Tag: سکھ رہنما

نئی دہلی : پنجابی سکھ سنگت کے چیرمین سردار گوپال سنگھ نے اپنے اوپر ہونے والی تنقید کو بھارت اور بھارتی میڈیا کی تنگ نظری قرار دیتے ہوئے کہا آرمی چیف پاکستان کے سپہ سالار ہیں ان سے مصافحہ کرنا قابل فخر ہے، کل بھی کہتا تھا آج بھی کہتا ہوں "پاکستان زندہ باد”۔

تفصیلات کے مطابق پنجابی سکھ سنگت کے چیرمین سردار گوپال سنگھ نے کہا کہا مجھ پر ہونے والی تنقید بھارت اور بھارتی میڈیا کی تنگ نظری ہے، آرمی چیف پاکستان کے سپہ سالار ہیں ان سے مصافحہ کرنا قابل فخر ہے، سدھو پاکستان کا مہمان تھا اس لئے اس کے ساتھ تصویر بنوائی۔

[bs-quote quote=” کل بھی کہتاتھا آج بھی کہتاہوں’پاکستان زندہ باد” style=”style-6″ align=”left” author_name=”سکھ رہنما "][/bs-quote]

گوپال سنگھ کا کہنا تھا کہ وہ عمران خان کے شکرگزار ہیں، کل بھی کہتاتھا آج بھی کہتاہوں’پاکستان زندہ باد۔

یاد رہے اس سے قبل بھارتی میڈیا کی جانب سے سکھ رہنما کی آرمی چیف جنرل قمر جاوید باجوہ سے ملاقات کو غلط رنگ دیے جانے پر گوپال چاؤلہ نے کہا تھا کہ کرتارپور راہ داری کے سلسلے میں پروگرام ہم نے ہی منعقد کیا تھا۔

سردار گوپال سنگھ چاؤلہ کا کہنا تھا ’میں نے جنرل باجوہ سے ہاتھ ملایا، پاکستانی آرمی چیف ہمارے دلوں میں رہتے ہیں، آرمی چیف سے ملنے کو اپنی خوش قسمتی سمجھتا ہوں۔

مزید پڑھیں : پاک آرمی چیف سے ملنا خوش قسمتی ہے، سکھ رہنما گوپال چاؤلہ کا بھارتی میڈیا کو منہ توڑ جواب

سکھ رہنما نے بھارتی میڈیا سے کہا تھا کہ پاکستان کے آرمی چیف ہم سے ہاتھ ملاتے ہیں تو اسے اپنے لیے فخر سمجھتے ہیں، آرمی چیف تو محبتیں چاہتے ہیں، عمران خان اور سدھو صاحب کی بات کریں، منفی باتیں نہ کریں۔

واضح رہے کہ پاکستان کی جانب سے امن کا ہاتھ بڑھانا حسبِ معمول بھارتی میڈیا کے مزاج پر بے حد گراں گزرا، بھارتی میڈیا نے کرتار پور راہ داری کھولنے کو سفارتی دہشت گردی کا نام دیا اور سکھ رہنما گوپال چاؤلہ کی آرمی چیف کے ساتھ تصویر کو پسِ منظر سے کاٹ کر غلط رنگ دے دیا۔

خیال رہے کہ آج وزیرِ اعظم عمران خان نے کرتارپور کوریڈور کا سنگ بنیاد رکھ کر تاریخ رقم کر دی، کرتارپور راہ داری کے ذریعے بھارتی سکھ بغیر ویزے کرتارپور صاحب کے درشن کے لیے آ سکیں گے۔