Tag: سونو نگم

ممبئی: بھارتی گلوکار سونونگم نے اپنی ہی فلم انڈسٹری پر بھڑکتے ہوئے کہا ہے کہ پاکستانی فن کاروں پر پابندی لگانی ہے تو انہیں بلایا ہی کیوں جاتا ہے، ہم کسی کو اپنا ساتھی بنا کر اسے مروادیتے ہیں پاکستان ایسا نہیں کرتا۔

بھارتی میڈیا کے مطابق گلوکار سونو نگم نے میڈیا سے گفتگو کرتے ہوئے کہا کہ اگر بالی ووڈ فلم سازوں کو پاکستانی فن کاروں پر پابندی لگانی ہے تو پھر انہیں بلایا ہی کیوں جاتا ہے، سونو نگم کو پاکستانی فن کاروں کی حمایت میں گفتگو کرنے پر تنقید کا نشانہ بھی بنایا گیا۔

سونو نگم نے کہا کہ مجھے لگتا ہے کہ کہ پاکستان کے ساتھ ثقافتی تبادلے کو محدود کرنے کی ذمہ دار ہماری اپنی انڈسٹری ہے، یہ بات سمجھ لینی چاہئے کہ پاکستانی فن کاروں پر پابندی لگانے سے دونوں ممالک کے مسائل حل نہیں ہوسکتے ہیں۔

واضح رہے کہ اس سے قبل بھی سونو نگم نے بھارتی میڈیا کو آڑے ہاتھوں لیتے ہوئے کہا تھا کہ پاک بھارت کشیدگی کو ہوا دینے میں میڈیا کا متعصبانہ رویہ تھا، میڈیا نے غیرذمہ دارانہ اور جذباتوں کو بھڑکانے والی رپورٹنگ کرکے جنگ کا ماحول بنایا اور عوام کے غصے کو بڑھاوا دیا۔

مزید پڑھیں: بھارتی گلوکار سونو نگم اپنے ہی میڈیا پر برس پڑے

خیال رہے کہ پلواما میں 44 بھارتی فوجیوں کی ہلاکت کے بعد سے پاک بھارت کشیدگی میں اضافہ ہوا تھا، اس کے بعد پاکستان نے فضائی حدود کی خلاف ورزی پر بھارت کے دو طیارے مار گرائے تھے۔

پاک بھارت کشیدگی کے بعد بھارتی حکومت نے پاکستانی فن کاروں پر بھارت میں کام کرنے پر پابندی عائد کردی تھی۔

بھارتی فلموں کی مقبولیت میں پاکستانی گلوکاروں عاطف اسلم اور راحت فتح علی خان کے گانوں کا اہم کردار ہوتا ہے، دونوں گلوکاروں نے متعدد بالی ووڈ فلموں میں اپنی آواز کا جادو جگایا ہے۔

ممبئی: بھارت کے معروف گلوکار سونو نگم اپنے ہی میڈیا پر برس پڑے اور تمیز سیکھنے کا مشورہ دے دیا۔

تفصیلات کے مطابق بھارتی گلوکار سونو نگم نے ایک انٹرویو کے دوران کہا کہ ہمارے میڈیا اور صحافیوں کو اب سمجھ دار ہوجانا چاہئے اور غلط بیانی سے گریز کرنا چاہئے، آپ پاکستان کے ساتھ غلط رویہ رکھیں گے تو وہ بھی سامنے سے جواب دیں گے۔

سونو نگم نے کہا کہ ہمارا میڈیا لوگوں کی موت کا جشن مناتا ہے کسی کی موت کا جشن ہم کیسے مناسکتے ہیں، ہمارے میڈیا کو سبق سیکھنے کی ضرورت ہے، ہمیں بھی اچھا انسان بننے کی ضرورت ہے۔

بھارتی گلوکار کا کہنا تھا کہ بھارتی میڈیا کے نامناسب روئیے کی وجہ سے جہاں دنیا بھر میں بھارت کی بدنامی ہورہی ہے وہیں خود بھارت سے بھی اپنے میڈیا کے خلاف آوازیں اٹھنے لگی ہیں۔

