آج سے متحدہ عرب امارات (یو اے ای) میں پاکستان، افغانستان اور یو اے ای کی ٹیموں کے درمیان 3 ملکی ٹی 20 سیریز کا آغاز آج سے ہو رہا ہے۔ سہ فریقی سیریز کا پہلا میچ آج کھیلا جائے گا۔
پاکستان اور افغانستان کے درمیان سہ فریقی سیریز کا پہلا میچ شارجہ میں مقامی وقت کے مطابق شام 7 بجے کھیلا جائے گا۔
سہ فریقی سیریز کی ٹرافی کی رونمائی کردی گئی جس میں تینوں ممالک کے کپتان شریک ہوئے، پاکستان ٹیم کے کپتان سلمان علی آغا، افغانستان کے کپتان راشد خان اور یو اے ای کے کپتان محمد وسیم کا ٹرافی کے ساتھ فوٹو شوٹ ہوا۔
پاکستانی ٹیم کے کپتان سلما ن آغا کا دوران پریس کانفرنس کہنا تھا کہ تیاری اچھی ہے، موجودہ پاکستانی ٹیم کے بارے میں سابق کھلاڑیوں کے خیالات سے اُنہیں اور ٹیم کو فرق نہیں پڑتا۔
افغان کپتان راشد خان کا پریس کانفرنس کے دوران کہنا تھا کہ گزشتہ کئی ماہ سے ٹی 20 ٹورنامنٹس کھیلنے کا موقع نہیں ملا مگر اچھا پرفارم کرنے کی کوشش کریں گے۔
واضح رہے کہ سہ ملکی سیریز میں تینوں ٹیمیں ایک دوسرے سے 2، 2 میچز کھیلیں گی اور 7 ستمبر کو سیریز کا فائنل ہوگا۔
یو اے ای (28 اگست 2025): متحدہ عرب امارات میں کل سے شروع ہونے والی ٹرائی نیشن ٹی 20 سیریز کی ٹرافی کی رونمائی ہوئی تینوں کپتانوں نے شرکت کی۔
ایشیا کپ سے قبل یو اے ای میں سہ فریقی ٹی 20 سیریز کا آغاز کل سے ہو رہا ہے۔ اس میں میزبان یو اے ای کے علاوہ پاکستان اور افغانستان کی ٹیمیں شامل ہیں۔
سیریز کے آغاز سے ایک روز قبل ٹرائی نیشن سیریز کی خوبصورت ٹرافی کی رونمائی ہوئی۔ تقریب رونمائی میں پاکستان ٹیم کے کپتان سلمان علی آغا، افغان کپتان راشد خان اور یو اے ای کی ٹیم کے کپتان محمد وسیم نے شرکت کی اور ٹرافی کے ساتھ تصاویر بنوائیں۔
29 اگست سے 7 ستمبر تک جاری رہنے والی سیریز کا افتتاحی میچ پاکستان اور افغانستان کے درمیان کھیلا جائے گا۔ ہر ٹیم مخالف ٹیم سے دو، دو میچ کھیلے گی اور ٹاپ دو ٹیمیں 7 ستمبر کو فائنل میں مدمقابل ہوں گی۔
سیریز اور ایشیا کپ کے لیے پاکستان ٹیم کئی روز قبل یو اے ای پہنچ چکی ہے اور سیریز کے لیے تیاریاں زور وشور سے جاری ہیں۔
یو اے ای اسکواڈ میں محمد وسیم (کپتان)، علیشان شرافو، آریانش شرما (وکٹ کیپر)، آصف خان، دھرو پراشر، ایتھن ڈی سوزا، حیدر علی، ہرشیت کوشک، جنید صدیق، محمد فاروق، محمد جواد اللہ، محمد زوہیب، راہول چوپڑا (وکٹ کیپر)، روہید خان اور صغیر خان شامل ہیں۔
قومی کرکٹ ٹیم کے آل راؤنڈرسلمان علی آغا کو سہ فریقی سیریز کا بہترین کھلاڑی قرار دے دیا گیا۔
