کراچی : ملک میں سونے کی فی تولہ قیمت 800 روپے کم ہوگئی جبکہ ڈالر کی قدر میں بھی 4 پیسے کمی واقع ہوگئی۔
اے آر وائی نیوز کی رپورٹ کے مطابق آل پاکستان جیولرز مینوفیکچررز ایسوسی ایشن محمد ارشد کا کہنا ہے کہ ملک میں فی تولہ سونے کی قیمت 800 روپے کمی کے بعد 109000 روپے ہوگئی۔
فی تولہ قیمت میں کمی کے بعد 10 گرام سونے کی قیمت 685 روپے کمی کے بعد 93449 روپے ہوگئی۔
عالمی مارکیٹ میں بھی سونے کی قیمت میں کمی کا رجحان رہا، جس کے باعث سونے کی قیمتوں میں 17 ڈالر کمی کے بعد 1770 ڈالر فی اونس پر ٹریڈنگ جاری رہی۔
ڈالر کی قدر میں کمی کا رجحان
دوسری جانب انٹر بینک میں ڈالر 4 پیسے سستا ہوگیا اور انٹر بینک میں ڈالر 159.46 سے کم ہوکر 159.42 روپے پر بند ہوا۔
اسٹاک ایکسچینج میں تیزی
پاکستان اسٹاک ایکسچینج میں بھی تیزی کا رجحان رہا، 100 انڈیکس 261 پوائنٹس اضافے سے 41 ہزار کی سطح پر بحال ہوا اور 41068 کی سطح پر بند ہوا۔
