ARYNews.tv | Urdu – Har Lamha Bakhabar

Tag: سپر ہائی وے

  • ڈمپرز ایسوسی ایشن نے دھرنا دے دیا، حادثہ ٹینکر سے ہوا، لیاقت محسود کا دعویٰ

    ڈمپرز ایسوسی ایشن نے دھرنا دے دیا، حادثہ ٹینکر سے ہوا، لیاقت محسود کا دعویٰ

    کراچی (10 اگست 2025): ڈمپرز ایسوسی ایشن کے عہدے داروں نے سپر ہائی وے پر دھرنا دے دیا ہے، لیاقت محسود کا کہنا ہے کہ حادثہ ٹینکر سے ہوا لیکن آگ ڈمپروں کو لگائی گئی۔

    تفصیلات کے مطابق ڈمپر ایسوسی ایشن کے رہنما لیاقت محسود نے 7 ڈمپرز جلنے کے بعد سپر ہائی وے پر دھرنا دے دیا ہے، اور دعویٰ کیا ہے کہ ان کی 7 نہیں 9 گاڑیوں کو نقصان پہنچایا گیا ہے۔

    لیاقت محسود نے کہا حادثہ ٹینکر کی ٹکر سے ہوا ہے لیکن مشتعل لوگوں نے ڈمپرو ں کو آگ لگا دی، ملزمان کی گرفتاری تک سپر ہائی وے سے نہیں جائیں گے۔ ڈمپر مالکان نے جائے حادثہ سے جلے ہوئے ڈمپر ہٹانے سے انکار کر دیا ہے، اور لفٹر کو بھی جلے ہوئے ڈمپر ہٹانے سے منع کیا۔ڈمپر راشد منہاس روڈ حادثہ

    راشد منہاس روڈ ڈمپر حادثے نے بچی کا جہیز جمع کرنے والا خاندان اجاڑ دیا، چچا ذاکر

    ڈمپر ایسوسی ایشن کے رہنما نے کہا حادثے میں جو ہلاکتیں ہوئیں اس پر میں بھی غم میں ہوں، لیکن ہمارے ڈمپرز کو شر پسندوں نے جلایا ہے، جس کے خلاف نیشنل ہائی وے اور سپر ہائی وے کو بلاک کیا جا رہا ہے، سپر ہائی وے سہراب گوٹھ سے نیشنل ہائی وے ٹھٹھہ روڈ سے بلاک کیا جائے گا۔

    کراچی میں مشتعل افراد نے 7 ڈمپروں کو آگ لگا دی، 10 شہری گرفتار

    لیاقت محسود کا کہنا تھا کہ سندھ حکومت کے ساتھ کئی بار میٹنگز ہوئیں، شہر سے کچرا اٹھانے کے لیے گاڑیوں کو سندھ حکومت کی اجازت ہے، ڈمپرز اور ٹینکرز کے لیے سندھ حکومت نے وقت مقرر کر رکھے ہیں، اس وقت شہر کے حالات سب کے سامنے ہیں، اس کی تمام تر ذمہ داری سندھ حکومت پر عائد ہوتی ہے۔

  • گزشتہ روز ٹریفک حادثے میں جاں بحق شہری کسٹم افسر نکلے

    گزشتہ روز ٹریفک حادثے میں جاں بحق شہری کسٹم افسر نکلے

    کراچی: گزشتہ روز کراچی میں سپر ہائی وے اسکیم 33 کے قریب ٹریفک حادثے میں جاں بحق شہری کسٹم پریونٹو افسر نکلے، کسٹم حکام کا کہنا ہے کہ متوفی رانا مدثر کسٹم کے لیگل ڈویژن میں تعینات تھے۔

    تفصیلات کے مطابق کسٹم حکام نے کہا ہے کہ سپر ہائی وے اسکیم 33 کے قریب حیدر آباد سے کراچی آتے ہوئے رانا مدثر کی گاڑی کو ڈمپر نے کچل دیا تھا، حادثے میں رانا مدثر کے سر پر گہری چوٹ آئی تھی، جس پر انھیں نجی اسپتال میں منتقل کیا گیا تھا، جہاں وہ زخموں کی تاب نہ لاتے ہوئے جاں بحق ہو گئے۔

