کویت کی وزارت تعمیرات عامہ نے کی جانب سے جاری کردہ بیان میں کہا گیا ہے کہ بین الاقوامی سڑکوں کی مرمت کرنے والی کمپنیوں کی طرف سے پیش کردہ بولیوں جانچنے کے امور انجام دینے والی غیر جانبدار تکنیکی کمیٹی نے ”حولی اور جہرہ گورنریٹس میں سڑکوں کی دیکھ بھال کی ذمہ داری ایک امریکی کمپنی کو دینے کی منظوری دے دی ہے۔
بین الاقوامی خبر رساں ادارے کی رپورٹ کے مطابق امکان ہے کہ ”شمالی علاقے کے لیے ہائی ویز کا ٹینڈر بھی اسی کمپنی کو دیا جائے گا، کیونکہ اس نے سب سے کم قیمتیں آفر کی ہیں۔
ذرائع کی جانب سے اس بات کی وضاحت کی گئی ہے کہ کویت کی سڑکوں کی مرمت کے طریقہ کار بنیادی طور پر ورک آرڈر کنٹریکٹس ہیں، یعنی وزارت کو یہ حق حاصل ہے کہ وہ امریکی کمپنی کو کام تفویض کرے تاکہ وہ دیگر گورنریٹس میں کوئی بھی کام انجام دے سکے، اور یہ دیکھ بھال کا کام صرف حولی اور جہرہ گورنریٹس تک محدود نہیں ہے، اس کے علاوہ بھی ہے۔
دوسری جانب کویت کی وزارت داخلہ نے احکامات جاری کئے ہیں کہ تارکین وطن کی طرف سے ٹریفک جرائم سمیت مختلف خلاف ورزیوں پر کریک ڈاؤن کو مزید سخت کیا جائے۔
سرکاری اعداد و شمار میں بتایا گیا ہے کہ مارچ سے اگست کے درمیان 18000 سے زائد تارکین وطن کو ٹریفک قوانین کی خلاف ورزی اور دیگر وجوہات کی بنا پر کویت سے ڈی پورٹ کردیا گیا۔
2023کی اگر بات کی جائے تو ابتدائی 8 ماہ کے دوران ریکارڈ کی گئی ٹریفک کی خلاف ورزیوں کی کل تعداد 2.6 ملین سے تجاوز کر گئی، جن میں سے تقریباً 1.95 ملین بالواسطہ خلاف ورزیاں تھیں۔
ٹریفک آگاہی کے محکمے کے سربراہ بریگیڈیئر جنرل نواف الحیان کا کہنا ہے کہ تقریباً چھ ماہ کے دوران ٹریفک کی سنگین خلاف ورزیوں جیسے کہ تیز رفتاری، ریڈ سگنل توڑنا، ریسنگ، مسافروں کو لے جانے، ون وے میں گاڑی چلانا یا لائسنس کے بغیر ڈرائیونگ کرنے کے سنگین جرائم میں ملوث 18,486 غیر ملکیوں کو ڈی پورٹ کیا گیا۔
انہوں نے مزید کہا کہ پہلے نائب وزیر اعظم اور وزیر داخلہ شیخ طلال الخالد الصباح کی ہدایت پر تمام گورنریٹس میں سیکورٹی فورسز کی تعیناتی اور سیکورٹی اہلکاروں کی موجودگی کو یقینی بنانے کے لیے ٹریفک کو منظم کرنے، بھیڑ کو کم کرنے اور لاپرواہ ڈرائیوروں کو کنٹرول کرنے کے لیے ”یکم جنوری سے 30 اگست تک کے آٹھ مہینوں میں 2,630,338 ٹریفک خلاف ورزیاں جاری کی گئیں جن میں 1,954,858 بالواسطہ خلاف ورزیاں اور 675,480 براہ راست خلاف ورزیاں کی گئیں۔
