کراچی(15 اگست 2025): ٹک ٹاکر مخدوم جنید نے این سی سی آئی اے سکھر کی گرفتاری سے بچنے کے لیے خواتین کو سامنے لے آیا۔

تفصیلات کے مطابق واقعہ آج سہراب گوٹھ سے کراچی یونیورسٹی جانے والے راستے پر پیش آیا ہے، این سی سی آئی اے سکھر کی ٹیم ملزم  ٹک ٹاکر مخدوم جنید کو گرفتار کرنے کراچی پہنچی تھی۔

ملزم پر ہنی ٹریپ کر کے درخواست گزار کو بلیک میل کرنے کے الزامات ہیں، ملزم مخدوم جنید کو این سی سی آئی اے کی ٹیم گرفتار کرنے کیلئے پہنچی تو رشتہ دار خواتین کی جانب سے مزاحمت کی گئی جس کی فوٹیج بھی سوشل میڈیا پر وائرل ہورہی ہے۔

فوٹیج میں انسپکٹر  الفت سوڈر  اپنی ٹیم کے ساتھ ابوالحسن اصفہانی روڈ پہنچے، انفارمر کی اطلاع پر ایف آئی اے اہلکار جیسے ہی پہنچا ملزم بھاگنے لگا، ملزم نے رشتے دار خواتین کو کپڑے اتارنے کا کہا اور لائیو ویڈیو پر آگیا، رشتے دار خواتین کپڑے اتار کر سڑک پر ٹک ٹاکر کے پیچھے چلنے لگی۔

پولیس حکام کا کہنا ہے کہ قریب گذرتی سچل تھانے کی موبائل کو بھی این سی سی آئی اے نے مدد کے لیے کہا، راجپوت اسپتال کے قریب ٹک ٹاکر مخدوم جنید نے ایف آئی اے پر حملہ کردیا، ملزم نے قصائی  کا ٹوکہ اٹھا کر ایف آئی اے افسر کو دے مارا اس تیز دھار آلے کے وار سے ایف آئی اے اہلکار شدید زخمی ہوگیا۔

پولیس کا کہنا ہے کہ این سی سی آئی اے نے ملزم کو فوری طور پر گرفتار کرلیا جبکہ خواتین فہمیدہ مخدوم، غزالہ اور بھانجی کائنات کو بھی گرفتار کرلیا گیا ہے، ایف آئی اے چاروں ملزمان کو لے کر کراچی کے دفتر روانہ ہوگئی۔

این سی سی آئی اے حکام کا اس حوالے سے کہنا ہے کہ مدعی مقدمہ کے مطابق ریشما نامی خاتون نے اس سے دوستی کی اور فون پر بات کی تھی، ملزم مخدوم جنید نے ایڈٹ شدہ قابل اعتراض ویڈیو بھیجی اور پیسوں کا تقاضہ کیا، ملزم ٹک ٹاکر مخدوم جنید نے متاثرہ شخص سے 44 لاکھ روپے بھی بٹورے تھے، ملزم نے متاثرہ شخص سے مزید 70 لاکھ مانگے اور نہ ملنے پر قابل اعتراض ویڈیو لیک کی۔

کراچی : سہراب گوٹھ کچی آبادی میں میاں بیوی کے قتل کے واقعے میں فائرنگ سے دو نہیں بلکہ تین اموات ہونے کا انکشاف سامنے آیا۔

کراچی کے علاقے سہراب گوٹھ کچی آبادی میں میاں بیوی کے قتل کا مقدمہ درج کرلیا گیا مقدمہ مقتول اعظم کے بھائی ہاشم کی مدعیت میں درج کیا گیا۔

مدعی مقدمے نے بتایا کہ اعظم کی شادی 10 سے12 سال قبل گل بی بی سےہوئی تھی، میرے بھائی مقتول اعظم کے 2 بیٹے اور3 بیٹیاں تھیں۔

مقدمے میں کہا گیا کہ پہلی بیوی خال بی بی سے 25 سال پہلے شادی ہوئی تھی خال بی بی افغانستان میں رہتی ہیں جس سے 4 بیٹے اور1 بیٹی ہوئی۔

متن میں کہا گیا کہ مجھے محلے والوں نے بتایا کہ بھائی کے گھر پر فائرنگ ہوئی ہے میں گھر آیا تو بھائی بھابھی گولیاں لگنے سے فوت ہوچکے تھے۔

مدعی نے کہا کہ میری بھابھی 5 ماہ کی حاملہ بھی تھی ، نامعلوم رنجش پر نامعلوم ملزمان نے فائرنگ کرکے دونوں کو قتل کیا، اپیل ہے کہ ملزمان کیخلاف قانونی کارروائی کی جائے۔

مزید پڑھیں : کراچی : نامعلوم ملزمان نے گھر میں گھس کر میاں بیوی کو قتل کردیا

یاد رہے دو روز قبل کراچی کے علاقے سہراب گوٹھ کے قریب کچی آبادی میں فائرنگ سے میاں بیوی جاں بحق ہوگئے تھے۔

پولیس کا کہنا تھا کہ میاں بیوی کے سروں پر گولیاں ماری گئی، مقتول کی شناخت محمد اعظم اور خاتون کی شناخت گل بی بی کے نام سے ہوئی ہے، دونوں کی عمریں 45 سے 50 سال کے درمیان ہیں۔

پولیس نے مزید بتایا تھا کہ مقتول نے دو شادیاں کر رکھی تھی اور پہلی بیوی افغانستان گئی ہوئی ہے، مقتول اعظم گارمنٹس فیکٹری میں کام کرتا ہے۔

