لاہور: سپر اسٹار علی ظفر نے ہراسگی کیس سے متعلق اہم انکشاف کر دیا.
تفصیلات کے مطابق میشا شفیع اور علی ظفر تنازعے میں انکشافات کا سلسلہ جاری ہے، سپر اسٹار کے حالیہ ٹویٹ سے صورت حال میں نیا موڑ آگیا.
علی ظفر نے اپنے حالیہ ٹویٹ میں مختلف اسکرین شاٹس استعمال کرتے ہوئے لکھا ہے کہ اس طریقے سے جعلی اکاؤنٹس استعمال کرکے میرے خلاف بیانیہ بنایا گیا.
ان کا کہنا تھا اس پروپیگنڈے میں ایسی خواتین کی تصاویر استعمال کی گئیں، جنھیں کو اس کا قطعی کوئی علم نہیں تھا.
مزید پڑھیں: عدالت نے میشا شفیع پر دس ہزار روپے کا جرمانہ عائد کیا، قانونی ٹیم علی ظفر
علی ظفر نے کہا کہ اس قسم کی پوسٹز میں جس طرح مختلف افراد کو ٹیگ کیا گیا، وہ قابل غور ہے.
سپر اسٹار نے کہا کہ ایف آئی اے میں معاملہ اٹھانے کے بعد اکاؤنٹس اب بند ہو رہے ہیں.
یاد رہے کہ 30 اپریل 2019 کو علی ظفر کی قانونی ٹیم نے میشا شفیع کے کے الزامات رد کرتے ہوئے کہا تھا کہ محتسب نے میشا شفیع کی درخواست مسترد کردی تھی، گواہوں سے جرح نہ کرنے پر میشا پر دس ہزار روپے کا جرمانہ عائد ہوا ہے۔
