Tag: سکھر

  • این اے246 پرغیرجانبدار ہیں، سید خورشید شاہ

    این اے246 پرغیرجانبدار ہیں، سید خورشید شاہ

    لاہور: قومی اسمبلی میں اپوزیشن لیڈر سید خورشید شاہ نے کہا ہے کہ یمن سعودی تنازع پر پارلیمنٹ کی قرارداد قوم کی ترجمانی ہے، متحدہ عرب امارات کے بیان کی حقیقت جاننے کیلئے وزارت خارجہ کے ردعمل کا انتظار ہے۔

    لاہور ایئرپورٹ پر میڈیا ست گفتگو کرتے ہوئے اپوزیشن لیڈر سید خورشید شاہ کا کہنا تھا کہ تحریک انصاف جوڈیشل کمیشن کے قیام کا مطالبہ منوا کر ایوان میں واپس آئی ہے، اب حکومتی ارکان کی جانب سے تنقید کو وہ درست نہیں سمجھتے۔

    انہوں نے کہا کہ ظفر علی شاہ سینیٹ ٹکٹ نہ ملنے کا افسوس ہے، اسی لئے وہ سپریم کورٹ گئے ہیں۔ سید خورشید شاہ نے کہا کہ پیپلز پارٹی اصولوں کی بنیاد پر انتخابی دھاندلیوں کے حوالے قائم کمیشن کے سامنے پیش ہونے جا رہی ہے، اس کا مسلم لیگ نون سے دوستانہ تعلقات رہنے یا نہ رہنے کا کوئی تعلق نہیں۔

     سابق چیف جسٹس افتخار محمد چودھری کے خط پر بات کرتے ہوئے ان کا کہنا تھا کہ وہ 8 ماہ تک کہاں رہے، اب انہیں یاد آیا ہے کہ تحریک انصاف کے استعفے منظور ہونے چاہیئیں۔ تحریک انصاف کو نشستوں سے محروم کرنے کے خواہشمند پارلیمنٹ کے قواعد و ضوابط سے لاعلم ہیں یا پھر وہ پوائنٹ سکورنگ کرنا چاہتے ہیں۔

     انہوں نے کہا کہ پیپلز پارٹی نے این اے 246 میں کوئی امیدوار کھڑا نہیں کیا، غیرجانبدار رہیں گے۔ نبیل گبول کے پارٹی قیادت سے رابطوں کا علم انہیں ہی ہو گا۔

  • فوج بھیجنےکافیصلہ حکومت نہیں ریاست کرےگی، خورشید شاہ

    فوج بھیجنےکافیصلہ حکومت نہیں ریاست کرےگی، خورشید شاہ

    سکھر: قومی اسمبلی میں قائد حزب اختلاف سیدخورشیدشاہ کا کہنا ہے کہ تحریک انصاف کو پارلیمنٹ میں خوش آمدید کہیں گے ۔

    پیپلزپارٹی کے رہنماخورشید شاہ کا کہنا تھا کہ فوج بھیجنے کا فیصلہ حکومت نہیں ریاست کرے گی۔

     پارلیمنٹ کے اجلاس میں مشترکہ فیصلہ نہیں بلکہ اپنا موقف پیش کریں گے۔

     خورشید شاہ کا کہنا تھا پاکستان پہلے ہی افغانستان میں پھنسا ہوا ہے، ہمیں اپنی خود مختاری عزیز رکھنی ہے ۔

    اپوزیشن لیڈر کا کہنا تھا کہ دوسرں کی جنگ میں ہم نے کافی نقصان اٹھایا ہے، لہٰذا آئندہ کوئی بھی اقدام بہت سوچ سمجھ کر اٹھانا چاہیئے۔

  • حکومت یمن کے معاملے پرغیر جانبدار رہے، سید خورشید شاہ

    حکومت یمن کے معاملے پرغیر جانبدار رہے، سید خورشید شاہ

    سکھر : قومی اسمبلی میں قائد حزب اختلاف سید خورشید شاہ کا کہنا ہےکہ پاکستان کو یمن کے مسئلے پر غیرجانبدار رہنا چاہئیے۔ان خیالات  کا اظہار انہوں نے سکھر میں میڈیا سےبات چیت کرتےہوئےکیا۔