کراچی میں کھیلے گئے سہ فریقی سیریز کے فائنل میں نیوزی لینڈ نے پاکستان کو 5 وکٹوں سے با آسانی ہرا دیا، نیوزی لینڈ کے ویل اورور فائنل میچ جبکہ سلمان علی آغا سیریز کے بہترین کھلاڑی قرار پائے۔
پاکستانی آل راؤنڈر نے اس موقع پر کہا کہ ہم نے 30 سے 40 رنز کم بنائے، اگر ہمارا اسکور 280 سے زیادہ ہوتا تو نتیجہ مختلف ہوتا۔
اُن کا کہنا تھا کہ اچھی بیٹنگ کی، ہم جیتنا چاہتے تھے، مگر ایسا ممکن نہ ہوسکا، اب ہماری توجہ چیمپئنز ٹرافی پر مرکوز ہے۔
آل راؤنڈر نے کہا کہ کراچی کی پچز غیر یقینی ہوتی ہیں، ایک بیٹنگ کیلئے سازگار تو دوسری پر دہرا پیس ہوتا ہے، یہ پچ بیٹنگ کیلئے چیلنجنگ تھی، میری اور رضوان کی وکٹ گرنے کے بعد میچ ہاتھوں سے نکل گیا۔
قومی ٹیم کے کپتان محمد رضوان کا اس موقع پر کہنا تھا کہ نیوزی لینڈ کی بولنگ زبردست رہی، میں اور سلمان آغا لمبی پارٹنرشپ لگانا چاہتے تھے لیکن ممکن نہ ہوسکا۔
رضوان نے نیوزی لینڈ کے خلاف سہ فریقی ٹورنامنٹ کے فائنل میں ہارنے کی بڑی وجہ بیٹنگ کی ناکامی کو قرار دیا ہے۔
انہوں نے کہا کہ نیوزی لینڈ نے شاندار بولنگ کی اور ہمیں زیادہ رنز نہیں بنانے دیے ابتدا میں وکٹیں گریں جس کی وجہ سے دباؤ میں آگئے تھے اہم موقع پر میری وکٹ گری جس کی وجہ سیکم رنز بنا سکے۔
انہوں نے کہا کہ کافی چیزوں میں بہتری لانیکی ضرورت ہے ابرار احمد نے تینوں شعبوں میں اچھی کارکردگی دکھائی باقی تمام کھلاڑیوں کو بھی کارکردگی بہتر کرنا ہو گی۔کوشش کریں گے اپنی غلطیوں پر قابوپائیں۔
سہ فریقی سیریز کے آخری لیگ میچ میں جنوبی افریقہ کی پاکستان کے خلاف جارحانہ بیٹنگ جاری ایک وکٹ کے نقصان پر 150 رنز بنا لیے ہیں۔
سہ فریقی سیریز کے نیشنل اسٹیڈیم میں کھیلے جا رہے آخری لیگ میچ میں جنوبی افریقہ کی پاکستان کے خلاف بیٹنگ جاری ہے اور پروٹیز بیٹر نے شاہینوں کو بے بس کرتے ہوئے 24 اوور میں ایک وکٹ کے نقصان پر 150 رنز بنا لیے ہیں۔
جنوبی افریقی کپتان ٹمبا باوما نے ٹاس جیت کر پہلے بیٹنگ کا فیصلہ کیا۔ پہلی وکٹ 51 کے مجموعی اسکور پر گری۔ ٹونی ڈی زورزی کو شاہین شاہ آفریدی نے 22 رنز پرقابو کیا۔
تاہم اس کے بعد کپتان ٹمبا باوما اور میتھیو بریٹزی نے دوسری وکٹ کے لیے 100 رنز کی پارٹنر شپ بنا لی ہے۔ ٹمبا باوما نصف سنچری مکمل کرنے کے بعد 74 رنز پر کھیل رہے ہیں جب کہ میتھیو نے بھی اپنی نصف سنچری مکمل کر لی ہے۔
پاکستان کی جانب سے ابتدائی 24 اوورز میں 6 بولرز کو آزمایا ہے لیکن کوئی بھی بولر پروٹیز بیٹنگ میں اب تک دراڑ نہیں ڈال سکا ہے۔