مزید پڑھیں: پاکستانی فنکاروں کی حمایت کرنے پر بھارتی اداکارہ کو جان سے مارنے کی دھمکیاں

انہوں نے کہا کہ میچ میں ابھی پہلی ہی گیند کرائی گئی تھی اور میڈیا نے شور مچانا شروع کردیا کہ ہم جیت گئے، یہ بھارتی میڈیا کی بہت ہی احمقانہ حرکت ہے، آپ اشتعال انگیز ٹویٹس کررہے ہیں اور سامنے والے کو چڑا رہے ہیں۔

دوسری جانب بھارتی میڈیا کے مطابق سونو نگم نے میڈیا پر شدید تنقید اس لیے کی ہے کہ کیونکہ میڈیا نے ان کے بیان کو توڑ مروڑ کر پیش کیا تھا، جس میں انہوں نے مزاحیہ انداز میں کہا تھا کہ کتنا اچھا ہوتا اگر میں پاکستان میں پیدا ہوتا اور پھر مجھے بھی بھارت سے میوزک انڈسٹری میں کام کرنے کے بڑے مواقع پیش آتے۔

ممبئی: بھارت کے نامور گلوگار سونو نگم نے اپنی خوفناک تصاویر سوشل میڈیا پر شیئر کرتے ہوئے بتایا کہ انہیں سمندری کھانا کھانے کی وجہ سے اسپتال جانا پڑ گیا۔

تفصیلات کے مطابق بھارتی ریاست اڑیسہ میں سونو نگم نے ایک پروگرام میں پرفارم کیا جہاں اُن کو ایک مداح نے سی فوڈ کھانے کی پیش کش کی جسے گلوکار نے قبول کرلیا۔

سونو نگم نے سی فوڈ کھا تو لیے مگر اُس کے بعد اُن کی طبیعت اس قدر ناساز ہوئی کہ انہیں اسپتال منتقل ہونا پڑا اور چہرہ مکمل سوج گیا۔

ویڈیو دیکھیں: بھارتی گلوکار ’’سونونگم‘‘ کا سڑک پربھیس بدل کرفن کا مظاہرہ

گلوکار نے سماجی رابطے کی ویب سائٹ پر اپنی دو تصاویر شیئر کرتے ہوئے دوستوں کو ہدایت کی کہ اگر کسی کو خدشہ ہو کہ کوئی بھی چیز صحت کے لیے مضر ہے تو اُس سے پرہیز کرنا ہی عقل مندی ہے، ایسی تمام چیزوں اور کھانوں سے اجتناب کرنا چاہیے۔

View this post on Instagram

Thanks for your concern and love. Now that you know that I am returning back from Jeypore Orissa after managing a concert last night, I now don’t mind sharing how I was the day before yesterday. 😇 Lesson for all of us, Never ever ever ever take a chance with allergies. Sea food in my case. If Nanavati Hospital wasn’t near by, my trachea would have swollen up further and lead to asphyxiation. Happy and Healthy life to everyone. #health #lifeisbeautiful #goodfortune

A post shared by Sonu Nigam (@sonunigamofficial) on Feb 5, 2019 at 11:38pm PST

سونو نگم نے بتایا کہ انہیں ممبئی کے نانا وتی اسپتال لایا گیا جہاں ڈاکٹرز نے بروقت علاج کیا اگر ایسا نہ ہوتا تو اُن کی طبیعت مزید ناساز ہوجاتی جس کے بعد کئی پیچیدگیوں کا سامنا بھی کرنا پڑتا۔

یہ بھی پڑھیں: ’کاش میں پاکستانی ہوتا‘، سونو نگم کو بھارتی ہونے پر مایوسی

بھارتی میڈیا رپورٹس کے مطابق ابتدائی ٹیسٹ میں اس بات کی تشخیص ہوئی کہ سونو نگم کو سی فوڈ کھانے کی وجہ سے الرجی ہوئی جس کے نتیجے میں اُن کی ایک آنکھ سوجھ گئی اور انہیں ابھی سانس لینے میں بھی دشواری کا سامنا ہے۔