Tag: سونے کی قیمتیں

کراچی: سونے کی فی تولہ قیمت میں مزید ایک ہزار روپے کی کمی ہو گئی ہے، جس کے بعد سونا 69 ہزار 450 روپے فی تولہ ہو گیا۔

تفصیلات کے مطابق سونے کی فی تولہ قیمت میں مزید 1000 روپے کی کمی کے بعد سونے کی فی تولہ قیمت 69 ہزار 450 روپے ہو گئی ہے۔

10 گرام سونا 860 روپے کمی کے بعد 59 ہزار 540 روپے کا ہو گیا، جب کہ عالمی مارکیٹ میں سونا 4 ڈالر اضافے کے بعد 1285 ڈالر فی اونس کی سطح پر آ گیا ہے۔

یاد رہے کہ دو دن قبل سونے کی فی تولہ قیمت میں 620 روپے کی کمی ہوئی تھی، رواں ماہ سونے کی قیمتوں میں کمی کا رجحان دیکھنے میں آ رہا ہے۔

یہ بھی پڑھیں:  پاکستان اسٹاک ایکسچینج میں رواں ہفتے100 انڈیکس میں 2537 پوائنٹس کا اضافہ

13 مئی کو بھی بین الاقومی گولڈ مارکیٹ میں فی اونس سونے کی قیمت میں دو ڈالرکی کمی ریکارڈ کی گئی جس کے نتیجے میں مقامی صرافہ مارکیٹوں میں فی تولہ سونا 500 روپے تک سستا ہو گیا تھا۔

اس سے قبل 2 مئی کو عالمی بلین مارکیٹ میں سونے کی فی اونس قیمت میں 15 ڈالر کمی ریکارڈ کی گئی تھی جس کے بعد مقامی صرافہ بازاروں میں سونے کی فی تولہ قیمت میں 900 روپے جب کہ دس گرام میں 770 روپے کی کمی ہوئی۔

کراچی / اسلام آباد: عالمی بلین مارکیٹ اور مقامی صرافہ بازاروں میں سونے کی فی اونس قیمتیں مستحکم رہیں، فی تولہ اور دس گرام میں کوئی ردوبدل نہیں ریکارڈ کیا گیا۔

تفصیلات کے مطابق انٹرنیشنل مارکیٹ میں ٹریڈنگ کے دوران سونے کی قیمت 1285 ڈالر فی اونس پر مستحکم رہیں جس کے باعث مقامی مارکیٹوں میں بھی قیمتیوں میں کوئی ردوبدل نہیں ہوا۔

جیولرز ایسوسی ایشن کے چیئرمین محمد ارشد کے مطابق عالمی مارکیٹ میں قیمتیں مستحکم رہنے کے اثرات یقینی طور پر مارکیٹ پر بھی پڑے اور فی تولہ قیمت 68ہزار 900 روپے جبکہ دس گرام 59 ہزار 70 روپے  ریکارڈ کی گئی۔  کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین نئے ریٹ کے ساتھ ہوئی۔

دوسری جانب فی تولہ چاندی کی خرید و فروخت 880 روپے کے ساتھ ہوئی۔

یاد رہے کہ تین روز قبل عالمی بلین مارکیٹ میں سونے کی فی اونس قیمتوں میں 5 ڈالر کا اضافہ ریکارڈ کیا گیا تھا جس کے بعد مقامی صرافہ بازاروں میں سونے کی فی تولہ قیمت 500 روپے زیاد ہوگئی تھی۔

واضح رہے کہ 23 اپریل کو انٹرنیشنل مارکیٹ میں ٹریڈنگ کے دوران سونے کی قیمت میں 6 ڈالر کی کمی ریکارڈ ہوئی جس کے بعد سونے کی قیمت 1278 سے کم ہو کر1272 فی اونس تک پہنچ گئیں تھیں۔ بلین مارکیٹ میں کمی کے بعد مقامی صرافہ بازاروں میں سونے کی لین دین 900 روپے فی تولہ کمی کے ساتھ ہوئی تھی۔ چار روز قبل مارکیٹ میں سونا فی تولہ 68 ہزار 800 جبکہ دس گرام 772 روپے کم ہوکر 58 ہزار 984 روپے تک پہنچا تھا۔

یہ بھی یاد رہے کہ 13 روز قبل بلین مارکیٹ میں 03 ڈالر اضافے کے بعد قیمت فی اونس 1291 تک پہنچ گئیں تھیں، 23 اپریل سے قبل گزشتہ دس روز میں ٹریڈنگ کے دوران قیمتیں کم ہوئیں اور مجموعی طور پر 19 ڈالر کم ہوئے۔

پاکستان کے صرافہ بازاروں میں 13 اپریل کو سونے کی فی تولہ قیمت 50 روپے اضافے کے بعد 71ہزار 50 جبکہ 10 گرام 43 روپے بڑھ کر 60 ہزار 913 تک پہنچی تھیں۔ جیولیرز ایسوسی ایشن کے مطابق دس روز کے دوران سونے کی فی تولہ قیمتوں میں 2250 روپے کمی ہوئی۔

کراچی: ڈالر مہنگا ہونے سے سونے کی قیمت میں نمایاں اضافہ ہو گیا ہے، فی تولہ سونا ملکی تاریخ کی بلند ترین سطح 72 ہزار 200 روپے پر پہنچ گیا۔

تفصیلات کے مطابق سونے کی قیمتوں میں اضافے کے رجحان میں بے پناہ اضافہ ہو گیا ہے، ایک اور بڑی جست بھرتے ہوئے فی تولہ سونا 1000 روپے مہنگا ہو گیا۔

سونے کی فی تولہ قیمت میں ایک ہزار روپے اضافے کے بعد قیمت 72200 روپے پر پہنچ گئی ہے۔

