Tag: سونے کی قیمت

سونے کی فی تولہ قیمت میں خاطر خواہ کمی

کراچی : ملک بھر میں گزشتہ روز سونے کی قیمت میں 2800 روپے اضافے کے بعد آج 800 روپے کمی کردی گئی۔

تفصیلات کے مطابق ملک بھر میں سونے کی قیمت میں اضافے کا سلسلہ فی الحال رک گیا، عالمی مارکیٹ میں فی اونس سونے کی قیمت میں پانچ امریکی ڈالر کی کمی دیکھی گئی جس کے اثرات مقامی مارکیٹ پر بھی پڑے۔

عالمی منڈی میں سونے کی نئی قیمت5 ڈالر فی اونس کی کمی کے بعد 1960 امریکی ڈالر ہوگئی ہے۔

آل پاکستان جیمز اینڈ جیولرز ایسوسی ایشن کی جانب سے جاری اعداد و شمار کے مطابق سونے کی فی تولہ قیمت 800 روپے کم ہو کر 2 لاکھ 24 ہزار 500 روپے ہوگئی ہے جبکہ 10 گرام سونے کی قیمت 685 روپے کم ہوکر 192473روپے ہے۔

جولائی 25, 2023
سعودی عرب : سونے کی فی تولہ قیمت میں کمی

ریاض : عالمی منڈی میں سونے کی قیمتوں کمی کے بعد سعودی گولڈ مارکیٹ میں سونے کی فی تولہ قیمت میں کمی سامنے آئی ہے۔

سعودی ذرائع ابلاغ کی رپورٹ کے مطابق 24 قیراط ایک گرام سونے کی قیمت 235.59 ریال ریکارڈ کی گئی جو گزشتہ روز 236.43 ریال روپے تھی۔

رپورٹ کے مطابق 22 قیراط ایک گرام 215.95 اور18 قیراط 176.69 ریال رہی جبکہ 21 قیراط ایک گرام سونا 206.14 ریال میں فروخت کیا جاتا رہا۔ یاد رہے کہ گزشتہ روز 22 قیراط کی 216.73 اور 18 قیراط ایک گرام کی قیمت 177.32 ریال ریکارڈ کی گئی جبکہ 21 قیراط ایک گرام سونا 206.88 ریال میں فروخت ہورہا تھا۔

دوسری جانب گولڈ مارکیٹ میں21 قیراط آٹھ گرام کی گنی 1,076.69 ریال، 22 قیراط کی گنی 2,073.15 ریال جبکہ 24 قیراط کی گنی 2,261.62 ریال اور ایک کلوگرام سونا 237,234.27 ریال میں دستیاب رہا۔

دوسری جانب گزشتہ روز عالمی منڈی میں سونے کی قیمتوں کمی کے اثرات مقامی مارکیٹ پر بھی دیکھے گئے ہیں، ملکی صرافہ بازاروں میں فی تولہ سونے کی قیمت 1300 روپے سے کم ہو کر دو لاکھ 13 ہزار 200 روپے ہوگئی۔ اسی طرح سونے کی فی 10 گرام قیمت 1115 روپے کم ہوکر ایک لاکھ 67 ہزار 553 روپے ہوگئی۔

جولائی 16, 2023
سونے کی قیمت میں ایک بار پھر کمی

پاکستان میں ایک مرتبہ پھر سونے کی فی تولہ قیمت میں نمایاں کمی سامنے آئی ہے عالمی مارکیٹ میں بھی نرخوں میں کمی ریکارڈ کی گئی۔

تفصیلات کے مطابق آل پاکستان جیمز اینڈ جیولرز ایسوسی ایشن کا کہنا ہے کہ ملک میں سونے کی فی تولہ قیمت 1800 روپے کم ہوکر 2 لاکھ 18 ہزار 700 روپے ہوگئی ہے۔

بین الاقوامی مارکیٹ میں فی اونس سونے کی قیمت میں سترہ امریکی ڈالر کی گراوٹ دیکھنے میں آئی جس کے بعد نئی قیمت ایک ہزار 934 امریکی کرنسی ہوگئی ہے۔

دوسری جانب دس گرام سونے کی قیمت میں 1543 روپے کی بڑی کمی دیکھی گئی اور نئی قدر ایک لاکھ 87 ہزار 500 روپے ہو گئی ہے۔

