Tag: سوڈان

دارفور: سوڈان کے شہر الفاشر میں قحط کے باعث انسانیت کی بقا کو خطرات لاحق ہو چکے ہیں، جہاں سوڈانی جانوروں کا چارہ کھانے پر مجبور ہیں۔

الجزیرہ کے مطابق سوڈان کے شمالی دارفور کے علاقے میں لوگ زندہ رہنے کے لیے جانوروں کا چارہ کھانے پر مجبور ہیں، کیوں کہ پیرا ملٹری ریپڈ سپورٹ فورسز (RSF) نے فوج کے زیر کنٹرول علاقے کے آخری شہری مرکز الفاشر کا محاصرہ کر رکھا ہے۔

الفاشر میں بے گھر افراد کے کیمپ میں مقیم ایک شہری عثمان انگارو نے الجزیرہ کے ذریعے فریاد کی ’’دنیا والو، ہم مصیبت میں ہیں، ہمیں انسانی امداد کی ضرورت ہے، خوراک اور ادویات کی، چاہے ہوائی جہاز سے ہو یا زمینی راستے کھول کر، ہم اس حالت میں زندہ نہیں رہ سکتے۔‘‘

مدينة الفاشر في ولاية شمال دارفور غرب السودان بتعيش مجاعة قاتلة بسبب فرض الحصار عليها من قبل قوات الدعم السريع المدعومة من الامارات
المجاعة دخلت المرحلة الخامسة يعني مجاعة كاملة ووضع كارثي
اتكلموا عنهم#الفاشر_تموت_جوعاََ pic.twitter.com/1aNfuGY9nH

— Ahmed Elhadary (@Ahmed_hadary77) August 2, 2025

انگارو نے بتایا کہ وہ اور اس کا خاندان اور الفاشر میں تمام لوگ مونگ پھلی کے چھلکوں سے بنا چارہ ’’امباز‘‘ کھانے لگے ہیں، لوگوں کا انحصار مویشیوں کے لیے بنائے گئے اس چارے پر ہے۔

غزہ میں غذائی قلت سے اموات کا سلسلہ تیز ہوگیا

الفاشر میں ایک خیراتی باورچی خانہ بھی کام کر رہا ہے جس کا نام مطبخ الخیر ہے، جہاں سے بعض لوگوں کو روزانہ ایک وقت کا کھانا مل جاتا ہے، ان ہی میں سے جانوروں کی ڈاکٹر زلفہ النور بھی شامل ہیں۔ انھوں نے بتایا کہ امباز کا چارہ بھی اب ختم ہونے والا ہے، اس لیے فوری طور پر بین الاقوامی مداخلت کی جائے، اور فضا کے ذریعے انسانی امداد گرائی جائے۔

واضح رہے کہ الفاشر کے 2 ماہ کے محاصرے نے امدادی کوششوں کو سخت مشکل بنا دیا ہے، انٹیگریٹڈ فوڈ سیکیورٹی فیز کی درجہ بندی (آئی پی سی) نے گزشتہ ہفتے الفاشر کے علاقے میں غذائی قلت کے بارے میں خبردار کیا تھا۔ اقوام متحدہ نے کہا کہ علاقے میں قحط کی سنگین ترین سطح ’آئی پی سی فیز 5‘ تک پہنچ چکی ہے، جو مکمل طور پر قحط کی نشان دہی کرتی ہے۔

اقوام متحدہ کی رپورٹ کے مطابق سوڈان کی خانہ جنگی نے 13 ملین سے زائد افراد کو بے گھر کر دیا ہے۔ مقامی لوگوں نے بتایا کہ ریپڈ سپورٹ فورسز نے شہر پہنچنے کی کوشش کرنے والے امدادی قافلے روکے اور خوراک کی ترسیل پر حملے کیے۔

دوسری طرف ڈاکٹرز نے انکشاف کیا ہے کہ لوگ اتنے کمزور ہو چکے ہیں کہ ہیضہ بھی برداشت نہیں کر پا رہے، سوڈانی شہر الفاشر میں ہیضے کی وبا تیزی سے پھیلنے لگی ہے اور 4 ہزار کیسز اور 191 ہلاکتیں رپورٹ ہوئی ہیں، جنوبی دارفور کے کیمپوں میں بھی درجنوں اموات واقع ہوئی ہیں، اور ہزاروں بے گھر افراد بھوک کے شکار ہیں۔ ادھر الفاشر پر آر ایس ایف کے حملے جاری ہیں اور ہر روز بڑھتی ہلاکتوں سے قبرستانوں کی جگہ کم پڑنے لگی ہے۔

دارفور: اقوام متحدہ کا کہنا ہے کہ سوڈان کے نیم فوجی دستوں نے دارفور میں حملے میں کم از کم 100 افراد کو ہلاک کر دیا ہے۔

الجزیرہ کے مطابق سوڈانی پیرا ملٹری ریپڈ سپورٹ فورسز (RSF) نے دارفور کے علاقے میں بے گھر افراد کے لیے قحط زدہ کیمپوں پر ’’دو روزہ‘‘ حملہ کیا ہے، جس میں اقوام متحدہ کے مطابق 20 بچوں اور 9 امدادی کارکنوں سمیت 100 سے زائد افراد ہلاک ہوئے۔

سوڈان میں اقوام متحدہ کی رابطہ کار کلیمینٹائن نکویتا سلامی نے ہفتے کے روز کہا کہ نیم فوجی دستوں اور اتحادی ملیشیا نے زمزم اور ابو شروق کیمپوں اور شمالی دارفور صوبے کے دارالحکومت الفشر پر حملہ کیا۔

