Tag: سپریم کورٹ کے فیصلے

لاہور : مخصوص نشستوں سے متعلق سپریم کورٹ کے فیصلے پر عملدرآمد کیلئے درخواست دائر کردی گئی ، جس میں استدعا کی گئی کہ عدالت مخصوص نشستیں پی ٹی آئی کو دینے کا حکم دے۔

تفصیلات کے مطابق مخصوص نشستوں کے فیصلے پر عملدرآمد کیلئے لاہور ہائیکورٹ میں درخواست دائر کردی گئی، درخواست شہری منیراحمدکی جانب سےاظہرصدیق ایڈووکیٹ نے دائر کی۔

درخواست میں کہا گیا کہ سپریم کورٹ نےمخصوص نشستیں پی ٹی آئی کودینےکاحکم دیا، عدالت کی جانب سےمختصرفیصلے کی وضاحت بھی جاری کی گئی۔

درخواست گزار کا کہنا تھا کہ سپریم کورٹ کامخصوص نشستوں پرتفصیلی فیصلہ آچکاہے،درخواست گزار عدالتی فیصلے کےباوجودپی ٹی آئی کومخصوص نشستیں نہیں دی گئیں۔

درخواست میں استدعا کی گئی کہ عدالت سپریم کورٹ کےاحکامات پرعمل کرنےکاحکم دے اور سپریم کورٹ کےفیصلےکی روشنی میں مخصوص نشستیں پی ٹی آئی کودینےکاحکم دیں۔

گذشتہ روز سپریم کورٹ نےمخصوص نشستوں سےمتعلق کیس کا تفصیلی فیصلہ جاری کیا تھا ، ،سترصفحات کا فیصلہ جسٹس منصورعلی شاہ نے تحریر کیا تھا۔

فیصلےمیں پی ٹی آئی کومخصوص نشستوں کاحقدار قراردیتے ہوئےالیکشن کمیشن کوہدایت کی پی ٹی آئی کےامیدواروں کونوٹیفائی کیا جائے۔

سپریم کورٹ کا کہنا تھا کہ پی ٹی آئی کو مخصوص نشستیں نہ دینااضافی سزا ہے،پی ٹی آئی کی فریق بننےکی درخواست موجودتھی،اکثریتی فیصلے سے متعلق چودہ ستمبرکی وضاحت کو فیصلے کا حصہ سمجھا جائے۔

اسلام آباد : سینیٹر فیصل واوڈا کا کہنا ہے کہ سپریم کورٹ کے فیصلے کا نقصان پی ٹی آئی کو ہی ہوگا، چند دن میں اپوزیشن کے مزید ٹکڑے ہوجائیں گے۔

تفصیلات کے مطابق سینیئر سیاستدان سینٹر فیصل واوڈا نے اے آر وائی نیوز سے خصوصی گفتگو میں مخصوص نشستوں سے متعلق فیصلے پر ردعمل دیتے ہوئے کہا کہ پی ٹی آئی مزید توڑ پھوڑ کا شکار ہوگی اور پی ٹی آئی میں آئندہ 15دنوں میں فارورڈ بلاک ہوگا۔

سینیئر سیاستدان کا کہنا تھا کہ فیصلےسے اسٹاک مارکیٹ گری اس کا مطلب ہے کاروباری حضرات نے مسترد کردیا ہے۔

انھوں نے کہا کہ میرےخیال سے آئین کو دوبارہ لکھا گیا ہے، کیس سنی اتحاد کونسل لیکر گئی فیصلہ پی ٹی آئی کے حق میں آگیا ،اس فیصلے کا نقصان پی ٹی آئی کو ہی ہوگا۔

سینیٹر کا کہنا تھا کہ اپوزیشن نام کی کوئی چیز نہیں سب مل ملا کر کام کررہےہیں ، چند دنون میں اپوزیشن کے مزید ٹکڑے ہوجائیں گے کہ سنبھالنا مشکل ہوجائے گا، آئین اور قانون سے بالاتر کوئی بھی نہیں۔

