Tag: سہیل محمود

نئی دہلی: بھارت میں سبکدوش ہونے والے پاکستانی سفیر سہیل محمود کا کہنا ہے کہ پاکستان اور بھارت میں بامقصد بات چیت جاری رہنا ضروری ہے۔

تفصیلات کے مطابق بھارت میں تعینات پاکستانی ہائی کمشنر سہیل محمود نے سبکدوشی سے قبل بھارتی میڈیا کو انٹرویو میں کہا کہ بھارت کوپاکستان سے متعلق بیانیہ بدلنے کی ضرورت ہے۔

انہوں نے کہا کہ پاکستان اوربھارت میں بامقصد بات چیت جاری رہنا ضروری ہے، بھارت میں پاکستان کے بارے میں بیانیہ حقیقت پرمبنی ہونا چاہیے۔

سہیل محمود نے کہا کہ بھارت میں انتخابات کے بعد مذاکرات دوبارہ شروع ہونے کی امید ظاہر کرتے ہوئے کہا کہ خطے میں امن اور تصفیہ طلب مسائل پر مذاکرات ناگزیرہیں۔

انہوں نے انٹرویو میں کہا کہ ہمیں پائیدار امن، سیکیورٹی اور اپنے اور خطے کے استحکام کے لیے کوشش کرنی چاہیے۔

سہیل محمود نے کرتارپور راہداری سے متعلق بات کرتے ہوئے کہا کہ پاکستانی حکومت اپنی طرف تمام تعمیراتی کام مکمل کرنے کے لیے بھرپور طریقے سے مصروف ہے۔

خیال رہے کہ وفاقی حکومت نے سہیل محمود کو تہمینہ جنجوعہ کی ریٹائرمنٹ کے بعد ان کی جگہ سیکریٹری خارجہ مقرر کردیا ہے۔

سہیل محمود کل تہمینہ جنجوعہ کی جگہ عہدہ سنبھالیں گے، وہ وزارت خارجہ میں 35 سال تک خدمات انجام دینے کے بعد ریٹائر ہورہی ہیں۔

ملتان: وزیرخارجہ شاہ محمود قریشی کا کہنا ہے کہ پاکستان کوگرے سے بلیک لسٹ میں دھکیلنے کی کوشش ہو رہی ہے۔

تفصیلات کے مطابق وزیرخارجہ شاہ محمود قریشی نے ملتان میں میڈیا سے گفتگو کرتے ہوئے کہا کہ تہمینہ جنجوعہ کوخراج تحسین پیش کرنا چاہتا ہوں۔

انہوں نے کہا کہ 7ماہ سے تہمینہ جنجوعہ کے ساتھ کام کر رہا ہوں، میں نے تہمینہ جنجوعہ سے بہت کچھ سیکھا ہے۔

وزیرخارجہ نے کہا کہ 16اپریل کوتہمینہ جنجوعہ کی مدت ملازمت مکمل ہو رہی ہے، سہیل محمود کوسیکرٹری خارجہ تعینات کرنے کا فیصلہ کیا ہے۔

شاہ محمود قریشی نے کہا کہ سہیل محمود کی تعیناتی کا فیصلہ وزیراعظم کی مشاورت سے کیا گیا، سہیل محمود تھائی لینڈ اورترکی میں بھی ہمارے ساتھ رہے، تہمینہ جنجوعہ کے بعد سہیل محمود اپنی ذمہ داریاں نبھائیں گے۔

انہوں نے کہا کہ بینظیرانکم سپورٹ پروگرام کے نام کی تبدیلی کے حق میں نہیں، میں سمجھتا ہوں نام نہیں کام دیکھا جاتا ہے۔

وزیرخارجہ نے کہا کہ عمران خان سمجھتے ہیں قانون کوآگے بڑھنا چاہیے ، نیب ہمارے ماتحت نہیں، مداخلت کرنا ہمارا کام ہی نہیں بنتا۔

شاہ محمود قریشی نے کہا کہ پٹرولیم مصنوعات کی قیمتوں میں عالمی سطح پراضافہ ہوا، ہمارے وزیر خزانہ مشاورت سے چل رہی ہے۔

انہوں نے کہا کہ نیب سب کا احتساب کرنے کا استحقاق رکھتا ہے، ن لیگ اورپی پی6 ماہ پہلے ایک دوسرے پرتہمتیں لگا رہی تھیں، شہبازشریف، نوازشریف کی تقاریراٹھا کر دیکھ لیں۔

وزیرخارجہ نے کہا کہ پاکستان کوسفارتی طورپرتنہا کرنے کی کوشش کی جارہی ہے، پاکستان کو گرے سے بلیک لسٹ میں دھکیلنے کی کوشش کی جا رہی ہے۔