    سید خورشید شاہ کاکہنا تھا کہ پیپلز پارٹی کی شروع سے یہی پالیسی ہے۔ انہوں نے کہا کہ ہمیں اتحادبین المسلمین کیلئےکوششیں کرنی چاہئیں۔

    اپوزیشن لیڈر کا کہنا تھا کہ دوسرں کی جنگ میں ہم نے کافی نقصان اٹھایا ہے، لہٰذا آئندہ کوئی بھی اقدام بہت سوچ سمجھ کر اٹھانا چاہیئے۔

    واضح رہے کہ پیپلز پارٹی کے شریک چیئرمین آصف علی زرداری نے یمن کی صورتحال پر سیاسی جماعتوں سے مشاورت کےلئے اجلاس آج بدھ کو طلب کیا ہے۔

    اجلاس میں یمن کی موجودہ صورتحال اورحکومت کی حکمت عملی پر مشاورت کی جائے گی، ذرائع کے مطابق تمام جماعتوں کی متفقہ رائے کے بعد اپوزیشن اپنی حکمت عملی وضع کرے گی۔

    اجلاس میں یمن میں محصور پاکستانیوں کی وطن واپسی کے لئے اقدامات پر بھی غور کیا جائے گا، اجلاس کیلئے آصف زرداری نے اپوزیشن رہنماؤں سے رابطہ شروع کردیا ہے۔

  • یمن صورتحال پر قوم اور پارلیمنٹ کو اعتماد میں لیا جائے، مولانا عبدالغفور حیدری

    یمن صورتحال پر قوم اور پارلیمنٹ کو اعتماد میں لیا جائے، مولانا عبدالغفور حیدری

    سکھر : حکومت یمن صورتحال پرقوم اور پارلیمنٹ کو اعتماد میں لے کر مثبت اقدام اٹھائے، ان خیالات کا اظہار ڈپٹی چیئرمین سینیٹ مولانا عبدالغفور حیدری نے روہڑی میں میڈیا سے گفتگو کرتے ہوئے کیا۔

    انہوں نے کہا کہ سعودی عرب اور پاکستان کے لا زوال تعلقات ہیں، اور سعودی عرب نے ہر مشکل وقت میں پاکستان کا ساتھ دیا ہے اور سعودی عرب سے ہمارا روحانی رشتہ ہے۔

    حکومت کو چاہئے کہ اس سلسلے میں قوم اور پارلیمنٹ کو اعتماد میں لے کر مثبت فیصلہ کرے،ان کا کہنا تھا کہ متعدد پاکستانی یمن اور خلیجی ممالک میں محصور ہیں حکومت پاکستان ان  کی واپسی کے لئے انتظامات کرے۔

    ایک سوال کے جواب میں انہوں نے کہا کہ عمران خان اور عارف علوی کے جو فون ریکارڈ ہوئے تھے جس میں ان دونوں نے ایک دوسرے کو مبارکباد دی تھی،اس فون ٹیپ والی بات کو ایشو نہ بنایا جائے۔

    ان کا کہنا تھا کہ پی ٹی آئی کا پارلیمنٹ میں قدم رکھنا خوش آئند ہے، انہوں نے کہا کہ رینجرز اور پولیس پر حملے قابل مذمت ہیں۔

    ملک اور خصوصاً کراچی میں امن و امان کی صرت حال کے حوالے سے ان کا کہنا تھا کہ حکومت کو چاہئے کہ تمام پارٹیوں کو اعتماد میں لے۔

    تمام سیاسی جماعتیں  مل کر ملک میں امن و امان قائم کر نے کے لئے ایک دوسرے کا ساتھ دیں، انہوں نے کہا کہ ایم کیو ایم سمیت تمام پارٹیوں کوآپریشن سے تکلیف ہوئی ہے۔

