Tag: سپریم کورٹ

 لاہور: پاکستان تحریک انصاف کے چیئرمین اور سابق وزیراعظم عمران خان نے کہا ہے کہا اسٹیٹ بینک نے سپریم کورٹ کے کہنے پر رقم نہ دی تو اسکا مطلب  آئین ختم ہوچکا ہے۔  

چیئرمین تحریک انصاف عمران خان نے لاہور کے کمرہ عدالت میں غیررسمی گفتگو کرتے ہوئے کہا کہ ہم مذاکرات کر رہے ہیں جبکہ آئین کے مطابق مذاکرات کی ضرورت نہیں ہے، 90 دن سے باہر الیکشن نہیں ہوسکتے ہیں، اس کے باہرآئین ختم ہوجاتا ہے اس پر ساری لیگل کمیونٹی متفق ہے۔ 

سابق وزیر اعظم کا کہنا تھا کہ 90 دن کے بعد نگران حکومت کی کوئی آئینی حیثیت نہیں رہےگی، اس کے بعد جو کچھ بھی کیا جائے گا وہ غیر آئینی ہوگا۔ 

انہوں نے کہا کہ نگران حکومت کو ہٹا کر ایک ایڈمنسٹر لگانا چاہیے جس کا کام صرف الیکشن کروانا ہو، یہ نگران حکومت کسی اور ایجنڈے پر آئی ہوئی ہے، نگران حکومت سب کچھ کر رہی ہے ماسوائے الیکشن کروانے کے۔ 

عمران خان کا کہنا تھا کہ نگران حکومت وہ انتقامی کارروائی کر رہی ہے جو کبھی منتخب حکومتوں نے نہیں کی، یہ سب لندن پلان کا حصہ ہے جہاں نواز شریف سے وعدہ کیا گیا تھا، یہ پی ٹی آئی کو دیوار سے لگانے اور نوازشریف کے کیسز ختم کرنے کے ایجنڈے پر چل رہے ہیں۔   

عمران خان نے کہا کہ کون کہتا ہے کہ امریکہ، سعودی عرب سے ہمارے تعلقات خراب تھے، قمرباجوہ نے ہمارے خلاف مہم چلائی، وہ ایکسٹینشن چاہتے تھے، چائنہ، سعودیہ، ترکیہ اور ٹرمپ، بورس جونسن کے ساتھ ہمارے خوشگوار تعلقات  تھے۔ 

انکا کہنا تھا کہ 3 ماہ میں 2 او آئی سی میٹنگ پاکستان میں ہوئیں یہ کبھی پاکستان میں نہیں ہوا، ان کو کون پوچھتا ہے یہ کہتے ہیں ہمارے تعلقات ہیں۔ 

عمران خان نے مزید کہا کہ اسٹیٹ بینک نے سپریم کورٹ کے کہنے پر رقم نہ دی تو اسکا مطلب آئین ختم ہوچکا ہے، اس کا مطلب یہاں قانون کی حکمرانی ختم ہوچکی ہے، پہلے ہی پاکستان میں انسانی بنیادی حقوق کی بری طرح پامالی کی جارہی ہے۔ 

تحریک انصاف کے رہنما فواد چوہدری نے  کہا ہے کہ پوری دنیا میں بہترین لوگ سپریم کورٹ میں لگائے جاتے ہیں اس وقت پاکستان کے بہترین جج سپریم کورٹ میں ہیں۔

سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے کہا کہ پوری دنیا میں ججز کی تعیناتیاں میرٹ پر ہوتی ہیں، لیکن پاکستان میں نئی منطق ہے کہ کوئی قابل ہے یا نہیں سینئر ہے تو لگا دو۔

پوری دنیا میں ججوں کی تعیناتیاں میرٹ پر ہوتی ہیں یہاں نئ منطق ہے کہ کوئ قابل ہے یا نہیں سینئر ہے تو لگا دو، میرٹ کے خلاف تعیناتیاں تباہ کن ہیں پوری دنیا میں بہترین لوگ سپریم کورٹ میں لگائے جاتے ہیں، اس وقت پاکستان کے بہترین جج سپریم کورٹ میں ہیں https://t.co/OFxUmp48xJ

— Ch Fawad Hussain (@fawadchaudhry) April 13, 2023

فوادچوہدری نے ٹوئٹ میں لکھا کہ میرٹ کے خلاف تعیناتیاں تباہ کن ہیں، پوری دنیا میں بہترین لوگ سپریم کورٹ میں لگائے جاتے ہیں اور اس وقت پاکستان کے بہترین جج سپریم کورٹ میں ہیں۔

اسلام آباد : سپریم کورٹ پریکٹس اینڈپروسیجربل توثیق کیلئے صدر مملکت عارف علوی کو بھیج دیا گیا، صدرنے بل پر دستخط نہ بھی کیے تو 20 اپریل کو بل قانون بن جائے گا۔

تفصیلات کے مطابق سپریم کورٹ پریکٹس اینڈپروسیجربل توثیق کیلئے صدرکوبھیج دیاگیا، پارلیمنٹ سےمنظوری کےبعدبل دوبارہ صدر کو بھیجاگیاہے۔

صدر مملکت نے بل پر دستخط نہ بھی کیے تو 20 اپریل کو بل قانون بن جائے گا۔

یاد رہے اس سے قبل صدر مملکت نے سپریم کورٹ پریکٹس اینڈپروسیجربل پر دستخط سے انکار کردیا تھا اور بل نظر ثانی کے لیے پارلیمنٹ بھیج دیا تھا۔

بعد ازاں اسپیکر قومی اسمبلی راجہ پرویز اشرف کی زیر صدارت ہونے والے پارلیمنٹ کے مشترکہ اجلاس میں سپریم کورٹ پریکٹس اینڈ پروسیجر بل منظوری کے لیے پیش کیا گیا، جسے کثرت رائے سے منظور کرلیا گیا تھا۔

اس موقع پر وزیر قانون اعظم نذیر تارڑ نے صدر کے اعتراض پر مبنی خط کو بھی ایوان مییں دہرایا اور کہا کہ صدر عارف علوی نے خط میں جو الفاظ استعمال کے ہیں وہ مناسب نہیں انہیں پہلے بھی ایوان سے کئی بار پیغام دیا کہ ریاست کے سربراہ بنیں۔

وزیر قانون نے کہا کہ صدر ایک جماعت کے کارکن کی عینک پہن لیتے ہیں ریاست کے سربراہ نہیں بنتے وہ شاید بھول جاتے ہیں کہ ایوان قانون سازی کا مکمل اختیار ہے۔