ARYNews.tv | Urdu – Har Lamha Bakhabar

Tag: سگریٹ نوشی

  • سعودی عرب: سگریٹ نوشی کرنے والے خبردار! کیا سزا ملے گی ؟

    سعودی عرب: سگریٹ نوشی کرنے والے خبردار! کیا سزا ملے گی ؟

    دبئی: سعودی عرب کی وزارت بلدیات اور ہاؤسنگ نے کھانے کے شعبے میں صحت اور حفاظت کے معیار کو سخت کرنے کے مقصد کے تحت نئے جرمانوں کا اعلان کیا ہے، جس میں فوڈ آؤٹ لیٹس میں سگریٹ نوشی پر 5,000 ریال کا جرمانہ بھی شامل ہے۔

    عرب خبر رساں ادارے کی رپورٹ کے مطابق غیر صحت بخش طریقوں، دھوکہ دہی پر مبنی فروخت، اور فوڈ سیفٹی کے قوانین کی عدم تعمیل پر سخت اقدامات حفظان صحت اور صارفین کے تحفظ کو یقینی بنانے کے لئے اُٹھائے گئے ہیں۔

    کھانے کی تیاری کے جگہوں میں کارکنوں کو چہرے کے ماسک نہ پہننے پر 1,000 SR اور سر نہ ڈھانپنے پر 1,000 SR جرمانے کا سامنا کرنا پڑے گا، غیر مجاز علاقوں میں سگریٹ نوشی پر 5000 ریال کا سب سے زیادہ جرمانہ ہوگا۔

    فوڈ ڈیلیوری ورکرز جو سرکاری کمپنی کی وردی نہیں پہنیں گے ان ان پر 500 ریال جرمانہ عائد کیا جائے گا۔

    وہ کاروبار جو صارفین کو فروزن فروٹ جوس پیش کرتے ہیں اور یہ دعویٰ کرتے ہیں کہ وہ تازہ تیار کیے گئے ہیں انہیں 1000 ریال کے جرمانے کا سامنا کرنا پڑے گا۔

    کھانے کے اداروں میں کام کرنے والے ورکرز، جو ناک اور منہ کو چھوتے ہوئے یا تھوکتے ہوئے پکڑے گئے، انہیں 2000 ریال تک جرمانے کا سامنا کرنا پڑے گا۔

    سعودی عرب: مکہ اور مدینہ سے منشیات فروش غیر ملکی و شہری گرفتار

    وزارت نے زور دیا کہ ان اقدامات کا مقصد صحت عامہ کی حفاظت، صارفین کی حفاظت اور خوراک کی فراہمی کے سلسلے میں شفافیت کو یقینی بنانا ہے۔ فوڈ اداروں اور ڈیلیوری کمپنیوں سے کہا گیا کہ وہ جرمانے سے بچنے کے لیے ضوابط کی مکمل تعمیل کریں۔

  • پارکس اور عوامی مقامات پر سگریٹ نوشی پر پابندی عائد

    پارکس اور عوامی مقامات پر سگریٹ نوشی پر پابندی عائد

    عوامی صحت کے پیش نظر اب پارکس اور عوامی مقامات کو نو اسموکنگ زون قرار دیتے ہوئے سگریٹ نوشی اور فروخت پر پابندی عائد کر دی گئی ہے۔

    اے آر وائی نیوز کے مطابق یہ فیصلہ پنجاب حکومت نے کیا ہے اور صوبے بھر کے پارکس اور عوامی مقامات کو نو اسموکنگ زون قرار دیتے ہوئے اس حوالے سے نوٹیفکیشن بھی جاری کر دیا ہے۔

    سیکریٹری ہاؤسنگ نور الامین مینگل کی ہدایت پرجاری نوٹیفکیشن کے تحت عوامی مقامات پر سگریٹ نوشی اور فروخت دونوں پر پابندی ہوگی اور خلاف ورزی پر اسموکنگ آرڈیننس 2002 کے سیکشن 5 اور 7 کا اطلاق ہوگا۔

    نوٹیفکیشن کے مطابق پارکس میں عام سگریٹ سمیت ای سگریٹ، ویپس کی فروخت اور استعمال پر بھی مکمل پابندی ہوگی جبکہ ٹک شاپس، کیفے اور وینڈنگ پوائنٹس پر بھی سگریٹ کی فروخت ممنوع قرار دے دی گئی ہے۔