  • سکھر میں رواں سال کا تیسرا پولیو کیس سامنے آگیا

    سکھر میں رواں سال کا تیسرا پولیو کیس سامنے آگیا

    سکھر: پولیو کا تیسرا کیس سامنے آگیا، پنوعاقل کے محنت کش کے بیٹے میں وائرس کی تصدیق ہوگئی ہے، پولیو کا کیس سامنے آنے پر ڈسٹرکٹ ہیلتھ آفس میں کھلبلی مچھ گئی۔

    سکھر میں رواں سال کا تیسرا پولیو کیس رپورٹ ہوا، پنوعاقل کے رہائشی گدھا گاڑی چلانے والے محنت کش کے پانچ سالہ بیٹے دل شیر جتوئی میں پولیووائرس کی تصدیق ہوگئی۔

    بچہ والد کے ساتھ ڈسٹرکٹ ہیلتھ آفس پہنچا تو طبی معائنہ کے لئے ڈاکٹر اور ڈسٹرکٹ ہیلتھ آفیسر خود پہنچ گئے، ڈسٹرکٹ ہیلتھ آفیسر عرفان اللہ قریشی کا کہنا ہے کہ دل شیر کو پولیو کے قطرے پلائے گئے تھے۔

    ٹیسٹ کیلئے مزید سیمپل اسلام آباد بھیجے جائیں گے،غریب والدین نے حکومت سے بچے کے علاج کی اپیل کی ہے۔

    رواں سال سندھ  میں پانچ، خیبر پختوان خوا میں سات، بلوچستان میں تین اور فاٹا میں چھ پولیو کیسز رپورٹ ہوچکے ہیں۔

  • سکھر جیل میں 2مجرموں کو صبح 5 بجے پھانسی دی جائے گی

    سکھر جیل میں 2مجرموں کو صبح 5 بجے پھانسی دی جائے گی

    سکھر : سینٹرل جیل سکھر میں قید دو مجرموں عبدالرزاق چوہان اور جلیل عرف جلال موریجو کو صبح ساڑھے پانچ بجے پھانسی دی جائے گی۔

    مجرم جلیل عرف جلال موریجونے انیس سو ستانوے میں اپنے رشتے دارکو قتل کیا تھا ،جلیل موریجو کا تعلق نوشہرو فیروز کے گائوں دریا خان مری سے ہے ۔

    مجرم عبدالرزاق چوہان نے پندرہ سال قبل ساتویں جماعت کے طالب علم اقرار عرف آفتاب میرانی کو بے دردی سے گلا کاٹ کر قتل کیا تھا۔دونوں مجرموں کی ورثاءسے آخری ملاقاتیں کرا دی گئی ہیں۔

  • جامشورو،مسافر کوچ اور رکشے میں تصادم،4 جاں بحق،2 زخمی

    جامشورو،مسافر کوچ اور رکشے میں تصادم،4 جاں بحق،2 زخمی

    جامشورو/ سکھر:  انڈس ہائی وے پر مسافر کوچ اور رکشے ٹکرا گئے، چار افراد جاں بحق دو زخمی ہوگئے۔ ادھر سکھر ٹول پلازہ پر وین کا گیس سلینڈر پھٹ گیا تاہم مسافر محفوظ رہے۔

    تفصیلات کے مطابق جامشورو انڈس ہائی وے مہران یونیورسٹی کے سامنے مسافرکوچ اوررکشہ کے تصادم نےچارافراد کی جان لے لی۔

    پولیس کے مطابق رکشہ رونگ سائیڈ سے جاتے ہوئے حادثے کا شکار ہوگیا۔ مرنے والوں میں دو خواتین سمیت رکشہ ڈرائیور شامل ہے جبکہ دوزخمیوں کو مقامی اسپتال منتقل کردیاگیا.