    گزشتہ روز رانا مدثر کی لاش کو ضابطے کی کارروائی کے بعد ورثا کے حوالے کیا گیا، رانا مدثر کی نماز جنازہ ادا کر دی گئی ہے، جس میں کسٹم افسران کی بڑی تعداد نے شرکت کی۔

    کسٹم حکام کے مطابق رانا مدثر کا آبائی تعلق ملتان سے تھا، ان کی لاش آبائی علاقے روانہ کر دی گئی ہے۔

    سواری کے انتظار میں کھڑے رکشے پر تیز رفتار ٹریلر چڑھ دوڑا، ڈرائیور جاں بحق

    واضح رہے کہ کراچی میں ہیوی گاڑیوں کے حادثات نہیں رک سکے ہیں، سپر ہائی وے بس ٹرمنل کے قریب ایک تیز رفتار ٹریلر نے سواری کے انتظار میں کھڑے رکشے کو کچل دیا جس سے رکشہ ڈرائیور جاں بحق ہو گیا، متوفی رکشہ ڈرائیور کی شناخت قطب الدین کے نام سے ہوئی ہے۔

    گزشتہ روز بھی ایک اور افسوس ناک حادثے میں ایک خاندان کی زندگی کا چراغ گل ہو گیا تھا، یہ واقعہ سرجانی ٹاؤن میں ناردرن بائی پاس پر پیش آیا تھا، جس میں ایک ڈمپر نے کار کو ٹکر مار دی تھی۔ ریسکیو حکام کے مطابق اس حادثے میں کار سوار باپ بیٹے سمیت 3 افراد جاں بحق ہوئے تھے، جاں بحق افراد منگھوپیر کے علاقے گل محمد قلندرانی گوٹھ کے رہائشی تھے۔

    9 مئی کو بھی کراچی میں ہیوی ٹریفک نے ایک فیملی کو اجاڑ دیا تھا، جب ایک ٹرک نے موٹر سائیکل سوار باپ بیٹے کو کچل دیا تھا۔ یہ حادثہ اورنگی 15 نمبر میں تیز رفتار ٹرک کی ٹکر سے پیش آیا تھا۔

  • سواری کے انتظار میں کھڑے رکشے پر تیز رفتار ٹریلر چڑھ دوڑا، ڈرائیور جاں بحق

    سواری کے انتظار میں کھڑے رکشے پر تیز رفتار ٹریلر چڑھ دوڑا، ڈرائیور جاں بحق

    کراچی: شہر قائد کے سپر ہائی وے ایریا میں ایک تیز رفتار ٹریلر نے سواری کے انتظار میں کھڑے رکشے کو کچل دیا جس سے رکشہ ڈرائیور جاں بحق ہو گیا۔

    تفصیلات کے مطابق سپر ہائی وے بس ٹرمنل کے قریب ایک ٹریلر کی ٹکر سے رکشہ ڈرائیور جاں بحق ہو گیا، رکشہ پنجاب بس اڈہ کے قریب سواری کے انتظار میں کھڑا تھا۔

    رکشہ ڈرائیور ٹریلر ٹکر کراچی سپر ہائی وے
    ٹریلر ڈرائیور کو گرفتار کر کے اس کے خلاف مقدمہ درج کر لیا گیا ہے

    اس افسوس ناک حادثے میں رکشہ ڈرائیور موقع ہی پر جاں بحق ہو گیا تھا، پولیس نے ٹریلر ضبط کر لیا، اور ٹریلر ڈرائیور کو بھی گرفتار کر لیا گیا ہے، جس کے خلاف مقدمہ درج کر لیا گیا ہے، مقدمہ قتل خطا اور غفلت سے ڈرائیونگ کی دفعات کے تحت درج کیا گیا ہے۔

    پولیس حکام کا کہنا ہے کہ رکشہ ڈرائیور کی لاش ورثا کے سپرد کر دی گئی ہے، متوفی رکشہ ڈرائیور کی شناخت قطب الدین کے نام سے ہوئی ہے، متوفی بس اڈے کے قریب سڑک کنارے سواری کے انتظار میں تھا کہ تیز رفتار ٹریلر آ کر چڑھ دوڑا۔

