کراچی : پاکستان میں سونے کی فی تولہ قیمت کا نیا ریکارڈ قائم ہوگیا ، آج بھی 500 روپے کا اضافہ ہوا۔
بین الاقوامی مارکیٹ میں سونے کی قیمت میں مسلسل اضافہ دیکھا جا رہا ہے، جس کے باعث پاکستان میں سونے کی قیمت آج بھی تاریخ کی بلند ترین سطح پر رہی۔
پاکستان میں سونا تاریخ کی بلند ترین سطح پر ٹریڈ کر رہا ہے، ملک میں فی تولہ سونا 500 روپے اضافے کے ساتھ 2 لاکھ 72 ہزار 500 روپے ہوگیا۔
دس گرام سونے 429 روپے اضافے کے ساتھ 2 لاکھ 33 ہزار چھ سو پچیس روپے کا ہو گیا جبکہ چاندی کی فی تولہ قیمت 2 ہزار 950 روپے پر مستحکم رہی
عالمی مارکیٹ میں سونے کی قیمتوں تاریخ کی بلند ترین سطح پر پہنچ گئی، قیمت میں 10 ڈالر فی اونس کا اضافہ ہوا، جس کے بعد بین الاقوامی مارکیٹ میں سونا 2622 ڈالر پر پہنچ گیا۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
