ARYNews.tv | Urdu – Har Lamha Bakhabar

Tag: سکھ برادری

  • کرتارپور کھولنا وزیراعظم کا مثالی فیصلہ ہے: گورنر پنجاب

    کرتارپور کھولنا وزیراعظم کا مثالی فیصلہ ہے: گورنر پنجاب

    لاہور: گورنرپنجاب چوہدری محمد سرور کا کہنا ہے کہ سکھوں سمیت تمام اقلیتوں کو مذہبی مقامات تک رسائی دے رہے ہیں، کرتارپور راہداری کھولنا وزیراعظم عمران خان کا مثالی فیصلہ ہے۔

    تفصیلات کے مطابق شرومنی اکالی دل دہلی کے زیر اہتمام نگرکیرتن(سکھوں کا جلوس) پاکستان آرہا ہے، نگر کیرتن واہگہ بارڈر کے راستے پاکستان پہنچے گا۔

    نگرکیرتن میں سکھ سنگت کی طرف سے سونے کی پالکی لائی جارہی ہے، گورنر پنجاب چوہدری محمد سرور واہگہ بارڈر پر استقبال کریں گے۔

    گورنرپنجاب کا کہنا ہے کہ کرتارپور کھولنا وزیراعظم عمران خان کا مثالی فیصلہ ہے، بابا گرونانک جی کا 550واں جنم دن بھر پور منائیں گے۔

    انہوں نے کہا کہ سکھوں سمیت تمام اقلیتوں کو مذہبی مقامات تک رسائی دے رہے ہیں، پاکستان میں تمام اقلیتوں کو اپنے مذہبی عبادت گاہوں تک رسائی ہے۔

    خیال رہے کہ نگر کیرتن کے جلوس کو سکھ مذہب میں خاص اہمیت حاصل ہے، یہ ایک عبادت ہے جس میں جلوس کی صورت میں مذہبی گیت گائے جاتے ہیں تاکہ پوری بستی تک پیغام پہنچے۔

    واضح رہے کہ حال ہی میں وزیراعظم عمران خان نے باباگرونانک یونیورسٹی کا سنگ بنیاد رکھ دیا ہے، باباگرونانک یونیورسٹی دیگر شعبہ جات میں مذہبی رواداری کا بھی گہوارہ بنے گی۔

    باباگرونانک دیگر یونیورسٹیوں سے مختلف ہوگی: وزیرداخلہ

    سنگ بنیاد کی تقریب سے خطاب کرتے ہوئے وزیراعظم عمران خان کا کہنا تھا کہ باباگرونانک کی 550ویں سالگرہ پر اس یونیورسٹی کی بنیاد رکھی گئی، باباگرونانک یونیورسٹی میں دنیا بھر کے سکھ برادری کے لوگ پڑھ سکیں گے، کرتارپورسکھ برادری کا مدینہ اور ننکانہ صاحب ان کا مکہ ہے۔

    دریں اثنا وزیراعلیٰ پنجاب عثمان بزدار نے کہا تھا کہ باباگرونانک یونیورسٹی کی تعمیر میں 6ارب روپے لاگت آئے گی، یونیورسٹی کے قیام سے سکھوں کو بھی تعلیم کی سہولت ملے گی۔

  • سکھ برادری سے عمران خان کے ایک اور وعدے کی تکمیل

    اسلام آباد : معاون خصوصی برائے اطلاعات فردوس عاشق اعوان نے کہا بابا گرونانک یونیورسٹی سکھ برادری سےعمران خان کے ایک اوروعدے کی تکمیل ہے ، وزیراعظم کا بویا بیج مختلف مذاہب کیلئےہم آہنگی اوررواداری کاسایہ دارشجر بنے گا۔

    تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ہوب سائٹ ٹویٹر پر اپنے بیان میں کہا وزیراعظم آج بابا گرونانک یونیورسٹی کا سنگ بنیادرکھیں گے، یہ سکھ برادری سےعمران خان کے ایک اوروعدے کی تکمیل ہے، وزیراعظم نے کرتارپورراہداری سے بین المذاہب ہم آہنگی کا بیج بویا، یہ بیج مختلف مذاہب کیلئےہم آہنگی اوررواداری کاسایہ دارشجر بنے گا۔

