Tag: سپریم کورٹ

اسلام آباد : وزیردفاع خواجہ آصف کا کہنا ہے کہ وزیراعظم نوازشریف احستاب سے نہیں گھبراتے ہر سوال کا جواب دینے کے لیے تیار ہیں۔

تفصیلات کےمطابق اسلام آباد میں سپریم کورٹ کے باہر میڈیا سے گفتگوکرتے ہوئے کہناتھا کہ احتساب مسلم لیگ ن کی حکومت کا بنیادی ستون ہے۔

خواجہ آصف نےکہا کہ عمران خان بتائیں کہ زلزلہ متاثرین کے لیےملنے والا پیسہ کہاگیا انہوں نے کہ ہر فورم پراحتساب کیلیےتیار ہیں،عمران خان بھی توزکوة کی پیسوں کاحساب دیں۔

بعدازاں وزیرریلوے خواجہ سعد رفیق کا کہنا تھا کہ حکومت اوروزیراعظم نےپاناما لیکس معاملے کو صحیح فورم پر لانے کی کوشش کی اور اپوزیشن سے ٹی او آر کےلیے رجوع کیا۔

وفاقی وزیرریلوے کا کہناتھاکہ اپوزیشن کی جانب سے پیش ٹی او آروزیراعظم کی ذات کو نشانہ بنارہےتھے۔انہوں نے کہا کہ قومی اسمبلی،سینیٹ میں تحریک انصاف کےاراکین نےپانامامعاملےپرراہ فرار اختیارکی۔

خواجہ سعد رفیق کا کہناتھا کہ اگر سپریم کورٹ میں معاملےپر داد رسی ہوگئی تو اسلام آباد کیوں بند کررہےہیں؟۔سعد رفیق نے کہا کہ عمران خان نے اداروں سے رجوع کیاہے تو اداروں پر اطمینان رکھیں۔

مزید پڑھیں:بادشاہ کو قانون کے نیچھے لانے کے لیے آج پہلا قدم ہے،عمران خان

واضح رہے کہ اس سے قبل عمران خان کا سپریم کورٹ کے باہر کہناتھا کہ سپریم کورٹ کی جانب سے نوازشریف کو نوٹس جاری ہونا بادشاہ کو قانون کے نیچے لانے کے لیے آج پہلا قدم ہے۔

اسلام آباد: پاکستان تحریک انصاف کے سربراہ عمران خان کا کہنا ہے کہ سپریم کورٹ کی جانب سے نوازشریف کو نوٹس جاری ہونا بادشاہ کو قانون کے نیچے لانے کے لیے آج پہلا قدم ہے۔

تفصیلات کےمطابق سپریم کورٹ میں آج پانامالیکس سے متعلق کیس کی سماعت ہوئی جس میں پاکستان تحریک انصاف کی جانب سے حامد خان نے دلائل پیش کیے۔

سپریم کورٹ آف پاکستان نے پانامالیکس کیس میں وزیراعظم نوازشریف سمیت تمام فریقین کو نوٹسز جاری کردیے اور سماعت آئندہ دو ہفتے کے لیے ملتوی کردی۔

تحریک انصاف کے سربراہ عمران خان کا سپریم کورٹ کے باہر میڈیاسے گفتگو کرتے ہوئے کہناتھاکہ پانامالیکس پر آج نوازشریف کو نوٹس جاری ہونا بادشاہ کو قانون کے نیچے لانے کے لیے پہلا قدم ہے۔

چیئرمین تحریک انصاف کا کہناتھا کہ امید ہے کہ کیس شروع ہوگا تو بہت سی چیریں سامنے آئیں گی اور اس کے علاوہ ان کا کہناتھا کہ وزیراعظم نوازشریف کو خود کو احستاب کے لیے پارلیمنٹ میں پیش ہوناتھا لیکن پارلیمنٹ نے وہ کردار ادانہیں کیا جو کرنا چاہیے تھا۔