    نوٹیفکیشن میں کہا گیا ہے کہ پارکس میں سگریٹ نوشی کی روک تھام اور پابندی پر عملدرآمد کے لیے نو اسموکنگ بورڈز اور ہدایات نصب کی جائیں گی جب کہ پارک کا عملہ مانیٹرنگ کا ذمہ دار ہوگا۔

    واضح رہے کہ اس سے قبل بھی مختلف دور حکومت میں سگریٹ پر پابندی عائد کی جا چکی ہے، لیکن ہر بار اس پابندی کو ہوا میں اڑا دیا گیا۔

    2018 میں ن لیگ کے دور حکومت کے آخری ایام میں وزیراعظم شاہد خاقان عباسی کی زیر صدارت وفاقی کابینہ کے اجلاس میں ملک بھر میں کھلے عام سگریٹ کی فروخت پر پابندی عائد کرنے کی منظوری دی تھی۔

    جب پی ٹی آئی کی حکومت آئی تو سگریٹ نوشی کی حوصلہ شکنی کے لیے سگریٹ پینے والوں پر ’’گناہ ٹیکس‘‘ لگانےکا فیصلہ کیا گیا۔

    کراچی میں بھی کمشنر نے سگریٹ نوشی پر پابندی عائد کرتے ہوئے اس حوالے سے ایک ایپ متعارف کرائی تھی۔ تاہم ان تمام تر اقدامات کے باوجود نہ ہی سگریٹ کی فروخت بند ہو سکی اور نہ ہی سگریٹ نوشی میں کمی آ سکی۔

    خیال رہے کہ وزارت صحت کی 2020 کی ایک رپورٹ کے مطابق پاکستان زیادہ سگریٹ نوشی کرنے والے دنیا کے پہلے 15 ممالک میں شامل ہے، پاکستان میں کل 31.8 فیصد مرد اور 5.8 فیصد خواتین سگریٹ نوشی کرتے ہیں جبکہ 19 فیصد نوجوان سگریٹ نوشی کرتے ہیں۔

  • فرانس نے ملک بھر میں بڑی پابندی عائد کردی

    فرانس نے ملک بھر میں بڑی پابندی عائد کردی

    فرانس کی حکومت جانب سے بچوں کی موجودگی والی تمام جگہوں پر سگریٹ نوشی پر پابندی کا اعلان کردیا گیا، اطلاق یکم جولائی 2025 سے ہوگا۔

    غیر ملکی ذرائع ابلاغ کے مطابق فرانس کی حکومت نے سگریٹ نوشی سے متعلق اہم فیصلہ کیا ہے کہ یکم جولائی 2025ء سے ان تمام کھلی عوامی جگہوں پر تمباکو نوشی پر مکمل پابندی لگادی جائے گی جہاں بچوں کی آمد و رفت ممکن ہو۔

    رپورٹس کے مطابق کیفے کی ٹیرسوں اور ای سگریٹس پر یہ پابندی لاگو نہیں ہوگی،جو مقامات پابندی کی زد میں آئیں گے ان میں ساحلِ سمندر، پارکس، عوامی باغات، اسکولوں کے باہر، بس اسٹاپس اور کھیلوں کے میدان شامل ہیں، خلاف ورزی کرنے والے افراد پر 135 یورو (تقریباً 154 امریکی ڈالر) تک کا جرمانہ عائد کیا جائے گا۔

    فرانسیسی وزیرِ صحت نے ایک انٹرویو میں کہا کہ تمباکو کو اُن تمام جگہوں سے ختم کرنے کی ضرورت ہے جہاں جہاں بچے موجود ہوں، سگریٹ نوشی کی آزادی وہیں ختم ہو جاتی ہے جہاں بچوں کے صاف ہوا میں سانس لینے کا حق شروع ہوتا ہے۔

    فرانسیسی میڈیا کے مطابق ہر سال ملک میں تقریباً 75,000 افراد تمباکو سے جڑی بیماریوں کا شکار ہو کر مرجاتے ہیں جبکہ 62 فیصد فرانسیسی شہری کھلی جگہوں پر سگریٹ نوشی پر مکمل پابندی کے حامی ہیں۔

    دوسری جانب سعودی عرب میں روایتی تمباکو نوشی یا ای سگریٹ پر پابندی لگے گی یا نہیں؟ اس حوالے سے متعلقہ حکام نے دو ٹوک مؤقف دے دیا۔