نکویتا سلامی کے مطابق قحط زدہ کیمپوں پر جمعہ کو حملہ کیا گیا، اور پھر ہفتے کو دوبارہ حملہ کیا گیا، جس میں 9 امدادی کارکن مارے گئے جو کہ زمزم کیمپ میں کام کر رہے تھے، جہاں طبی سہولت نہ ہونے کے برابر ہے۔

روسی گیس لے جانے والی پائپ لائن کا کنٹرول حوالے کر دو، امریکا کا یوکرین سے مطالبہ

اقوام متحدہ کے اعداد و شمار کے مطابق زمزم اور ابو شروق میں 7 لاکھ سے زیادہ لوگ پناہ گزیں ہیں، جو دارفور میں گزشتہ لڑائیوں کے دوران اپنے گھر بار چھوڑنے پر مجبور ہوئے تھے۔ حالیہ حملہ سوڈان میں بے گھر ہونے والوں اور امدادی کارکنوں پر وحشیانہ حملوں کے سلسلے میں ایک اور مہلک حملہ تھا۔

اقوام متحدہ کے اہلکار نے امدادی کارکنوں کی شناخت نہیں کی، لیکن سوڈان کی ڈاکٹرز یونین نے ایک بیان میں کہا کہ ریلیف انٹرنیشنل گروپ کے 6 طبی کارکن اس وقت مارے گئے جب جمعہ کے روز زمزم میں ان کے اسپتال پر حملہ ہوا۔ یونین نے بتایا کہ ان میں اسپتال کے ایک معالج محمود بابکر ادریس اور خطے میں گروپ کے سربراہ آدم بابکر عبداللہ شامل ہیں۔

واضح رہے کہ زمزم اور ابو شروق سوڈان کے ان 5 علاقوں میں سے ایک ہیں، جہاں بھوک کی نگرانی کرنے والے عالمی گروپ، انٹیگریٹڈ فوڈ سیکیورٹی فیز کلاسیفیکیشن نے قحط کا پتا لگایا تھا۔ جہاں جنگ نے دنیا کا سب سے بڑا انسانی بحران پیدا کیا ہے، جس میں تقریباً 25 ملین افراد – سوڈان کی نصف آبادی – کو شدید بھوک کا سامنا ہے۔

خرطوم: سوڈان کی فوج نے دارفر کی مارکیٹ پر وحشیانہ بمباری کر دی، جس میں 100 سے زائد ہلاک ہو گئے۔

غیر ملکی میڈیا رپورٹس کے مطابق سواڈن میں ریپڈ اسپیڈ فورسز اور فوج کے درمیان شدید جھڑپیں جاری ہیں، شمالی دارفر میں سوڈانی فوج کے مارکیٹ پر فضائی حملے میں سو سے زائد افراد ہلاک جب کہ سینکڑوں زخمی ہو گئے۔

ریسکیو حکام کا کہنا ہے کہ حملے کے وقت ہفتہ وار لگنے والے بازار میں قریبی دیہاتوں سے بڑی تعداد میں لوگ خریداری کرنے آئے تھے جو حملے کا نشانہ بن کر ہلاک و زخمی ہو گئے، لاشوں اور زخمیوں کو مقامی اسپتال منتقل کیا گیا ہے۔

ایمرجنسی لائرز رائٹس گروپ نے پیر کو کبکابیہ قصبے میں ہفتہ وار بازار کے دن ہونے والے حملے کو ایک خوفناک قتل عام قرار دیا۔

سوڈان کے مختلف حصوں میں حالیہ ہفتوں میں فوج اور اس کی سابق اتحادی نیم فوجی ریپڈ اسپیڈ فورسز (RSF) کے درمیان جھڑپوں میں شدت آ گئی ہے۔ دونوں فریق 19 ماہ سے اقتدار کی جنگ لڑ رہے ہیں اور اس دوران دنیا کے سب سے بڑے انسانی بحران نے جنم لیا جب 11 ملین سے زیادہ لوگ اپنے گھروں سے نکلنے پر مجبور ہوئے، لیکن اس کے باوجود دونوں فریق جنگی جرائم کے ارتکاب سے انکاری ہیں۔

ایمرجنسی وکلا نے ایک بیان میں کہا کہ مارکیٹ کے دن عام شہریوں پر یہ حملہ بین الاقوامی قانون کی کھلی خلاف ورزی ہے، ایمرجنسی وکلا نے بھی بتایا کہ منگل کو ایک بس مپر شیل لگنے سے 14 افراد ہلاک ہو گئے تھے۔ تنظیم کا کہنا ہے کہ ریپڈ فورسز سویلین انفراسٹرکچر جیسے کہ ایندھن کے اسٹیشنوں کو فوجی مقاصد کے لیے استعمال کر رہے ہیں، جو قابل مذمت ہے۔

اتوار کو خرطوم کے ریپڈ فورسز کے زیر کنٹرول علاقے میں ایک پیٹرول اسٹیشن پر فضائی حملہ ہوا تھا، جس میں کم از کم 28 افراد ہلاک ہوئے تھے۔ ادھر سوڈان کی فوج مارکیٹ پر جان بوجھ کر فضائی بمباری میں شہریوں کو نشانہ بنانے کی تردید کر دی ہے، اور کہا ہے کہ ان کے فضائی حملے ملک کے دفاع کے لیے ایک جائز مشق کا حصہ تھے۔