ARYNews.tv | Urdu – Har Lamha Bakhabar

Tag: سڈنی

  • شاپنگ مال میں دہشت گردی، چھ افراد ہلاک

    شاپنگ مال میں دہشت گردی، چھ افراد ہلاک

    سڈنی : آسٹریلیا کے شہر سڈنی کے ایک شاپنگ مال میں چاقو سے مسلح ملزم کے حملے میں چھ افراد ہلاک ہوگئے ہیں جبکہ ایک زخمی بچے کی حالت تشویشناک ہے۔

    عالمی میڈیا رپورٹ کے مطابق حملہ آور کو ایک پولیس افسر نے گولی مار کر موقع پر ہی ہلاک کر دیا، حملے میں ہلاک ہونے والے افراد میں پانچ خواتین اور ایک مرد شامل ہے۔

    سڈنی کے ویسٹ فیلڈ بونڈائے جنکشن شاپنگ مال میں پیش آنے والے واقعے کی تفصیلات بتاتے ہوئے اسسٹنٹ کمشنر انتھونی کوکے کا کہنا تھا کہ حملے کے مقام کے قریب ایک خاتون پولیس اہلکار موجود تھیں اور جب انھوں نے حملہ آور کو پکڑنے کی کوشش کی تو اس نے ان پر وار کرنے کی کوشش کی۔

    اسسٹنٹ کمشنر کے مطابق شاپنگ مال کی پانچویں منزل پر خاتون پولیس اہلکار نے اپنا دفاع کرتے ہوئے حملہ آور کو گولی ماری جس کے سبب وہ ہلاک ہوگیا۔

    سڈنی پولیس نے جائے وقوعہ پر پہنچ کر پھنسے ہوئے ہزاروں شہریوں کو بحفاظت باہر نکال لیا ہے اور زخمیوں کو مقامی اسپتال میں داخل کرایا گیا ہے۔زخمیوں میں سے ایک بچے کی حالت تشویشناک بیان کی جارہی ہے۔

    پولیس نے فوری کارروائی کرتے ہوئے فی الحال شاپنگ مال کو بند کردیا گیا ہے اور لوگوں سے اس علاقہ سے دور رہنے کی اپیل کی گئی ہے۔

  • قومی کرکٹ ٹیم آسٹریلیا کے دورے کیلئے سڈنی پہنچ گئی

    قومی کرکٹ ٹیم آسٹریلیا کے دورے کیلئے سڈنی پہنچ گئی

    پاکستان کی قومی کرکٹ ٹیم ٹیسٹ کپتان شان مسعود کی قیادت میں آسٹریلیا کے دورے پر سڈنی پہنچ گئی۔

    قومی ٹیم سڈنی سے کینبرا جائے گی جہاں 2 دسمبر کو آرام کرنے کے بعد 3 دسمبر سے ٹریننگ سیشن کا آغاز ہوگا، جبکہ پاکستان کرکٹ ٹیم کینبرا میں 6 سے 9 دسمبر تک چار روزہ میچ کھیلے گی۔

    قومی ٹیم کی قیادت شان مسعود کررہے ہیں، جنہیں پہلی مرتبہ کپتانی کی ذمے داریاں سونپی گئی ہیں، پاکستان اور آسٹریلیا کے درمیان ٹیسٹ سیریز کا آغاز 14 دسمبر کو ہوگا۔

    قومی ٹیم کے اسکواڈ کے دیگر تجربہ کار کھلاڑیوں میں سرفراز احمد، بابر اعظم، محمد رضوان، حسن علی، شاہین آفریدی اور امام الحق بھی شامل ہیں۔

    پاکستان اور آسٹریلیا کے درمیان ہونے والی تین میچوں کی سیریز کا پہلا ٹیسٹ پرتھ میں کھیلا جائے گا جبکہ دوسرا ٹیسٹ 26 دسمبر سے میلبرن اور سیریز کا تیسرا اور آخری ٹیسٹ میچ 3 جنوری کو سڈنی میں کھیلا جائے گا۔