انھوں نے مزید کہا کہ آرٹیکل 51کو بائی پاس کرنا بڑا سوالیہ نشان ہے ، ان کو خود نہیں پتہ تھا کہ وہ پی ٹی آئی میں ہیں یا سنی اتحاد کونسل ، اس کیس میں جو استدعا کی ہی نہیں گئی اس پر بھی فیصلے آگئے ، اس فیصلےسے آئین و قانون کے بڑے سوال کھڑے ہوگئے ہیں۔

اسلام آباد : پاکستان تحریک انصاف کے چیئرمین بیرسٹر گوہر کا سپریم کورٹ کے فیصلے پر ردعمل سامنے آگیا۔

پاکستان تحریک انصاف کے چیئرمین بیرسٹرگوہر نے سپریم کورٹ کے فیصلے بعد میڈیا سے گفتگو کرتے ہوئے کہا کہ سپریم کورٹ میں پشاورہائیکورٹ ،الیکشن کمیشن آرڈرکیخلاف پٹیشن تھی، الیکشن کمیشن کےآرڈرمیں مخصوص نشستیں مستردکردی تھیں، ہماری78سیٹیں دوسری جماعتوں کودےدی گئیں تھیں۔

بیرسٹرگوہر کا کہنا تھا کہ ہم ہمیشہ کہتےرہےہمارے ساتھ غیرآئینی غیرقانونی سلوک ہوا، الیکشن کمیشن کا آرڈر غیرآئینی تھا، پشاورہائیکورٹ کےلارجربینچ نے بھی فیصلہ ہولڈکردیاتھا لیکن الیکشن کمیشن نے 4مارچ کو مخصوص نشستیں دیگر جماعتوں کو دےدی تھیں۔

چیئرمین پی ٹی آئی نے بتایا کہ سنی اتحادکونسل کی80سیٹیں تھیں ، پنجاب،سندھ ،قومی اسمبلی میں خواتین ،اقلیتوں نے حلف اٹھایا تھا۔

فیصلے کے حوالے سے انھوں نے کہا کہ سپریم کورٹ نےمخصوص نشستوں پر الیکشن کمیشن ، ہائیکورٹ کا فیصلہ معطل کردیا، سپریم کورٹ نے ہدایت کی جو مخصوص نشستوں پر اسمبلی آئے وہ کارروائی کا حصہ نہیں بن سکتے۔

بیرسٹرگوہر کا مزید کہنا تھا کہ 78سیٹوں پر ممبران کسی بھی قانون سازی میں ووٹ کا استعمال نہیں کریں گے، یہ ہمارے مؤقف کی تائیدہوئی ہے، صدرکےالیکشن کےوقت بھی ہم نے کہا جنہوں نےحلف اٹھایا یہ ووٹ نہیں دے سکتے، آپ صدارتی الیکشن نہ کرائیں ان لوگوں کوووٹ کا حق نہ دیں۔

انھوں نے مزید بتایا کہ حکومت آئین میں ترمیم کرنےجارہی تھی اور ان سیٹوں کی بناپرحکومت دوتہائی اکثریت دکھارہی تھی، اب حکومت ناکام ہوگی اوردوتہائی اکثریت سےدورہے، اب کسی قانون سازی میں ان لوگوں کےپاس ووٹ کااختیارنہیں۔

چیئرمین تحریک انصاف نے کہا کہ پی ٹی آئی کی قومی اسمبلی میں 180سیٹیں ہیں، عدلیہ پراعتمادہےدرخواست کرتےہیں باقی کیسزبھی اٹھائیں، عوام کےبنیادی حقوق کاتحفظ کرناسپریم کورٹ کی ذمہ داری ہے، امیدہےسپریم کورٹ باقی کیسزپرجلدازجلدفیصلہ کرےگی۔

بیرسٹرگوہر کا کہنا تھا کہ انشااللہ حتمی فیصلہ بھی ہمارے حق میں ہوگا، اس فیصلےکامذاکرات سےکوئی تعلق نہیں، پی ٹی آئی کا مؤقف رہا ہےعدلیہ کو آزاددیکھناچاہتےہیں، کسی بھی جج کو ایکسٹینشن نہیں ملنی چاہئے۔

