Tag: سونے کی قیمت

کراچی: آٹھ ماہ کی کم ترین سطح پرآنے کےبعد ایک بارپھرعالمی منڈی میں سونے کی قیمت میں اضافہ جبکہ مقامی منڈی میں استحکام دیکھا جارہا ہے۔

مقامی منڈی میں سونےکی فی تولہ قیمت سینتالیس ہزارنو سو روپے جبکہ دس گرام سونے کی قیمت اکتالیس ہزارستاون روپے پربرقرار ہے۔

دوسری جانب عالمی منڈیوں میں سونے کی قیمت میں قدرے بہتری ریکارڈ کی جارہی ہے، نیویارک مرکنٹائل ایکسچینج میں سونے کی فی اونس قیمت تین ڈالر تیس سینٹس اضافے کے بعد بارہ سو چھتیس ڈالر چالیس فی اونس ہوگئی ہے۔

مارکیٹ تجزیہ کاروں کے مطابق عالمی منڈی میں سونے کی قیمت میں اضافہ مقامی منڈی میں بھی قیمتوں میں اضافے کی وجہ بنے گا۔

کراچی : عالمی منڈی میں سونے کی قیمت میں کمی جب کہ مقامی منڈی میں سونے کی قیمت میں معمولی اضافہ دیکھا گیا ہے۔

مقامی منڈی میں سونے کی فی تولہ قیمت سو روپے اضافے کے بعد اڑتالیس ہزار روپے جبکہ دس گرام سونے کی قیمت پچاسی روپے اضافے کے بعد اکتالیس ہزارایک سو بیالیس روپے ہوگئی ہے۔

مقامی مارکیٹ میں چاندی کی قیمت میں استحکام ریکارڈ کیا گیا ہے۔

دوسری جانب عالمی منڈیوں میں سونے کی قیمت میں مسلسل کمی ریکارڈ کی جارہی ہے، نیویارک مرکنٹائل ایکسچینج میں سونے کی فی اونس قیمت گیارہ ڈالر کمی کے بعد بارہ سو تیئس ڈالر فی اونس ہوگئی ہے۔

مارکیٹ تجزیہ کاروں کے مطابق عالمی منڈی میں سونے کی گرتی ہوئی قیمت مقامی منڈی میں بھی قیمتوں میں کمی کا باعث بنے گی۔