    دوسری جانب قومی ٹیم کے لیگ اسپنر یاسر شاہ کا کہنا ہے کہ مجھے بھی اس بات کا نہیں معلوم کہ اچانک ٹیم سے غائب کیوں ہوگیا۔

    صحافی نے سوال کیا کہ آپ تیز ترین 200 وکٹیں لینے والے پہلے بولر بنے، لیجنڈ شین وارن بھی آپ کی بولنگ کی تعریف کرتے تھے پھر اچانک سے کیا ہوا کہ یاسر شاہ غائب ہوگئے؟

    یاسر شاہ نے کہا کہ یہ تو میں بھی سوچ رہا ہوں کہ اچانک کیوں غائب ہوگیا یہ سوال تو آپ کو پاکستان کرکٹ بورڈ سے بھی کرنا چاہیے۔

    انڈین لیگ میں میچ فکسنگ کے لیے پلیئرز سے رابطوں کا انکشاف

    انہوں نے کہا کہ فٹنس اچھی ہے گزشتہ سیریز میں 25 سے 30 اوورز کیے وکٹیں بھی حاصل کیں، ڈومیسٹک کرکٹ بھی کھیلی ہے لیکن مجھے ٹیم سے ڈراپ کرنے کی کوئی وجہ نہیں بتائی گئی۔

  • ویڈیو: الیکٹرک بائیک کی بیٹری چارجنگ کے دوران خوفناک دھماکے سے پھٹ گئی

    ویڈیو: الیکٹرک بائیک کی بیٹری چارجنگ کے دوران خوفناک دھماکے سے پھٹ گئی

    سڈنی: آسٹریلیا میں ایک الیکٹرک بائیک کی بیٹری چارجنگ کے دوران خوفناک دھماکے سے پھٹ گئی، واقعے کی دل دہلا دینے والی سی سی ٹی وی فوٹیج سامنے آ گئی ہے۔

    آسٹریلیا کے شہر سڈنی میں الیکٹرک بائیک کی بیٹری چارجنگ کے دوران پھٹ گئی، پولیس کا کہنا ہے کہ دھماکا ایک ہاسٹل کے کمرے میں ہوا، فوٹیج میں دیکھا جا سکتا ہے کہ 2 افراد اپنے کمرے بیٹری چارج کرتے ہوئے حادثے سے بال بال بچے۔

    حکام کا کہنا ہے چارج میں لگی بیٹری خراب تھی جو حادثے کا باعث بنی، فائر ڈپارٹمنٹ کا کہنا ہے واقعے میں ایک نوجوان معمولی زخمی ہوا ہے، جب کہ حادثے کے بعد عمارت کو خالی کرا لیا گیا تھا۔

    ویڈیو دیکھنے سے پتا چلتا ہے کہ دونوں لڑکوں اندازہ ہو گیا تھا کہ کوئی حادثہ ہونے والا ہے اس لیے وہ احتیاطاً کمرے سے باہر نکلے، اور وہ ابھی دیکھ ہی رہے تھے کہ دھماکا ہو گیا۔

  • سری لنکن کھلاڑی کی سڈنی میں ضمانت کی درخواست مسترد

    سری لنکن کھلاڑی کی سڈنی میں ضمانت کی درخواست مسترد

    سڈنی: آسٹریلیا میں ٹی 20 ورلڈ کپ میں شرکت کرنے والی سری لنکن ٹیم کے بلے باز دانشکا گوناتھیلا  کی ضمانت کی درخواست مستردی کردی گئی ہے۔

    آسٹریلیا کی میڈیا کے مطابق پولیس کا کہنا ہے کہ ضمانت کی درخواست نا منظور ہونے پر سری لنکن کرکٹر تحویل میں رہیں گے۔

