سکھر : کراچی کنگز ٹیلنٹ ہنٹ پروگرام کے پانچویں مرحلے میں سکھر سے کھلاڑیوں کو شاٹ لسٹ کرلیا گیا، کوچز نے بہترین کھلاڑی منتخب کرلیے، اگلا مرحلہ لاڑکانہ میں ہوگا۔
تفصیلات کے مطابق حیدرآباد، میر پور خاص، عمر کوٹ اور نواب شاہ کے بعد برائٹو پینٹس کراچی کنگز کی ٹیم باصلاحیت کھلاڑی کی کھوج کیلئے سکھر پہنچی۔
برائٹو پینٹس کراچی کنگز کھلاڑی کی کھوج کے پانچویں مرحلے میں سکھر سے کھلاڑیوں کو شاٹ لسٹ کرلیا گیا۔ کھلاڑیوں کا کہنا تھا کہ کراچی کنگز کے ٹرائلز نے انہیں آگے بڑھنے کا موقع دیا۔
کرکٹ کا جنون اپنے عروج پر پہنچنے لگا، سکھر میں بھی نوجوان کرکٹرز کی بڑی تعداد نے کراچی کنگز کے ٹرائلز میں انٹری دی۔ بیٹنگ ا ور بولنگ میں کھلاڑیوں نے خوب ٹیلنٹ دکھایا۔
کھلاڑیوں کا کہنا تھا کہ کراچی کنگز کے ٹرائلز نے انہیں آگے بڑھنے کا موقع دیا ہے۔ سکھرمیں بھی بہترین کھلاڑیوں کو شاٹ لسٹ کرلیا گیا ہے۔
کراچی کنگز کھلاڑی کی کھوج کے چھٹے مرحلے کے ٹرائلز بدھ کو لاڑکانہ میں ہوں گے جبکہ فائنل ٹرائل نیشنل اسٹیڈیم کراچی میں10سے13دسمبر تک منعقد ہوں گے۔
سکھر : قومی اسمبلی میں قائد حزب اختلاف سید خورشید شاہ نے کہا ہے کہ دھرنے والوں سے معاہدہ پارلیمنٹ کے ذریعے ہوتا تو اچھا تھا، دین کےنام پر سیاست ملک کیلئے خطرناک ہے، الیکشن وقت پر ہونے چاہئیں۔
ان خیالات کا اظہار انہوں نے سکھر میں میڈیا سے گفتگو کرتے ہوئے کیا، انہوں نے کہا کہ دھرنےسے متعلق حکومت نے اپوزیشن سے رابطہ نہیں کیا، نہ ہی پارلیمانی رہنماؤں کو اہمیت دی گئی، دھرنے کی وجہ سےلوگ پریشان تھے جس پرسنجیدگی بے حد ضروری تھی.
خورشید شاہ نے کہا کہ آئین کے مطابق حکومت نے فوج سے درخواست کی تھی، دھرنا جاری رہا اور آرٹیکل245کا راستہ تاخیر سے نکالا گیا، دھرنے میں جانیں ضائع ہونے پر عدالت کو سوموٹو لینا چاہیے۔
ان کا مزید کہنا تھا کہ حلف نامے سےمتعلق قانون کو سیاست کی بھینٹ چڑھایا گیا، حکومت نےدھرنےکوہینڈل کرنےمیں دیرکی۔
خورشیدشاہ نے کہا کہ دین کے نام پر سیاست کی جارہی ہے جو ملک کیلئے خطرناک ہے، سیاست اور مذہب کو الگ ہوناچاہیے، حکومت کی جانب سےجوغلطی کی گئی اپوزیشن نےاسےٹھیک کرایا۔
انہوں نے کہا کہ ملک میں طویل عرصہ تک وزیر خارجہ مقرر نہ ہونے کی وجہ سے پاکستان عالمی سطح پر تنہا ہوگیا ہے جبکہ پیپلز پارٹی کے وزیر خارجہ کی تقرری کے مطالبے کا مذاق اڑایا گیا۔
ایک سوال کے جواب میں قائد حزب اختلاف کا کہنا تھا کہ چوہدری نثار کے تابڑ توڑ لفظی حملے جاری ہیں، چوہدری نثار پارٹی چھوڑنا نہیں چاہتے اور نہ ن لیگ انہیں نکالنا چاہتی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
خیر پور : قومی شاہراہ پر کوئلے سے بھرا ٹرک مخلاف سمت سے آتی مسافر وین پر الٹ گیا جس کے نتیجے میں 20 مسافر جاں بحق اور 11 زخمی ہوگئے۔
تفصیلات کے مطابق ٹھیری بائی پاس کے قریب نیشنل ہائی وے پر کوئلے سے بھرا ٹرک وین پر الٹ گیا حادثہ اتنا خطرناک تھا کہ ٹرک تلے دبے افراد میں سے اکثر موقع پر ہی دم توڑ گئے.
