے والا سائرن سسٹم نصب کیا گیا ہے، اس جدید سسٹم پہ ساڑھے 3 کروڑ روپے لاگت آئی ہے، کراچی میں ریڑھی گوٹھ اور کیماڑی میں سائرن سسٹم نصب کیے گئے، جب کہ بلوچستان میں پسنی، اورماڑہ اور گوادر میں 3 سونامی سائرن سسٹم نصب کیے گئے ہیں۔