Tag: سڈنی پولک

  • سڈنی پولک: بڑا فن کار، بڑا آدمی

    سڈنی پولک: بڑا فن کار، بڑا آدمی

    ’سڈنی ایک ایسے شخص تھے جس نے اس دنیا کو ایک بہتر دنیا بنایا۔‘ مشہور امریکی اداکار جارج کلونی نے یہ الفاظ آسکر ایوارڈ یافتہ ہدایت کار، پروڈیوسر اور اداکار سڈنی پولک کے انتقال پر ادا کیے تھے۔

    عالمی شہرت یافتہ سڈنی پولک کو فلم کے پردے سماجی اور سیاسی مسائل کو اجاگر کرنے پر نہ صرف لوگوں نے بہت سراہا بلکہ ان کی عزّت اور وقار میں بھی اضافہ ہوا۔ فلم کی دنیا میں‌ کئی لوگوں نے جگہ بنائی اور خوب کام کیا، لیکن سڈنی پولک نے خود کو سب سے منفرد ثابت کیا۔ 1960 سے 80 کی دہائی تک انھوں نے اپنی فلموں کی بدولت شائقینِ سنیما کی توجہ حاصل کیے رکھی اور ناقدین سے بھی داد سمیٹی۔

    سڈنی پولک 2008ء میں آج ہی کے دن چل بسے تھے۔ وہ 73 برس کے تھے۔ لاس اینجلس میں وفات پانے والے سڈنی پولک کو کینسر کا مرض لاحق تھا۔ ان کا فلمی کیریئر پچاس سال پر محیط رہا جس میں انھوں نے اپنی فلموں کے لیے ہر خاص و عام سے داد سمیٹی۔

    سڈنی پولک کی مشہور ترین فلموں میں ’ٹوٹسی‘ اور ’آؤٹ آف افریقہ‘ شامل ہیں۔ یہ بلاک بسٹر فلمیں تھیں جن کے ہدایت کار سڈنی پولک تھے۔ انھوں نے ’مائیکل کلیٹن‘ جیسی کام یاب فلم پروڈیوس کی۔ ’ٹوٹسی‘ کے لیے 1982 میں سڈنی کو بہترین ہدایت کار کے آسکر کے لیے نام زد کیا گیا تھا جب کہ ’آؤٹ آف افریقہ‘ وہ بہترین ہدایت کار کا یہ اعزاز اپنے نام کرنے میں‌ کام یاب رہے تھے۔ یہ وہ فلم تھی جسے مجموعی طور پر سات آسکر ایوارڈز دیے گئے تھے۔

    سڈنی پولک 1969 میں ’دے شوٹ ہارسز ڈانٹ دے‘ کے لیے بھی بطور ڈائریکٹر آسکر اعزاز کے لیے نام زد ہوئے تھے۔

    ان کا سنہ پیدائش 1934 تھا۔ وہ دسویں جماعت پاس کرنے کے بعد بطور اداکار قسمت آزمائی کے لیے نیویارک گئے اور ٹیلی وژن پر اداکاری کرنے کا موقع ملا تو خود کو منوایا اور پھر فلم کی دنیا میں قدم رکھا۔ 1961 میں سڈنی پولک نے ٹیلی وژن کے لیے پروگرام بنانے کا سلسلہ شروع کیا اور چار برس بعد بطور ہدایت کار ’دا سلنڈر تھریڈ‘ کے عنوان سے ایک فلم بنائی۔ 90 کے عشرے میں سڈنی پولک نے پروڈیوسر کے طور پر کام شروع کیا اور ’دا فرم‘ جیسی ہٹ فلم سامنے آئی۔ ہدایت کار کے طور پر ان کی آخری فلم ’ اسکیچیز آف فرانک گہرے‘ تھی۔ یہ اپنے وقت کے ایک مشہور آرکیٹیکٹ کے بارے میں دستاویزی فلم تھی۔

  • سڈنی پولک: ہالی وڈ کے آسکر ایوارڈ یافتہ ہدایت کار کا تذکرہ

    سڈنی پولک: ہالی وڈ کے آسکر ایوارڈ یافتہ ہدایت کار کا تذکرہ

    سڈنی پولک کو ہالی وڈ کا لیجنڈ مانا جاتا ہے جنھوں نے ہدایت کار، پروڈیوسر اور اداکار کے طور پر کئی کام یابیاں سمیٹیں اور اپنے فن کا لوہا منوایا۔ آسکر ایوارڈ یافتہ سڈنی پولک 26 مئی 2008 کو انتقال کر گئے تھے۔

    73 برس کے سڈنی پولک کینسر کے مرض میں مبتلا تھے۔ ان کا فلمی کیریئر 50 سال پر محیط رہا، جس میں باکس آفس پر ان کی کئی فلمیں کام یاب ثابت ہوئیں اور سڈنی پولک کے کام کو فلمی ناقدین نے خوب سراہا۔ دنیا بھر میں‌ فلمی صنعت سے وابستہ فن کار اور بالخصوص ہدایت کاری کے شعبے سے وابستہ بڑے نام سڈنی پولک کے کام کا اعتراف کرتے رہے ہیں۔

    ’ٹوٹسی‘ اور ’آؤٹ آف افریقہ‘ وہ بلاک بسٹر فلمیں ہیں جن کی ہدایات سڈنی پولک نے دی تھیں اور ’مائیکل کلیٹن‘ جیسی کام یاب فلم کے پروڈیوسر بھی وہی تھے۔ سڈنی پولک کو ’ٹوٹسی‘ پر 1982 میں بہترین ہدایت کار کے آسکر کے لیے نامزد کیا گیا تھا اور ’آؤٹ آف افریقہ‘ وہ فلم تھی جس پر وہ بہترین ہدایت کار کا آسکر اعزاز لے اڑے تھے۔ سڈنی پولک نے بطور ڈائریکٹر 1969 میں ’دے شوٹ ہارسز ڈانٹ دے‘ میں بھی اپنے فن اور صلاحیتوں کا بہترین اظہار کیا تھا اور اس فلم پر آسکر اعزاز کے لیے نامزد ہوئے تھے۔