    میڈیا رپورٹس کے مطابق دانشکا گوناتھیلا کا ہتھکڑی لگا کر ویڈیو لنک کے ذریعے سڈنی کی عدالت میں پیش ہوئے۔

    واضح رہے کہ سری لنکن کرکٹر کو دو روز پہلے سڈنی میں گرفتار کیا گیا تھا تاہم دانشکا نے وکیل کے ذریعے عدالت سے ضمانت کی استدعا کی تھی۔

    یاد رہے کہ گوناتلاکا جو انجری کے باعث ورلڈ کپ میچز سے باہر ہوگئے تھے ان پر آسٹریلیا کی ایک 29 سالہ خاتون نے زیادتی کا الزام عائد کیا تھا جس کے بعد انہیں سڈنی سے گرفتار کیا گیا تھا۔

    آسٹریلوی میڈیا کے مطابق خاتون کا کچھ دن قبل ڈیٹنگ ایپ کے ذریعے کرکٹر سے رابطہ ہوا تھا، خاتون نے الزام لگایا کہ 2 نومبر کو دانشکا گوناتھیلاکا نے انہیں جنسی زیادتی کا نشانہ بنایا۔

    اس سے قبل 2017 میں بھی سری لنکن کرکٹ بورڈ نے آل راؤنڈر دھانشکا گنا تھیلاکا پر کوڈ آف کنڈکٹ کی خلاف ورزی کرنے پر 6 میچز کی پابندی لگائی تھی۔

  • چِڑیا گھر میں شیر اپنے بچوں سمیت فرار ، حکام کی دوڑیں لگ گئیں

    چِڑیا گھر میں شیر اپنے بچوں سمیت فرار ، حکام کی دوڑیں لگ گئیں

    سڈنی : چِڑیا گھر میں شیر اپنے بچوں سمیت پنجرے سے فرار ہونے میں کامیاب ہوگیا ، جس کے بعد ا فراتفری مچ گئی اور حکام کی دوڑیں بھی لگ گئیں۔

    تفصیلات کے مطابق سڈنی کے چِڑیا گھر میں شیر اپنے بچوں سمیت پنجرے سے باہر نکل آیا، جس کے بعد چِڑیا گھر میں ا فراتفری مچ گئی۔

    برطانوی خبر رساں ادارے نے بتایا کہ شیروں کے فرار کے بعد چڑیا گھر کی انتظامیہ الرٹ جاری کرنے پر مجبور ہو گئی اور مہمانوں کو حفاظت کے پیش نظر وہاں سے جانا پڑا۔

    انتظامیہ کی جانب سے الرٹ اس وقت جاری کیا گیا جب ایک ویڈیو فوٹیج میں ایٹو نامی نر شیر کو اپنے چار بچوں کے ہمراہ پنجرے سے باہر نکلتے دیکھا گیا۔

    حکام نے شیر کے ننھے منے بچے کو بےہوش کر کے پنجرے میں واپس پہنچایا تو باقی سب بھی پنجرے کے اندر واپس آگئے۔

    چڑیا گھر انتظامیہ کے مطابق شیروں کے مرکزی علاقے سے فرار ہونے کے 10 منٹ سے بھی کم وقت میں وہ متحرک ہو گئے تھے۔

    چڑیا گھر کے ایگزیکٹیو ڈائریکٹر سائمن ڈفی نے ایک نیوز کانفرنس میں بتایا کہ کوئی فرد یا جانور زخمی نہیں ہوا اور چڑیا گھر معمول کے مطابق کھلا ہے۔‘

    سائمن ڈفی کا کہنا تھا کہ ’چڑیا گھر میں اس طرح کے واقعات سے نمٹنے کے لیے انتہائی سخت حفاظتی پروٹوکولز موجود ہیں اور فوری کارروائی کی گئی۔