    کراچی میں ڈمپر نے باپ بیٹے سمیت 3 افراد کی جان لے لی

    کراچی میں ہیوی گاڑیوں کے حادثات نہیں رک سکے ہیں، گزشتہ روز بھی ایک اور افسوس ناک حادثے میں ایک خاندان کی زندگی کا چراغ گل ہو گیا تھا، یہ واقعہ سرجانی ٹاؤن میں ناردرن بائی پاس پر پیش آیا تھا، جس میں ایک ڈمپر نے کار کو ٹکر مار دی تھی۔

    ریسکیو حکام کے مطابق اس حادثے میں کار سوار باپ بیٹے سمیت 3 افراد جاں بحق ہوئے تھے، جاں بحق افراد منگھوپیر کے علاقے گل محمد قلندرانی گوٹھ کے رہائشی تھے۔ 9 مئی کو بھی کراچی میں ہیوی ٹریفک نے ایک فیملی کو اجاڑ دیا تھا، جب ایک ٹرک نے موٹر سائیکل سوار باپ بیٹے کو کچل دیا تھا۔ یہ حادثہ اورنگی 15 نمبر میں تیز رفتار ٹرک کی ٹکر سے پیش آیا تھا۔

  • کراچی : سپر ہائی وے پر 3 ٹریلرز میں خوفناک تصادم، ایک شخص جاں بحق، 3 زخمی

    کراچی : سپر ہائی وے پر 3 ٹریلرز میں خوفناک تصادم، ایک شخص جاں بحق، 3 زخمی

    کراچی : سپر ہائی وے پر 3 ٹریلر کے خوفناک تصادم کے نتیجے میں ایک شخص جاں بحق اور 3 زخمی ہوگئے، ہیوی مشینری کے ذریعے ٹریلر ہٹانے کا کام جاری ہے۔

    تفصیلات کے مطابق کراچی کے قریب سپر ہائی وے پر خوفناک ٹریفک حادثہ پیش آیا، جہاں حیدرآباد سے کراچی آتے ہوئے تین ٹریلر آپس میں ٹکرا گئے، جس کے بعد ٹریلرز الٹ گئے۔

    ریسکیو حکام نے بتایا کہ حادثے میں ایک شخص جاں بحق اور تین شدید زخمی ہوئے تاہم زخمیوں کو قریبی اسپتال منتقل کر دیا گیا۔.

    ریسکیو حکام کا کہنا ہے کہ جاں بحق شخص کی شناخت چالیس سالہ لیاقت کے نام جبکہ زخمیوں کی شناخت ریاض، اسد اور انیس کے ناموں سےہوئی۔

    حکام نے کہا کہ حادثہ تیز رفتاری کے باعث پیش آیا تاہم ہیوی مشینری کے ذریعے ٹریلر ہٹانے کا کام جاری ہے۔

    مزید پڑھیں : کراچی: سپر ہائی وے پر 6 گاڑیوں میں تصادم، نوجوان جاں بحق، متعدد زخمی

    دوسری جانب جامشورو میں انڈس ہائی وے پر کار اور کوچ میں ٹکر کے نتیجے میں 3 افراد جاں بحق ہوگئے ، جاں بحق ہونے والوں میں شوکت، عریز اور عیدن شامل ہیں، حادثے میں 3 افراد زخمی ہوگئے۔

    یاد رہے رواں سال کے آغاز میں سپر ہائی وے پر بارش کے بعد ہونے والی پھسلن کے باعث 2 مسافر بسوں سمیت 3 گاڑیوں میں تصادم ہوگیا تھا، جس کے نتیجے میں ایک نوجوان جاں بحق جبکہ متعدد زخمی ہوگئے تھے۔

  • پیٹرول پمپ پر لٹیروں کی ڈکیتی کی فوٹیج سامنے آ گئی

    پیٹرول پمپ پر لٹیروں کی ڈکیتی کی فوٹیج سامنے آ گئی

    کراچی: شہر قائد میں سپر ہائی وے، چاکر ہوٹل کے قریب پیٹرول پمپ پر ہونے والی ڈکیتی کی فوٹیج سامنے آ گئی ہے۔

