Tag: سیاحت

اسلام آباد: معاون خصوصی برائے اطلاعات فردوس عاشق اعوان کا کہنا ہے کہ پاکستان دنیا بھرمیں سیاحت کے لیے حسین اور پرکشش تسلیم کیا جا رہا ہے۔

تفصیلات کے مطابق ڈاکٹر فردوس عاشق اعوان نے کہا کہ برطانیہ کی پاکستان کے لیے ٹریول ایڈوائزری میں تبدیلی کا خیرمقدم کرتے ہیں، برطانیہ کا ٹریول ایڈوائزری کا فیصلہ نہایت خوش آئند ہے، وزیراعظم کی قیادت میں پاکستان کا دنیا میں امیج تبدیل ہو رہا ہے۔

معاون خصوصی برائے اطلاعات نے کہا کہ برٹش ایئرویزکی بحالی، شاہی جوڑے کی آمد کے بعد ایڈوائزری میں تبدیلی کی گئی، یہ پرامن، روشن اور محفوظ پاکستان کی علامت ہے۔

ڈاکٹر فردوس عاشق اعوان کا مزید کہنا تھا کہ پاکستان دنیا بھرمیں سیاحت کے لیے حسین اور پرکشش تسلیم کیا جا رہا ہے۔

برطانیہ نے پاکستان کے لیے ٹریول ایڈوائزری میں تبدیلی کردی

واضح رہے کہ برطانوی ہائی کمشنر نے کہا کہ خوشخبری دیتا ہوں کہ پاکستان کے لیے ٹریول ایڈوائزری میں تبدیلی کردی گئی ہے، برطانوی شہریوں کے لیے شمالی علاقوں میں سفر بذریعہ سڑک محفوظ ہے۔

برطانوی ہائی کمشنر کا کہنا تھا کہ خوشی ہے برطانوی شہری پاکستان کو اور بہتر طرح سے دیکھ سکتے ہیں، حکومت پاکستان کی کاوشوں کی وجہ سے سیکیورٹی صورت حال بہتر ہوئی ہے۔

پشاور: صوبہ خیبرپختونخواہ کے سینئر وزیر عاطف خان کا کہنا ہے کہ سیاحت کےفروغ سے مقامی سطح پرعوام کو روزگار کے مواقع فراہم ہوں گے۔

تفصیلات کے مطابق وسزیر سیاحت عاطف خان، وزیر صحت شہرام ترکئی نے صوابی کے سیاحتی مقام کا دورہ کیا، وزرا نے گدون بیرگلی میں بنیادی انفرااسٹرکچرسمیت دیگر سہولیات کا جائزہ لیا۔

عاطف خان نے کہا کہ گدون بیرگلی کی ترقی کے لیے پہلےمرحلے میں21 کروڑ کی منظوری دی، بیر گلی کو ترقی دینے کے لیے 8 کلو میٹرسڑک کی منظوری دی جا چکی ہے۔

صوبائی سینئر وزیر نے کہا کہ قدرتی حسن سے مالامال گدون بیر گلی میں تمام سہولیات دی جائیں گی، گدون بیرگلی میں چیئرلفٹ،سکی ریزارٹ،ایڈونچرٹورازم کے لیے سروے ہوگا، گدون بیر گلی میں آرکیالوجیکل سائٹس بھی موجود ہے جیسے محفوظ کیا جائے گا۔

انہوں نے کہا کہ بیرگلی میں سیاحوں کی سہولت کے لیے ریسٹ ہاؤسز بھی بنائے جائیں گے، سیاحت کے فروغ سے مقامی سطح پر عوام کو روزگار کے مواقع فراہم ہوں گے، صوبے میں14 نئے سیاحتی مقامات تک سڑک تعمیر کی منظوری دی جا چکی۔

عاطف خان کا کہنا تھا کہ سیاحتی مقامات تک سڑکوں کی تعمیر کے لیے 5 ارب کی منظوری دی جاچکی ہے، گدون امازئی میں کھیلوں کے فروغ کے لیے میدان بنائے جائیں گے۔