دس گرام سونا 857 روپے مہنگا ہو گیا جس کے بعد دس گرام سونا بھی بلند سطح 61 ہزار 900 روپے پر پہنچ گیا ہے، دوسری طرف عالمی مارکیٹ میں سونا 3 ڈالر اضافے سے 1294 ڈالر فی اونس ہو گیا ہے۔

خیال رہے کہ انٹر بینک میں ڈالر مزید 30 پیسے مہنگا ہو گیا ہے، فاریکس ڈیلرز کے مطابق انٹر بینک میں ڈالر 141 روپے 39 پیسے پر بند ہوا۔

یہ بھی پڑھیں:   سونے کی قیمت تاریخ کی نئی ریکارڈ سطح پر پہنچ گئی، فی تولہ 70700 روپے کا ہو گیا

اوپن مارکیٹ میں ڈالر 50 پیسے مزید مہنگا ہوا، فاریکس ڈیلرز ایسوسی ایشن کے ملک بوستان کا کہنا ہے کہ ڈالر رواں سال کی بلند سطح 143 روپے پر پہنچ گیا ہے، 30 نومبر 2018 کو اوپن مارکیٹ میں ڈالر 144 روپے تھا۔

یاد رہے کہ گزشتہ روز بھی سونے کی قیمت میں فی تولہ 150 روپے کا اضافہ ہوا تھا، جس سے قیمت 70700 روپے ہو گئی تھی، دوسری جانب بین الاقوامی بلین مارکیٹ میں فی اونس سونے کی قیمت میں 3 ڈالر کی مزید کمی ہوئی تھی۔

کراچی: سونے کی قیمتوں میں مزید اضافہ ہو گیا ہے، سونے کی فی تولہ قیمت میں 50 روپے اضافے کے بعد سونا 70550 روپے فی تولہ ہو گیا ہے۔

تفصیلات کے مطابق ملک میں سونے کی قیمتوں میں اضافے کا رجحان جاری ہے، سونے کی فی تولہ قیمت میں پچاس روپے کا پھر اضافہ ہو گیا ہے جس کے بعد فی تولہ 70 ہزار پانچ سو پچاس روپے کا ہو گیا۔

10 گرام سونے کی قیمت میں 43 روپے کا اضافہ ہوا جس کے بعد دس گرام سونے کی قیمت 60485 روپے تک پہنچ گئی۔

دوسری طرف انٹرنیشنل مارکیٹ میں سونا 04 ڈالر کمی کے بعد 1288 ڈالر فی اونس کی سطح پر آ گیا ہے۔

چئیرمین پاکستان جیولرز ایسوسی ایشن محمد ارشد کا کہنا ہے کہ پاکستان میں 1320 ڈالر پر 70500 روپے فی تولہ سونا تھا تاہم پاکستانی کرنسی کی قدر گرنے کے باعث آج 1288 ڈالر پر سونا 70550 روپے فی تولہ ہو گیا۔

یہ بھی پڑھیں:  پاکستان میں سونے کی قیمتیں تاریخ کی بلند ترین سطح پر، فی تولہ 70400 روپے کا ہو گیا

خیال رہے کہ 25 مارچ کو پاکستان میں سونے کی قیمت تاریخ کی بلند ترین سطح پر پہنچ گئی تھی، فی تولہ سونے کی قیمت میں 150 روپے کے اضافے سے قیمت 70400 روپے ہو گئی تھی۔

سونے کی قیمتوں میں تاریخ ساز اضافے کے بعد اب بھی اضافے کا یہ رجحان جاری ہے۔

اسلام آباد / کراچی: پاکستان اسٹاک ایکسچینج میں کاروباری ہفتے کے دوران 100 انڈیکس میں 334 پوائنٹس کی کمی ریکارڈ کی گئی جبکہ سونے کی فی تولہ قیمتیں 800 روپے کم ہوئیں۔

تفصیلات کے مطابق حالیہ کاروباری ہفتے کے اختتام پر پاکستان اسٹاک ایکسچینج کا 100 انڈیکس 334 پوائنٹس کی کمی کے بعد 38 ہزار 251 پوائنٹس پر بند ہوا۔

رپورٹ کے مطابق ایک ہفتے کےدوران 23 ارب مالیت 52 کروڑ شیئرز کا کاوربار ہوا جبکہ مارکیٹ کا سرمایہ 22 ارب اضافے کے بعد 7780 ارب روپے تک پہنچ گیا۔

مزید پڑھیں: ہفتہ وار رپورٹ، اسٹاک میں 791 پوائنٹس کی کمی، روپے کی قدر مستحکم

دوسری جانب ڈالر کی ہفتہ وار رپورٹ کے مطابق ایک ہفتے کے دوران روپے کی قدر مستحکم رہی، انٹربینک میں ڈالر 5 پیسے مہنگا ہوکر 138.94 پیسے تک پہنچا جبکہ اوپن مارکیٹ میں امریکی کرنسی کی قیمت 20 پیسے کم ہوکر 140 روپے تک پہنچی۔

علاوہ ازیں سونے کی فی تولہ قیمتیں ملکی تاریخ کی بلند ترین سطح پر پہنچیں مگر ایک ہفتے کے دوران فی تولہ قیمت میں 800 روپے کمی ہوئی جس کے بعد قیمت 67 ہزار روپے تک پہنچی۔

ایک ہفتے کے دوران 10 گرام سونے کی قیمت 686 روپے کم ہوکر 57 ہزار 442 روپے تک پہنچیں جبکہ عالمی مارکیٹ میں سونا 4 ڈالر سستا ہوکر 1256 ڈالر فی اونس تک پہنچا۔