    خیال رہے وزیراعظم عمران خان آج باباگرونانک یونیورسٹی کاافتتاح کریں گے، جس کے لئے انتظامات مکمل کر لئے گئے ، باباگرونانک یونیورسٹی دیگر شعبہ جات میں مذہبی رواداری کابھی گہوارہ بنے گی۔

    مزید پڑھیں : وزیراعظم عمران خان آج بابا گرو نانک یونیورسٹی کا افتتاح کریں گے

    یاد رہے پاکستان اور بھارت کے درمیان کرتارپور رہداری کے معاہدہ پر دستخط ہوگئے ہیں، معاہدے کے تحت روز5ہزارسکھ یاتری کرتارپورآسکیں گے اور بغیرویزاگوردوارہ کرتار پور جاسکیں گے ، صبح سے شام تک روزانہ زائرین کو سہولیات فراہم کریں گے 20 ڈالر سروس چارجز لیے جائیں گے، سکھ یاتری صرف گوردوارہ تک جائیں گے اورواپس آئیں گے۔

    وزیراعظم عمران خان کرتارپور راہداری کا باضابطہ افتتاح نو نومبر کو کریں گے، گوردوارہ کی تعمیر میں سکھ مذہب اور تاریخی اہمیت کا مکمل خیال رکھا گیا ہے ، پاکستان نے منصوبےپر مقامی وسائل خرچ کئے،کوئی بیرونی امداد نہیں لی۔

  • کرتارپور دربار میں بابا گرونانک کی 480 ویں برسی کی رسومات کا اختتام

    کرتارپور دربار میں بابا گرونانک کی 480 ویں برسی کی رسومات کا اختتام

    شکر گڑھ: کرتارپور دربار میں بابا گرونانک کی 480 ویں برسی کی رسومات کا اختتام ہو گیا ہے، رسومات میں بیرون ملک سے آئے 184 سکھ یاتری شریک ہوئے۔

    تفصیلات کے مطابق سکھ مذہب کے بانی بابا گرونانک کی 480 ویں برسی کی رسومات کے سلسلے میں بیرون ملک سے ایک سو چوارسی یاتری آئے، کینیڈا، برطانیہ اور بھارت سے آئے سکھ یاتریوں نے کرتارپور منصوبے کو سراہا۔

    سکھ یاتریوں کا کہنا تھا کہ تقسیم ہند والی جدائی کو راہ داری منصوبے نے ختم کر دیا ہے، 550 ویں جنم دن پر دنیا بھر کے سکھ کرتار پور بارڈر کھلنے کے لیے تاب ہیں۔

    یاترا پر آئے سکھ رہنما رانا رنجیت سنگھ نے میڈیا سے گفتگو کرتے ہوئے کہا کہ کرتارپور راہ داری کھولنے پر ہم پاکستان کے مشکور ہیں، پاکستان نے دہشت گردی سمیت مذہبی انتہا پسندی کو شکست دی، کرتارپور بین المذاہب ہم آہنگی کا منصوبہ ہے۔

    یہ بھی پڑھیں:  کرتارپور راہداری کا افتتاح 9 نومبر کو کرنے کا فیصلہ

    دریں اثنا، تقریب کے اختتام پر مہمانوں میں پان اور تحایف تقسیم کیے گئے۔

    واضح رہے کہ پاکستان بابا گرونانک کے جنم دن کے موقع پر کرتارپور راہ داری کھولنے جا رہا ہے، یہ پڑوسی ملک بھارت کے ساتھ اعتماد سازی کے لیے اٹھایا گیا اہم قدم ہے۔

    پاکستان نے راہ داری کا افتتاح 9 نومبر کو کرنے کا فیصلہ کیا ہے، منصوبے کا 69 فی صد کام مکمل کیا جا چکا ہے، منصوبہ مکمل ہونے پر یہ پاکستان کا سب سے بڑا گوردوارہ بن جائے گا۔

  • کرتارپور راہداری پر پاک بھارت اعلیٰ سطح مذاکرات بدھ کو ہوں گے

    کرتارپور راہداری پر پاک بھارت اعلیٰ سطح مذاکرات بدھ کو ہوں گے

    اسلام آباد: کرتارپور راہداری پر پاک بھارت اعلیٰ سطح مذاکرات بدھ کو ہوں گے، ذرایع کا کہنا ہے کہ بھارت نے پاکستان کی پیش کش کا جواب دے دیا ہے۔

