ARYNews.tv | Urdu – Har Lamha Bakhabar

Tag: سونے کی قیمت میں اضافہ

  • ملک میں آج بھی سونے کی قیمت میں بڑا اضافہ

    ملک میں آج بھی سونے کی قیمت میں بڑا اضافہ

    کراچی: ملک میں سونے کی قیمت میں اضافے کا سلسلہ جاری ہے، آج بھی فی تولہ سونے کی قیمت میں اضافہ دیکھا گیا۔

    آل پاکستان جیمز اینڈ جیولرز ایسوسی ایشن کے مطابق ملک میں آج فی تولہ سونا ایک ہزار روپے مہنگا ہوکر 3 لاکھ 61 ہزار 700 روپے کا ہوگیا۔

    اسی طرح 10 گرام سونا 857 روپے اضافے سے 3 لاکھ 10 ہزار 99 روپے کا ہوگیا جبکہ عالمی مارکیٹ میں سونا 10 ڈالر اضافے سے 3390 ڈالر فی اونس کا ہوگیا۔

    پاکستان میں آج ڈالر اور دیگر کرنسیوں کی قیمت

    واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

    پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔

  • فی تولہ سونا ملکی تاریخ کی بلند سطح 72 ہزار 200 روپے پر پہنچ گیا

    فی تولہ سونا ملکی تاریخ کی بلند سطح 72 ہزار 200 روپے پر پہنچ گیا

    کراچی: ڈالر مہنگا ہونے سے سونے کی قیمت میں نمایاں اضافہ ہو گیا ہے، فی تولہ سونا ملکی تاریخ کی بلند ترین سطح 72 ہزار 200 روپے پر پہنچ گیا۔

    تفصیلات کے مطابق سونے کی قیمتوں میں اضافے کے رجحان میں بے پناہ اضافہ ہو گیا ہے، ایک اور بڑی جست بھرتے ہوئے فی تولہ سونا 1000 روپے مہنگا ہو گیا۔

    سونے کی فی تولہ قیمت میں ایک ہزار روپے اضافے کے بعد قیمت 72200 روپے پر پہنچ گئی ہے۔

    دس گرام سونا 857 روپے مہنگا ہو گیا جس کے بعد دس گرام سونا بھی بلند سطح 61 ہزار 900 روپے پر پہنچ گیا ہے، دوسری طرف عالمی مارکیٹ میں سونا 3 ڈالر اضافے سے 1294 ڈالر فی اونس ہو گیا ہے۔

    خیال رہے کہ انٹر بینک میں ڈالر مزید 30 پیسے مہنگا ہو گیا ہے، فاریکس ڈیلرز کے مطابق انٹر بینک میں ڈالر 141 روپے 39 پیسے پر بند ہوا۔

    یہ بھی پڑھیں:   سونے کی قیمت تاریخ کی نئی ریکارڈ سطح پر پہنچ گئی، فی تولہ 70700 روپے کا ہو گیا

    اوپن مارکیٹ میں ڈالر 50 پیسے مزید مہنگا ہوا، فاریکس ڈیلرز ایسوسی ایشن کے ملک بوستان کا کہنا ہے کہ ڈالر رواں سال کی بلند سطح 143 روپے پر پہنچ گیا ہے، 30 نومبر 2018 کو اوپن مارکیٹ میں ڈالر 144 روپے تھا۔

    یاد رہے کہ گزشتہ روز بھی سونے کی قیمت میں فی تولہ 150 روپے کا اضافہ ہوا تھا، جس سے قیمت 70700 روپے ہو گئی تھی، دوسری جانب بین الاقوامی بلین مارکیٹ میں فی اونس سونے کی قیمت میں 3 ڈالر کی مزید کمی ہوئی تھی۔

  • سونے کی قیمت تاریخ کی نئی ریکارڈ سطح پر پہنچ گئی، فی تولہ 70700 روپے کا ہو گیا

    سونے کی قیمت تاریخ کی نئی ریکارڈ سطح پر پہنچ گئی، فی تولہ 70700 روپے کا ہو گیا

    کراچی: سونے کی قیمت تاریخ کی نئی ریکارڈ سطح پر پہنچ گئی، فی تولہ 150 روپے اضافے سے 70 ہزار 700 روپے کا ہو گیا۔

    تفصیلات کے مطابق سونے کی قیمتوں میں اضافے کا رجحان مزید تیز ہو گیا ہے، قیمتیں تاریخ کی نئی ریکارڈ سطح پر آ گئیں، فی تولہ 70700 روپے کا ہو گیا ہے۔

    بین الاقوامی بلین مارکیٹ میں فی اونس سونے کی قیمت میں 3 ڈالر کی مزید کمی ہونے کے باوجود مقامی صرافہ مارکیٹوں میں فی تولہ سونا 150 روپے مہنگا ہو گیا۔

    آل کراچی صراف اینڈ جیولرز ایسوسی ایشن کے مطابق منگل کو بین الاقوامی گولڈ مارکیٹ میں فی اونس سونے کی قیمت 1291 ڈالر سے گھٹ کر 1288 ڈالر ہو گئی۔

    یہ بھی پڑھیں:  سونے کی قیمت میں مزید اضافہ، فی تولہ 70550 روپے کا ہو گیا

    دوسری طرف کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں 10 گرام سونے کی قیمت میں 129 روپے کا اضافہ ریکارڈ کیا گیا۔

    فی تولہ سونے کی قیمت 70550 روپے سے بڑھ کر 70700 روپے اور دس گرام سونے کی قیمت 60485 روپے سے بڑھ کر 60614 روپے ہوئی۔