عمران خان کا کہناتھا کہ اگر جب کسی کو انصاف نہیں ملتاتو احتجاج کرنا اس کا حق ہے انہوں نے کہا کہ سپریم کورٹ میں احتجاج سے متعلق کیس چل رہا ہے تواس کا ہرگز مطلب نہیں کہ احتجاج نہیں ہوگا احتجاج ہوگا۔

پی ٹی آئی کے سربراہ کا کہناتھا کہ اداراے ہمارے ٹیکس پر چل رہے ہیں نوازشریف کے نہیں اور انہوں نے واضح کیا کہ ہمارا احتجاج کرپٹ اداروں کے خلاف ہے۔

بعدازاں شیخ رشید کا میڈیا سے گفتگو کرتےہوئےکہناتھا کہ 28اکتوبر کو لال حویلی کے سامنے وارم اپ جلسہ ہوگا جس میں عمران خان سمیت دیگر رہنما آئیں گے۔

اسلام آباد: سپریم کورٹ آف پاکستان نے سندھ حکومت کو پبلک سروس کمیشن میں مزید بھرتیوں سے روک دیا۔

تفصیلات کےمطابق سپریم کورٹ میں چیئرمین سندھ پبلک سروس کمیشن کی اہلیت سے متعلق ازخود نوٹس کی سماعت چیف جسٹس انور ظہیر جمالی کی سربراہی میں 3 رکنی بنچ نے سماعت کی۔

سندھ حکومت کے وکیل فاروق ایچ نائیک نےسماعت کے دوران موقف اختیار کیا کہ تقرر روکنے سے پورا نظام رک جائے گا جس پرجسٹس خلجی عارف نے استفسار کیاکہ کوئی نظام موجود ہے ؟۔

مزید پڑھیں:مطالبات منظور نہ ہوئے تو لانگ مارچ کیا جائے گا، بلاول بھٹو

چیف جسٹس انور ظہیر جمالی نےدوران سماعت ریمارکس دیے کہ آپ نے نااہل شخص کو پبلک سروس کمیشن کا چیئرمین بنایا ہےجس پر فاروق ایچ نائیک نے جواب دیا کہ چیئرمین نااہل نہیں 20سال سے سرکاری ملازم ہیں۔

سندھ حکومت کے وکیل نے عدالت کو بتایا کہ آئندہ دنوں میں ڈاکٹرز کی تعینانی کرنا ضروری ہے جس پر چیف جسٹس نے ریمارکس دیے کہ پندرہ رو ز میں کوئی قیامت نہیں آئے گی ۔عدالت نے کیس کی سماعت تین نومبر تک ملتوی کر دی۔

اسلام آباد: سپریم کورٹ بار ایسوسی ایشن کے صدر علی ظفر کا کہنا ہے کہ بھارتی جنگی جنون کے خلاف سپریم کورٹ بار ایسوسی ایشن ملک بھر میں احتجاجی ریلیاں نکالے گی جس میں تمام بارز کے وکلا شرکت کریں گے۔

تفصیلات کے مطابق سپریم کورٹ بار ایسوسی ایشن کے صدر علی ظفر نےمیڈ یا سے گفتگو کرتے ہوئےکہا کہ مودی سرکار بہت چالاک اور مکاروں سے بھری پڑی ہے جنہوں نے پاکستان کو دنیا میں تنہا کرنے کا منصوبہ بنا یا ہے۔

صدر سپریم کورٹ بار کا کہنا تھا کہ مودی سرکار میں دہشت گرد بیٹھے ہوئے ہیں جنہوں نے پاکستان کے خلاف پروپیگنڈا شروع کر رکھا ہے ۔انہوں نے کہا کہ بھارتی جارحیت کے خلاف ہم سب متحدہ ہیں اور مل کر بھارت کے ناپاک عزائم کو خاک میں ملائیں گے۔

سپریم کورٹ بار ایسوسی ایشن کے صدر علی ظفر کامزید کہنا تھا کہ بھارت کولڈ وار اسٹریٹجی کے تحت پاکستان پر پابندیاں عائد کرانا چاہتا ہے تاکہ پاکستان تنہا رہ جائے۔انہوں نے مطالبہ کیا کہ اقوام متحدہ سرجیکل اسٹرائیک کی بات کا نوٹس لے۔

