Tag: سکھر

سکھر،دیور کے ہاتھوں غیرت کے نام پر بھابی سمیت دو افراد کا قتل

سکھر: دیور نے غیرت کے نام پر بھابھی سمیت دو افراد قتل کر کے خود کو پولیس کے حوالے کردیا ۔

تفصیلات کے مطابق صوبہ سندھ کے تیسرے بڑے شہر سکھر کے علاقے صالح پٹ میں غیرت کے نام پر دیور نے فائرنگ کر کے اپنے سگی بھابھی سمیت دو افراد کو قتل کردیا،قتل کرنے کے بعد ملزم نے آلہ قتل سمیت پولیس تھانے پہنچ کر گرفتاری دے دی۔

پولیس کے مطابق ملزم نے ابتدائی بیان میں اپنی بھابھی اور اُس کے آشنا سمیت ایک فرد کے قتل کا اعتراف کر لیا ہے ملزم نے آلہ قتل بھی تھانے میں جمع کرادیا ہے،ملزم کے مطابق اُس کی بھابھی کے علاقہ کے ایک فرد کے ساتھ ناجائز تعلقات تھے جس کے باعث اکثر وہ گھر میں اپنی بھابھی سے لڑتا جھگڑتا رہتا اور بھابھی کو سمجھانے کی کوشش کرتا رہتا تھا۔

تا ہم گزشتہ روز بھابھی کو آشنا کے ساتھ دیکھ کر وہ برداشت نہ کرسکا اور فائرنگ کر کے بھابی سمیت دو شخص کو ہلاک کر دیا۔

غیرت کے نام پر قتل کرنا اور اسے بہ خوشی قبل کی ریت سے پتہ چلتا ہے کہ ہمارا معاشرہ کس ذبوں حالی کا شکار ہے،پست ذہنیت اور جہالت کے باعث قانون کو اپنے ہاتھ میں لینا باعث فخر بنتا جا رہا ہے اور اس پہ ستم یہ ہے کہ قانون نافذ کرنے والے ادارے بھی غیرت کے نام پر قتل کو قانون ہاتھ میں لینے کے بجائے شخص کا انفرادی ردعمل قرار دے کر کیس کو سرد خانے کی نذر کر دیتے ہیں۔

جولائی 2, 2016
سکھر : تجاوزات کیخلاف آپریشن، دکانوں سے باہر رکھا سامان ضبط

سکھر : تجاوزات کےخلاف آپریشن سکھر انتظامیہ اور دکانداروں میں ہاتھا پائی ہوگئی، دکانوں کے باہر رکھا سامان ضبط کرلیا گیا۔

تفصیلات کے مطابق سکھر کی ضلعی انتظامیہ نے منارا روڈ ،مشن روڈ اور نیم کی چاڑھی کے علاقے میں تجاوزات کے خلاف آپریشن کرتے ہوئے دکانداروں کی جانب سے باہر رکھا گیا سامان بحق سرکار ضبط کرلیا۔

تجاوزات کے خلاف ہونے والی کارروائی کے دوران دکانداروں نے انتظامیہ کیخلاف احتجاج کیا جبکہ نیم کی چاڑھی بازار میں دکانوں کے باہر رکھا ہوا سامان اٹھانے کے دوران اینٹی انکروچمنٹ کے عملداروں اور دکانداروں کے درمیان تلخ کلامی اور ہاتھاپائی بھی ہوئی۔

اس موقع پرموجود پولیس اہلکاروں نے صررت حال کو قابو کرلیا، انتظامیہ کے مطابق دکانداروں کو کئی مرتبہ وارننگ دی گئی تھی کہ سامان دکانوں کے اندر رکھا جائے لوگوں کو بازار میں چلنے کے دوران دشواریاں پیش آرہی ہیں۔

انتباہ کے باوجود دکاندار سامان باہر رکھ رہے تھے جس کے خلاف کاروائی کی جارہی ہے۔

جون 5, 2016
سکھر : کارکنوں کی گرفتاریوں کے خلاف ایم کیو ایم کا احتجاجی کیمپ نصب

سکھر : ایم کیو ایم کی جانب سے کارکنوں کی گمشدگی اور بلاجواز گرفتاریوں کے خلاف سکھر پریس کلب کے سامنے احتجاجی کیمپ نصب کر دیا گیا۔