ریسکیو ادارے نے موقع پر پہنچ کر امدادی کارروائیاں کرتے ہوئے ٹرک تلے دبے افراد کو باہر نکالا اور قریبی اسپتال منتقل کیا جہاں 20 افراد کے جاں بحق ہونے کی تصدیق کردی گئی جب کہ 11 زخمیوں میں سے تین کی حالت نہایت تشویشناک ہے.
پولیس کا کہنا ہے کہ اولین ترجیح امدادی کاموں کو پایہ تکمیل تک پہنچانا ہے اس لیے ابھی تحقیقات ابتدائی مراحل ہے چنانچہ حادثے کی وجوہات کا تعین اور ذمہ داروں کی گرفتاری کے حوالے سے کچھ کہنا قبل از وقت ہوگا.
تاہم عینی شاہدین کا کہنا ہے کہ بدقسمت مسافر وین رانی پور سے سکھر جا رہی تھی کہ حادثے کا شکار ہوگئی اور غالب امکان ہے کہ حادثہ دھند کی وجہ سے پیش آیا۔
سکھر/ ملتان/ لاہور : سکھر کے پرائیویٹ اسکول میں انتظامیہ نے دکان سے فرنیچر لانے کے لیے طالب علموں کو کام پر لگادیا، چنگچی میں تین طلبہ نےاسکول کے لئے نئی کرسیاں دکان سے اسکول پہنچائیں، ملتان میں سرکاری اسکول میں بچوں سے جبری مشقت کرائی جانے لگی۔
تفصیلات کے مطابق سکھر کے ایک اسکول میں طلبہ کو پڑھائی کے بجائے کام پر لگا دیا گیا، اے آر وائی نیوز کو موصول ہونے والی ایک ویڈیو میں دیکھا جاسکتا ہے کہ انتظامیہ نے تین طالب علموں کو دکان سے کرسیاں لانے کیلئے بھیجا۔
اسکول یونیفارم میں ملبوس طلباء نے چنگچی کے ذریعے کرسیاں اسکول پہنچائیں۔
دوسری جانب خادم اعلیٰ کے پنجاب میں طلباء سے بد ترین سلوک کا واقعہ سامنے آیا ہے۔ ملتان کےسرکاری اسکول میں بچوں سے مشقت کرائی جانے لگی۔
ملتان کے گورنمنٹ ملت اسکول میں بچوں سے مزدوروں کی طرح مشقت لی گئی، یونیفارم پہنے طالبعلم مٹی گارے کاکام کرتے اور دیواروں پر خاردار تاریں لگاتے رہے۔
اس کے علاوہ لاہور میں استاد نے طلبہ کو بری طرح پیٹ ڈالا، سرکاری کالج کے استاد نے سبق یاد نہ کرنے پر طالب علموں کو مارمار کر ان کی درگت بنادی۔
سکھر: صوبہ سندھ کے شہرسکھر میں پولیس نے مقابلے کے بعد دو ڈاکوؤں کو گرفتار کرکے ان کے قبضے سے اسلحہ برآمد کرلیا۔
تفصیلات کے مطابق سکھر پولیس نے ایئرپورٹ تھانے کی حدود اور بسی وارو موڑ کے قریب پولیس مقابلے کے بعد دو ڈاکوؤں کو زخمی حالت میں گرفتار کرلیا۔
پولیس حکام کے مطابق گرفتار ڈاکوؤں کے قبضے سے ٹی ٹی پستول اور گولیاں برآمد ہوئی ہیں، ملزمان سکھر پولیس کو مختلف مقدمات میں مطلوب تھے۔
دوسری جانب گوجرانوالہ میں سی آئی اے نے کارروائی کرتے ہوئے بین الصوبائی اسلحہ اسمگلروں کو گرفتار کر لیا ہے۔