  • ٹی 20 ورلڈ کپ، نیوزی لینڈ نے سری لنکا کو 65 رنز سے شکست دے دی

    ٹی 20 ورلڈ کپ، نیوزی لینڈ نے سری لنکا کو 65 رنز سے شکست دے دی

    سڈنی: آئی سی سی مینز ٹی ٹوئنٹی کے سپر 12 کے میچ میں نیوزی لینڈ نے سری لنکا کو65 رنز سے شکست دے دی۔

    تفصیلات کے مطابق سڈنی کرکٹ گراؤنڈ میں آج کھیلے گئے میچ میں کیوی کپتان کین ولیمسن نے ٹاس جیت کر پہلے بیٹنگ کا فیصلہ کیا، نیوزی لینڈ کی 168 رنز کے تعاقب میں سری لنکا کی ٹیم 102 رنز پر ڈھیر ہوگئی۔

    نیوزی لینڈ کے ٹرینٹ بولڈ نے شاندار بولنگ کرتے ہوئے 4وکٹیں حاصل کیں، سینٹنر اور اش سوڈھی نے 2،2شکار کیے۔

    سری لنکا کے کپتان ڈاسن شناکا 35،بھانو کاراجا پکسے 34 رنز بناسکے، سری لنکا کے 9 بلے باز ڈبل فیگرمیں بھی نہ جاسکے۔

    اس کے علاوہ نیوزی لینڈ نے میگا ایونٹ میں دوسری کامیابی حاصل کی، نیوزی لینڈ 5پوائنٹس کیساتھ گروپ ون میں ٹاپ پر ہے۔

    نیوزی لینڈ کا سری لنکا کے خلاف میچ کا آغاز مایوس کن رہا تھا، جہاں 3 کھلاڑی 15 رنز بنا کر آؤٹ ہوئے جس کے بعد ٹیم نے شاندار کم بیک کیا گلین فلپس اور ڈیرل مچل نے ٹیم کا اسکور آگے بڑھایا تھا۔

    گلین اور مچل نے 84 رنز کی شراکت داری کی، مچل 22 رنز بنا کر آؤٹ ہوئے جبکہ گلین فلپس نے شاندار بلے بازی کا سلسلہ جاری رکھتے ہوئے 61 گیندوں پر سنچری مکمل کی اور وہ 104 رنز بنا کر آؤٹ ہوئے تھے۔

    مقررہ 20 اوورز میں نیوزی لینڈ نے 7 وکٹوں کے نقصان پر 167 رنز بنائے اور سری لنکا کو جیت کے لیے 168 رنز کا ہدف دیا ہے۔

     ٹی ٹوئنٹی ورلڈ کپ میں آج ایک ہی میچ کھیلا جائے گا، میدان سڈنی میں سجا ہے جہاں نیوزی لینڈ اور سری لنکا کی ٹیمیں آمنے سامنے موجود ہیں۔

    نیوزی لینڈ نے اپنے پہلے میچ میں میزبان آسٹریلیا سے 89 رنز سے کامیابی حاصل کی تھی لیکن اس کا افغانستان کے خلاف میچ بارش کی نذر ہوا۔

    اس کی حریف ٹیم سری لنکا نے اپنے پہلے میچ میں آئر لینڈ کو با آسانی 9 وکٹ سے شکست دی لیکن آسٹریلیا کے خلاف اسے خود شکست کا سامنا کرنا پڑا تھا۔

    گزشتہ روز کے میچ میں مسلسل بارش کے باعث افغانستان اور آئر لینڈ جبکہ دوسری ٹیم انگلینڈ اور آسٹریلیا دونوں ٹیموں کو ایک ایک پوائنٹ دے کر میچ منسوخ کردیا گیا تھا۔

  • سڈنی میں میوزک کنسرٹ کے دوران خوفناک حادثہ

    سڈنی میں میوزک کنسرٹ کے دوران خوفناک حادثہ

    سڈنی : آسٹریلیوی دارلحکومت سڈنی میں ایک میوزک کنسرٹ کے دوران خوفناک حادثہ پیش آیا ، تاہم کوئی جانی نقصان نہ ہوا۔

