اسلام آباد (28 جولائی 2025): محکمہ ایکسائز نے بڑا فیصلہ کیا ہے جس سے وفاقی دارالحکومت میں گاڑی مالکان کو بڑی سہولت مل گئی ہے۔
اے آر وائی نیوز کے مطابق محکمہ ایکسائز نے وفاقی دارالحکومت اسلام آباد میں گاڑیوں کو ڈیجیٹل کارڈز جاری کرنے کا فیصلہ کیا ہے۔ ایکسائز ڈیپارٹمنٹ کی بھی اس فیصلے سے روایتی کارڈز اور فائلوں سے جان چھوٹ جائے گی۔
دوسری جانب گاڑی کی ڈیجیٹل بُک اس کے مالک کے موبائل والٹ میں محفوظ ہوگی اور اس کو گاڑی کے ساتھ کاغذات یا کارڈ رکھنے کی ضرورت نہیں رہے گی۔
یہ ڈیجیٹل کارڈز شہر کے تمام ڈیجیٹل پارکنگ پلازہ سےمنسلک ہوں گے اور پاکنگ فیس بھی گاڑی کے ڈیجیٹل کارڈ سے ادا کی جا سکے گی، جب کہ ٹریفک چالان کی تمام تفصیلات بھی ڈیجیٹل بک میں دستیاب ہوں گی۔
سال 2022 سے پہلے تمام ماڈلز کی گاڑیوں کی انسپکشن لازمی قرار
اس حوالے سے محکمہ ایکسائز کے بلال اعظم نے بتایا کہ اب اسلام آباد گاڑیوں کے ڈیجیٹل کارڈز ہی چلیں گے۔
انہوں نے مزید بتایا کہ گاڑیوں کی ٹرانسفر کا عمل بھی ڈیجیٹلائز کیا جا رہا ہے۔ اب گاڑی ٹرانسفر کے لیے دفتر آنے کی ضرورت نہیں بلکہ بائیو میٹرک تصدیق گھر بیٹھے موبائل پر ہوگی۔
