کراچی: سہراب گوٹھ سپر ہائی وے پر سڑک بلاک کر کے ہنگامہ آرائی کرنے والے ملزمان افغان شہری نکلے۔
تفصیلات کے مطابق سہراب گوٹھ ہنگامہ آرائی میں ملوث پولیس کے ہاتھوں گرفتار 25 ملزمان افغان شہری نکل آئے، پولیس ذرائع کا کہنا ہے کہ ملزمان غیر قانونی طور پر سہراب گوٹھ میں رہائش پذیر تھے۔ پولیس نے جیل بھیجے گئے افغان شہریوں کی فہرست جاری کر دی۔
ملزمان میں جلال الدین ولد جان محمد، محمد عادل ولد محمد اکبر، داؤد ولد محمد دین، ذبیح اللہ ولد علاؤ الدین، فرہاد ولد عبد المنان، داؤد ولد عبداللہ، سعید محمد ولد نور جان، اللہ داد ولد خدائے رحیم، عزت اللہ ولد جمعہ گل شامل ہیں۔
دیگر ملزمان میں یار محمد ولد اللہ محمد، عظیم ولد عزیز، اسد ولد وزیر، ایوب ولد عبد الرحمان، اکبر ولد عبد الکریم، احمد ظاہر ولد عبدالقیوم، بشیر احمد ولد عبد الرحمان، گل بہار ولد خطاب گل، یار اللہ ولد حضرت رسول، جمعہ خان ولد مرجان، شاہ زیب ولد اورنگ زیب، فیروز ولد حاجی نادر، ابراہیم ولد ایم حنیف، محمد علی ولد محمد اکرم، عتیق الرحمان ولد حاجی عثمان، عامر ولد غوث دین شامل ہیں۔
پولیس رپورٹ کے مطابق ملزمان نے ہنگامہ آرائی کے دوران بڑے پیمانے پر لوٹ مار کی، مرد و خواتین سے موبائل فون، پرس، سونے کی بالیاں اور دیگر اشیا لوٹی گئیں، ملزمان نے احتجاج کی آڑ میں باقاعدہ لوٹ مار کی۔
پولیس کا کہنا ہے کہ گرفتار افغان شہریوں کا مقصد احتجاج نہیں صرف لوٹ مار تھا، جن کے خلاف ڈسٹرکٹ ایسٹ کے 3 تھانوں میں 5 مقدمات درج کیے گئے ہیں، یہ مقدمات دہشت گردی، قتل، اقدام قتل کی دفعات کے تحت درج کیے گئے ہیں۔
پولیس کے مطابق ایف آئی آر میں ہنگامہ آرائی و دیگر دفعات بھی شامل ہیں، گرفتار تمام ملزمان کو جیل بھیج دیا گیا ہے۔
ایک اور پولیس رپورٹ میں کہا گیا ہے کہ افغان مہاجرین غیر قانونی ملک دشمن سرگرمیوں میں ملوث ہیں، سپر ہائی وے پر 7 سے 8 ہزار افراد جمع ہوئے اور سڑک بند کی، مظاہرین نے اپنی منزل کو جانے والے شہریوں کو لوٹا، پولیس موبائل، گاڑیوں، موٹر سائیکلوں اور بس کو جلایاگیا، احتجاج کے دوران شرپسند عناصر کی جانب سے فائرنگ بھی کی گئی، ہنگامہ آرائی کے دوران متعدد پولیس افسران و اہل کار زخمی ہوئے۔