واضح رہے کہ سہ فریقی سیریز میں شریک تیسری ٹیم نیوزی لینڈ پہلے ہی میزبان پاکستان اور جنوبی افریقہ کو ہرا کر فائنل کے لیے کوالیفائی کر چکی ہے۔ اس لیے آج کا میچ دونوں تیموں کے لیے سیمی فائنل کی حیثیت رکھتا ہے۔
آج کا میچ جو بھی جیتے گا۔ وہ جمعہ 14 فروری کو اسی میدان میں نیوزی لینڈ کے خلاف ٹرائی نیشن سیریز کی ٹرافی جیتنے کی جنگ لڑے گا۔
آج کے اہم میچ کے لیے جنوبی افریقہ کای ٹیم نے چار جب کہ پاکستانی ٹیم میں دو تبدیلیاں کی گئی ہیں۔ زخمی حارث رؤف کی جگہ محمد حسنین اور بیٹر کامران غلام کی جگہ سعود شکیل کو شامل کیا گیا ہے۔ سیریز کے تمام مقابلے اے اسپورٹس پر براہ راست دکھائے جا رہے ہیں۔
سہ فریقی سیریز کے فائنل میں پہنچنے کے لیے آج میزبان پاکستان اور جنوبی افریقہ کی ٹیمیں میدان میں اتریں گی نیوزی لینڈ کوالیفائی کر چکی۔
سہ فریقی سیریز کا میلہ کراچی منتقل ہو گیا ہے۔ ٹرائی سیریز کے فائنل میں کون جائے گا، یہ فیصلہ آج ہوگا۔ میزبان پاکستان اور جنوبی افریقہ کی ٹیمیں کراچی کے نیشنل اسٹیڈیم کے میدان میں اتریں گی۔
نیوزی لینڈ نے پاکستان اور جنوبی افریقہ کو شکست دے کر فائنل کے لیے پہلے ہی کوالیفائی کر لیا ہے۔ آج کے میچ کی جو ٹیم فاتح ہوگی وہ جمعہ 14 فروری کو کیویز سے ٹرافی کے حصول کے لیے ٹکرائے گی۔
اس بڑے میچ کے لیے جنوبی افریقہ کے اہم کھلاڑیوں کلاسن، کیشو مہاراج، بوش اور ڈی زورزی نے گزشتہ روز پاکستان پہنچ کر اسکواڈ جوائن کر لیا ہے۔
چیمپئنز ٹرافی سے قبل سہ فریقی سیریز کے فائنل میں جگہ بنانے اور جنوبی افریقہ کو زیر کرنے کے لیے گرین شرٹس نے نیشنل اسٹیڈیم میں جم کر تیاریاں کیں۔ پریکٹس میں بیٹنگ، فیلڈنگ اور بولنگ خامیوں پر قابو پانے کی کوشش کی۔
شاہینوں کا پروٹیز کیخلاف حالیہ ریکارڈ شاندار رہا ہے اور پاکستان نے دسمبر میں جنوبی افریقہ کو ان ہی کی سر زمین پر ون ڈے سیریز میں وائٹ واش کیا تھا۔
اس اہم میچ کے لیے پاکستانی ٹیم میں دو تبدیلیاں کی گئی ہیں۔ زخمی حارث رؤف کی جگہ محمد حسنین اور بیٹر کامران غلام کی جگہ سعود شکیل کو شامل کیا گیا ہے۔
میچ پاکستان کے معیاری وقت کے مطابق دوپہر 2 بجے شروع ہوگا۔ سیریز کے تمام مقابلے اے اسپورٹس پر براہ راست دکھائے جا رہے ہیں۔
سہ فریقی سیریز میں پاکستان کے خلاف میچ سے قبل جنوبی افریقا کے اہم کھلاڑیوں نے ٹیم کو جوائن کرلیا ہے۔
سہ فریقی سیریز کے اہم میچ میں کل پاکستان اور جنوبی افریقا کی ٹیمیں نیشنل بینک اسٹیڈیم کراچی میں مدمقابل آئیں گی، میچ جیتنے والی ٹیم 14 فروری کو نیوزی لینڈ سے فائنل کھیلے گی۔
تاہم جنوبی افریقا کے تین سینئر کھلاڑی کیشو مہاراج، ہینرک کلاسن اور ٹونی ڈی زورزی کے ساتھ ساتھ کوینا مافکا اور کوربن بوش نے پروٹیز کیمپ کو جوائن کرلیا ہے اور کل میچ کے لیے وہ دستیاب ہوں گے۔
