Tag: سپریم کورٹ

اسلام آباد: قومی اسمبلی میں سپریم کورٹ میں ججز کی تعداد بڑھانے کا بل 2024 منظور کرلیا گیا، بل کے تحت ججز کی تعداد 17 سے بڑھاکر34 کی جائےگی۔

سپریم کورٹ پریکٹس اینڈ پروسیجر ترمیمی بل 2024 کی شق وار منظوری جاری قومی اسمبلی میں جاری ہے، اس دوران قومی اسمبلی نے سپریم کورٹ پریکٹس اینڈ پروسیجر ترمیمی بل 2024 بھی منظور کرلیا، اس کے علاوہ اسلام آباد ہائیکورٹ ایکٹ ترمیمی بل 2024 بھی قومی اسمبلی سے منظور کرلیا گیا۔

اسلام آباد ہائیکورٹ میں ججز کی تعداد 9 سے بڑھا کر 12 کی جائے گی، وزیر دفاع خواجہ آصف نے قومی اسمبلی میں ترمیمی بلز پیش کیے۔

اس دوران اپوزیشن اور حکومتی ارکان کی جانب سے ہنگامہ آرائی دیکھنے میں اائی، اسپیکر ڈائس کے سامنے اپوزیشن اور حکومتی اراکین گتھم گتھا ہو گئے۔

اپوزیشن اراکین نے ترمیمی بلز کی کاپیاں پھاڑ دیں، اپوزیشن اراکین نے اسپیکر ڈائس کے سامنے احتجاج کیا اور نعرے بازی کی، حکومتی اراکین نے وزیراعظم کی نشست کو گھیرے میں لےلیا۔

اس کے بعد قومی اسمبلی میں آرمی ایکٹ 1952 میں ترمیم کا بل پیش کیا گیا، قومی اسمبلی میں ایئرفورس ایکٹ 2024 پیش کیا گیا، قومی اسمبلی میں پاکستان نیوی آرڈیننس ترمیمی بل 2024 بھی پیش ہوا۔

اسلام آباد : سپریم کورٹ پریکٹس اینڈپروسیجر ترمیمی آرڈیننس کے اہم نکات سامنے آگئے ، بل کے تحت مقدمات کو پہلے آئیے پہلے پائےکی بنیاد پر نمٹایا جائے گا۔

تفصیلات کے مطابق سپریم کورٹ پریکٹس اینڈ پروسیجر ترمیمی آرڈیننس 2024 کی تفصیلات سامنے آگئیں۔

بل کے تحت مقدمات کو پہلے آئیے پہلے پائےکی بنیاد پر نمٹایا جائے گا اور سپریم کورٹ میں ہر مقدمہ چیف جسٹس کی زیر نگرانی مخصوص بینچ کے سامنے پیش ہوگا۔

سماعت کرنے والے بینچ کا معاملہ نوعیت کو واضح اورمعقول بنیاد پر طے کرنا ہوگا۔

ترمیمی سیکشن 5 اور ایکٹ 17 کے تحت سیکشن 5 کی شق (2) کو حذف کر دیا گیا ہے اور پہلی شق میں کچھ اضافے کیے گئے ہیں تاکہ بینچ کی تشکیل کو مزید واضح کیا جا سکے۔

بل میں نئے سیکشن 7 اے اور 7 بی کا اضافہ کیا گیا ہے اور سیکشن 7 اے میں سماعت کے معیار کو شفاف بنانے کیلئے فہرستوں کا تعین کیا گیا ہے۔

بل کے تحت سیکشن 7 بی میں سپریم کورٹ کی کارروائیوں کا ریکارڈ اور ٹرانسکرپٹ تیار کیا جائے گا ، یہ ریکارڈ اور ٹرانسکرپٹ عدالتی فیس کی ادائیگی کے بعد متعلقہ فریقین کو فراہم کیا جاسکے گا۔

آرڈیننس کےمطابق ترامیم آرٹیکل 191 کے تحت سپریم کورٹ اختیارات کو مزید شفاف بنانے کیلئے کی گئی، مقدمات کی فوری سماعت کا فیصلہ عوامی اہمیت کے اصول پر کیا جائے گا۔

سپریم کورٹ ترمیمی آرڈیننس 2024 کو صدر نے آئین کے آرٹیکل 89 کے تحت جاری کیا۔

خیال رہے حکومت کی جانب سے آج قومی اسمبلی ترمیمی آرڈینیس پیش کیے جانے کا امکان ہے، اسپیکر قومی اسمبلی سردار ایاز صادق کی زیر صدارت قومی اسمبلی کا اجلاس شام 5 4 بجے ہوگا۔

اسلام آباد : توشہ خانہ 2 ریفرنس میں بانی پی ٹی آئی کی اہلیہ بشریٰ بی بی کی ضمانت کا فیصلہ سپریم کورٹ میں چیلنج کردیا گیا۔

تفصیلات کے مطابق توشہ خانہ 2 ریفرنس میں ایف آئی اے نے بانی پی ٹی آئی کی اہلیہ بشریٰ بی بی کی ضمانت کے فیصلے کو چیلنج کردیا۔

بانی پی ٹی آئی کی اہلیہ کی ضمانت کے ہائیکورٹ فیصلے کو سپریم کورٹ میں چیلنج کیا گیا ہے۔

درخواست میں موقف اختیار کیا گیا ہے کہ ہائیکورٹ کے ایک جج نے چیمبر میں ضمانت دی، ضمانت میں سپریم کورٹ کے طے کردہ اصولوں کو مد نظر نہیں رکھا گیا۔

ایف آئی اے کا کہنا تھا کہ استغاثہ کا کیس یہ ہے کہ بشریٰ بی بی اپنے شوہر کے ساتھ ملوث ہیں، جیولری سیٹ توشہ خانہ میں جمع نہ کروانے کے شواہد کو مدنظر نہیں رکھا گیا۔

درخواست میں مزید کہا گیا کہ سپریم کورٹ طے کر چکی خاتون کا بھی کا کرمنل ریکارڈ ہو ضمانت نہیں مل سکتی، 263 دن کسی کو جیل میں رہنے کی بنیاد پر ضمانت نہیں دی جاسکتی۔

مزید پڑھیں : بشریٰ بی بی کو اڈیالہ جیل سے رہا کردیا گیا

درخواست میں استدعا کی گئی کہ اسلام آبادہائیکورٹ کا 23اکتوبرکافیصلہ کالعدم قراردےکربشریٰ بی بی کی ضمانت منسوخ کی جائے۔

یاد رہے اسلام آباد ہائیکورٹ نے بانی پی ٹی آئی کی اہلیہ کی ضمانت منظور کی تھی، جس کے بعد انھیں رہا کیا گیا تھا۔

خیال رہے عمران خان کی اہلیہ مجموعی طور پر9 ماہ جیل رہیں، ان کو رواں سال 31 جنوری کو توشہ خانہ کیس میں 14 سال قید کی سزا ہوئی تھی۔

سزا کا فیصلہ آنے کے بعد بشری بی بی نے خود جیل میں آکر گرفتاری دی تھی، بعد ازاں ان کو اڈیالہ جیل کے بجائے بنی گالہ منتقل کیا گیا تھا، کمشنر اسلام باد نے بنی گالہ کو سب جیل قرار دیا تھا۔

اسلام آباد ہائی کورٹ نے عمران خان کی توشہ خانہ سزا معطل کردی تھی تاہم ان کو توشہ خانہ ٹو میں دوبارہ گرفتار کیا گیا تھا۔