پاکستان میں سونے میں کی گئی سرمایہ کاری نے اتنا حیران کن منافع حاصل کیا ہے کہ شیئر مارکیٹ کو بھی پیچھے چھوڑ دیا ہے۔
تفصیلات کے مطابق گزشتہ 6 برسوں میں سونے نے سرمایہ کاری کے معاملے میں شیئر مارکیٹ کو پیچھے چھوڑ دیا ہے، مئی 2019 میں سونے کی قیمت تقریباً 30 ہزار روپے فی 10 گرام تھی، لیکن جون 2025 میں اس کی قیمت ایک لاکھ روپے فی 10 گرام سے بھی تجاوز کر گئی۔
چھ سال میں سونے نے 200 فی صد سے زیادہ منافع دے کر شیئر مارکیٹ پر بھی سبقت حاصل کر لی، جب کہ اسی دوران نِفٹی-50 نے تقریباً 120 فی صد کا منافع دیا۔
سونے کی ان مسلسل اور بے پناہ بڑھتی قیمتوں کی وجہ کیا ہے؟
ماہرین نے چند اہم عوامل کی نشان دہی کی ہے، جن میں یہ شامل ہیں:
عالمی سطح پر معاشی غیر یقینی صورت حال، مہنگائی میں مسلسل اضافہ، مرکزی بینکوں کی جانب سے شرحِ سود میں نرمی، اور سرمایہ کاروں کا سونے کی طرف بڑھتا رجحان۔
عالمگیر کرونا وبا، روس یوکرین جنگ اور حالیہ عالمی تجارتی کشیدگیوں نے بھی سونے کی قیمت کو نئی بلندیوں تک پہنچانے میں اپنا کردار ادا کیا۔
تاہم، سونے نے گزشتہ چند برسوں میں مسلسل مثبت منافع دیا ہے، 2016 میں 11.35 فی صد، 2017 میں 5.11 فی صد، 2018 میں 7.91 فی صد، 2019 میں 23.79 فی صد، 2020 میں 27.97 فی صد، 2022 میں 13.19 فی صد، 2023 میں 15.37 فی صد، 2024 میں 20.61 فی صد اور 2025 میں اب تک 30.40 فی صد کا منافع ریکارڈ کیا گیا ہے۔
چاندی کی قیمت میں یکدم بڑا اضافہ
ان اعداد و شمار ظاہر ہوتا ہے کہ سونے نے نِفٹی اور سینسیکس سے بہتر کارکردگی دکھائی ہے۔ ماہرین کا کہنا ہے کہ سونا روایتی طور پر ایک ’محفوظ سرمایہ کاری‘ مانا جاتا ہے، خاص طور پر جب معیشت غیر مستحکم ہو۔ یہی وجہ ہے کہ جب دیگر اثاثے گراوٹ کا شکار ہوتے ہیں تو سرمایہ کار سونے کی طرف رخ کرتے ہیں۔
موجودہ دور میں جب مہنگائی بڑھ رہی ہے اور عالمی سطح پر مالیاتی پالیسیوں میں نرمی نظر آ رہی ہے، تو سونے کی مانگ اور قیمت دونوں بڑھتی جا رہی ہیں۔ کیا سونے کی قیمتیں آئندہ بھی بڑھتی رہیں گی؟ اس بارے میں ماہرین کا کہنا ہے کہ اگرچہ سونے نے سال کی پہلی ششماہی میں زبردست ریٹرن دیا ہے لیکن دوسری ششماہی میں بھی اس کی کارکردگی مضبوط رہنے کی امید ہے۔
ماہرین کے مطابق امریکا اور دیگر ممالک کے مرکزی بینکوں کی شرح سود میں کمی اس اضافے کی وجہ ہو سکتی ہے، تاہم کچھ ماہرین یہ بھی مانتے ہیں کہ اتنی تیزی کے بعد قیمتوں میں وقتی کمی بھی آ سکتی ہے، جس سے درمیانی مدت والے سرمایہ کاروں کو فائدہ ہوگا۔
