سکھر : سگریٹ نہ دینے پر دوست نے دوست کو گولی مار کر زخمی کردیا، پولیس نے دونوں دوستوں کو گرفتار کرلیا۔
تفصیلات کے مطابق سکھر کے علاقے سائٹ ایریا میں دوست نے دوست پر محض اس بات پر فائرنگ کردی کہ اس نے سگریٹ دینے سے منع کردیا تھا۔
خالد نامی نوجوان نے طیش میں آکر اپنے دوست فدا کو گولی مار کر زخمی کردیا، اطلاع ملنے پر پولیس نے زخمی کو طبی امداد کیلئے اسپتال منتقل کردیا۔
فائرنگ کی سی سی ٹی وی فوٹیج اے آر وائی نیوز نےحاصل کرلی، سائٹ پولیس نے دونوں دوستوں کو گرفتار کرکے مقدمہ درج کرلیا ہے۔