    تفصیلات کے مطابق پاکستانی اور بھارتی حکام کے مابین کرتارپور راہ داری سے متعلق مذاکرات کا نیا دور بدھ کو ہوگا، جس کے لیے پاکستان کی جانب سے پیش کش کی گئی تھی۔

    ذرایع کا کہنا ہے کہ مذاکرات واہگہ اٹاری بارڈر پر بھارت کی سرحد میں ہوں گے، مذاکرات میں کرتارپور راہ داری کا حتمی مسودہ طے کیا جائے گا، راہ داری کے مسودے پر 80 فی صد سے زاید اتفاق پہلے ہی کیا جا چکا ہے۔

    پاکستان اور بھارت کے درمیان کرتارپور راہ داری کے سلسلے میں اعلیٰ سطح مذاکرات کا یہ تیسرا دور ہوگا۔

    یہ بھی پڑھیں:  کرتارپور راہداری کا افتتاح 11 نومبر کو پر وقار تقریب میں کیا جائے گا، ذرائع

    پاکستانی وفد کی قیادت ڈی جی ساؤتھ ایشیا سارک ڈاکٹر محمد فیصل کریں گے، مذاکرات پاکستانی وقت کے مطابق صبح 10 بجے شروع ہوں گے۔

    واضح رہے کہ پاکستان نے راہداری منصوبے کے حوالے سے اپنی طرف کا 98 فی صد کام مکمل کر لیا ہے۔

    خیال رہے مقبوضہ کشمیر میں بھارتی مظالم پر پاکستان نے امن پسندی اور بڑے دل کا مظاہرہ کرتے ہوئے کہا تھا کہ کرتار پور راہ داری پر جاری کام آخری مراحل میں داخل ہو گیا ہے۔

  • کرتارپور راہداری احترام اوربرداشت کا پیغام دے رہی ہے، فردوس عاشق اعوان

    کرتارپور راہداری احترام اوربرداشت کا پیغام دے رہی ہے، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان کا کہنا ہے کہ پاکستان کرتار پور راہداری منصوبے کی تکمیل کے لیے پرعزم ہے۔

    تفصیلات کے مطابق معاون خصوصی برائے اطلاعات فردوس عاشق اعوان نے ٹویٹر پر اپنے پیغام میں کہا کہ کرتارپورسکھ برادری کے لیے مقدس مقام ہے، سکھ برادری کے مذہبی جذبات کا تہہ دل سے احترام ہے۔

    فردوس عاشق اعوان نے کہا کہ پاکستان کرتار پور راہداری منصوبے کی تکمیل کے لیے پرعزم ہے، کرتارپور راہداری بین المذاہب ہم آہنگی کی بہترین مثال ہے۔

    انہوں نے کہا کہ کرتارپور راہداری احترام اور برداشت کا پیغام دے رہی ہے، راہداری کا منصوبہ مختلف عقائد میں ہم آہنگی کے فروغ کا سبب بنے گا۔

    معاون خصوصی برائے اطلاعات نے کہا کہ قومی پرچم میں سفید رنگ اتنا ہی عزیز ہے جتنا سبز رنگ ہے، پاکستان اوردنیا بھرمیں اقلیتوں کےحقوق کے لیے وزیراعظم پرعزم ہیں۔

    کرتارپور راہداری کا افتتاح 11 نومبر کو پر وقار تقریب میں کیا جائے گا، ذرائع

    واضح رہے کہ مقبوضہ کشمیرمیں بھارتی مظالم پر پاکستان کا امن پسندی اور بڑے دل کا مظاہرہ کرتے ہوئے کہا ہے کہ کرتار پور راہداری پر جاری کام آخری مراحل میں داخل ہوگیا ہے ، کرتارپورراہداری پرجاری کام 31 اگست تک مکمل کرلیا جائے گا۔

    ذرائع کا کہنا ہے کہ دفترخارجہ نے کرتارپورکھولنے سے متعلق اپنا ہوم ورک تیزکردیا، کرتارپورراہداری کا افتتاح11 نومبرکو پروقارتقریب میں کیا جائے گا ، تقریب سکھ برادری کے بانی باباگرونانک کی سالگرہ سے متعلق ہوگی۔