حکام نے دعوی کیا تھا کہ افغانستان میں موجودپہلی بیوی نے اپنے شوہر اور سوتن کو قتل کرایا اور قتل کی واردات مکمل منصوبہ بندی سے کی گئی۔

کراچی : سہراب گوٹھ میں گھر میں گھس کر نامعلوم ملزمان نے میاں بیوی کو سروں پر گولیاں مار کر قتل کردیا، واقعہ ذاتی دشمنی کا ہے۔

تفصیلات کے مطابق کراچی کے علاقے سہراب گوٹھ کے قریب کچی آبادی میں فائرنگ سے میاں بیوی جاں بحق ہوگئے۔

پولیس کا کہنا تھا کہ میاں بیوی کے سروں پر گولیاں ماری گئی، مقتول کی شناخت محمد اعظم اور خاتون کی شناخت گل بی بی کے نام سے ہوئی ہے، دونوں کی عمریں 45 سے 50 سال کے درمیان ہیں۔

حکام نے کہا کہ مقتولین کو گھر میں نامعلوم افراد گولیاں مار کر گئے ہیں، ذاتی دشمنی پرمحمد اعظم اور گل بی بی کو گھر میں قتل کیا گیا۔

پولیس نے مزید بتایا کہ مقتول نے دو شادیاں کر رکھی تھی اور پہلی بیوی افغانستان گئی ہوئی ہے، مقتول اعظم گارمنٹس فیکٹری میں کام کرتا ہے۔

حکام نے دعوی کیا ہے کہ افغانستان میں موجودپہلی بیوی نے اپنے شوہر اور سوتن کو قتل کرایا اور قتل کی واردات مکمل منصوبہ بندی سے کی گئی۔

پولیس اور ریسکیو کی ٹیمیں جائے وقوعہ پر موجود ہیں اور کرائم سین یونٹ کی جانب سے شواہد اکھٹے کئے جارہے ہیں۔

کراچی : سہراب گوٹھ میں پولیس کی مبینہ سرپرستی میں کھلے عام منشیات کی خریدوفروخت کی ویڈیو سامنے آگئی۔

تفصیلات کے مطابق کراچی کے علاقے سہراب گوٹھ میں پولیس کی مبینہ سرپرستی میں منشیات فروشی کا انکشاف ہوا۔

اے آر وائی نیوز کو منشیات کی خرید و فروخت کی ویڈیو موصول ہوئی، ویڈیو میں پولیس کی موجودگی میں منشیات کی خرید وفروخت دیکھی جا سکتی ہے۔

جنت گل ٹاؤن کی کچی آبادی میں منشیات فروش فروخت کرتے دیکھا جاسکتا ہے جبکہ ویڈیو میں منشیات فروشوں سے رقم لیتے ہوئے پولیس اہلکار بھی دیکھے جاسکتے ہیں۔

مزید پڑھیں : عوام کے محافظ منشیات فروشی میں ملوث نکلے

پولیس ذرائع کا کہنا ہے کہ سہراب گوٹھ تھانےمیں تعینات اہلکارعمران منیشات فروشوں سے رقم وصولی کرتاہے۔

ذرائع نے بتایا کہ اہلکارعمران پہلے بھی منظم جرائم کی سرپرستی میں معطل ہو کربی کمپنی جا چکا ہے، عمران کھوکھر سچل بس ٹرمنل پر اسمگلنگ اور سہراب گوٹھ میں منشیات فروشی میں ملوث رہا ہے۔

کراچی : کاونٹرٹیرارزم ڈپارٹمنٹ شعبہ تفتیش نے خفیہ اطلاع پر اہم کارروائی کرتے ہوئے پولیس اہلکار کو شہید کرنے والے کالعدم تحریک طالبان پاکستان کے 3 مبینہ دہشتگردوں کو گرفتارکرلیا۔

تفصیلات کے مطابق سی ٹی ڈی شعبہ تفتیش نے خفیہ اطلاع پر سہراب گوٹھ میں کارروائی کرتے ہوئے کالعدم تحریک طالبان کے 3 مبینہ دہشت گرد فرہاد، حاجی رحمان اور صغیر کو گرفتار کرکے سے 3 پستول اور تنظیمی لٹریچر برآمد کرلیا ہے۔

ڈی ایس پی سی ٹی ڈی شعبہ تفتیش چوہدری صفدر نے بتایا کہ پولیس پر حملے کی ذمہ داری کالعدم تحریک طالبان پاکستان نے قبول کی تھی، ان ملزمان کا تعلق تحریک طالبان پاکستان مولانا بشیر گروپ سے ہے۔

چوہدری صفدر کا کہنا تھا کہ گرفتار ملزمان نے دوران تفتیش یہ انکشاف کیا ہے کہ ٹی ٹی پی نے انہیں حال ہی میں پولیس پر حملے کا ٹاسک دیا تھا۔

ڈی ایس پی سی ڈی ڈی کے مطابق گرفتار ملزمان سے برآمد اسلحہ فارنزک کے لیے بھجوایا جارہا ہے اور ملزمان سے تفتیش جاری ہے جس کے بعد مزید اہم انکشافات بھی متوقع ہے۔

یاد رہے تین جون 2024 کو سہراب گوٹھ جمالی پل کے قریب نامعلوم دہشتگردوں نے اس وقت پولیس پکٹ پرموجود اہلکاروں پر حملہ کیا جب وہ مویشی منڈی جانے والے شہریوں کی حفاظت کے لیے خصوصی طور پر تعینات کیے گئے تھے۔

دہشت گردوں کی فائرنگ سے پولیس اہلکار یاسین شہید جبکہ سلمان عباس زخمی ہوگیا تھا۔