Tag: سپرنٹنڈنٹ اڈیالہ جیل

  • سپرنٹنڈنٹ اڈیالہ جیل اسد جاوید وڑائچ کو تبدیل کردیا گیا

    سپرنٹنڈنٹ اڈیالہ جیل اسد جاوید وڑائچ کو تبدیل کردیا گیا

    راولپنڈی : سپرنٹنڈنٹ اڈیالہ جیل اسد جاوید وڑائچ کو تبدیل کرکے عبدالغفور انجم کو سپرنٹنڈنٹ جیل تعینات کردیا گیا۔

    تفصیلات کے مطابق سپرنٹنڈنٹ اڈیالہ جیل اسد جاوید وڑائچ کوتبدیل کردیا گیا اور ان کی جگہ گریڈ انیس کے عبدالغفور انجم کو تعینات کیا گیا۔

    اس حوالے سے ہوم ڈیپارٹمنٹ پنجاب نے نوٹی فکیشن جاری کردیا ہے، جس میں کہا ہے کہ اسد جاوید وڑائچ کو سپرنٹنڈنٹ سینٹرل جیل ساہیوال تعینات کیا گیا ہے۔

    نوٹی فکیشن میں بتایا گیا کہ عبدالغفور انجم اس سے قبل سینٹرل جیل فیصل آباد میں فرائض انجام دے رہے تھے۔

    واضح رہے کہ پی ٹی آئی کے بانی کے اہم مقدمات بھی اڈیالہ جیل میں زیر سماعت ہیں۔

  • محکمہ داخلہ کو کالعدم تنظیموں کی اڈیالہ جیل پر حملے کے منصوبے کی رپورٹ موصول

    محکمہ داخلہ کو کالعدم تنظیموں کی اڈیالہ جیل پر حملے کے منصوبے کی رپورٹ موصول

    اسلام آباد: سپرنٹنڈنٹ اڈیالہ جیل نے 190ملین پاؤنڈ ریفرنس پر سماعت آئندہ ہفتے تک ملتوی کرنے کی استدعا کردی اور کہا کالعدم تنظیموں کی جیلوں پر حملے کے منصوبے کی رپورٹ موصول ہوئی ہے۔

    تفصیلات کے مطابق 190ملین پاؤنڈ ریفرنس میں سپرنٹنڈنٹ اڈیالہ نے سماعت ملتوی کیلئے احتساب عدالت کوخط لکھ دیا۔

    سپرنٹنڈنٹ جیل نے کہا کہ اڈیالہ صوبے کی حساس ترین جیل ہے، جیل میں گنجائش کے برعکس 7ہزار کے قریب قیدی موجود ہیں، جس میں دہشت گردی سمیت سنگین جرائم میں ملوث مجرم ہیں۔

    خط میں لکھا سیاسی بیک گراؤنڈرکھنے والے ہائی پروفائل قیدی بھی اڈیالہ میں ہیں، محکمہ داخلہ کو کالعدم تنظیموں کی جیلوں پر حملےکےمنصوبے کی رپورٹ موصول ہوئی، رپورٹ کے مطابق میانوالی، ڈی جی خان، راولپنڈی،اٹک جیل کوسیکیورٹی تھریٹس ہیں۔

    ان کا کہنا تھا کہ اڈیالہ کی سیکیورٹی کیلئےقانون نافذکرنیوالےاداروں کےتعاون سےفرضی مشق بھی کی گئی اور جیل سےملحقہ رہائشی علاقوں کےمکینوں کی سیکیورٹی کلیئرنس بھی کی جارہی ہے۔

    جیل سپرنٹنڈنٹ سیکیورٹی انتظامات کےتناظرمیں ریفرنس پر سماعت آئندہ ہفتے تک کیلئے ملتوی کی جائے۔

    یاد رہے سیکیورٹی خدشات کے پیش نظر اڈیالہ جیل میں قیدیوں کی ملاقات پر پابندی عائد کی گئی ہے، پابندی کا اطلاق بانی پی ٹی آئی سمیت تمام قیدیوں پر ہوگا۔

  • سپرنٹنڈنٹ اڈیالہ جیل  کا چیئرمین پی ٹی آئی کی بیٹوں سے فون پر بات کرانے سے انکار

    سپرنٹنڈنٹ اڈیالہ جیل کا چیئرمین پی ٹی آئی کی بیٹوں سے فون پر بات کرانے سے انکار

    اسلام آباد : سپرنٹنڈنٹ اڈیالہ جیل نے بھی چیئرمین پی ٹی آئی کی بیٹوں سے فون پر بات کرانے سے انکار کردیا۔

    تفصیلات کے مطابق چیئرمین پی ٹی آئی سے بیٹوں کی ٹیلیفون پر بات کرانے کے کیس کی سماعت ہوئی، آفیشل سیکرٹ ایکٹ عدالت کے جج ابولحسنات ذوالقرنین نے سماعت کی۔

    سپرنٹنڈنٹ اڈیالہ جیل نے چیئرمین پی ٹی آئی کی بیٹوں سے فون پر بات کرانے سے انکار کردیا اور کہا کہ آفیشل سیکرٹ ایکٹ کے تحت گرفتار ملزمان کی بیرون ملک بات کرانے کی اجازت نہیں۔

    عدالت نے قیدیوں سے فون پر بات کرانے سے متعلق جیل ایس او پی طلب کرلیے اور 18 اکتوبر تک ایس او پی جمع کرانے کا حکم دیتے ہوئے کیس کی سماعت ملتوی کردی۔

    یاد رہے چیئرمین پی ٹی آئی کی بیٹوں سے ٹیلیفون پربات کرانے کی نئی درخواست دائر کی تھی ، جس پر عدالت نے سپرنٹنڈنٹ اڈیالہ جیل سے رپورٹ طلب کرلی تھی۔