  • پاک بھارت جنگ ہوئی تو سکھ قوم حصہ نہیں لےگی ، ورلڈسکھ پارلیمنٹ

    پاک بھارت جنگ ہوئی تو سکھ قوم حصہ نہیں لےگی ، ورلڈسکھ پارلیمنٹ

    لندن : سکھ برادری نے بھارتی ہندوانتہا پسندی کا ساتھ دینے سے انکار کردیا ہے، ورلڈ سکھ پارلیمنٹ کا کہنا ہے وہ پاکستان کےخلاف بھارتی اقدامات کا حصہ نہیں لیں گے جبکہ سکھ فوجیوں کو بھی پاکستان مخالف کارروائی میں حصہ نہ لینے کی ہدایات جاری کردی گئیں۔

    تفصیلات کے مطابق ورلڈسکھ پارلیمنٹ کاجنوبی ایشیاسےمتعلق پالیسی بیان جاری کیا ، جس میں سکھوں کی عالمی تنظیم نے سکھ فوجیوں کو پاکستان کے خلاف جنگ میں حصہ نہ لینے کی ہدایت کرتے ہوئے پاکستان کی جانب سے بھارتی پائلٹ کی واپسی احسن اقدام قرار دیا۔

    ورلڈسکھ پارلیمنٹ کا کہنا تھاکہ ہندو انتہاپسندی دراصل جنوبی ایشیامیں کشیدگی اورتنازع کاباعث ہے، بھارت میں انتہا پسندی نےہمسایہ ممالک اورملک میں اقلیتوں کیلئے حالات ابتر بنادیئے ہیں، مودی سرکار صرف الیکشن کیلئے پاکستان مخالف مہم چلارہی ہے۔

    انہوں نے بھارت کو خبردار کیا کہ سکھوں کی زمین بھی بھارتی قبضے میں ہے، سکھوں کی زمین پاکستان کے خلاف استعمال نہ کیا جائے۔

    پارلیمنٹ نے ہدایت دی کہ پاک بھارت جنگ ہوئی تو سکھ قوم حصہ نہیں لےگی، جنگ کی صورت میں سکھ فوجی واپس اپنے گھر چلے جائیں او‌‌ر جنگی کارروائی کا حصہ نہیں بنیں گے۔

    سکھ برادری کا کہنا ہےکہ کشمیریوں کی آزادی کیلئے لڑائی بالکل درست ہے، عالمی برادری کو بھارت کے غاصبانہ قبضے کے خاتمے کیلئے اپنا کردار ادا کرنا ہوگا۔

    مزید پڑھیں  : بھارتی فوج میں موجود سکھ اہلکار پاکستان کیخلاف کسی بھی قسم کی کارروائی سے فوری انکار کردیں

    یاد رہے اس سے قبل سکھ برادری کی عالمی تنظیم سکھ فار جسٹس نے بھارتی دراندازی کی سختی سے مذمت ‌کرتے ہوئے بھارتی فوج کودہشت گرد قرار دیا تھا، گُر پتونت سنگھ پنو کا کہنا تھا گرؤوں کی دھرتی کی طرف میلی آنکھ سے دیکھنے والوں کی آنکھیں نکال دیں گے۔

    ان کا کہنا تھا کہ پاکستان کی سرزمین سکھوں کیلئے قابل احترام ہے، بھارتی فوج میں موجود سکھ اہلکار پاکستان کیخلاف کسی بھی قسم کی کارروائی سے فوری انکار کردیں۔

  • وزارتِ مذہبی امور میں ہندو، سکھ، مسیحی برادری کا اہم اجلاس

    وزارتِ مذہبی امور میں ہندو، سکھ، مسیحی برادری کا اہم اجلاس

    اسلام آباد: پاکستان کی ہندو، سکھ اور مسیحی برادری نے وزارتِ مذہبی امور اسلام آباد کے آفس میں اہم اجلاس منعقد کیا، جس میں اقلیتی برادری کے مسائل زیرِ بحث لائے گئے۔

    تفصیلات کے مطابق وفاقی وزیر مذہبی امور پیر نورالحق قادری نے اقلیتی برادری کی جانب سے وزارتِ مذہبی امور میں منعقد ہونے والے اجلاس میں شرکت کی۔

    [bs-quote quote=”وزیر اعظم عمران خان کے وژن کی بھرپور حمایت کرتے ہیں۔” style=”style-8″ align=”left” color=”#dd3333″ author_job=”اقلیتی برادری کے قائدین کا اعلان”][/bs-quote]

