واشنگٹن: بھارتی وفد کو دنیا بھر کے سامنے ایک بار پھر سے شرمندگی اٹھانا پڑی، سکھوں کو دیکھ کر ششی تھرورو دیگر پارکنگ میں چھپ گئے۔
اے آر وائی نیوز کے مطابق ششی تھرور کی سربراہی میں بھارتی وفد کو واشنگٹن میں سبکی کا سامنا کرنا پڑا، ششی تھرور کی سربراہی میں بھارتی سفارتی وفد کوبھارتی شہریوں نے گھیرلیا احتجاج کرنیوالے سکھوں کو دیکھ کر ششی تھرور اور دیگر پارکنگ میں چھپ گئے۔
ششی تھرورکی سربراہی میں بھارتی سفارتی وفد پریس کلب میں میڈیا کا سامنا بھی نہ کرسکا، احتجاج کرنے والے سکھوں سے بچنے کیلئے بھارتی وفد نے پولیس کی مدد طلب کرلی۔
اس سے قبل امریکا کے دارالحکومت واشنگٹن میں سکھوں نے پاکستان کی حمایت میں نہ صرف بھارتی ترنگا روندا بلکہ وفد کا راستہ بھی روک لیا۔
پاکستان خالصتان اتحاد بھارتی پروپیگنڈے کا منہ توڑ جواب دے رہا ہے، پاکستان کی حمایت میں سکھ فار جسٹس نے واشنگٹن میں بھارتی وفد کا سامنا کیا، خالصتان ریفرنڈم کے کارکنان نے پریس کلب میں ششی تھرور کے قافلے کو روکا، انہوں نے ’ٹوٹے ہندوستان‘ کے نعرے بلند کیے۔
اس بارے میں رہنما سکھ فار جسٹس گرپتونت سنگھ پنوں نے کہا کہ سکھ فار جسٹس پاکستان کے ساتھ کھڑی ہے، ہر عالمی فورم پر بھارتی وفد کے مذموم ایجنڈے کا مقابلہ کرتے رہیں گے۔
https://urdu.arynews.tv/sikhs-washington-indian-delegation-05-06-2025/