سی آئی اے گوجرانوالہ کے مطابق گرفتار ملزمان امیر محمد اور محمد ہارون کے قبضہ ناجائز اسلحہ اور جعلی لائسنس برآمد ہوا ہے،ملزمان ایک سال سے اسلحہ شرپسند عناصر کو فروخت کرتے تھے۔
ڈی ایس پی سی آئی اے عمران عباس چدھڑکا کہنا ہے چھاپے کے دوران ملزمان کا ایک ساتھی فرارہونے میں کامیاب ہوگیا جس کی گرفتاری کے لیے چھاپےمارے جا رہے ہیں۔
یاد رہے کہ گزشتہ روز کوہاٹ میں قانون نافذ کرنے والے ادارے نے کامیاب کارروائی کرکے کار سے اسلحہ کی بھاری کھیپ پکڑ کر ملزمان کو گرفتار کرلیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : سندھ کی مختلف میڈیکل یونیورسٹیراور کالجوں میں داخلے کے لیے انٹری ٹیسٹ لیا جا رہا ہے، جس میں 12 ہزار سے زائد امیدوار حصہ لے رہے ہیں۔
تفصیلات کے مطابق سندھ کے پانچ مختلف شہروں میں میڈیکل یونیورسٹیز اور کالجوں میں داخلے کے لیے پہلی مرتبہ ایک ساتھ انٹری ٹیسٹ لیا جا رہا ہے۔
کراچی میں ڈاؤ میڈیکل یونیورسٹی، جناح میڈیکل یونیورسٹی، لیاری میڈیکل یونیورسٹی، کے ایم ڈی سی اور ڈاکٹرعشرت العباد ڈینٹل کالج میں داخلے کے لیے این ای ڈی یونیورسٹی میں انٹری ٹیسٹ لیے جا رہے ہیں۔
شہر قائد میں ایم بی بی ایس کے لیے 1050 اور بی ڈی ایس کی 300 نشتوں کے لیے 6 ہزار سے سے زائد طلبا و طالبات ٹیسٹ دے رہے ہیں۔
دوسری جانب نواب شاہ میں پیپلزمیڈیکل یونیورسٹی برائے خواتین میں 250 نشتوں کے لیے 1100 امیدوار ٹیسٹ دے رہے ہیں جبکہ سکھر میں 5 مختلف میڈیکل کالجز میں داخلوں کے لیے 3 ہزار 200 سے زائد طلبا وطالبات انٹری ٹیسٹ میں حصہ لے رہے ہیں۔
ادھر لاڑکانہ میں چانڈکا میڈیکل کالج کی 200 اور آصفہ ڈینٹل کالج کی 50 نشتوں کے لیے 4 ہزار 700 امیدوار ٹیسٹ دے رہے ہیں۔
واضح رہے کہ یونیورسٹی آف ہیلتھ سائنسز کے زیر اہتمام پنجاب کے میڈیکل کالجز میں داخلے کے لیے انٹری ٹیسٹ 29 اکتوبر کو ہوگا جس میں 65 ہزار امیدوار حصہ لیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
سکھر : قومی اسمبلی میں اپوزیشن لیڈر سید خورشید شاہ نے کہا ہے کہ پارٹی قیادت نے انہیں چیئرمین نیب کا نام تجویز کرنے کا اختیاردے دیا ہے، اہوزیشن لیڈر کی تبدیلی کیلئے پی ٹی آئی پیپلز پارٹی سے رابطہ کرتی تو ہم اس پر ضرور غور کرتے۔