راولپنڈی : سابق وزیر داخلہ شیخ رشید کا کہنا ہے کہ سپریم کورٹ کےفیصلے پر عمل نہ ہوا تو یہ ریاست میں بغاوت کے مترادف ہوگا۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ ایک سال میں غریب آٹے کی موت کی لائن میں لگا ہے، غریب آئی ایم ایف کی شرائط پرگھٹنے کے بل لیٹا ہے۔

شیخ رشید کا کہنا تھا کہ نواز شریف کہتا ہے 3 ججوں کے فیصلے سے ڈالر 500روپے ہو جائے گا، بلاول کہتا ہے ایمرجنسی یا مارشل لالگ سکتا ہے، شہباز شریف کہتا ہے3 ججوں کا فیصلہ منظور نہیں، شہباز شریف توہین عدالت کے ریڈارمیں آئے گا اور گھر جائےگا۔

1 سال میں غریب آٹےکی موت کی لائن میں لگا ہے یاIMFکی شرائط پر گھٹنے کےبل لیٹا ہے۔نواز شریف کہتا ہے3ججوں کےفیصلے سے ڈالر500روپے ہوجائےگا۔بلاول کہتا ہےایمرجنسی یا مارشل لاء لگ سکتا ہے۔شہبازشریف کہتا ہے 3ججوں کا فیصلہ منظور نہیں پھرشہباز شریف توہین عدالت کےریڈار میں آئےگااورگھرجائےگا

— Sheikh Rashid Ahmed (@ShkhRasheed) April 4, 2023

سابق وزیر داخلہ نے ایک اور ٹوئٹ میں لکھا ‘رجسٹرار کو ہٹانا، بینچ بنانا اور سوموٹو لینا چیف جسٹس کاآئینی حق ہے، ایک طرف ججز کے بائیکاٹ کااعلامیہ جاری کرتےہیں، دوسری طرف عدالت میں دلائل دینےکی بھیک مانگتے ہیں۔’

ان کا کہنا تھا کہ ‘قوم پہلےہی ٹوٹ پھوٹ کاشکارہےعدلیہ کےساتھ کھڑی ہے، قوم سڑکوں پرآگئی توہرچیزبکھرجائےگی، شریفوں زرداریوں کاقبضہ مافیاعوام کےانتقام کے لیے تیار رہے۔’

رجسٹرارکوہٹانابنچ بناناسوموٹولیناچیف جسٹس کاآئینی حق ہےایک طرف ججزکےبائیکاٹ کااعلامیہ جاری کرتےہیں دوسری طرف عدالت میں دلائل دینےکی بھیک مانگتےہیں۔قوم پہلےہی ٹوٹ پھوٹ کاشکارہےعدلیہ کےساتھ کھڑی ہےسڑکوں پرآگئی توہرچیزبکھرجائےگی۔شریفوں زرداریوں کاقبضہ مافیاعوام کےانتقام کےلیےتیاررہے

— Sheikh Rashid Ahmed (@ShkhRasheed) April 4, 2023

عوامی مسلم لیگ کے سربراہ نے مزید لکھا سپریم کورٹ کےفیصلے پر عمل نہ ہواتویہ ریاست میں بغاوت کے مترادف ہوگا، ریاست عوام کا نام ہے اور ساری عوام اور سارے ادارے سپریم کورٹ کے تابع ہیں، آج سپریم کورٹ کے فیصلے میں ریاست کی جمہوری زندگی یا غیر آئینی موت کا فیصلہ ہوگا۔

اگر ملک میں آئین اور قانون کی حکومت نہ ہوئی اور سپریم کورٹ کے فیصلے پر عمل نہ ہوا تو ریاست میں بغاوت کے مترادف ہوگا۔ ریاست عوام کا نام ہے اور ساری عوام اور سارے ادارے سپریم کورٹ کے تابع ہیں۔ آج سپریم کورٹ کے فیصلے میں ریاست کی جمہوری زندگی یا غیر آئینی موت کا فیصلہ ہو گا

— Sheikh Rashid Ahmed (@ShkhRasheed) April 4, 2023