Tag: سپر ٹیکس

اسلام آباد : وزیرخزانہ مفتاح اسماعیل نے سپر ٹیکس کے حوالے سے واضح کیا کہ تمام سیکٹرز پر 4 فیصد اور مخصوص 13 شعبوں پر 10 فیصد سپر ٹیکس لاگو ہوگا۔

تفصیلات کے مطابق وزیرخزانہ مفتاح اسماعیل نے سماجی رابطے کی ویب سائٹ‌ پر اپنے بیان میں کہا واضح کرنا چاہتا ہوں 4 فیصد کا سپر ٹیکس تمام سیکٹرز پر لاگو ہوگا، مخصوص 13 شعبوں کیلئے مجموعی طورپر 10 فیصد سپر ٹیکس دینا ہوگا۔

،وزیرخزانہ کا کہنا تھا کہ مخصوص13شعبوں کیلئےٹیکس کی شرح 29سے 39فصد ہو جائے گی، پچھلے 4ریکارڈبجٹ خسارےکوکم کرنے کیلئےسپر ٹیکس ایک بار لگا یا گیا ہے۔

Just to clarify: the super tax of 4% will be applicable to all sectors. But for the specified 13 sectors, another 6% will be added for a total of 10%. So their tax rates will go from 29% to 39%. This is a one-time tax needed to curtail the previous four record budget deficits.

— Miftah Ismail (@MiftahIsmail) June 24, 2022

اس سے قبل وزیرخزانہ مفتاع اسماعیل نے قومی اسمبلی میں خطاب کرتے ہوئے کہا تھا کہ امیر ترین کمپنیوں اور لوگوں پر ٹیکس لگایا ہے، میری اپنی کمپنی بھی جتنا ٹیکس دیتی تھی اس سے بیس کروڑ سے زائد ٹیکس دے گی۔

مفتاع اسماعیل کا کہنا تھا کہ تین ہزار چھوٹی دکانوں اور دس ہزار بڑی دکانوں اور تین سو اسکوئر فٹ کی دکانوں سے فکس ٹیکس لیں گے، اس سےمہنگائی نہیں بڑھے گی۔

انھوں نے کہا کہ تیرہ ایسے سیکٹر ہیں جن کی تیس کروڑ سے زائد آمدنی والی کمپنیوں پر ایک سال کیلئے دس فیصد سپر ٹیکس لگائیں گے، پی ٹی آئی حکومت نے مشکل حالات میں چھوڑ کر گئی تھی لیکن عوام نے ساتھ دیا پٹرول اور ڈیزل مہنگا ہوا، اکسانے کے باوجود کوئی باہر نہیں آیا۔

اسلام آباد : چیئرمین اپٹما حامد زمان کا کہنا ہے کہ جو کام یہ حکومت کررہی ہے اس سے ملک بچتا ہوانظرنہیں آرہا، انڈسٹری کی صورتحال برقرار نہ رکھی گئی تومعیشت تباہ ہوجائے گی۔

تفصیلات کے مطابق چیئرمین اپٹما نارتھ زون حامد زمان نے وزیراعظم کی جانب سے سپر ٹیکس لگانے کے اعلان پر اے آر وائی نیوز سے خصوصی گفتگو میں کہا کہ اس وقت حکومت کو ایک ہنگامی صورتحال کاسامناہے، ہنگامی صورتحال کے پہلے تو آثار نہیں تھے لیکن 2سے3ماہ جو صورتحال پیدا ہوئی وہ سمجھ سے بالا ہے۔

حامد زمان کا کہنا تھا کہ انڈسٹری کی صورتحال برقرار نہ رکھی گئی تومعیشت تباہ ہوجائے گی ، اسوقت سب سے زیادہ ضرورت بیرونی سرمایہ کاری کی ہے ، ٹیکس بڑھائیں گے تو بلیک میں کاروبار بڑھ جائےگا۔

چیئرمین اپٹما نے کہا کہ حکومت افراتفری پھیلا کر غلط کررہی ہے، ایکسپورٹ نیچے گئی،فیکٹریاں بند ہوئیں تو حالات بس میں نہیں ہونگے، انھیں یہ بیان چھوڑ دینا چاہیے کہ ہم ملک بچانے آئے ہیں، جو کام یہ حکومت کررہی ہے اس سے ملک بچتا ہوانظرنہیں آرہا۔

ان کا مزید کہنا تھا کہ اگر یہ ٹیکس پر ٹیکس لگائیں گے اور کارپورٹ سیکٹر کو مایوس کریں گے تو لوگ ٹیکس نیٹ سے باہر نکل جائیں گے، ریونیو نہیں بڑھے گا۔

حامد زمان نے کہا کہ لانگ ٹرم آنیوالی حکومت ہی درست فیصلے کرسکتی ہے ، حکومت ٹیکس نیٹ میں نئے لوگوں کو نہیں لارہی، 9 لاکھ لوگ صرف ٹیکس پیئر ہونگے تو ملک کہاں جائےگا، سپر ٹیکس جیسے اقدامات سے سرمایہ کاری کم ہوگی بڑھے گی نہیں۔