    سعودی فوڈ اینڈ ڈرگ اتھارٹی (ایس ایف ڈی اے) کے سی ای او ڈاکٹر ہشام الجضعی نے کہا ہے کہ فی الحال سعودی عرب میں روایتی یا الیکٹرانک سگریٹ کی فروخت پر پابندی کا کوئی منصوبہ زیر غور نہیں ہے، جیسا کہ بعض ممالک جیسے بیلجیئم میں عائد ہے۔

    سعودی گزٹ کی رپورٹ کے مطابق ڈاکٹر ہشام نے گزشتہ روز ایک میڈیا انٹرویو میں گفتگو کرتے ہوئے واضح کیا کہ الیکٹرانک سگریٹس دنیا بھر میں مختلف ضوابط کے تابع ہیں۔

    فرانسیسی صدر نے فلسطینی ریاست کو تسلیم کرنا ’اخلاقی فرض‘ قرار دے دیا

    انہوں نے زور دیا کہ الیکٹرانک سگریٹ روایتی سگریٹ کے مقابلے میں محفوظ متبادل نہیں ہیں، جیسا کہ اکثر غلط فہمی پائی جاتی ہے۔

    ان کا کہنا تھا کہ ہماری اولین ترجیح یہ ہے کہ سگریٹ نوشی کرنے والوں کو اس جانب مائل کیا جائے کہ وہ تمباکو نوشی مکمل طور پر ترک کردیں۔

  • پی آئی اے کی پرواز میں سگریٹ نوشی سے منع کرنے پر مسافر آپے سے باہر، فضائی میزبان پر تشدد

    پی آئی اے کی پرواز میں سگریٹ نوشی سے منع کرنے پر مسافر آپے سے باہر، فضائی میزبان پر تشدد

    پاکستان انٹرنیشنل ایئر لائن (پی آئی اے) کی پرواز میں ایک مسافر سگریٹ نوشی سے منع کرنے پر آپے سے باہر ہوگیا اور فضائی میزبان پر تشدد کیا۔

    اے آر وائی نیوز کے مطابق یہ واقعہ گزشتہ روز اسلام آباد سے پیرس جانے والی پی آئی اے کی پرواز پی کے 749 میں پیش آیا۔ سفیر نامی ایک مسافر دوران پرواز خلاف قانون تمباکو نوشی کر رہا تھا۔

    خاتون فضائی عملے کی جانبسے منع کرنے کے باوجود مسافر نے تمباکو نوشی بند نہ کی اور بدتمیزی پر اترتے ہوئے آپے سے باہر ہو گیا اور فضائی میزبان پر تشدد شروع کر دیا۔

    عملے اور کپتان کی جانب سے سگریٹ نوشی سے روکنے پر مسافر نے خاتون فضائی میزبان کا بازور پکڑ کر مروڑا اور کمر پر مکہ مارا جس سے وہ زخمی ہوگئی۔

    مسافر نے فلائیٹ اسٹورٹ اور کپتان پر بھی حملہ کیا مگر انہوں نے محوظ رہ کر مسافر سے سگریٹ چھین لی۔

    واقعہ کے بعد پیرس ایئرپورٹ پر لینڈنگ سے قبل کپتان نے ایئر ٹریفک کنٹرولر سے رابطہ کر کے سیکیورٹی طلب کی اور طیارے کے لینڈ کرتے ہی سیکیورٹی اہلکاروں نے جہاز میں پہنچ کر ملزم مسافر کو گرفتار کر لیا۔

    سیکیورٹی فورس نے تشدد کا شکار فضائی میزبانوں کے بیانات ریکارڈ کر کے اور ان کا میڈیکل کروا کر پولیس رپورٹ درج کر لی ہے۔

    ترجمان پی آئی اے نے واقعہ کی تصدیق کرتے ہوئے کہا ہےکہ مذکورہ مسافر کو پی آئی اے پر بلیک لسٹ کر دیا گیا ہے اور اب وہ دوبارہ قومی ایئر لائن پر سفر نہیں کر سکے گا۔