    تفصیلات کے مطابق آسٹریلیوی دارلحکومت سڈنی کے اینمورتھیٹر میں ایوارڈ یافتہ گلوکار جینیسس اووسو کا کنسرٹ جاری تھا اور جینیسس اووسو نے صرف دو ہی گانے گائے تھے کہ اچانک فرش کا کچھ حصہ گرگیا ۔

    کنسرٹ میں ہجوم کے بوجھ سے تھیٹر کے فرش کا حصہ گرنے کے بعد شو منسوخ کر دیا گیا تاہم حادثے میں کوئی جانی نقصان نہیں ہوا۔

    اووسو نے ایک کلپ میں اپنے مایوس پرستاروں کو بتاتے ہوئے کہا یہ ایک خطرناک واقعہ تھا، ہمیں شو کو دوبارہ شیڈول کرنا پڑے گا،”

    یاد رہے ایک دن قبل اے آر آئی اے ایوارڈ یافتہ گلوکار نے اپنی انسٹاگرام پوسٹ نے کہا تھا کہ وہ اس شو کے بارے میں گھبراہٹ اور پر جوش محسوس کررہے ہیں کیونکہ تقریباً نو ماہ سے انھوں نے پرفارم نہیں کیا۔

  • کمرے میں داخل ہونے پر خاتون خوفناک منظر دیکھ کر خوفزدہ

    کمرے میں داخل ہونے پر خاتون خوفناک منظر دیکھ کر خوفزدہ

    آسٹریلیا کو مختلف حشرات اور جنگلی حیات کا گھر سمجھا جاتا ہے، یہ حشرات اور جانور اکثر اوقات گھروں میں بھی داخل ہوجاتے ہیںِ، ایسا ہی واقعہ ایک خاتون کے ساتھ پیش آیا۔

    سماجی رابطے کی ویب سائٹ ٹویٹر پر ایک خاتون نے کچھ خوفناک تصاویر پوسٹ کیں، انہوں نے لکھا کہ یہ تصاویر ان کی دوست کے گھر کی ہیں جو آسٹریلیا کے شہر سڈنی میں رہتی ہے۔

    تصویر میں درجنوں مکڑیوں کو دیکھا جاسکتا ہے جو دیوار اور چھت پر رینگ رہی ہیں، یہ مکڑیوں کی ایک قسم ہنٹس مین اسپائیڈر تھی۔

    خاتون کے مطابق ان کی دوست نے انہیں یہ تصاویر بھیجیں اور کہا کہ صبح جب وہ اپنی بیٹی کے کمرے میں داخل ہوئیں تو یہ خوفناک منظر دیکھ کر ان کی چیخیں نکل گئیں۔

    مذکورہ مکڑیاں لمبی ٹانگوں والی اور جسامت میں بڑی ہوتی ہیں، اپنی جسامت کی وجہ سے خوفناک لگنے کے باوجود یہ انسانوں کے لیے بہت کم خطرناک ہوتی ہیں۔

  • پٹاخے جلانے والے شخص کے ساتھ خوفناک حادثہ

    پٹاخے جلانے والے شخص کے ساتھ خوفناک حادثہ

    کینبرا: آسٹریلیا میں ایک شخص کرسمس کی خوشی میں پٹاخے جلاتے ہوئے حادثے کا شکار ہوگیا، اس کا چہرہ پٹاخوں کی زد میں آگیا۔

    آسٹریلیا کے شہر سڈنی میں کیمرے میں ریکارڈ ہوجانے والے اس واقعے میں دو افراد سڑک کے بیچوں بیچ پٹاخے جلاتے دکھائی دے رہے ہیں۔

