Tag: سکھر

سکھر: وزیراعلیٰ سندھ مرادعلی شاہ کا سکھر میں کہنا تھا کہ اگر سارا کام وزیراعلیٰ نے ہی کرنا ہے تو کسی کی ضرورت نہیں ہے۔

تفصیلات کےمطابق وزیراعلیٰ سندھ مرادعلی شاہ کاایس آئی یو ٹی کا دورہ کیا اس موقع پر اپوزیشن لیڈر خورشید شا،صوبائی وزیر ناصر حسن شاہ سمیت دیگر وزرا بھی موجود تھے۔

مراد علی شاہ نےصوبائی حکومت کی جانب سے ماضی میں سکھر کو ترقی سے محروم رکھنے کا اعتراف کر لیا۔ان کا کہنا ہے کہ سکھر بہت اہم شہر ہے لیکن اس کا خیال نہیں رکھا گیا ۔

سکھر میں اپوزیشن لیڈر خورشید شاہ کے ہمراہ پریس کانفرنس کرتے ہوئے مراد علی شاہ نے کہا کہ سکھر سندھ کا تیسرا بڑا شہر ہے،2008میں اس کی صورتحال خراب ہوئی،یہ بہت اہم شہرہے لیکن ہم نے اس کا خیال نہیں رکھا۔

انہوں نے کہا کہ 2010کے سیلاب کے نتیجے میں بڑی تعداد میں لوگ سکھر میں آکر آباد ہوئے،سکھر پاکستان کا سب سے خوبصورت شہر بن سکتا ہے۔

ان کا کہنا تھا کہ ہر فرد اپنی جگہ کام کرے ،ہر کام وزیر اعلیٰ نہیں کر سکتا ،سرکاری افسران میں قومی خدمت کا جذبہ ہونا چاہیے۔

دوسری جانب اپوزیشن لیڈر خورشید کا کہنا تھا کہ وزیراعظم کو امریکہ جانے سے پہلے اپوزیشن جماعتوں سے کشمیر کے معاملےپر مشاورت کرنی چاہیے تھی تاہم وزیراعظم نے کشمیریوں کے معاملے کو اقوام متحدہ بالکل ٹھیک بات کی ۔

سکھر: اپوزیشن لیڈرخورشید شاہ کا کہنا ہےآرمی چیف کو توسیع کی ضرورت نہیں ہے،جنرل راحیل شریف نے بہت عزت کمائی ہے اور ریٹائرمنٹ کے بعد انہیں مزید عزت ملے گی۔

تفصیلات کےمطابق سکھر میں میڈیا سے بات کرتے ہوئے اپوزیشن لیڈر کا کہنا تھا کہ فیلڈ مارشل کا تصور اب نہیں ہے، آرمی چیف جنرل راحیل شریف نے بہت عزت کمائی ہے اور انہیں توسیع کی ضرورت نہیں ہے۔

اپوزیشن لیڈر نے کہا کہ بھارت کسی بڑے ایجنڈے پرکام کرنا چاہتا ہے،عالمی قوتیں بھارت کو جارحانہ اقدامات سے روکیں کیونکہ اگر جنگ ہوئی تو خطے اور دنیا کو خطرہ لاحق ہوگا۔

ان کا کہنا تھا کہ مودی سرکار کیا ایسی 10 سرکاریں بھی پاکستان کا کچھ نہیں بگاڑ سکتیں لیکن اگر بھارت ایک بار پھر پاکستان کو آزمانا چاہتا ہے تو ہم تیار ہیں تاہم اسے یاد رکھنا چاہیے کہ جنگ کی صورت میں بھارت کو زیادہ نقصان اٹھانا پڑے گا۔

خورشید شاہ کا کہنا تھا کہ وزیراعظم نواز شریف کواقوام متحدہ جانے سے پہلے سیاستدانوں کے ساتھ بیٹھنا چاہیے تھا لیکن پھر بھی تمام سیاسی جماعتیں نہ صرف ملکی مفاد ميں ایک ہيں بلکہ پاکستان کو بچانے کے لیے بھی سب ایک پلیٹ فارم پر ہیں۔

ان کا کہنا تھا کہ ہم دنیا کو محفوظ بنانا چاہتے ہیں جبکہ پاکستان نہ صرف عالمی دہشت گردی کا مقابلہ کررہا ہے بلکہ افواج پاکستان ضرب عضب کی صورت میں دہشت گردوں سے مقابلہ کررہی ہیں۔

ایک سوال کے جواب پر اپوزیشن لیڈر نے کہا کہ جس پر آرٹیکل 6 تھا اسے وزیراعظم نوازشریف نے چھوڑدیا،ایم کیو ایم پاکستان متعدد بار کہہ چکی کہ ہم پاکستانی ہیں تو ہمیں ان کی بات تسلیم کرنی چاہیے۔

واضح رہے کہ قومی اسمبلی میں قائد حزب اختلاف سید خورشید شاہ کا کہنا تھا کہ بانی ایم کیوایم کا ذہنی توازن اور صحت ٹھیک نہیں ہے۔