    ترجمان کا کہنا تھا پی ائی اے کے عملے نے اپنے فرائض منصبی کی ادائیگی میں پروفیشنلزم سے کام لیا اور اب قانون اپنا کام کرے گا۔ فرانسیسی قوانین اس معاملے میں بہت سخت ہیں اور امید ہے کہ مسافر سے کسی قسم کی رعایت نہیں برتی جائے گی۔

  • سعودی عرب : سگریٹ نوشی سے متعلق حکومت کی نئی حکمت عملی

    سعودی عرب : سگریٹ نوشی سے متعلق حکومت کی نئی حکمت عملی

    ریاض : سعودی عرب میں روایتی تمباکو نوشی یا ای سگریٹ پر پابندی لگے گی یا نہیں؟ اس حوالے سے متعلقہ حکام نے دو ٹوک مؤقف دے دیا۔

    سعودی فوڈ اینڈ ڈرگ اتھارٹی (ایس ایف ڈی اے) کے سی ای او ڈاکٹر ہشام الجضعی نے کہا ہے کہ فی الحال سعودی عرب میں روایتی یا الیکٹرانک سگریٹ کی فروخت پر پابندی کا کوئی منصوبہ زیر غور نہیں ہے، جیسا کہ بعض ممالک جیسے بیلجیئم میں عائد ہے۔

    سعودی گزٹ کی رپورٹ کے مطابق ڈاکٹر ہشام نے گزشتہ روز ایک میڈیا انٹرویو میں گفتگو کرتے ہوئے واضح کیا کہ الیکٹرانک سگریٹس دنیا بھر میں مختلف ضوابط کے تابع ہیں۔

    انہوں نے زور دیا کہ الیکٹرانک سگریٹ روایتی سگریٹ کے مقابلے میں محفوظ متبادل نہیں ہیں، جیسا کہ اکثر غلط فہمی پائی جاتی ہے۔

    ان کا کہنا تھا کہ ہماری اولین ترجیح یہ ہے کہ سگریٹ نوشی کرنے والوں کو اس جانب مائل کیا جائے کہ وہ تمباکو نوشی مکمل طور پر ترک کردیں۔

    انہوں نے بتایا کہ اتھارٹی کا منصوبہ ہے کہ سگریٹ نوشوں کو کسی طرح سے متبادل اختیار کرنے کے لیے راغب کیا جاسکے تاکہ ان کے سامنے اختیار ہو اور وہ مرحلہ وار اس عادت کو ترک کرسکیں۔

    ان کا مزید کہنا تھا کہ ایک مکمل پابندی کے بجائے سعودی عرب کی موجودہ پالیسی کا مرکز یہ ہے کہ تمباکو نوشوں کو متبادل فراہم کیے جائیں، جن میں نکوٹین پر مبنی مصنوعات شامل ہیں، تاکہ انہیں تمباکو چھوڑنے کے راستے پر گامزن کیا جاسکے۔

    مزید پڑھیں : سعودی عرب نے غیر ملکیوں کو خوشخبری سنادی

    سعودی عرب کی جانب سے مکہ اور مدینہ کی جائیداد میں غیرملکیوں کو سرمایہ کاری کی اجازت دے دی گئی ہے۔

    عرب میڈیا کا اس حوالے سے کہنا ہے کہ غیرملکی سرمایہ کار اب مکہ اور مدینہ میں جائیداد کی مالک سعودی لسٹڈ کمپنیوں میں سرمایہ کاری کرسکتے ہیں۔

  • پھیپھڑوں کے کینسر سے بچنے کا آسان حل کیا ہے؟

    پھیپھڑوں کے کینسر سے بچنے کا آسان حل کیا ہے؟

    کینسر ایک ایسا موذی مرض ہے جس کی جلد تشخیص نہ ہونے سے انسان کی موت یقینی ہے، پاکستان میں ہونے والی طبعی اموات کی دوسری بڑی وجہ پھیپھڑوں، منہ اور چھاتی کا سرطان ہے۔

    اے آر وائی نیوز کے پروگرام باخبر سویرا میں آنکولوجسٹ ڈاکٹر اصغر حسین نے پھیپھڑوں کے کینسر کی وجوہات اور اس کے علاج سے متعلق اہم ہدایات اور احتیاطی تدابیر سے ناظرین کو آگاہ کیا۔

    انہوں نے بتایا کہ پھیپھڑوں کے کینسر کی 80 فیصد وجہ سگریٹ نوشی ہے، سے ساتھ ہی ماحولیاتی وجوہات بھی جس میں آلودگی فیکٹریوں کا دھواں وغیرہ شامل ہے۔