تاہم فی تولہ اور دس گرام چاندی کی قیمتوں میں بھی 50 روپے اور 42.87 روپے کی گراوٹ دیکھی گئی ، قدریں بالترتیب 2550 روپے اور 2186.21 روپے ہو گئی ہے۔

جون 21, 2023
عرب امارات میں سونے کے قیمت میں مسلسل کمی

ابو ظہبی: متحدہ عرب امارات میں سونے کی قیمت مسلسل گھٹ رہی ہے جس کے بعد سونے کی خریداری میں اضافہ ہورہا ہے۔

اردو نیوز کے مطابق متحدہ عرب امارات کی گولڈ مارکیٹس میں گزشتہ 3 ہفتوں کے دوران ایک گرام سونے کی قیمت میں ساڑھے گیارہ درہم کی کمی ریکارڈ کی گئی ہے۔

سونے کے نرخ مسلسل 3 ہفتے سے کم ہو رہے ہیں، رواں ہفتے کے آخر تک مختلف قیراط کے سونے کی قیمت میں ڈیڑھ تا 2 درہم کمی ہوئی ہے۔

گزشتہ 3 ہفتوں کے دوران مجموعی کمی ساڑھے 11 درہم ریکارڈ کی گئی ہے۔

شورومز کے ذمہ داران کا کہنا ہے کہ مسلسل تیسرے ہفتے نرخوں میں کمی کے باعث سونے کے زیورات اور سونے کے سکے خریدنے والوں کی تعداد میں اضافہ دیکھنے میں آیا ہے۔

ان کا کہنا ہے کہ بعض لوگ اپنی بچت سونے میں محفوظ کرنے کے لیے سکے خرید رہے ہیں جبکہ متعدد نے سونے کے نرخوں میں کمی کا فائدہ اٹھاتے ہوئے زیورات کی خریداری کی۔

مئی 30, 2023
سونے کی قیمت میں ایک بار پھر اضافہ

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے تیسرے روز سونے کی قیمت میں اضافہ ریکارڈ کیا گیا ہے۔

تفصیلات کے مطابق بین الاقوامی بلین مارکیٹ میں سونے کی فی اونس قیمت میں27 ڈالر کا اضافہ ہوا اور عالمی مارکیٹ میں فی اونس سونے کی قیمت 1929 ڈالر تک پہنچ گئی جس کے اثرات یہاں کی مقامی مارکیٹ پر بھی پڑے۔

جس کے باعث پاکستان میں بھی بدھ کے روز سونے کی فی تولہ اور دس گرام قیمت میں بالترتیب 3500 روپے اور 3000 روپے کا غیرمعمولی اضافہ ہوگیا۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک میں فی تولہ سونا تاریخ کی بلند ترین سطح پر پہنچ گیا۔

ملک بھر میں سونے کی فی تولہ قیمت 3500 روپے اضافے کے بعد 2 لاکھ 5 ہزار روپے ہوگئی ہے جبکہ 10 گرام سونے کی قیمت 3000 روپے اضافے کے بعد 1 لاکھ 75 ہزار 754 روپے ہوگئی ہے۔

قیمتوں میں اضافے کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونے کی فی تولہ قیمت 3500 روپے اضافے کے بعد 2 لاکھ 5 ہزار روپے ہوگئی ہے جبکہ 10 گرام سونے کی قیمت 3000 روپے اضافے کے بعد 1 لاکھ 75 ہزار 754 روپے ہوگئی ہے۔

اس کے برعکس مقامی صرافہ مارکیٹوں میں چاندی کی فی تولہ اور دس گرام قیمت بالترتیب 2250 روپے اور 1929 روپے کی سطح پر برقرار رہی۔

فروری 1, 2023
سونے کی قیمت 2 لاکھ روپے تولہ سے بھی تجاوز کرگئی

کراچی : امریکی ڈالر کی اونچی اڑان کے بعد اب سونے کی قیمت بھی تاریخ کی بلند ترین سطح پر پہنچ کر دولاکھ روپے فی تولہ سے بھی تجاوز کرگئی۔

تفصیلات کے مطابق سونے کی فی تولہ قیمت نے 2 لاکھ روپے کا ہندسہ عبور کرکے نیا ریکارڈ قائم کردیا ہے، عالمی مارکیٹ میں سونے کی فی اونس قیمت میں 6 ڈالر کی کمی ہوئی۔

آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت میں بالترتیب 7000 روپے اور6000 روپے کا اضافہ ہوا ہے۔