ان خیالا ت کا اظہار انہوں نے سکھر میں میڈیا سے گفتگو کرتے ہوئے کیا، خورشیدشاہ کا کہنا تھا کہ چیئرمین نیب کے حوالے سے قیادت کی واضح ہدایت ہے کہ بہترین شخص کو چیئرمین نیب لگایا جائے، ہمارا قوم سے وعدہ ہے کہ اپوزیشن کی طرف سے بہترین شخص کو چیئرمین نیب کیلئے نامزد کیاجائےگا۔
سید خورشید شاہ کا کہنا تھا کہ جس شخص کا نام ہماری طرف سے جائے گا وہ قوم دیکھے گی اور اسے سراہے گی، مختلف سیاسی جماعتیں جونام دے رہی ہیں ان شخصیات کا30سے40 سال کا سروس ریکارڈ بھی دیکھ رہا ہوں، ان شخصیات کے ماضی کے کردار اور خدمات کا بھی جائزہ لے رہےہیں۔
ایک سوال کے جواب میں ان کا کہنا تھا کہ اپوزیشن لیڈرکی تبدیلی کے حوالے سے اپوزیشن جماعتوں میں صف بندی دیکھ کر انہیں بہت تکلیف ہوتی ہے، اگر تحریک انصاف کے رہنما شاہ محمود قریشی کرسی چھوڑنے کی درخواست مجھ سے براہ راست کرتے تو میں اس مطالبہ کو اپنی پارٹی کے سامنے ضرور رکھتا۔
متحدہ قومی موومنٹ پاکستان کو پارلیمنٹ میں ان کی غیر واضح پوزیشن پر تنقید کا نشانہ بناتے ہوئے ان کا کہنا تھا کہ ایم کیو ایم نے نااہل شخص کو پارٹی صدارت دینے کیلئے نواز لیگ کو ووٹ دیا۔
اپوزیشن لیڈر کی تبدیلی کے حوالے سے انہوں نے کہا کہ تحریک انصاف میرے پاس آنے کے بجائے ایم کیو ایم کے پاس گئی اگر شاہ محمود قریشی ایک مرتبہ مجھ سے اپوزیشن کی کرسی چھوڑنے کی درخواست کرتے تو میں اس استدعا کو اپنی جماعت کے سامنے غور کرنے کے لیے پیش کردیتا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
سکھر: صوبہ سندھ کے شہر سکھر میں بے قابو ٹرک اسکول کی عمارت سے ٹکرا گیا حادثے کے نتیجے میں ڈرائیور جاں بحق ہوگیا۔
تفصیلات کے مطابق صوبہ سندھ کے شہر سکھر میں گھنٹہ گھر کے قریب صبح چار بجے کے قریب سامان سے لدا ٹرک بریک فیل ہونے کے باعث اسکول کی دیوار سے ٹکراگیا۔
ریسکیوحکام کے مطابق حادثے کے نتیجے میں ٹرک ڈرائیور جاں بحق جبکہ دو ہیلپرزخمی ہوگئے۔
حادثے میں دو منزلہ سرکاری اسکول کی عمارت کو شدید نقصان پہنچا جبکہ ٹرک میں موجود شیشے کے برتن تباہ ہوگئے۔ اس حادثے کے بعد اسکول کو بند کرکے بچوں کو چھٹی دے دی گئی۔
آزاد کشمیر میں بے قابو ٹرک اسکول میں جا گھسا‘ 3 افراد جاں بحق
یاد رہے کہ رواں سال 13 جنوری کو آزاد کشمیر کے ایک گاؤں میں ٹرک بے قابو ہوکر اسکول میں جا گھسا تھا جس کے نتیجے میں ایک خاتون ٹیچر اور 2 طالبات جاں بحق ہوگئیں تھی۔