    اس دوران پیچھے سے ایک راہ گیر چلاتا ہے کہ اپنا چہرہ پیچھے کرلو۔ تب تک مذکورہ شخص پٹاخوں کو آگ دکھا چکا ہوتا ہے۔

    پٹاخے جلانے والا خطرناک حد تک نیچے جھکا ہوا ہوتا ہے جس کے باعث پٹاخے جلتے ہی اس کا چہرہ بھی چنگاریوں کی زد میں آجاتا ہے، قریب کھڑا دوسرا شخص بھی زخمی ہوتا ہے۔

    دونوں افراد کو فوری طور پر قریبی اسپتال منتقل کیا گیا جہاں چہرہ جلانے والا شخص روبصحت ہے۔

    طبی عملے کا کہنا ہے کہ یہ واقعہ ان افراد کے لیے ایک بروقت انتباہ ہے جو نئے سال کی خوشی میں پٹاخے جلانا چاہتے ہیں۔

    یاد رہے کہ ملک میں غیر قانونی طور پر گھر کے قریب آتش بازی کرنے پر 27 ہزار ڈالر کا جرمانہ عائد ہے۔

  • بیوی کی طوفانی سینچری پر آسٹریلوی فاسٹ بولر بھی جھوم اٹھا (ویڈیو)

    بیوی کی طوفانی سینچری پر آسٹریلوی فاسٹ بولر بھی جھوم اٹھا (ویڈیو)

    سڈنی: وومنز بگ بیش لیگ کے میچ میں خاتون بلے باز ایلیسا ہیلی نے چوکوں چکوں کی برسات کر دی، بیوی کی یہ طوفانی اننگز دیکھ کر اسٹیڈیم میں بیٹھے آسٹریلوی ٹیم کے فاسٹ بولر مشیل اسٹارک بھی جھوم اٹھے۔

    تفصیلات کے مطابق اتوار کو نارتھ سڈنی اوول میں کھیلے جانے والے وومنز بگ بیش لیگ کے آخری لیگ میچ میں سڈنی سکسرز وومن کی بلے باز ایلیسا ہیلی نے مخالف ٹیم میلبرن اسٹارز کے بولرز کے چھکے چھڑا دیے۔

    ایلیسا ہیلی نے 52 گیندوں کا سامنا کیا اور 15 چوکے اور 6 چھکے لگا کر 111 رنز کی طوفانی اننگ کھیلی، انھوں نے 48 گیندوں پر اپنی سینچری مکمل کی۔

    اس طوفانی اننگ کی بدولت سڈنی سکسرز نے میلبرن اسٹارز پر 5 وکٹ سے دل چسپ جیت حاصل کی، کیوں کہ میچ بارش سے متاثر ہو گیا تھا، اور میلبرن اسٹارز نے 19 اوورز میں 179 رنز بنا لیے تھے، جس پر ضابطے کے مطابق سڈنی سکسرز کو جیت کے لیے 184 کا ہدف ملا، تاہم اس ٹیم نے یہ ہدف 18.4 اوورز ہی میں حاصل کر لیا۔

    جیسے ہی ہیلی نے چوکا لگا کر اپنی سینچری مکمل کی، وہاں پر موجود مداحوں اور ٹیم کے ساتھیوں نے تالیاں بجا کر انھیں داد دی، وہیں ان کے شوہر آسٹریلیا کے تیز بولر مشیل اسٹارک بھی خوشی سے جھوم اٹھے، اسٹارک بیوی کا میچ دیکھنے کے لیے اسٹیڈیم ہی میں موجود تھے اور انھوں نے تالیاں بجا کر ہیلی کو داد دی۔

    واضح رہے کہ ہیلی اور اسٹارک نے تقریباً 9 سالہ دوستی کے بعد اپریل 2016 میں شادی کی تھی، بگ بیش لیگ میں ہیلی کی یہ چوتھی سینچری تھی، اور بگ بیش لیگ کی سب سے تیز سنچری رہی۔