اس موقع پر رُکن رابطہ کمیٹی و صوبائی اسمبلی کے ممبر عبدالحسیب نے ایم اپی اے ناہید اختر کے ہمراہ پریس کلب پر میڈیا سے گفتگو کرتے ہوئے کہا کہ ’’ متحدہ قومی مومنٹ کے گمشدہ کارکنان کو فوری طور پر بازیاب کروا کر عدالتوں میں پیش کیا جائے‘‘۔

انہوں نے مزید کہا کہ ’’حیدرآباد کے سابق زونل انچارج ندیم قاضی کو اُن کے دفتر سے سادہ لباس اہلکاروں نے حراست میں لے کر لاپتہ کردیا ہے، جبکہ وہ دہشت گرد نہیں بلکہ سرکاری ملازم ہیں‘‘۔

رابطہ کمیٹی کے ممبر نے آرمی چیف آف اسٹاف سے التماس کی کہ وہ کارکنوں کی گمشدگی کے حوالے سے نوٹس لیں اور لاپتہ کارکنان کو بازیاب کروانے میں اپنا کردار ادا کریں، ہم محب وطن ہیں ہمارے کارکنان کو بازیاب کروایا جائے تاکہ اُن کے اہل خانہ کی بے چینی ختم ہوسکے۔

ایک سوال کے جواب میں انہوں نے کہا کہ وزیر اعظم پاکستان سے مطالبہ کرنا فضول ہے، کیونکہ وہ خود کہیں اور سے مشورہ لینے کے بعد حکومتی معاملات چلاتے ہیں۔

واضح رہے دو روز قبل متحدہ قومی مومنٹ کی جانب سے کارکنوں کی کمشدگی اور بلاجواز گرفتاریوں کے خلاف سندھ کے مختلف علاقوں حیدرآباد، میرپورخاص، ٹھٹہ، سکھر سمیت اندورنِ سندھ کے مختلف علاقوں میں پریس کلب کے باہر 6 روز تک احتجاجی مظاہروں کا اعلان کیا گیا تھا۔

جون 1, 2016
سکھر : بجلی کی بندش کے خلاف شہریوں کا انوکھا احتجاج

سکھر:سیپکو کی جانب سے غیر اعلانیہ لوڈ شیڈنگ کے خلاف شہریوںکے صبر کا پیمانہ لبریزہوگیا،بجلی کی بندش کے خلاف شہریوں نےٹرانسفارمر پر الٹا لٹک کر احتجاج کیا.

تفصیلات کے مطابق سندھ کے شہر سکھر میں ٹیکسی اسٹینڈ کے رہائشوں نے بجلی کی بندش اور انتظامیہ کے خلاف شدید نعرے بازی کی.

احتجاج کے دوران شہریوں نے ٹرانسفارمر پر الٹا لٹک کر انوکھا احتجاج کیا،انتظامیہ نے شہر سے 177ٹرانسفارمر اتار دیے ہیں، جس کی وجہ سے سارے شہر میں پانی کی فراہمی بند ہے،دوسری جانب شدید گرمی کے باعث شہری مشکلات کا شکار ہیں.

یاد رہے گذشتہ دنوں کراچی سمیت سندھ کے مختلف شہروں میں لوڈشیدنگ کے خلاف احتجاج کیے گئے اور حکومت کے خلاف شدید نعرے بازی کی عوام کی جانب سے حکومت سے بجلی اور پانی کی فراہمی کا مطالبہ کیاگیا.

مئی 29, 2016
سکھر: بجلی اور پانی کی عدم فراہمی کےخلاف تحریک انصاف کی ریلی

سکھر: تحریک انصاف کی جانب سے بجلی کی غیر اعلانیہ لوڈشیڈنگ اور پانی کی عدم فراہمی کےخلاف ریلی نکالی گئی۔

تفصیلات کے مطابق تحریک انصاف کی جانب سے بجلی کی غیر اعلانیہ لوڈشیڈنگ اور پانی کی عدم فراہمی کےخلاف سکھر کے علاقے شالیمار سے احتجاجی ریلی کا آغاز کیا گیا جو پریس کلب پر جاکر اختتام پذیر ہوئی۔

ریلی میں عوام کی بڑی تعداد نے شرکت کی اور حکومت سے بجلی کی غیراعلانیہ لوڈشیڈنگ کے خاتمے اور پانی کی فراہمی کا مطالبہ کیا۔

ریلی میں شریک مظاہرین نے اپنے ہاتھوں میں بینرز اور پلے کاررڈ اٹھائے ہوئے تھے جن پر انتظامیہ کے خلاف نعرے درج تھے۔