    انہوں نے بتایا کہ اگر کوئی شخص اپنے گھر میں روزانہ 20 سگریٹ پیتا ہے تو اس کا مطلب ہے کہ اس کے گھر میں موجود افراد نے بغیر پیے چار سگریٹ پی لیے۔

    انہوں نے بتایا کہ سگریٹ نوشی کیخلاف مہم کا یہ فائدہ ضرور ہوا ہے کہ سال 2000میں پاکستان میں سگریٹ پینے کی شرح 55 فیصد تھی جو اب کم ہوکر 33 فیصد رہ گئی ہے۔

    پھیپھڑوں کی مضبوطی اور صحت سے متعلق سوال پر انہوں نے بتایا کہ کورونا وائرس کے دنوں میں جس طرح لوگوں نے ماسک استعمال کیے اس سے پھیپھڑوں کی حفاظت بہتر طریقے سے ہوئی یہ بہترین طریقہ ہے۔

    ان کا کہنا تھا کہ ماسک استعمال کرنے کے ساتھ ساتھ سگریٹ نوشی کرنے والے افراد اگر باقاعدگی سے ورزش بھی کریں تو کینسر جیسے ناسور سے بچا جاسکتا ہے۔

  • سگریٹ نوشی کرنے والے افراد کے لیے بری خبر

    سگریٹ نوشی کرنے والے افراد کے لیے بری خبر

    اسلام آباد: سگریٹ نوشی کرنے والے افراد کے لیے بری خبر ہے، آئندہ وفاقی بجٹ میں سگریٹ مزید مہنگے ہونے کا امکان ہے۔

    ذرائع وزارت صحت کے مطابق سگریٹ کی قیمتوں میں اضافے سے متعلق سفارشات مرتب ہو رہی ہیں، جب کہ این جی اوز کی جانب سے سگریٹ پر ٹیکسز سے متعلق مرتب شدہ سفارشات وزارت صحت کو مل چکی ہیں۔

    این جی اوز نے سگریٹ پر عائد فیڈرل ایکسائز ڈیوٹی بڑھانے کا مطالبہ کیا ہے اور کہا ہے کہ سگریٹ ایف ای ڈی میں 26.6 فی صد اضافہ کیا جائے۔ وزارت صحت این جی اوز اور ٹی سی سی کی سفارشات پر غور کر رہی ہے، ٹوبیکو کنٹرول سیل نے اس پر اپنی سفارشات تیار کر لی ہیں۔

    ذرائع کا کہنا ہے کہ وزارت صحت سگریٹ قیمتوں سے متعلق سفارشات کو رواں ہفتے حتمی شکل دے کر وزارت خزانہ کو بھجوا دے گی، سگریٹ پیکٹ پر ایف ای ڈی میں 15 سے 19 فی صد تک اضافے کا امکان ہے، حکومت نے سگریٹ پیکٹ کی کم سے کم قیمت 127 روپے مقرر کی ہے، جب کہ حکومت ایک سگریٹ پیکٹ پر 120 روپے 44 پیسے ٹیکسز لے رہی ہے۔

    ملک میں لوکل انڈسٹری کا سگریٹ پیکٹ 90 روپے میں فروخت ہو رہا ہے، ملٹی نیشنل سگریٹ ساز کمپنیوں نے گزشتہ سال 173 ارب ٹیکس دیا تھا، جب کہ لوکل سگریٹ ساز کمپنیوں نے گزشتہ سال 240 ارب ٹیکس چوری کیا تھا۔

    ذرائع کے مطابق ایکسائز ڈیوٹی بڑھنے سے غیر قانونی سگریٹ کی فروخت میں بھی اضافے کا امکان ہے۔

     

    View this post on Instagram

     

    A post shared by ARY News (@arynewstv)

  • سگریٹ نوشی گردوں کیلیے کتنی خطرناک ہے؟ ہولناک انکشاف

    سگریٹ نوشی گردوں کیلیے کتنی خطرناک ہے؟ ہولناک انکشاف

    سگریٹ نوشی ہماری جسمانی و دماغی صحت کو خراب کرنے کے ساتھ ساتھ ہماری آب و ہوا کو بھی آلودہ کر رہی ہے، اس کے دھوئیں میں موجود زہریلے کیمیائی مادے اس شخص کو بھی متاثر کرتے ہیں جو سگریٹ کو ہاتھ بھی نہیں لگاتا۔