واضح رہے کہ حادثے میں 40 سالہ ٹیچر رخسانہ بشیر اور 8 سالہ اقراء اور 11سالہ ماریہ زخمی ہوئیں تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
سکھر: تحریک انصاف کے چیئرمین عمران خان نے کہا ہے کہ نواز شریف کے بعد زرداری بھی کہے گا کہ مجھے کیوں نکالا؟ وقت کےفرعونوں نے سندھ کےعوام پرظلم کیا، 21سال پہلے سندھ کے عوام کے حالات بہتر تھے اب زیادہ خراب ہوگئےہیں۔
ان خیالات کا اظہار انہوں نے سکھر میں ایک بڑے جلسہ عام سے خطاب کرتے ہوئے کیا، اس موقع پر شاہ محمود قریشی، جہانگیرترین، شیخ رشید اور حلیم عادل شیخ بھی اسٹیج پر موجود تھے۔
عمران خان نے کہا کہ اتنی گرمی کے باوجود سکھر کے عوام نےجلسے میں بھرپور شرکت کی، میں آپ کا شکریہ ادا کرتاہوں، انہوں نے کہا کہ سندھ کےعوام کی لوٹی ہوئی دولت کو باہرمنتقل کیا گیا، سب کو پتہ ہے کہ سندھ کے عوام کا پیسہ چوری ہوا ہے اور پیسہ چوری کرنے والا کسی اور کو بھی چوری سے نہیں روک سکے گا۔
عمران خان نے کہا کہ میں پاناما کیس کی وجہ سے سندھ میں نہیں آسکا تھا، اب سندھ کے دورے کروں گا،عوام کو جگاؤں گا، آپ کو میرے ساتھ مل کر کرپٹ مافیا کا مقابلہ کرنا ہے۔
انہوں نے کہا کہ پاکستان کاسب سے بڑا مسئلہ یہ ہے کہ قانون طاقتور کیلئے کچھ ہے غریب کیلئے کچھ اور، ملک میں قانون سب کیلئے ایک ہوناچاہئے،کوئی تفریق نہ ہو، ہم انصاف کے نظام کو بہتر بنائیں گے۔
عمران خان کا کہنا تھا کہ نااہل وزیراعظم عدلیہ کےخلاف نازیبا زبان استعمال کررہا ہے، نوازشریف آپ کاپوراخاندان اربوں پتی بن گیا، جتنی چوری نوازشریف نے کی اتنی تو آصف زرداری نے بھی نہیں کی ہوگی، ان کےبچوں کےاربوں کےاثاثےملک سےباہرہیں۔
نوازشریف بتائیں اتنے اثاثےکہاں سے آئے؟ نوازشریف نے اپنی کرپشن بچانےکیلئے اداروں کوتباہ کیا، اب وہ فوج اورعدلیہ کےپیچھے پڑ گیا ہے، لیکن نوازشریف سن لو! پوری قوم فوج اورعدلیہ کےساتھ کھڑی ہے، تم ایک آدمی نکالو گےمیں 100آدمی نکالوں گا۔
کھلاڑیوں نے کپتان کا پرجوش انداز میں استقبال کیا
اس سے قبل جلسہ گاہ میں عمران خان کی آمد پر کھلاڑیوں نے ڈھول بجا کر فلک شگاف نعروں سے اپنے قائد کا استقبال کیا، خواتین کی بہت بڑی تعداد بھی جلسہ گاہ میں موجودہے، جلسہ گاہ میں پندرہ فٹ اونچے ، ایک سو پچاس فٹ لمبےاور اٹھارہ فٹ چوڑا اسٹیج تیارکیا گیا ہے۔ پی ٹی آئی نے پچاس ہزارکرسیاں لگانے کا دعویٰ کیا ہے جلسہ گاہ کے باہرٹوپیاں ، بینڈز اور پارٹی پرچموں کے اسٹالز لگےہوئے ہیں۔