اس موقع پر تحریک انصاف کے قائدین نے ریلی کے شرکاء سے خطاب کرتے ہوئے حکومتی نمائندوں اور انتظامیہ کو شدید تنقید کا نشانہ بنایا۔

تحریک انصاف کے رہنماء رب نواز کلہوڑو نے کہا کہ سخت گرمی میں لوڈشیڈنگ اور پانی کی عدم فراہمی کے باعث شہریوں کو بہت مشکلات کا سامنا کرنا پڑ رہا ہے۔

انہوں نے مزید کہا کہ حکمرانوں کو عوام کی پریشانیوں کا علم نہیں، اُن کو بس اپنی عیاشیوں سے مطلب ہے، یہی وجہ ہے کہ وزیراعظم پاکستان نے سکھر موٹروے کا افتتاح تو کردیا لیکن شہریوں کی حالتِ زار نہیں دیکھی۔

اس موقع پر تحریک انصاف کے رہنماء نے حکومت کو مخاطب کرتے ہوئے کہا کہ اگر سکھر کی عوام کو بنیادی سہولیات فراہم نہیں کی گئیں تو احتجاج کا دائرہ وسیع کردیں گے۔

مئی 27, 2016
کرپشن ثابت ہونے پر بیس ججز کو فارغ کیا گیا ہے ،چیف جسٹس سندھ ہائیکورٹ

کراچی : چیف جسٹس سندھ ہائی کورٹ سید سجاد علی شاہ کا کہنا تھا کہ ہم نے کرپشن کو مکمل ختم کرنے کاعہد کیا ہے اور میرٹ کی بنیاد پر ہی نئے ججز کا تقرر کیا گیا ہے.

تفصیلات کے مطابق سندھ ہائی کورٹ سکھر بنچ میں سندھ ہائیکورٹ بار کی جانب سے چیف جسٹس سید سجاد علی شاہ کی اعزاز میں تقریب منعقد کی گئی اس موقع پر خطاب کرتے ہوئے چیف جسٹس سید سجاد علی شاہ کا کہنا تھا کہ کرپشن کو ختم کرکے ہی دم لیں گے.

تفریب سے خطاب کرتے ہوئے چیف جسٹس سندھ ہائی کورٹ کا کہنا تھا کہ میرٹ کی بنیاد پر ہی نئے ججز کا تقرر کیا گیا ہے تاکہ ججز فرض کی ادائیگئ ایمان داری کے ساتھ کریں.

سید سجاد علی شاہ کا کہنا تھا کہ دباؤکے باوجود یہ ثآبت کیا ہے کہ سچائی ایمانداری کسی خاص طبقے کی جاگیر نہیں ہے.

چیف جسٹس سندھ ہائی کورٹ کا مزید کہنا تھا کہ کرپشن کو عدالتوں سے بھی ختم کریں گے.

یاد رہے کہ سید سجاد علی شاہ دسمبر 2015 میں بطور چیف جسٹس سندھ ہائی کورٹ عہدے پرتعینات ہوئے تھے.

مئی 27, 2016
کمال اینڈ کمپنی پر پتھراؤ سے ایم کیو ایم کا کوئی تعلق نہیں، عبدالحسیب خان

سکھر : متحدہ قومی موومنٹ کے رہنماء عبدالحسیب خان نے سکھرمیں پیش آنے والے واقعے پر اپنے ردعمل کا اظہار کرتے ہوئے کہا ہے کہ ایم کیو ایم کے خلاف سازشیں نئی بات نہیں، پہلے بھی اس طرح پریکٹسز کی گئی ہیں۔

متحدہ قومی موومنٹ محب وطن لوگوں کی جماعت ہے، ہمارے اوپر لگائے جانے والے الزامات نئے نہیں ہیں، کمال اینڈ کمپنی نے قائد ایم کیو ایم کے خلاف نازیبا زبان استعمال کی جس پر عوام نے اپنا رد عمل ظاہر کیا۔

ان خیالات اظہار انہوں نے سکھر پریس کلب میں پریس کانفرنس سے خطاب کرتے ہوئے کیا، اس موقع پر ایم کیو ایم کے دیکر اراکین اسمبلی بھی موجود تھے۔

عبدالحسیب خان نے کہا کہ گزشتہ روز کمال اینڈ کمپنی پر سکھر میں ہونے والے پتھراؤ سے ایم کیو ایم کا کوئی تعلق نہیں ہے، پولیس نے بلا جواز ہمارے کارکنان پر تشدد کیا اور مقدمہ درج کیا۔