سونے کی قیمت میں ہونے والے حالیہ اضافے نے تمام سابقہ ریکارڈ توڑتے ہوئے نیا ریکارڈ قائم کردیا جو ملکی تاریخ کی بلند ترین سطح پر پہنچ گئی۔

قیمتوں میں اضافے کے نتیجے میں کراچی، حیدرآباد، ملتان، لاہور، اسلام آباد، راولپنڈی، پشاور، فیصل آباد اور کوئٹہ کی صرافہ مارکیٹوں میں سونے کی فی تولہ قیمت 2 لاکھ 2 ہزار 500 روپے کی نئی بلند ترین سطح پر پہنچ گئی جبکہ دس گرام سونے کی قیمت بھی ایک لاکھ 73 ہزار 610 روپے ہوگئی۔

اس کے علاوہ بین الاقوامی بلین مارکیٹ میں فی اونس سونے کی قیمت میں 6 ڈالر کی کمی ہوئی اور عالمی مارکیٹ میں سونے کی فی اونس قیمت 1936 ڈالر کی سطح پر آگئی۔

دوسری جانب مقامی صرافہ مارکیٹوں میں چاندی کی فی تولہ اور دس گرام قیمت میں بالترتیب50 روپے اور 42روپے86 پیسے کا اضافہ ہوا، اور فی تولہ چاندی 2200 روپے جب کہ دس گرام چاندی 1886 روپے 14پیسے ہوگئی۔

جنوری 27, 2023
سونے کی قیمت ملکی تاریخ کی بلند ترین سطح پر جا پہنچی

کراچی : سونے کی فی تولہ قیمت میں کچھ روز کمی نے بعد ایک بار پھر اضافہ کردیا گیا، جس کے بعد ملکی تاریخ کی نئی بلند ترین سطح پر پہنچ گئے۔

اس حوالے سے ذرائع کا کہنا ہے کہ آل پاکستان جیمز اینڈ جیولرز ایسوسی ایشن کے مطابق منگل کے روز بین الاقوامی مارکیٹ میں سونے کے دام 14 ڈالر بڑھ کر فی اونس 1938 ڈالر ہوگئے۔

صرافہ بازار میں فی تولہ سونا 1150 روپے اضافے کے بعد ایک لاکھ 89 ہزار 300 روپے اور دس گرام 986 روپے مہنگا ہوکر ایک لاکھ 62 ہزار 294 روپے کا ہوگیا۔

ملکی تاریخ میں ایک تولہ سونے کی قیمت اس وقت یہ بلند ترین سطح پر ہے۔ دوسری جانب چاندی کے بھاؤ 2100روپے فی تولہ اور 1800 روپے فی دس گرام پر مستحکم رہے۔

جنوری 24, 2023
2022 میں سونے کی قیمت میں کتنا اضافہ اور کیوں ہوا؟

کراچی: سال 2022 سونے کی تجارت کے لیے مایوس کن رہا، ملک میں جاری سیاسی کشمکش اور ابتر معاشی صورت حال سے سو نے کی مارکیٹ بھی عدم استحکام کا شکار رہی اور 2022 میں سونے کی قیمت میں 58 ہزار 600 روپے اضافہ ہوا۔

تفصیلات کے مطابق سال 2022 کے دوران سونا ملکی تاریخ میں بلند ترین سطح پر پہنچ گیا ہے، یکم جنوری 2022 کو سونے کی فی تولہ قیمت 1 لاکھ 26 ہزار روپے کی سطح پر تھی، جو بڑھ کر 1 لاکھ 84 ہزار 600 روپے ہو گئی۔

دس گرام سونے کی قیمت 50 ہزار روپے اضافے سے ایک لاکھ 57 ہزار 950 روپے ہو گئی۔

جیولرز ایسوسی ایشن کے صدر محمد ارشد کے مطابق سونا مہنگا ہونے سے سونے کے زیورات کی خریداری میں 50 فی صد کمی آئی ہے۔

محمد ارشد نے کہا کہ سونا مہنگا ہونے کی وجہ سے شہریوں نے شادی اور دیگر تقریبات کے لیے سونے کی خریداری کم کر دی ہے، دو وقت کا کھانا خریدنا مشکل ہو گیا ہے، بیٹیوں کو شادی میں سونے کے زیورات کیسے بنا کر دیں۔

سونے کے تاجروں کے مطابق ملک میں سونے کے زیورات کی قیمت میں اضافے سے طلب میں کمی کا رجحان دیکھا گیا۔