جلسہ کی سیکیورٹی کیلئے فول پروف انتظامات
ایس ایس پی سکھر مسعود بنگش کا کہنا ہے کہ پی ٹی آئی جلسے کی سیکیورٹی کے فول پروف انتظامات کیے گئے ہیں،پنڈال کے اطراف 1500پولیس اہلکارتعینات کئے گئےہیں، انہوں نے بتایا کہ عمران خان کی سیکیورٹی کیلئے پچاس کمانڈوز تعینات کیے گئے ہیں ، اس کے علاوہ سکھر ایئرپورٹ سے جلسہ گاہ تک پولیس اہلکارتعینات کئے گئے ہیں۔
کالا باغ ڈیم نہیں بننے دیں گے، شاہ محمود قریشی
قبل ازیں خطاب کرتے ہوئے شاہ محمود قریشی نے کہا کہ نواز شریف آپ رنگے ہاتھوں پکڑے گئے ہیں اور پوچھتے ہیں کیوں نکالا؟ سندھ کے حقوق پر ڈاکہ ڈالنے والا کالا باغ ڈیم نہیں بننے دیں گے۔
اپنے خطاب میں تحریک انصاف کے رہنما جہانگیر ترین کا کہنا تھا کہ پیپلز پارٹی نے سندھ کارڈ کھیلا لیکن عوام کو کچھ نہیں دیا، تحریک انصاف کو آزمائیں، پامانا کیس جیسی سنجیدگی سے سندھ کی ترقی کے لیے کام کریں گے۔
سکھر : سینئر سیاستدان شیخ رشید احمد نے کہا ہے کہ مولانا فضل الرحمان اور اسفند یار ولی سے کوئی امید نہیں، امید ہے تو صرف عمران خان سے ہے، عمران خان آئے اورغریبوں کی حالت بدل دے، میری خواہش ہے کہ عمران خان چوروں اور ڈاکوؤں کا صفایا کردے۔
ان خیالات کا اظہار انہوں نے سکھر میں پی ٹی آئی کے زیر اہتمام ایک بڑے جلسہ عام سے خطاب کرتے ہوئے کیا، اس موقع پرانہوں نے سندھی ٹوپی اوراجرک بھی زیب تن کی ہوئی تھی۔
انہوں نے کہا کہ نااہل نواز شریف کے پاس قوم کی لوٹی ہوئی دولت ہے، اگر نوازشریف لوٹی ہوئی دولت واپس لےآئے تو پاکستان کو کسی سے قرضہ لینے کی ضرورت نہیں،۔
نوازشریف دیوار کی طرف دیکھ کر کہتا ہے مجھے کیوں نکالا؟ میں کہتا ہوں کہ آپ کے کرتوت ہی ایسےہیں، تمہیں اس لئے نکالا کیوں کہ تم چورہو۔
ان کا کہنا تھا کہ آئین کی شق 63،62تبدیل نہیں کرنے دیں گے، اگر یہ تبدیل ہوگئی تو میرانام نواز شریف یا شہبازشریف رکھ دینا، شیخ رشید کا کہنا تھا کہ نوازشریف کلبھوشن یادیو کا نام لینے سے بھی ڈرتا ہے، تم امریکا سےڈرتے ہو؟
ان کا کہنا تھا کہ ٹرمپ کے بیان پر چین، روس نے بیان دیا لیکن نوازشریف کچھ نہیں بولے،سپرپاور صرف اللہ کی ذات ہے، اللہ کی طرف سے نوازشریف پکڑ میں آیا، نریندر مودی کان کھول کر سن لو! پاکستان کی طرف میلی آنکھ سےبھی نہیں دیکھنا، پوری قوم پاک فوج کے ساتھ کھڑی ہے۔