    آج منگل کو چاندی کی فی تولہ قیمت میں بھی 10 روپے اور دس گرام قیمت میں 8.60 روپے کا اضافہ ریکارڈ کیا گیا، جس کے نتیجے میں چاندی کی فی تولہ قیمت 890 روپے سے بڑھ کر 900 روپے اور دس گرام چاندی کی قیمت 763 روپے سے بڑھ کر 771.60 روپے کی نئی بلند ترین سطح پر پہنچ گئی۔

  • پاکستان میں سونے کی قیمتیں تاریخ کی بلند ترین سطح پر، فی تولہ 70400 روپے کا ہو گیا

    پاکستان میں سونے کی قیمتیں تاریخ کی بلند ترین سطح پر، فی تولہ 70400 روپے کا ہو گیا

    کراچی: پاکستان میں سونے کی قیمت تاریخ کی بلند ترین سطح پر پہنچ گئی ہے، فی تولہ سونے کی قیمت 70400 روپے ہو گئی۔

    تفصیلات کے مطابق سونے کی قیمتوں میں اضافے کا سلسلہ جاری رہا، آج سونے کی فی تولہ قیمت میں 150 روپے کا اضافہ ہو گیا، جس کے بعد فی تولہ قیمت بلند ترین سطح پر پہنچ گئی۔

    چئیرمین پاکستان جیولرز ایسوسی ایشن محمد ارشد نے بتایا کہ فی تولہ سونا ملکی تاریخ کی بلند ترین سطح 70400 روپے پر پہنچ گیا ہے۔

    10 گرام سونے کی قیمت میں 128 روپے اضافہ کے بعد دس گرام سونے کی موجودہ قیمت 60356 روپے ہو گئی ہے۔

    انٹرنیشنل مارکیٹ میں سونا 06 ڈالر اضافے کے بعد 1319 ڈالر فی اونس کی سطح پر آ گیا ہے۔

    یہ بھی پڑھیں:  سونے کی فی تولہ قیمت میں ایک بار پھر اضافہ

    یاد رہے کہ تین دن قبل عالمی مارکیٹ میں سونے کی قیمتوں میں کمی کے باوجود پاکستان کے صرافہ بازاروں میں سونے کی فی تولہ قیمت میں 400 روپے کا اضافہ کیا گیا تھا۔

    یہ بھی پڑھیں:  نجی بینک میں ڈکیتی کا انوکھا واقعہ، لاکر توڑے بغیر لاکھوں مالیت کا سونا غائب

    دوسری جانب انٹر بینک میں ڈالر پانچ پیسے مہنگا ہو کر 139 روپے 49 پیسے پر بند ہوا تھا جب کہ اوپن مارکیٹ میں ڈالر 40 پیسے مہنگا ہوا، ڈالر کی قیمتوں میں اضافے سے اوپن مارکیٹ میں ڈالر کی قیمت 140 روپے 30 پیسے ہو گئی تھی۔

  • ڈالر کی قیمت میں غیر معمولی اضافہ، پاکستان میں سونا مہنگا ہوگیا

    ڈالر کی قیمت میں غیر معمولی اضافہ، پاکستان میں سونا مہنگا ہوگیا

    کراچی: ملک میں ڈالر کی قیمت 122 روپے کی بلند ترین سطح پر پہنچنے کے بعد سونے کی قیمت میں بھی بے حد اضافہ ہوگیا ہے۔

    تفصیلات کے مطابق بیرونی ادائیگیوں کے باعث ڈالرکی قدر میں اضافے سے سونا بھی مہنگا ہوگیا ہے، گولڈ ڈیلرز کے مطابق فی تولہ سونے کی قیمت میں 800 روپے کا اضافہ ہوا۔

    گولڈ ڈیلرز کے مطابق سونے کی قیمت میں اضافے کے بعد ملک بھر میں فی تولہ سونے کی قیمت 58400 روپے ہوگئی ہے، کہا جارہا ہے کہ یہ ڈالر کی قیمت میں غیر معمولی اضافے کے اثرات ہیں۔

    دوسری طرف عالمی منڈی میں سونے کی قیمت کم ہوگئی ہے، اس کے باوجود پاکستان میں سونا مہنگا ہوا، عالمی منڈی میں فی اونس سونے کی قیمت چار ڈالر کم ہو کر 1295 ڈالر پر آگئی ہے۔

    ملک میں دس گرام سونے کی قیمت میں 685 روپے کا اضافہ ہوا جس کے بعد کراچی، حیدرآباد، لاہور، ملتان، فیصل آباد، اسلام آباد، راولپنڈی اور کوئٹہ کی صرافہ مارکیٹوں میں سونے کی فی دس گرام قیمت 50068 روپے ہوگئی ہے۔

    ڈالر کی قیمت 122 روپے کی بلند ترین سطح پر جاپہنچی

    خیال رہے کہ بین الاقوامی مارکیٹ میں سونے کے نرخ میں اضافے کے باعث مقامی مارکیٹ میں بھی سونے کے نرخ میں اتار چڑھاؤ آتا ہے۔

    واضح رہے کہ سونے کی قمیت میں موجودہ اضافہ نگراں حکومت اور اسٹیٹ بینک کی طرف سے روپے کی قدر گرانے کی وجہ سے ہوا ہے اس لیے سونے کی عالمی منڈی میں کم ہونے والی قیمت کے اثرات نہیں پہنچ سکے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