    کیا آپ جانتے ہیں کہ سگریٹ نوشی کس طرح ہماری جسمانی اور دماغی صحت کو متاثر کرتی ہے؟ اور اس کا گردوں کی بیماری کے ساتھ کیا تعلق ہے؟

    سگریٹ نوشی ہماری جسمانی و دماغی صحت کو خراب کرنے کے ساتھ ساتھ ہماری آب و ہوا کو بھی آلودہ کر رہی ہے، اس کے دھوئیں میں موجود زہریلے کیمیائی مادے اسے بھی متاثر کرتے ہیں جو اس لت سے دور رہتا ہے۔

    سگریٹ

    ماہرین صحت کا کہنا ہے کہ سگریٹ پینے سے جہاں کینسر سمیت دیگر کئی خوفناک بیماریاں جنم لینے کا خدشہ ہوتا ہے وہیں سگریٹ نوشی سے ہمارے گردوں پر بھی بہت برا اثر پڑتا ہے۔

    سگریٹ پینے سے نہ صرف گردوں کو نقصان پہنچ سکتا ہے بلکہ گردوں سمیت دیگر اندرونی بیماریاں بھی لاحق ہوسکتی ہیں۔

    بھارتی میڈیا رپورٹ کے مطابق فورٹس اسپتال کے ڈاکٹر وکاس جین کا کہنا ہے کہ سگریٹ پینے اور گردوں کی صحت کا آپس میں بہت گہرا تعلق ہے، سگریٹ پینے سے آہستہ آہستہ گردوں پر بہت نقصان مرتب ہوتے ہیں۔

    Doctor

    بلڈ پریشر بڑھتا ہے

    سگریٹ نوشی بلڈ پریشر میں اضافے اور گردوں کے فیل ہونے کی ایک اہم وجہ ہے۔ ہائی بلڈ پریشر کی بیماری گردوں کے فلٹرنگ یونٹس کو کمزور کرتی ہے جس سے مستقل پیمانے پر نقصان ہوتا ہے۔

    گردوں کی خون والی رگوں کا سکڑنا

    سگریٹ پینے سے گردوں کو خون کی فراہم کرنے والی رگیں سکڑ جاتی ہیں جس کی وجہ سے خون کا بہاؤ متاثر ہوتا ہے۔

    گردوں میں خون کے بہاؤ میں رکاوٹ پیدا ہونے سے گردے اپنا کام ٹھیک طرح سے نہیں کرپاتے اور اس سے گردے کچھ عرصے بعد وہ خراب ہو جاتے ہیں۔

    سوزش اور آکسیڈیٹیو دباؤ

    سگریٹ نوشی سے جسم کے اندر سوزش اور آکسیڈیٹیو دباؤ بڑھتا ہے جس کا اثر گردوں پر بھی ہوتا ہے۔

    ضرورت سے زیادہ سوزش ہونے سے گردے اپنا کام کرنا چھوڑ جاتے ہیں اور اس سے گردوں کی بیماریاں ہونے کے خطرات بڑھ جاتے ہیں۔

    سگریٹ نوشی بہت سی ذہنی بیماریوں کی وجہ ہے،ماہرین - dailyinsaf

    گردوں کی پیچیدہ بیماریاں جلدی ہوتی ہیں

    جن افراد کو گردوں کی پیچیدہ بیماریاں پہلے سے ہوتی ہیں سگریٹ پینے سے یہ بیماریاں مزید تیزی سے سنگین ہو سکتی ہیں کیونکہ سگریٹ نوشی کے گردوں پر اثرات بری طرح پڑتے ہیں۔

    گردوں کا کینسر

    ڈاکٹر وکاس جین کے مطابق سگریٹ پینے سے صحت کو کینسر جیسے کئی سنگین خطرات لاحق ہوتے ہیں۔ سگریٹ کے اندر موجود کارسینوجن پیشاب کی نالی میں جا سکتے ہیں جس سے گردوں میں ٹیومر بن سکتا ہے۔