    یہ واقعہ 5 جنوری کی رات پیش آیا تھا، جس کا مقدمہ درج کیا جا چکا ہے، پولیس حکام کا کہنا ہے کہ اس واردات میں لٹیرے 2 سے 3 لاکھ روپے نقدی اور سیکیورٹی گارڈ کا اسلحہ لے کر فرار ہوئے تھے۔

    سی سی ٹی وی فوٹیج میں ایک موٹر سائیکل پر 3 لٹیروں کو دیکھا جا سکتا ہے، ایک ڈاکو نے ٹہلنے کے انداز میں جا کر کونے میں کرسی پر بیٹھے سیکیورٹی گارڈ کو قابو کیا اور اس سے اسلحہ چھینا، ڈاکو نے اس پر تشدد بھی کیا۔

    لٹیرے پیٹرول پمپ کے ملازم اور سیکیورٹی گارڈ کو تشدد کے بعد ایک کمرے میں لے گئے تھے، اور رقم لوٹنے کے بعد بہ آسانی فرار ہو گئے۔

    پولیس حکام کا کہنا ہے کہ لٹیروں کی تلاش جاری ہے، ڈکیتی کا مقدمہ درج ہو چکا ہے، جلد ہی ملزمان کو تلاش کر لیا جائے گا۔ واضح رہے کہ کراچی میں اسٹریٹ کرائمز کے ساتھ ساتھ پیٹرول پمپوں پر بھی تواتر کے ساتھ ڈکیتی کی وارداتیں ہو رہی ہیں، پولیس انھیں روکنے میں پوری طرح ناکام ہے۔

  • کراچی: سپر ہائی وے پر 6 گاڑیوں میں تصادم، نوجوان جاں بحق، متعدد زخمی

    کراچی: سپر ہائی وے پر 6 گاڑیوں میں تصادم، نوجوان جاں بحق، متعدد زخمی

    کراچی: سپر ہائی وے پر بارش کے بعد ہونے والی پھسلن کے باعث 2 مسافر بسوں سمیت 3 گاڑیوں میں تصادم ہوگیا، جس کے نتیجے میں ایک نوجوان جاں بحق جبکہ متعدد زخمی ہوگئے۔

    اے آر وائی نیوز کے مطابق ریسکیو حکام کا کہنا ہے کہ کراچی میں سپر ہائی وے پر ہونے والے حادثے کے نتیجے جاں بحق ہونے والے نوجوان کی لاش اور زخمیوں کو اسپتال منتقل کردیا گیا ہے۔

    ریسکیوذرائع کے مطابق حادثے میں جاں بحق اور زخمی ہونے والے افراد کی شناخت کا عمل جاری ہے۔

    اس سے قبل بھی پنجاب میں شدید دھند اور اسموگ کے باعث خوفناک ٹریفک حادثے میں 6 افراد جاں بحق اور متعدد زخمی ہوگئے تھے۔

    اے آر وائی نیوز کے نمائندے ریحان بدر کی رپورٹ کے مطابق پنجاب کے شہر تاندلیا نوالہ میں دھند کے باعث ایک گاڑی گنے کی ٹرالی سے ٹکرا گئی، جس کے نتیجے میں ایک ہی خاندان کے 6 افراد موقع پر ہی جان کی بازی ہار گئے۔

    اس حوالے سے پولیس کا کہنا ہے کہ یہ حادثہ نواحی علاقے تاندلیانوالہ میں پیش آیا جس میں 3افراد زخمی بھی ہوئے جنہیں ابتدائی طبی امداد کیلئے قریبی اسپتال روانہ کردیا گیاتھا۔

    جاں بحق ہونے والے افراد میں خواتین اور بچے بھی شامل ہیں، جن میں بچوں کی عمریں 3سے6سال کے درمیان بتائی جارہی ہیں۔

    پولیس کے مطابق لاہور کا رہائشی خاندان موٹر وے سے اتر کر گاڑی میں تاندلیانوالہ جارہا تھا کہ شدید دھند کے باعث حادثہ پیش آگیا۔