ٹیمبا باوما کی قیادت میں جنوبی افریقا کو پہلے میچ میں نیوزی لینڈ نے باآسانی چھ وکٹوں سے شکست دی تھی۔
کراچی میں جنوبی افریقا کے اسکواڈ نے تفصیلی تربیتی سیشن میں حصہ لیا جبکہ سہ فریقی سیریز میں دونوں میچ جیتنے والی کیوی ٹیم آج آرام کرے گی۔
سہ فریقی سیریز میں جنوبی افریقا کی ٹیم ان کھلاڑیوں پر مشتمل ہے، ٹمبا باووما کپتان ہیں، دیگر کھلاڑیوں میں ایتھن بوش، کوربن بوش، متھیو بریٹزکی، جنویئر ڈیلا، ٹونی ڈی زورزی، ہینرک کلاسن، کیشو مہاراج، کوینا مافاکا، ویان ملڈر، مہالی مپونگانا، سینوران متھوسامی، گیڈون پیٹرزم، لونگی نگیڈی، میکا ایل پرنس، تبریز شمی، جیسن اسمتھ اور کائل ویرین شامل ہیں۔
سہ فریقی سیریز کے پہلے میچ میں نیوزی لینڈ نے پاکستان کو 78 رنز سے شکست دے دی۔
لاہور کے قذافی اسٹیڈیم میں کھیلے گئے پہلے میچ میں نیوزی لینڈ کی جانب سے دیے گئے 331 رنز کے تعاقب میں پاکستان کی ٹیم 47.5 اوورز میں 252 رنز پر ڈھیر ہوگئی۔
فخر زمان کی جارحانہ 84 رنز بھی ٹیم کو شکست سے نہ بچاسکے۔
سلمان علی آغا 40، طیب طاہر 30 رنز بناسکے، خوشدل 15، کامران غلام 18 رنز بنا کر آؤٹ ہوئے، بابر اعظم 10 اور کپتان محمد رضوان 3 رنز بنا کر پویلین لوٹ گئئے۔
نیوزی لینڈ کی جانب سے مچل سینٹنر اور میٹ ہینری نے تین، تین وکٹیں حاصل کیں، مائیکل بریسویل نے دو اور گلین فلپس نے ایک کھلاڑی کو آؤٹ کیا۔
اس سے قبل نیوزی لینڈ نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 330 رنز بنائے اور پاکستان کو جیت کے لیے 331 رنز کا ہدف دیا تھا۔
ڈیرل مچل نے شاندار 81 رنز کی اننگز کھیلی، کین ولیمسن 58 اور گلین فلپس نے کیریئر کی پہلی سنچری اسکور کرتے ہوئے ناٹ آؤٹ 106 رنز بنائے۔
اوپنر ول یونگ کو شاہین آفریدی نے پہلے اوور میں 4 رنز پر پویلین کی راہ دکھائی، رچن روندرا 25 رنز بنا کر ابرار احمد کا نشانہ بنے۔
ٹام لیتھم بغیر کوئی رن بنائے آؤٹ ہوئے، بریسویل کو 31 رنز پر شاہین آفریدی نے آؤٹ کیا۔
پاکستان کی جانب سے شاہین آفریدی نے تین اور ابرار احمد نے دو کھلاڑیوں کو آؤٹ کیا، حارث رؤف ایک وکٹ حاصل کرسکے۔
اس سے قبل نیوزی لینڈ نے پاکستان کیخلاف ٹاس جیت کر بیٹنگ کا فیصلہ کیا ہے۔
ٹاس کے موقع پر کیوی کپتان نے کہا کہ زیادہ سے زیادہ اسکور کرنے کی کوشش کریں گے جبکہ قومی کرکٹ ٹیم کے کپتان کا کہنا تھا کہ چیمپئنز ٹرافی سے پہلے سیریز اہمیت کی حامل ہے۔
محمد رضوان نے مزید کہا کہ بولنگ اٹیک میں نسیم شاہ، شاہین اور حارث ہونگے، سابق کپتان بابر اعظم اور فخر زمان اوپن کریں گے۔