    حادثے کے بعد شہریوں نے شدید احتجاج کیا،ٹول پلازہ سکھر پر گھو ٹکی سے شکارپور میلے میں جانے والی مسافروین میں اچانک آگ بھڑک اٹھی اوروین کا گیس سلینڈر دھماکے سے پھٹ گیا تاہم بروقت امدادی کارروائی کرکے تمام مسافروں کو بچالیا گیا۔

    مقامی افراد کا کہنا ہے کہ تمام مسافروں کو اپنی مدد آپ اور پولیس کی مدد سے بچایاگیا۔ حادثے کے بعد وین ڈرائیور گاڑی چھوڑ کر فرار ہوگیا۔

  • ایم کیو ایم کوفی الحال سندھ حکومت میں شامل نہیں کرسکتے،قائم علی شاہ

    ایم کیو ایم کوفی الحال سندھ حکومت میں شامل نہیں کرسکتے،قائم علی شاہ

    جیکب آباد /سکھر : جیکب آباد میں ایک سو پینتالیس ویں سات روزہ تاریخی ثقافتی میلے ،سندھ ہارس اینڈ کیٹل شو کا انعقاد کیا گیا جس کا وزیر اعلیٰ سندھ نے افتتاح کردیا ہے ۔

    تفصیلات کے مطابق جیکب آباد کے نمائش گراؤنڈ میں لگائے گئے سندھ کے تاریخی میلے سندھ ہارس اینڈ کیٹل شو کا افتتاح کرنے کے بعد وزیر اعلیٰ سندھ قائم علی شاہ نے تقریب اور میڈیا سے گفتگو کرتے ہوئے کہا ہے کہ پارٹی کے فیصلے کے تحت ایم کیو ایم سے مذاکرات موخر کردیئے گئے ہیں۔

    قائم علی شاہ کا کہنا تھا کہ پاکستان پیپلز پارٹی (پی پی پی) اس وقت تک متحدہ قومی موومنٹ کو حکومت میں شامل ہونے کی دعوت دینے سے متعلق فیصلہ نہیں کرے گی، جب تک ایم کیو ایم کے خلاف نئے الزامات کی تحقیقات مکمل نہیں ہوجاتیں۔

    سید قائم علی شاہ کا کہنا تھا کہ پیپلز پارٹی نے اپنی سابقہ اتحادی جماعت ایم کیو ایم کے ساتھ سینیٹ الیکشن سے کچھ روز قبل بات چیت کا آغاز کیا تھا، تاہم موجودہ صورتحال کے پیش نظر متحدہ قومی موومنٹ کو سندھ حکومت میں شامل نہیں کیا جائے گا۔

    قائم علی شاہ نے کہا کہ کراچی میں ٹارگٹ کلنگ کے واقعات میں 75 فیصد کمی واقع ہوئی ہے جو حکومتی کارکردگی کا منہ بولتا ثبوت ہے۔ سید قائم علی شاہ کا کہنا تھا کہ شکار پور بم دھماکے کے سرغنہ ملزم کی ہلاکت اور دیگر ملزمان کی گرفتار کے بعد سندھ میں امن و امان کی صورتحال بہتر ہوئی ہے۔

    تقریب کے دوران اعلیٰ نسل کے مویشیوں گائے بیل ،گھوڑوں کی نمائش کرائی گئی اور مختلف اسکولوں کی طالبات نے ٹیبلوپیش کئے،تقریب کے اختتام پر رکن قومی اسمبلی اعجاز جکھرانی نے وزیراعلیٰ سندھ کو سندھ کی ثقافت کے مطابق تلوار کا تحفہ پیش کیا اور وزیراعلیٰ سندھ نے اعجاز جکھرانی ،صوبائی وزیر ممتاز جکھرانی اور ڈی سی جیکب آبادشاہ زمان کھوڑو میں شیلڈ تقسیم کیں۔

  • کراچی آپریشن گورنرو وزیراعلیٰ کی ہدایات پر چل رہا ہے، خورشید شاہ

    کراچی آپریشن گورنرو وزیراعلیٰ کی ہدایات پر چل رہا ہے، خورشید شاہ

    سکھر+صالح پٹ : قومی اسمبلی میں قائد حزب اختلاف اور پیپلز پارٹی کے مرکزی رہنماء سید خورشید شاہ نے کہا ہے کہ کراچی آپریشن کے کپتان وزیر اعلیٰ سندھ قائم علی شاہ ہیں۔