عالمی مارکیٹ میں سال بھر میں سونے کی قیمت میں صرف 21 ڈالر فی اونس کا اضافہ ہوا، لیکن ڈالر کی قدر میں اضافے سے سرمایہ کاروں نے خالص سونے کی خریداری شروع کر دی، جس سے ملک میں سونے کی قیمت تاریخ بلند ترین سطح کو چھو گئی۔

جنوری 1, 2023
‘پاکستان اپنے بیرونی قرضوں کا آدھا حصہ سونے کے ذریعے چکا سکتا ہے’

اسلام آباد : پاکستان تحریک انصاف کے رہنما مزمل اسلم نے دعویٰ کیا ہے ’پاکستان اپنے بیرونی قرضوں کا آدھا حصہ سونے کے ذریعے چکا سکتا ہے۔

تفصیلات کے مطابق پی ٹی آئی رہنما مزمل اسلم نے سماجی رابطے کی ویب سائٹ ٹوئٹر پر آدھے بیرونی قرضوں قرضوں کی ادائیگی کا حل پیش کردیا۔

مزمل اسلم نے کہا کہ ایک ٹن سونے کی قیمت 58 ملین ڈالر اور ہر 100ٹن سونے کی مالیت 5.8 بلین ڈالرہے۔

I ton gold cost $58mn. Then each 100 ton gold worth is $5.8bn. Assuming we have 1200 tons of gold then the value is $69.6bn, 600 tons then $34.8, if 120 tons the $6.96. Goldsmith alone holds 40 tons which is $2.32bn. Pakistan can repay half of its foreign debt through gold. https://t.co/GE3cuLJZwx

— Muzzammil Aslam (@MuzzammilAslam3) October 5, 2022

ماہر معاشیات کا کہنا تھا کہ فرض کریں ہمارے پاس 1200 ٹن سوناہےتو قیمت 69.6 بلین ڈالر ہے،ہمارے سناروں کےپاس 40 ٹن سونا ہے جو کہ 2.32 بلین ڈالر ہے، پاکستان اپنے بیرونی قرضوں کا نصف سونے کے ذریعے ادا کر سکتا ہے۔

آر وائی نیوز کی رپورٹ کے مطابق، پاکستان تحریک انصاف (پی ٹی آئی) کے رہنما مزمل اسلم نے دعویٰ کیا ہے کہ اگر ہم گھر میں رکھا ہوا اور زیورات کا سونا بیچ دیں تو پاکستان اپنے غیر ملکی قرضوں کا نصف واپس کر دے گا۔

خیال رہے گذشتہ روز امریکی ڈالر کے مقابلے روپے کی قدر میں اضافے کے باوجود پاکستان میں سونے کی قیمتوں میں اضافہ ریکارڈ کیا گیا تھا۔

آل پاکستان جیولرز مینوفیکچررز ایسوسی ایشن کے مطابق فی تولہ قیمت 2150 روپے اضافے سے 148,450 روپے ہوگئی تھی اسی طرح 10 گرام کی قیمت 1,843 روپے اضافے کے ساتھ 127,272 روپے ہوئی۔

اکتوبر 5, 2022
سعودی عرب: سونے کے نرخ

ریاض: سعودی عرب میں سونے کے نرخ بڑھنے لگے ہیں تاہم آج ان میں ٹھہراؤ دیکھا گیا۔

تفصیلات کے مطابق سعودی عرب میں سونا مسلسل مہنگا ہو رہا ہے لیکن آج اتوار کو سونے کے نرخوں میں ٹھہراؤ دیکھا گیا۔

اتوار کو 24 قیراط کا ایک گرام سونا 223.30 ریال میں جب کہ 22 قیراط کا سونا 204.69 ریال میں فروخت ہوا۔ 21 قیراط ایک گرام سونے کی قیمت 195.39 ریال رہی، اور 18 قیراط ایک گرام کی قیمت 167.48 ریال ریکارڈ کی گئی۔

رپورٹ کے مطابق سعودی عرب میں آج ایک اونس سونے کی قیمت 6945 ریال رہی جب کہ ایک کلو سونے کی قیمت 2 لاکھ 23 ہزار 297 ریال ریکارڈ کی گئی۔

واضح رہے کہ جمعرات کو سعودی عرب میں سونے کی قیمت عروج پر پہنچ گئی تھی، 11 ماہ میں سونا اتنا زیادہ مہنگا نہیں ہوا تھا جتنا جمعرات کو دیکھا گیا تھا-

جنوری 10, 2021