    نور الحق قادری نے اس موقع پر اقلیتی برادری سے کہا کہ تمام مذاہب کے مقدس مقامات پر تعلیم، صحت اور فلاحی خدمات مہیا کی جائیں گی۔

    اجلاس میں وفاقی سیکرٹری مذہبی امور میاں مشتاق احمد، جوائنٹ سیکرٹری بین المذاہب ہم آہنگی طاہر احسان، سیکرٹری متروکہ املاک بورڈ طارق وزیر، اقلیتی برادری کے اراکین اسمبلی اور وزارت کے دیگر افسران نے شرکت کی۔

    وفاقی وزیر مذہبی امور نور الحق قادری کا کہنا تھا کہ وزیرِ اعظم کے وژن کے مطابق متروکہ وقفِ املاک بورڈ کی تنظیم نو کی جائے گی، حکومت اقلیتی برادری کی فلاح و بہبود کے حوالے سے کافی کام کرنا چاہتی ہے۔

    وفاقی وزیر کا کہنا تھا کہ وزیر اعظم پاکستان میں مذہبی سیاحت کے فروغ اور پاکستان کی اقلیتی برادری کی فلاح و بہبود کے حوالے سے کافی کام کرنا چاہتے ہیں، پاکستان بھر میں مختلف مذہبی مقامات کی حفاظت، ان کی تعمیر نو، مقامی غیر مسلم آبادی اور دیگر زائرین کو سماجی خدمات کی فراہمی کو یقینی بنانا ان کی ترجیحات میں شامل ہے۔

    یہ بھی پڑھیں:  بھارت : اقلیتوں کو شہریت دینے کے بل سے مسلمان مہاجرین خارج

    انھوں نے بتایا کہ متروکہ وقف املاک بورڈ کی تنظیم نو کے ذریعے اس ادارے کو مزید مستحکم کیا جائے گا، بورڈ کی آمدن سے تعلیم اور صحت جیسے فلاحی کام کیے جائیں گے، اس کام کے لیے تمام مذاہب کے عوامی نمائندوں اور مذہبی قائدین سے باقاعدہ مشاورتی عمل کا آغاز کیا جا چکا ہے۔

    اقلیتی برادری کے قائدین نے مشاورتی اجلاس کا خیر مقدم کرتے ہوئے کہا وہ وزیر اعظم عمران خان کے وژن کی بھرپور حمایت کرتے ہیں اور اقلیتوں کے مذہبی مقامات کی بحالی، تعمیر نو اورسماجی خدمات کی کوششوں میں شانہ بشانہ کھڑے ہیں۔

  • پاکستان کا افغان امن عمل میں کردار جاری رکھنے کا عندیہ، وزیرِ خارجہ کا دورۂ کابل کا اعلان

    پاکستان کا افغان امن عمل میں کردار جاری رکھنے کا عندیہ، وزیرِ خارجہ کا دورۂ کابل کا اعلان

    ملتان: وفاقی وزیرِ خارجہ شاہ محمود قریشی نے کہا ہے کہ ٹرمپ نے افغانستان میں امن کے لیے پاکستان سے مدد کی گزارش کی ہے، ڈو مور کہنے والوں نے آج مدد مانگی ہے۔

    تفصیلا ت کے مطابق ملتان میں نیوز کانفرنس سے خطاب کرتے ہوئے وزیرِ خارجہ نے کہا کہ وہ 15 دسمبر کو کابل کا دورہ کریں گے، دیرپا امن کے لیے افغان قیادت سے بات چیت ہوگی۔

    [bs-quote quote=”سیاسی اختلافات کے با وجود مسئلہ کشمیر پر سب ایک ہیں، کسی کو مایوس نہیں کریں گے۔” style=”style-7″ align=”left” color=”#dd3333″ author_name=”شاہ محمود قریشی” author_job=”وفاقی وزیرِ خارجہ”][/bs-quote]

    وزیرِ خارجہ نے کہا کہ ٹرمپ نے پاکستان سے گزارش کی افغانستان میں امن کے لیے ہماری مدد کریں، کچھ دنوں بعد کابل جا کر افغان حکام سے ملاقات کروں گا، ہم افغانستان میں امن کے لیے اپنا کردار ادا کرتے رہیں گے۔

    انھوں نے کہا کہ جب میں افغانستان گیا تو وہاں دیکھا گندم کا قحط ہے، ہمارے پاس گندم بہت زیادہ ہے اس لیے افغانستان کو تحفے میں دے دی۔