    ان خیالات کا اظہار انہوں نے سکھر میں میڈیا سے گفتگو کرتے ہوئے کیا، خورشید شاہ کا کہنا تھا کہ کراچی میں آپریشن گورنر سندھ ڈاکٹر عشرت العباد اور وزیر اعلیٰ سندھ قائم علی شاہ کی ہدایات پر چل رہا ہے۔

    انہوں نےسندھ اسمبلی میں تبدیلی کے کسی بھی امکان کو مسترد کردیا۔ خورشید شاہ نے کہا کہ طالبان نے ملک کو نقصان پہنچایا آپریشن ضرب عضب کی مکمل حمایت کرتے ہیں۔

    دوسری جانب صالح پٹ میں میڈیا سے گفتگو کرتے ہوئے سید خورشید شاہ نے کہا کہ ریاست ظالم چیز ہے نواز شریف کو عمران خان نے کہاں سے کہاں تک پہنچا دیا ہے۔

    قائد حزب اختلاف سید خورشید احمد شاہ کا کہنا تھا کہ پی ٹی آئی سربراہ نے سینیٹ چیئرمین منتخب ہونے پر سمجھوتہ کیا تھا اسپیکر اور سینیٹ چیئرمین بلامقابلہ منتخب ہونے چاہئیں۔

    انہوں نے کہا کہ عمران خان پر شدید تنقید کا اظہار کرتے ہوئے کہا کہ سربراہ تحریک انصاف کے قول و فعل میں تضاد ہوتا ہے۔

  • عمران خان بتائیں کہ سینیٹ میں چھ سے سولہ ووٹ کیسے ہوئے؟ خورشید شاہ

    عمران خان بتائیں کہ سینیٹ میں چھ سے سولہ ووٹ کیسے ہوئے؟ خورشید شاہ

    سکھر : قومی اسمبلی میں اپوزیشن لیڈر اور پیپلز پارٹی کے سینئر رہنماء سید خورشید شاہ نے کہا ہے کہ عمران خان ہارس ٹریڈنگ کی باتیں کر تے ہیں وہ یہ بتائیں کہ سینٹ الیکشن میں تحریک انصاف کے چھ سے سولہ ووٹ کیسے ہوئے؟

    ہارس ٹریڈنگ کس نے کی یہ سب کو پتہ چل گیا ہے، ان خیالات کا اظہار انہوں نے امن کا پیغام لیکر سکھر پہنچنے والے لاہور کے قافلے کا پبلک اسکول سکھر میں رواداری فیسٹیول کے موقع پر میڈیا سے بات چیت کرتے ہوئے کیا ۔

    انہوں نے کہاکہ نائن زیرو اور الطاف حسین کی بہن کے گھر پر ہونے والی کارروائی پر سندھ حکومت نے جوڈیشل کمیشن بنا دیا ہے۔

    ان کا کہنا تھا کہ سانحہ بلدیہ ٹاﺅن میں ملوث افرادکے بارے میں جلد رپورٹ منظر عام پر آجائے گی، ن لیگ اور ایم کیو ایم میں کوئی کشیدگی نہیں ہے۔

    خورشید شاہ نے کہا کہ نہ ہی پیپلز پارٹی ،ن لیگ اور ایم کیو ایم کے درمیان دوریاں ختم کر نے میں کوئی کردار ادا کر نے کو شش کر رہی ہے۔

    ان کا کہنا تھا کہ حکمرانوں خدارا اس ملک کو وقت دو عوام کی حفاظت کرو اور دہشت گردی کا خاتمہ کرو۔

    سید خورشید شاہ کاکہنا تھا کہ مذہبی رواداری ایک اہم موضوع ہے جس کا مقصد امن کو فروغ دینا ہے مذ ہبی انتہاءپسندی امن کی دشمن ہے جس کا فوری خاتمہ کرنا چاہئے ۔