کراچی : سپراسٹور میں لگنے والی آگ نے مکینوں کےخواب بھی جلا ڈالے، عمربھر کی جمع پونجی جلتا دیکھ بے بس نظر آئے ، مکینوں نے حکومت سے متبادل رہائش کی فراہمی کا مطالبہ کردیا ہے۔
تفصیلات کے مطابق کراچی کے علاقے جیل چورنگی پر واقع سپراسٹور کے بیسمنٹ میں لگنے والی آگ نے مکینوں کےخواب بھی جلا ڈالے اور عمربھر کی جمع پونجی جلتا دیکھ کر مکین بے بسی کی تصویر نظرآئے۔
کراچی کے علاقے جیل چورنگی پر واقع سپراسٹورمیں آتشزدگی کے بعد عمارت کو مخدوش قرار دے دیا گیا ، جس کے بعد عمارت کے مکین دربدر ہوگئے، کچھ نے رشتے داروں کے گھر عارضی پناہ لے لی تو کچھ پناہ کیلئے جگہ جگہ مارے مارے پھررہے ہیں۔
مکینوں نے الزام عائد کیا کہ آگ بجھانے کا عمل دیرسےشروع کیا گیا، عمربھرکی جمع پونجی تھی، ہمارا کیا ہوگا۔
عمارت کے مکینوں نے حکومت سے متبادل رہائش کی فراہمی کا مطالبہ کردیا ہے، عمارت کھڑی ہونے سے پہلے بلڈنگ لاز پر عمل درآمد کیوں نہیں کیا جاتا، جلد از جلد آگ پر قابو پایا جائے اور ہمارے مسائل حل کئے جائیں۔
یس بی سی اے کا کہنا ہے کہ آگ سےعمارت کا ڈھانچہ اور ستون بری طرح متاثر ہوا، اب یہ رہنے کے قابل نہیں رہا، بیسمنٹ اور پہلی منزل کی دیواریں توڑدی گئی ہیں۔
خیال رہے جیل چورنگی پرسپراسٹور میں لگی آگ 24 گھنٹے بعد بھی بجھائی نہ جاسکی، فائربریگیڈ حکام کا کہنا ہے کہ ابھی تک بیسمنٹ میں لگی آگ کوبجھانے کی کوشش جاری ، آگ کی شدت سےگراؤنڈفلورکاکچھ حصہ بھی متاثرہوا ہے۔
حکام نے بتایا کہ دھویں کی وجہ سےسخت مشکلات کا سامنا ہے، بلڈنگ کےچوتھےفلورتک آگ پہنچنےکی اطلاعات غلط ہیں، بیسمنٹ میں لگنےوالی آگ کی وجہ سےدھواں کئی منزلوں تک پہنچ چکا ہے۔
دوسری جانب ٹریفک حکام کا کہنا ہے کہ اطراف کی اہم سڑکوں کورکاوٹیں کھڑی کرکےبندکردیاگیا، کشمیر روڈ سے جیل چورنگی آنے والی سڑک اور شاہراہ قائدین سےجیل چورنگی جانیوالی سڑک بند کردی گئی ہے۔