    شاہ محمود قریشی نے کہا کہ مسئلہ کشمیر پر پوری قوم متحد ہے، سیاسی اختلافات کے با وجود مسئلہ کشمیر پر سب ایک ہیں، کسی کو مایوس نہیں کریں گے، مسئلہ کشمیر پر تمام سیاسی جماعتوں سے بات کریں گے۔

    وزیرِ خارجہ شاہ محمود قریشی نے کہا کہ مقبوضہ کشمیر میں انسانی حقوق کی خلاف ورزیاں ہو رہی ہیں، پاکستان اور بھارت مسئلہ کشمیر پر مل بیٹھ کر مذاکرات کریں۔

    یہ بھی پڑھیں:  ڈومور کا مطالبہ کرنے والے آج افغانستان میں‌ ہماری مدد مانگ رہے ہیں: وزیر اعظم

    شاہ محمود قریشی کا کہنا تھا کہ وزیرِ اعظم وزارتِ خارجہ کی کارکردگی سے مطمئن ہیں، پاکستان کے ایک فیصلے نے کروڑوں سکھوں کے دل بدل دیے، بھارتی ریاست امرتسر میں پاکستان زندہ باد کے نعرے لگے، پاکستان کے خیر سگالی کے پیغام کو پوری دنیا نے سراہا۔

    شاہ محمود نے ملک میں قبل از وقت انتخابات کے سلسلے میں کہا کہ ابھی تو حکومت کو جمعہ جمعہ 8 دن ہوئے ہیں، اس کی نہ ضرورت ہے نہ نوبت آئی ہے۔ فواد چوہدری کے بارے میں کہا کہ وہ فعال طریقے سے اپنا کردار ادا کر رہے ہیں۔

    انھوں نے کہا کہ جنوبی پنجاب صوبے کی ضرورت سے انکار نہیں کیا جا سکتا، یہ پی ٹی آئی کے منشور میں ہے، جب کہ ملتان جنوبی پنجاب کا اہم ترین شہر ہے۔

    شاہ محمود نے کہا ’ماضی کی حکومتوں نے کسانوں کی مشکلات میں اضافہ کیا، بجلی کی قیمت بڑھی ہے لیکن ہم نے کسانوں کے لیے قیمت آدھی کر دی، پچھلے 50 سال سے کوئی ڈیم نہیں بنایا گیا، تجارتی خسارہ بھی ورثے میں ملا، ڈاکٹر کوئی نسخہ دے گا تو مریض کو ٹھیک ہونے میں وقت لگتا ہے، پاکستانی معیشت کو بھی ٹھیک ہونے میں کچھ وقت لگے گا۔‘

  • سکھوں سے متعلق میرے بیان کو توڑ مروڑ کر پیش کرنے کی کوشش کی گئی: وزیرِ خارجہ

    سکھوں سے متعلق میرے بیان کو توڑ مروڑ کر پیش کرنے کی کوشش کی گئی: وزیرِ خارجہ

    اسلام آباد: وفاقی وزیرِ خارجہ شاہ محمود قریشی نے بھارتی وزیرِ خارجہ سشما سوراج کو جواب دیتے ہوئے کہا ہے کہ سکھوں سے متعلق میرے بیان کو توڑ مروڑ کر پیش کرنے کی کوشش کی گئی۔

    تفصیلات کے مطابق شاہ محمود قریشی نے سماجی رابطوں کی ویب سائٹ ٹویٹر پر بھارتی وزیرِ خارجہ کے شر انگیز بیان کو مسترد کرتے ہوئے کہا کہ ان کے بیان کو توڑ مروڑ کر پیش کیا گیا۔

    وزیرِ خارجہ نے ٹویٹ کیا کہ میں نے جو کہا تھا وہ صرف بھارت سے دو طرفہ تعلقات کے حوالے سے تھا۔ سکھوں کے جذبات ابھارنے کی دانستہ کوشش گم راہ کن اور حقائق کے برعکس ہے۔

    شاہ محمود قریشی نے کہا کہ ہم سکھوں کے جذبات کی بے حد عزت کرتے ہیں، اور کوئی سازش، کسی قسم کے تنازع یا حقائق مسخ کرنے سے اس کو متاثر نہیں کیا جا سکتا۔

