ARYNews.tv | Urdu – Har Lamha Bakhabar

Tag: سونا قیمت

  • سونے کی فی تولہ قیمت میں سینکڑوں روپے اضافہ

    سونے کی فی تولہ قیمت میں سینکڑوں روپے اضافہ

    عالمی منڈی میں سونے کی قیمتوں میں کمی کے باوجود پاکستان میں سونے کی فی تولہ قیمت میں گزشتہ روز کی کمی کے بعد بڑا اضافہ سامنے آیا ہے۔

    بین الاقوامی مارکیٹ میں فی اونس سونے کی قیمت 12 ڈالر کم ہوکر 1966 ڈالر کی سطح پرآگئی جبکہ آل پاکستان جیمز اینڈ جیولرز ایسوسی ایشن کی جانب سے جاری اعداد و شمار کے مطابق سونے کی فی تولہ قیمت 1800روپے بڑھ کر 2 لاکھ 22 ہزار 900 روپے ہو گئی ہے۔

    ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی سمیت دیگر شہروں میں فی تولہ سونے کی قیمتوں میں میں اضافہ ہوا اور فی تولہ سونے کی قیمت 222900روپے ہوگئی۔

    اسی طرح فی 10گرام سونے کی قیمت 1542روپے بڑھ کر 191100روپے کی سطح پر آگئی۔ یاد رہے کہ گزشتہ روز سونے کی فی تولہ قیمت میں 5300 روپے کی بڑی کمی دیکھنے میں آئی تھی۔

  • سونے کی قیمت میں ایک بار پھر نمایاں اضافہ

    سونے کی قیمت میں ایک بار پھر نمایاں اضافہ

    کراچی : ملک بھر میں ہفتے کے پہلے کاروباری دن میں ہی سونے کی فی تولہ قیمت میں نمایاں اضافہ ہوا جبکہ عالمی مارکیٹ میں 5 امریکی ڈالر کا اضافہ سامنے آیا ہے۔

    تفصیلات کے مطابق بین الاقوامی مارکیٹ میں فی اونس سونے کی قیمت میں 5 امریکی ڈالر کا اضافہ دیکھا گیا اور نئی قدر 2022امریکی ڈالر ہوگئی ہے۔

    آل پاکستان جیمز اینڈ جیولرز ایسوسی ایشن کا کہنا ہے کہ آج سونے کا فی تولہ قیمت میں 1400 روپے بڑھے جس کے بعد فی تولہ سونا 2 لاکھ26ہزار900روپے کا ہوگیا۔

    عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی اور ملتان سمیت دیگر شہروں میں 10گرام سونا1200روپے اضافے کے بعد1لاکھ94ہزار 530روپے ہوگیا۔

    علاوہ ازیں سونے کی طرح چاندی کی فی تولہ اور دس گرام قیمتوں میں بھی 30 روپے اور 25.72 روپے کا اضافہ دیکھا گیا ہے اور قیمتیں بالترتیب 2900 روپے اور 2486.28 روپے ہوگئی ہیں۔

  • سونے کی فی تولہ قیمت میں ریکارڈ توڑ اضافہ

    سونے کی فی تولہ قیمت میں ریکارڈ توڑ اضافہ

    کراچی : دنیا بھر میں مہنگائی کی نہ رکنے والی رفتار کے سبب سونے کے نرخ بھی آسمان کی بلندیوں کو چُھو رہے ہیں جس میں کمی کا امکان مستقبل قریب میں نظر نہیں آرہا۔

    ملک بھر میں سونے کی قیمت میں فی الحال چڑھاؤ کا سلسلہ جاری ہے گزشتہ چند روز سے جاری قیمتوں میں اضافے کے سبب سونے کی قیمت ملکی تاریخ کی بلند ترین سطح پر پہنچ گئی ہے۔

    تفصیلات کے مطابق سونے کی فی تولہ قیمت میں آج ایک بار پھر بڑا اضافہ دیکھنے میں آیا ہے کہ جس نے پچھلے تمام ریکارڈز کو بہت پیچھے چھوڑ دیا۔

    آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 3100 روپے کا اضافہ ہوا جس کے بعد ملک میں سونے کی فی تولہ قیمت 2 لاکھ 17 ہزار 700 روپے ہوگئی ہے۔

    دس گرام سونے کا بھاؤ 2656 روپے اضافے سے 186643 روپے ہے جبکہ عالمی بازار میں سونے کا بھاؤ 6 ڈالر کم ہو کر 2002 ڈالر فی اونس ہے۔

    یاد رہے کہ گزشتہ کاروباری ہفتے کے آخری روز سونے کی قیمت میں کسی قسم کا ردوبدل نہیں ہوا تھا اور سونا 2 لاکھ 14 ہزار 600 روپے تولہ تھا۔