  • کراچی ایئرپورٹ جانے والے شہریوں کیلئے اہم خبر

    کراچی ایئرپورٹ جانے والے شہریوں کیلئے اہم خبر

    کراچی : سول ایوی ایشن اتھارٹی نے کراچی ایئر پورٹ پر آنے والے تمام شہریوں پر بڑی پابندی عائد کرہے جس کی خلاف ورزی پر سخت تادیبی کارروائی کی جائے گی۔

    اس حوالے سے سی اے اے حکام نے کراچی ایئرپورٹ پر پان، چھالیہ، گٹکے اور سگریٹ نوشی پر پابندی لگانے کا فیصلہ کیا ہے۔

    سی اے اے انتظامیہ نے کراچی ایئرپورٹ کی ٹرمینل بلڈنگ کے اندر پان چھالیہ، سگریٹ نوشی نسوار کھانے والوں کے خلاف ایکشن لینے کا فیصلہ کرلیا ہے،پابندی کا اطلاق آئندہ 6نومبر سے ہوگا۔

    اس سلسلے میں کراچی ایئرپورٹ پر کام کرنے والے سی اے اے، ایرلائنز سمیت تمام کمپنیوں کے ملازمین کو بھی سخت احکامات جاری کیے گئے ہیں، مذکورہ پابندی پر عمل نہ کرنے والوں کے خلاف سخت ایکشن ہوگا۔

    خلاف ورزی کرنے والے ملازمین کے ایئرپورٹ انٹری پاس منسوخ کردیے جائینگے، اے ایس ایف اور سی اے اے ویجیلنس کو سخت نگرانی کی ہدایت کردی گئی ہے۔

    پان چھالیہ گٹکا سگریٹ نوشی والوں کے خلاف ایک ہزار جرمانہ بھی ہوگا، ایئرپورٹ انتظامیہ کو ایئرپورٹ کی لفٹس، برآمدوں سمیت ٹرمینل بلڈنگ میں پان گٹکے تھوکنے کے نشانات ملے جس کے بعد پابندی کا فیصلہ کیا گیا۔

  • سگریٹ نوشی کرنے والوں کو ’گھور‘ کر دیکھنے کا فیصلہ

    سگریٹ نوشی کرنے والوں کو ’گھور‘ کر دیکھنے کا فیصلہ

    ہانگ کانگ کے سیکریٹری صحت نے سگریٹ کی روک تھام کے لیے سگریٹ نوشی کرنے والوں کو ’گھور‘ کر دیکھنے کا فیصلہ کیا ہے۔

    برطانوی نشریاتی ادارے بی بی سی کی رپورٹ کے مطابق ہانگ کانگ میں اس وقت تمباکوشی ختم کرنے کے حوالے سے اقدامات پر بحث کی جارہی ہے۔

    ہانگ کانگ کے موجودہ قوانین کے مطابق ریستوران کے اندر، کام کی جگہ پر، انڈور مقامات اور متعدد کھلی جگہوں پر سگریٹ نوشی پر پابندی عائد ہے۔

    پروفیسر لو چنگ ماؤ نے صحت سے متعلق ایک اجلاس میں قانون سازوں کو بتایا کہ تمباکو نوشی کو کم کرنے کے لیے عوام بہت بڑا کردار ادا کرسکتے ہیں۔

    عام لوگ کھانے پینے سے زیادہ سگریٹ نوشی پر خرچ کر رہے ہیں

    پروفیسر نے کہا کہ پولیس کے لیے سگریٹ نوشی کرنے والے افراد کو پکڑنا مشکل ہوگیا ہے اس لیے ان سے کوئی توقع نہیں ہے، تمباکو نوشی ہر ایک کی صحت کے لیے نقصان دہ ہے۔

    رپورٹ کے مطابق ہانگ کانگ کے سیکریٹری صحت نے سگریٹ نوشی کے رکنے  کیلئے عوام کو کہا کہ اگر آپ کے ارد گرد لوگ سگریٹ نوشی کررہے ہیں تو انہیں ’گھور‘ کر دیکھیں۔

    پروفیسر لو چنگ ماؤ نے مزید کہا کہ جن مقامات پر تمباکو نوشی پر پابندی عائد ہے اگر عوام ان مقامات پر لوگوں کو سگریٹ نوشی کرتے ہوئے دیکھیں اور آپ کے ارد گرد قانون نافذ کرنے والے اہلکار موجود نہ ہوں تو آپ سگریٹ نوشی کرنے والے شخص کو گھور گھور کر دیکھ سکتے ہیں۔