    پولک سڈنی نے یکم جولائی 1934 میں امریکہ میں آنکھ کھولی۔ انھوں نے دسویں کے امتحان میں کام یابی حاصل کرنے کے بعد بطور اداکار اپنی قسمت آزمانے کا فیصلہ کیا اور اس کے لیے نیویارک شہر کا رخ کیا۔ انھوں نے ٹیلیوژن پر اداکاری کی اور 1961 میں اسی میڈیم کے لیے پروگرام بنانے لگے۔ اس کے بعد وہ ’دا سلنڈر تھریڈ‘ نامی فلم کے ہدایت کار کے طور پر سامنے آئے۔ 90 کے عشرے میں سڈنی پولک نے بطور پروڈیوسر فلمیں بنائیں اور ناقدین سے داد وصول کی۔

    پولک کی بطور ہدایت کار آخری دستاویزی فلم ’اسکیچیز آف فرانک گہری‘ تھی۔ یہ مشہور آرکیٹیکٹ کے بارے میں کہانی تھی۔ سڈنی پولک کو سماجی اور سیاسی مسائل پر فلمیں بنانے کے لیے یاد کیا جاتا ہے جو ان کی وجہِ شہرت بھی ہیں اور فلم انڈسٹری کے ساتھ سماجی حلقوں میں ان کی پذیرائی اور توقیر کا باعث بھی ہیں۔

  • آسکر ایوارڈ یافتہ سڈنی پولک کو شہرت ہی نہیں عزّت بھی ملی

    آسکر ایوارڈ یافتہ سڈنی پولک کو شہرت ہی نہیں عزّت بھی ملی

    ’سڈنی ایک ایسے شخص تھے جس نے اس دنیا کو ایک بہتر دنیا بنایا۔‘ یہ الفاظ مشہور امریکی اداکار جارج کلونی نے آسکر ایوارڈ یافتہ ہدایت کار، پروڈیوسر اور اداکار سڈنی پولک کے انتقال پر ادا کیے تھے۔

    سڈنی پولک نے اپنی فلموں میں سماجی اور سیاسی مسائل کو اجاگر کرکے نہ صرف شہرت پائی بلکہ انھیں بہت عزّت اور محبّت بھی ملی۔ 1960 سے 80 کی دہائی تک انھوں نے اپنی فلموں کی بدولت شائقینِ سنیما کی توجہ حاصل کیے رکھی اور ان کے کام کو ناقدین نے بھی خوب سراہا۔

    آسکر ایوارڈ یافتہ ہدایت کار، پروڈیوسر اور اداکار سڈنی پولک 73 برس کی عمر میں امریکا کے مشہور شہر لاس اینجلس میں چل بسے تھے۔ انھیں کینسر کا مرض لاحق تھا۔ سڈنی پولک کا فلمی کیریئر پچاس سال پر محیط رہا جس میں انھوں نے اپنی فلموں کے لیے ہر خاص و عام سے داد سمیٹی اور اپنے کام پر ناقدین سے تعریف و ستائش وصول کی۔

    سڈنی پولک کی مشہور ترین فلموں میں ’ٹوٹسی‘ اور ’آؤٹ آف افریقہ‘ شامل ہیں۔ یہ بلاک بسٹر فلمیں تھیں جن کے ہدایت کار سڈنی پولک تھے۔ انھوں نے ’مائیکل کلیٹن‘ جیسی کام یاب فلم پروڈیوس کی۔ ’ٹوٹسی‘ کے لیے 1982 میں سڈنی کو بہترین ہدایت کار کے آسکر کے لیے نام زد کیا گیا تھا جب کہ ’آؤٹ آف افریقہ‘ وہ بہترین ہدایت کار کا یہ اعزاز اپنے نام کرنے میں‌ کام یاب رہے تھے۔ یہ وہ فلم تھی جسے مجموعی طور پر سات آسکر ایوارڈز دیے گئے تھے۔

    سڈنی پولک 1969 میں ’دے شوٹ ہارسز ڈانٹ دے‘ کے لیے بھی بطور ڈائریکٹر آسکر اعزاز کے لیے نام زد ہوئے تھے۔

    ان کا سنِ پیدائش 1934 ہے اور وہ دسویں جماعت پاس کرنے کے بعد بطور اداکار قسمت آزمائی کے لیے نیویارک پہنچے تھے اور ٹیلی وژن پر اداکاری کا موقع ملا تو وہ آگے بڑھتے چلے گئے۔ 1961 میں سڈنی پولک نے ٹیلی وژن کے لیے پروگرام بنانے کا سلسلہ شروع کیا اور چار برس بعد بطور ہدایت کار ’دا سلنڈر تھریڈ‘ کے عنوان سے ایک فلم بنائی۔ 90 کے عشرے میں سڈنی پولک نے پروڈیوسر کے طور پر کام شروع کیا اور ’دا فرم‘ جیسی ہٹ فلم سامنے آئی۔ ہدایت کار کے طور پر ان کی آخری فلم ’ اسکیچیز آف فرانک گہرے‘ تھی۔ یہ اپنے وقت کے ایک مشہور آرکیٹیکٹ کے بارے میں دستاویزی فلم تھی۔

    26 مئی 2008 کو سڈنی پولک نے ہمیشہ کے لیے اپنی آنکھیں‌ موند لی تھیں۔