    وفاقی وزیرِ خارجہ نے کہا کہ پاکستان نے سکھوں کی خواہش کو مدِ نظر رکھتے ہوئے کرتارپور بارڈر کھولنے کا فیصلہ کیا، ہم نے تاریخی قدم اٹھایا ہے اور اس کو نیک نیتی سے آگے بڑھائیں گے۔

    یہ بھی پڑھیں:  کرتارپور راہداری: بھارتی ہٹ دھرمی برقرار، سارک کانفرنس میں شرکت سے انکار

    واضح رہے کہ وزیرِ خارجہ شاہ محمود قریشی نے گزشتہ دنوں اپنے ایک بیان میں کہا تھا کہ سشما سوراج نے اندرونی سیاسی مجبوری کی وجہ سے نیویارک میں پاک بھارت وزرائے خارجہ ملاقات سے انکار کیا جب کہ عمران خان نے کرتارپور کی گگلی پھینکی تو بھارت کو اپنے وزیر بھیجنے پڑے۔

    اس بیان کو بھارتی وزیرِ خارجہ سشما سوراج نے روایتی شر انگیزی کا مظاہرہ کرتے ہوئے سکھ برادری کے جذبات کی طرف موڑ دیا تھا۔

  • امیدہےکرتارپورراہداری کی وجہ سے اور راہیں کھلیں گی ،ترجمان

    امیدہےکرتارپورراہداری کی وجہ سے اور راہیں کھلیں گی ،ترجمان

    اسلام آباد : ترجمان دفتر خارجہ کا کہنا ہے کہ آج سکھ برادری کا خواب حقیقت بننے جا رہا ہے، کرتارپورراہداری کے حوالے سے وزیراعظم نے پہل کی تھی، امید ہےکرتارپورراہداری کی وجہ سےاورراہیں کھلیں گی۔

    تفصیلات کے مطابق ترجمان دفتر خارجہ ڈاکٹر فیصل نےکرتارپورکوریڈور کے حوالے سے  سماجی رابطے کی ویب سائٹ ٹویٹر پر اپنے بیان میں کہا ہم امن کی جانب بڑھ رہے ہیں جو پاکستان کےلئے بڑی کامیابی ہے اور سکھ برادری کا خواب آج پورا ہونے جارہا ہے۔

    ترجمان کا کہنا تھا کہ 2نوجوت سدھو یہاں پر موجود ہے،یقیناً یہ ایک تاریخی لمحہ ہے ، بھارتی وزیر کچھ دیر میں واہگہ بارڈرکےذریعے پاکستان پہنچ جائیں گے، اقلیتوں کیلئےنہایت مثبت قدم ہےجو ہمارےدل کے قریب ہیں۔

    ڈاکٹر فیصل نے مزید کہا کہ کرتارپورراہداری عالمی طورپرتوجہ کا مرکز بنا ہو ا ہے ، کرتارپورراہداری کے حوالے سےوزیراعظم نےپہل کی تھی ، پاکستان اپنی اقلیتوں کو بہت اہمیت دیتا ہے۔

    ترجمان دفترخارجہ نے امید ظاہر کی کرتارپورراہداری کی وجہ سےاورراہیں کھلیں گی۔

    مزید پڑھیں : وزیراعظم عمران خان آج کرتارپور راہداری کی سڑک کا سنگ بنیاد رکھیں گے

    یاد رہے وزیراعظم عمران خان آج  کرتاپورکوریڈورکا سنگ بنیاد رکھیں گے ،   ڈیرہ دربار صاحب شکرگڑھ میں خصوصی تقریب کے تمام تر انتظامات مکمل کر لیے گئے ہیں ۔

    وزیراعظم عمران خان کی دعوت پران کے دوست سابق کرکٹر نوجوت سنگھ سدھو تقریب میں شرکت کے لیے بھارت سے پاکستان پہنچ گئے ہیں، ان کا کہنا ہے کہ جو کام اکہتربرس میں نہ ہو سکا وہ تین ماہ میں ہی ہوگیا، مسئلے جنگوں سے نہیں مذاکرات کی میز پر حل کیے جاتے ہیں، پاکستان جیوے سارا آسمان جیوے میرا یار عمران خان جیوے۔

    سکھ برادری خوشی نہال ہیں،  ڈیرہ دربارصاحب پر موجود سکھوں کا کہنا ہے آرمی چیف جنرل باجوہ ساری دنیا کے سکھوں کے بھی ہیرو بن گئے ہیں۔