انہوں نے کہا کہ پہلے دن سے ہی کمال اینڈ کمپنی نے کروڑوں لوگوں کے محبوب قائد کے خلاف نازیبا الفاظ استعمال کئے ہیں جس کے خلاف عوام کا رد عمل سامنے آیا ہے۔

ایم کیو ایم اگر را سے فنڈنگ لیتی ہے تو ہمارے مرکز 90 پر ملک صدور وزراء اعظم وزراء اعلیٰ وفاقی وزیر کیوں آتے ہیں؟

انہوں نے سوال کیا کہ اگر ہم 22سالوں سے را سے فنڈنگ لے رہے ہیں تو مصطفیٰ کمال 20 سال ہمارے ساتھ کیوں رہے؟ اظہار رائے کی آزادی کا یہ مطلب نہیں کہ کسی کے خلاف غلط الفاظ استعمال کئے جائیں۔

ان کا کہنا تھا کہ مائینس ون فارمولا ختم کیاجائے اور متحدہ کے قائد سے بات کرکے ان کی خدمات سے فائدہ اٹھایا جائے۔

انہوں نے کہا کہ الزام لگانا آسان ہے ہمارے ہاں عدلیہ آزاد ہے مقدمات درج کرانا متحدہ کو ڈرانے کی کوشش ہے، ہم چیف آف آرمی اسٹاف وزیر اعظم ،وزیر داخلہ سمیت دیگر حکام سے مطالبہ کرتے ہیں کہ متحدہ کے کارکنان پر درج ایف آئی ار ختم کی جائے۔

مئی 10, 2016
سکھر: مصطفیٰ کمال کے قافلے پرایم کیو ایم کے مشتعل کارکنان کا پتھراؤ

سکھر : پاک سر زمین پارٹی کے سکھر میں ہونے والے جلسے کے بعد ایم کیو ایم کے کارکنان نے مصطفیٰ کمال کے قافلے پر متحدہ کے کارکنوں نے پتھراؤ کیا۔

مصطفیٰ کمال کی تقریر کے بعد ایم کیو ایم کارکنان مشتعل ہوگئے، پا ک سر زمین پارٹی کا قافلہ متبادل راستہ اختیار کرکے اپنی منزل کی جانب روانہ ہوگیا۔

تفصیلات کے مطابق سکھر میں متحدہ قومی موومنٹ کے کارکنان اور پاک سر زمین پارٹی کے رہنما آمنے سامنے آگئے۔

مصطفی کمال جلسے کے بعد دیگر رہنماؤں کے ساتھ پاک سر زمین پارٹی میں شرکت کرنے والے مقامی رہنما کے گھر جا رہے تھے کہ راستے میں بندر روڈ کے قریب ایم کیو ایم کے کارکنوں نے روڈ کو بلاک کرکے مصطفیٰ کمال کے قافلے پر پتھراؤ شروع کردیا۔

کارکنان نے مصطفیٰ کمال کیخلاف شدید نعرے بازی بھی کی، پتھراؤ کے نتیجے میں میڈیا کے دیگر نمائندے بھی زخمی ہوئے، اس کے علاوہ اے آر وائی نیوز کی ڈی ایس این جی وین کے شیشے بھی ٹوٹ گئے۔

مصطفیٰ کمال کے قافلے میں موجود پولیس اہلکار بھی مشتعل افراد پر قابو نہ پاسکے،تاہم بعد ازاں پولیس کی بھاری نفری نے موقع پر پہنچ کر مشتعل کارکنان کو منتشر کر دیا۔

اس سے قبل مصطفیٰ کمال اور انیس قائم خانی کی آمد پر بندر روڈ، میانی روڈ اور دیگر علاقوں میں لگائے گئے خوش آمدید کے بینرز نامعلوم افراد نے پھاڑ دیئے اور ان کے پینافلیکس پر بھی سیاہی بکھیر دی گئی تھی۔

مصطفیٰ کمال اور انیس قائم خانی نے سکھر میں پاک سرزمین پارٹی کے رابطہ آفسز کا افتتاح بھی کیا۔ بعد ازاں جلسے سے خطاب کرتے ہوئے مصطفیٰ کمال نے متحدہ کے قائد کا نام لے کر ان پر شدید تنقید کی۔

ان کا کہناتھا کہ آج بھی را کے ایجنٹوں کی کارروائیاں ختم نہیں ہوئیں، ہزاروں لوگوں کا خون بہا کر بھی قائد ایم کیوایم کا دل نہیں بھرا۔