    پولیس حکام کا کہنا ہے کہ حادثے کے بعد ڈرائیور دھند کا فائدہ اٹھاتے ہوئے فرار ہونے میں کامیاب ہوگیا تاہم ٹریکٹر ٹرالی کو تحویل میں لے لیا گیا ہے۔

    کرم متاثرین کیلئے محکمہ ریلیف کا امدادی سامان کرم انتظامیہ کے حوالے

    تازہ ترین اطلاعات کے مطابق ریسکیو حکام کا کہنا ہے کہ تاندلیانوالہ کار حادثے میں جاں بحق ہونے والوں میں ماں اور اس کے 4 بچے شامل ہیں، ماں رابعہ،2 بیٹیاں 13سالہ فجر، 11 سالہ عمائمہ جاں بحق ہوئیں۔

  • سپر ہائی وے پر مسافر بس اور مزدا ٹرک میں خوفناک تصادم

    سپر ہائی وے پر مسافر بس اور مزدا ٹرک میں خوفناک تصادم

    کراچی میں سپر ہائی وے سبزی منڈی یو ٹرن کے قریب بس اور مزدا ٹرک کے درمیان تصادم کے نتیجے میں ایک شخص جاں بحق اور دو افراد زخمی ہوگئے۔

    ریسکیو حکام کے مطابق حادثے میں جاں بحق شخص کی شناخت عطااللہ کے نام سے ہوئی ہے جبکہ زخمیوں میں علی محمد اور داود شامل ہیں۔

    پولیس کے مطابق مسافر بس کراچی سے سکھر جارہی تھی، بس مسافروں سے بھری ہوئی تھی، حادثہ ٹرک کے رانگ وے آنے کے باعث پیش آیا۔جاں بحق اور زخمیوں کو عباسی شہید اسپتال منتقل کردیا گیا ہے۔

    دوسری جانب سکھر ملتان موٹروے پر تیز رفتار کار اور ٹرک میں خوفناک تصادم کے نتیجے میں خاتون سمیت 4 افراد جاں بحق جبکہ ایک خاتون زخمی ہوگئیں۔

     پولیس کا کہنا ہے کہ حادثہ سکھر ملتان موٹر وے ایم فائیو پر دادلو کے قریب پیش آیا جہاں ملتان جانے والی کار تیز رفتاری کے باعث بے قابو ہوکر ٹرک سے ٹکرا گئی۔

  • سپر ہائی وے کو موٹر وے قرار دینے کی بجائے نیا موٹر وے کیوں نہیں بنایا جا رہا؟ سندھ ہائیکورٹ

    سپر ہائی وے کو موٹر وے قرار دینے کی بجائے نیا موٹر وے کیوں نہیں بنایا جا رہا؟ سندھ ہائیکورٹ

    کراچی: سندھ ہائیکورٹ نے موٹر وے اسکیم سے شہریوں کے متاثر ہونے کے کیس میں اہم سوال اٹھاتے ہوئے کہا ہے کہ ’سپر ہائی وے کو موٹر وے قرار دینے کی بجائے نیا موٹر وے کیوں نہیں بنایا جا رہا؟‘

    سندھ ہائی کورٹ میں موٹر وے ایم 5 پر سروس روڈ سمیت دیگر سہولتوں تک رسائی کے کیس میں عدالت نے سوال اٹھایا ہے کہ جن شہریوں کی جائیدادیں سپر ہائی وے کے اطراف ہیں انھیں وہاں رسائی سے کیسے روکا جا سکتا ہے۔

    وکیل این ایچ اے نے بتایا کہ ان شہریوں کے داخلے کے لیے انٹری گیٹ تعمیر کیے جا رہے ہیں، لیکن یہ لوگ تعمیرات کے لیے ادائیگی نہیں کر رہے ہیں۔

    جسٹس صلاح الدین پنہور نے کہا کہ یہ لوگ ادائیگی کیوں کریں گے؟ کیا اسکیم میں یہ شامل نہیں؟ ایک شخص کی یہاں زمین ہے اور اچانک سڑک بن جائے تو کیا حق ملکیت ختم ہو جائے گا؟