پاکستان پلیئنگ الیون:
ٹیم میں فخرز مان، محمد رضوان، بابر اعظم، سلمان آغا، خوشدل شاہ، شاہین آفریدی، نسیم شاہ، حارث رؤف، ابرار احمد، کامران غلام اور طیب طاہر ٹیم کا حصہ ہیں۔
جمعہ کو تینوں ٹیموں کے کپتانوں کے ہمراہ سہ فریقی سیریز کی ٹرافی کی رونمائی بھی کی گئی، میچ سے قبل نیوزی لینڈ نے لاہور میں پریکٹس کی جبکہ کپتان مچل سینٹنر نے ٹرافی کے ہمراہ تصویر بنوائی۔
واضح رہے کہ دونوں ٹیمیں آئی سی سی ورلڈ کپ کے بعد مدمقابل آرہی ہیں 14 ماہ قبل میگا ایونٹ میں پاکستان نے بلیک کیپس کو شکست دی تھی جبکہ قذافی اسٹیڈیم میں 22 سال بعد دونوں ٹیموں کا ٹاکرا ہو رہا ہے، 2003 میں لاہور میں کھیلے گئے دونوں میچز پاکستان جیتا تھا۔
خیال رہے کہ ٹرائی سیریز میں ٹوٹل چار میچز ہوں گے، فائنل سے پہلے ہر ٹیم ایک دوسرے کے خلاف ایک میچ کھیلے گی، جبکہ دو ٹاپ ٹیمیں فائنل میں جائیں گی جو 14فروری کو نیشنل اسٹیڈیم کراچی میں ہوگا۔
لاہور: سہ فریقی سیریز اور چیمپئنز ٹرافی کھیلنے کیلئے جنوبی افریقا کی کرکٹ ٹیم لاہور پہنچ گئی۔
تفصیلات کے مطابق سہ فریقی سیریز کھیلنے کیلئے جنوبی افریقا کی ٹیم براستہ دبئی نجی ائیر لائن سے لاہور پہنچی، جسے سخت سیکیورٹی کے حصار میں نجی ہوٹل میں پہنچا دیا گیا۔
جنوبی افریقہ کی ٹیم جمعہ کو آج مکمل آرام کرے گی جبکہ کل سے ٹیم پریکٹس سیشن کا آغاز کرےگی۔
جنوبی افریقہ کی ٹیم ایل سی سی اےگراؤنڈ میں پریکٹس کرے گی، یاد رہے کہ نیوزی لینڈ کی ٹیم پہلے ہی پاکستان پہنچ چکی ہے۔
واضح رہے کہ پاکستان، نیوزی لینڈ اور جنوبی افریقا کے درمیان سیریز 8 فروری سے شروع ہو رہی ہے، سہ فریقی سیریز کے افتتاحی میچ میں پاکستان ٹیم ہفتے کو نیوزی لینڈ سے قذافی اسٹیڈیم میں مقابلہ کرے گی۔
لاہور: چیئرمین پاکستان کرکٹ بورڈ محسن نقوی نے لاہور کے قذافی اسٹیڈیم کی اپ گریڈیشن کا کام کرنے والے مزدوروں کے لیے بڑ اعلان کیا ہے۔
ذرائع کے مطابق چیئرمین پاکستان کرکٹ بورڈ (پی سی بی) محسن نقوی نے مزدوروں کے اعزاز میں ظہرانہ دینے کا اعلان کیا ہے، قذافی اسٹیڈیم کی کنسٹرکشن کے دوران کام کرنے والوں کو 7 فروری کو ظہرانہ دیا جائے گا۔
ذرائع کا کہنا ہے کہ مزدروں کو قذافی اسٹیڈیم میں ہونیوالا پہلا میچ دیکھنےکی دعوت بھی دی جائیگی، قذافی اسٹیڈیم کی اپ گریڈیشن آخری مرحلے میں پہنچ چکی ہے۔
واضح رہے کہ لاہور کے قذافی اسٹیڈیم میں سہ فریقی سیریز کے دو میچز کھیلے جائیں گے جبکہ چیمپئنز ٹرافی کا پہلا میچ 22 فروری کو قذافی اسٹیڈیم میں کھیلا جائے گا۔