مزید پڑھیں: مقبوضہ کشمیر میں بھارتی مظالم کے خلاف سیاسی قیادت متحد

واضح رہے کہ گزشتہ روز وزیراعظم نواز شریف کی زیر صدارت پارلیمانی جماعتوں کے سربراہی اجلاس کے اعلامیے میں تمام سیاسی قائدین نے متفقہ طور پر مقبوضہ کشمیر میں بھارتی مظالم اور غیرانسانی برتاؤ کی پرزور الفاظ میں مذمت کی اور اسے عالمی سطح پر اُٹھانے کا فیصلہ کیاتھا۔

اسلام آباد : چیف جسٹس آف پاکستان انور ظہیر جمالی نے بھارت میں ہونے والی کانفرنس میں شرکت کی دعوت مسترد کر دی۔

تفصیلات کےمطابق چیف جسٹس آف پاکستان نے بھارت میں ہونے والی گلوبل کانفرنس میں شرکت سے انکار کر دیا ہے اور اس حوالے سے انہوں نے بھارتی سپریم کورٹ کے چیف جسٹس کو خط بھی لکھ دیا ہے۔

ذرائع کا کہنا ہے کہ چیف جسٹس آف پاکستان نے اپنے خط میں کہا ہے کہ موجودہ حالات میں کانفرنس میں شرکت نہیں کر سکتا۔گلوبل کانفرس 21 سے 23 اکتوبر کو نئی دلی میں ہو نی ہے۔

ذرائع کا کہنا ہے کہ چیف جسٹس انور ظہیر جمالی کو گلوبل کانفرنس میں شرکت کا دعوت نامہ پاکستان میں بھارتی ہائی کمشنر نے دیا تھا۔

یاد رہے کہ چیف جسٹس آف پاکستان کو بھارتی ہم منصب کی جانب سے کانفرنس میں شرکت کے لیےدعوت دی گئی تھی۔

اسلام آباد : سپریم کورٹ نےنیب پلی بارگین کی شق پر اظہار برہمی کرتے ہوئے کہا ہے کہ کیا قانون اجازت دیتا ہے کہ کرپشن کرنے والا افسر رقم لوٹاکر واپس عہدے پر چلاجائے۔

تفصیلات کےمطابق سپریم کورٹ میں نیب آرڈیننس کی شق 25اے کےخلاف ازخود سماعت میں چیف جسٹس انور ظہیر جمالی نے برہمی کا اظہار کرتے ہوئے کہاکہ چور پکڑا جائے اور نیب چوری مال برآمد کرکے اس کا شکریہ کرے تاکہ وہ دوبارہ چوریاں کرے۔

چیف جسٹس نے دوران سماعت کہا کہ اٹارنی جنرل تو مستقل پاکستان سے باہر رہتے ہیں،اہم آئینی نکات کے مقدمات تو پھر چلیں گے ہی نہیں،جب بھی عوامی مفاد کا مقدمہ ہوتا ہے بتایاجاتا ہےاٹارنی جنرل دستیاب نہیں۔

جسٹس انور ظہیر جمالی نے کہا کہ جب کسی معاملے کو حل نہ کرنا ہو تو کمیٹی بنا دی جاتی ہے۔

سماعت کے دوران جسٹس امیر ہانی مسلم نےاستفسارکیا کہ یہ درست ہےکرپشن کرنےوالاافسررقم کی واپسی کےبعد عہدے پرواپس چلاجاتاہےکیا قانون اس کی اجازت دیتا ہے؟۔

واضح رہے کہ ایڈیشنل اٹارنی جنرل راناوقارنے بتایا کہ اٹارنی جنرل پاک بھارت پانی کے مسئلہ پر واشنگٹن میں ہیں۔نیب آرڈیننس پر پارلیمانی کمیٹی نظر ثانی کر رہی ہے۔