    سندھ ہائیکورٹ نے ریمارکس دیے کہ موٹر وے بناتے ہوئے پرانی زمینوں کو بھی مدنظر رکھنا ہوگا، شہریوں کو سہولتوں کی فراہمی اسکیم کا حصہ ہونا چاہیے۔

    عدالت نے نکتہ اعتراض اٹھایا کہ سکھر حیدرآباد، لاہور اسلام آباد موٹر وے تو نئے بنائے گئے، جی ٹی روڈ کو تو موٹر وے نہیں بنایا گیا۔ کیس کی سماعت کے بعد سندھ ہائیکورٹ نے این ایچ اے سمیت دیگر فریقین سے 28 اگست کو جواب طلب کر لیا۔

  • سپر ہائی وے کے قریب ڈکیتی مزاحمت پر سب انسپکٹر قتل

    سپر ہائی وے کے قریب ڈکیتی مزاحمت پر سب انسپکٹر قتل

    کراچی: سائٹ سپر ہائی وے چاکر ہوٹل کے قریب فائرنگ سے سب انسپکٹر اپنی جانب کی بازی ہار گیا۔

    تفصیلات کے مطابق کراچی کے علاقے سائٹ سپر ہائی وے چاکر ہوٹل کے قریب فائرنگ کا واقعہ پیش آیا ہے جس کے نتیجے میں سب انسپکٹر عامر علی اپنی جان کی بازی ہار گئے۔

    پولیس حکام کا کہنا ہے کہ مقتول عامر علی فیڈرل بی ایریا کا رہائشی اور گلبرگ کمپلین سیل میں تعینات تھا، مقتول کے پاس پیسے موجود ہیں، پستول اور موٹر سائیکل نہیں ملی، واقعہ ڈکیتی مزاحمت پر قتل کا لگتا ہے۔

    حکام کا بتانا ہے کہ عامر علی نے فائرنگ کرنے کی کوشش کی تھی، فائرنگ کے تبادلے میں عامر علی کو سینے پر گولی لگ گئی، ڈاکو پیسے موبائل فون لیکر نہیں گئے، صرف پستول لے گئے۔

    دوسری جانب ایس ایس پی ایسٹ سید عرفان بہادرنے جائے وقوعہ کا دورہ کیا اور میڈیا سے گفتگو کرتے ہوئے کہا کہ شہید سب انسپکٹر عامر وادی حسین قبرستان سے واپس آرہا تھا۔

    ایس ایس پی سید عرفان بہادر نے مزید کہا کہ شہید سب انسپکٹر کو سینے پر ایک گولی لگی، واقعہ ڈکیتی مزاحمت ہے یا ذاتی دشمنی تحقیقات کر رہے ہیں۔

  • کراچی: سپر ہائی وے سے ملنے والی خاتون کی لاش کی میڈیکل رپورٹ میں اہم انکشاف

    کراچی: سپر ہائی وے سے ملنے والی خاتون کی لاش کی میڈیکل رپورٹ میں اہم انکشاف

    کراچی: سپر ہائی وے سے ملنے والی خاتون کی لاش کی میڈیکل رپورٹ پولیس کو موصول ہوگئی ہے جس میں اہم انکشاف ہوا۔

    پولیس کے مطابق کراچی کے علاقے سپر ہائی وے سے ملنے والی خاتون کی عمر 30 سے 32 سال ہے لاش مختلف ٹکڑوں میں ہے، خاتون کی تاحال شناخت نہیں ہوسکی لیکن میڈیکل رپورٹ میں بتایا گیا کہ خاتون کو بہیمانہ تشدد کا نشانہ بنایا گیا۔

    پولیس کا کہنا ہے کہ تشدد سے دونوں بازو اور ریڑھ  کی ہڈی کو شدید نقصان پہنچا ہے، پولیس نے کیمیکل ایگزامینیشن  اور ڈی این اے کے نمونے حاصل کر لیے ہیں۔

    پولیس کا مزید کہنا ہے کہ ڈی این اے رپورٹ کے بعد خاتون کی شناخت میں مدد مل سکےگی۔