علاوہ ازیں مصطفیٰ کمال نے پریس کانفرنس سے خطاب کرتے ہوئے کہا ہے کہ جن لوگوں نے آج پتھر پکڑے ہوئے تھے وہ کل ضرور پھول اپنے ہاتھوں میں لئے ہوں گے، متحدہ کے قائد نے بچوں اور خواتین کے ہاتھوں میں پتھر اور کلاشنکوف پکڑا دی ہے۔

میڈیا کے نمائندوں اور ان گاڑیوں پر حملے کی شدید مذمت کرتا ہوں، ان کا کہنا تھا کہ آج میں آزاد ہوں اسی لئے سب کچھ کہہ رہا ہوں۔

انہوں نے بتایا جلد ہی لندن کا دورہ بھی کریں گے اور وطن فروشی کی شرارتوں کا جواب بھی لندن جا کر دوں گا، مصطفیٰ کمال نے کہا کہ پارٹی کی مقبولیت میں روز بروز اضافہ ہورہا ہے ،کوئٹہ میں لوگوں نے دفاتر بھی کھول لئے ہیں.

مئی 8, 2016
ہندوستان ہمیشہ پاکستان کو ڈسٹرب کرنے کی سازشیں کرتا ہے، خورشید شاہ

سکھر:خورشید شاہ نے کہا ہے کہ پٹھان کوٹ کے حوالے سے پاکستان کو چاہئے کہ انٹر نیشنل دباﺅ ڈالیں ہندوستان ہمیشہ پاکستان کو ڈسٹرب کرنے کی سازشیں کرتا ہے ،ریڈ زون تک دس سے گیارہ ہزار بندے کیسے پہنچے اس بات کا حکومت کو جواب دینا ہو گا۔

قائد حزب اختلاف سید خورشید شاہ کا سوئیٹ ہوم سکھر میں آٹھ بچوں کی سالگرہ تقریب کے موقع پرمیڈیا سے گفتگو کر تے ہوئے کہنا تھا کہ لاہور سانحہ کے بعد شروع کیا گیاآپریشن اگر سیاست کی نظر ہوا تو سندھ حکومت کو کوئی حق نہیں کہ وہ حکومت کرے وزیر اعظم پاکستان کے وزیر اعظم ہیں اور ہر ووٹر کے وزیر اعظم ہیں حکومت نے پرویز مشرف کو باہر جانے کی اجازت دی عدالتوں کو پرویزمشرف کی ضرور ت ہے۔

انکا مزید کہنا تھا کہ پیٹرول کی قیمتیں عالمی منڈی میں اب بھی کم ہیں اگر حکومت چاہے تو پیٹرول چار روپے اور ڈیزل آٹھ سے دس روپے کم کر سکتی ہے حکومت کو چاہئے کہ پیٹرول کی قیمتیں نہ بڑھائے پیسہ کمانے کے اور بھی طریقے ہیں۔

مارچ 31, 2016
مصطفٰی کمال کی واپسی سے کوئی تبدیلی نہیں آئے گی، خورشید شاہ

سکھر: قومی اسمبلی میں اپوزیشن لیڈراورپیپلزپارٹی کے رہنما خورشید شاہ نے کہا ہے کہ مصطفٰی کمال کی واپسی سے کچھ نہیں ہونے والا لیکن میرا خیال ہے کہ کچھ اور شخصیات بھی سامنے آئیں گی۔

یہ بات انہوں نے سکھر میں میڈیا سے گفتگو کرتے ہوئے کہی۔ خورشید شاہ نے کہا کہ رحمان ملک تقریر لکھ کر دیتے تھے تو پڑھنے والے بھی یہی تھے۔

انہوں نے کہا کہ 90ءکی دہائی میں ایم کیو ایم کو ختم کرنے کی کوشش کی گئی لیکن ایم کیو ایم ایک بارپھر ابھری،دو چار لوگ اور بھی چلے جائیں تو پارٹی ختم نہیں ہوتی ۔

انہوں نے کہاکہ گورنر سندھ کا اونٹ اسٹیبلمشنٹ کی طرف بیٹھا ہے۔ خورشیدشاہ نے مزید کہا کہ کہانی کے پیچھے صرف مصطفیٰ کمال نہیں ،دوچاربڑی شخصیات اوربھی ہوں گی۔

میراتجربہ کہتاہے کہ کچھ نہیں ہوگا اورکوئی تبدیلی نہیں آئے گی۔ ان کا کہنا تھا کہ کچھ دنوں کی بات ہے گرد جلد بیٹھ جائےگی۔

مارچ 5, 2016