صوبائی وزیر صحت شہرام ترکئی نے کہا کہ کیٹیگری ڈی اسپتال، ڈسپنسری، صحت کی دیگر سہولیات فراہم کی جائے گی، 6 ماہ بعد صحت انصاف کارڈ صوبے کے تمام عوام کو فراہم کیا جائے گا۔

پشاور: خیبرپختونخواہ حکومت نے صوبے میں پہلی بار بدھ مت کانفرنس کے انعقاد کا فیصلہ کرلیا، 5 روزہ بدھ مت کانفرنس اپریل میں پشاور میں منعقد کی جائے گی۔

تفصیلات کے مطابق صوبہ خیبرپختونخواہ کے سینئر وزیر عاطف خان کی زیرصدارت اجلاس ہوا، جس میں خیبرپختونخواہ میں پہلی بار بدھ مت کانفرنس کے انعقاد کا فیصلہ کیا گیا۔

صوبائی وزیر عاطف خان نے کہا کہ 5 روزہ بدھ مت کانفرنس اپریل میں پشاورمیں منعقد کی جائے گی، کانفرنس میں قومی اور بین القوامی آرکیالوجیکل ماہرین شرکت کریں گے۔

عاطف خان نے کہا کہ کانفرنس میں بدھ مت ممالک کے سفیروں کو مدعو کیا جائے گا، کانفرنس کا مقصد مذہبی سیاحت کو فروغ دینا ہے۔ انہوں نے مزید کہا کہ صوبے میں آرکیالوجیکل سائٹس سے متعلق آگاہی پیدا کرنا ہے۔

یاد رہے کہ گزشتہ سال نومبر میں وزیراعظم عمران خان سے بدھ مت کے راہبوں نے ملاقات کی تھی۔ اس موقع پر وزیراعظم کا کہنا تھا کہ پاکستان تہذیبوں کا گہوارہ اور 3 بڑے مذاہب بدھ مت، سکھ ازم اور ہندومت کے پیروکاروں کے لیے مقدس اور قابل احترام مقام ہے۔

وزیراعظم کا کہنا تھا کہ پاکستان کو بدھ مت کے ثقافتی ورثہ پر فخر ہے، پاکستان کی موجودہ حکومت نے سیاحت بالخصوص مذہبی سیاحت کے فروغ پر توجہ مرکوز رکھ ہے۔

وزیراعظم کا کہنا تھا کہ جنوبی کوریا کے بدھ راہبوں کے دورہ پاکستان سے امن اور تمام مذاہب کے مابین ہم آہنگی کے مشترکہ پیغام کو اجاگر کرنے میں مدد ملے گی۔

گلیات: پاکستان کے سب سے زیادہ مقبول ہل اسٹیشن گلیات کے راستے کی تمام رکاوٹیں دور کر لی گئی ہیں، گلیات ڈیویلپمنٹ اتھارٹی نے سیاحوں کو خوش خبری دی ہے کہ راستے صاف کر دیے گئے ہیں، وہ تفریح کے لیے گلیات آ سکتے ہیں۔

تفصیلات کے مطابق جی ڈے اے کے ترجمان احسن حمید نے بیان جاری کرتے ہوئے کہا ہے کہ ملک کے تفریحی مقام گلیات میں برف باری کا سلسلہ تھم گیا ہے، گلیات کی تمام سڑکوں کو کلیئر کر دیا گیا ہے، سیاح اب آسانی سے گلیات کے مختلف علاقوں کا سفر کر سکتے ہیں۔

ترجمان احسن حمید نے کہا کہ سیاح دوران سفر غلط پارکنگ سے اجتناب کریں، انتظامیہ کے ساتھ تعاون کیا جائے اور ایک زنجیر اپنے ساتھ ضرور رکھیں۔

خیال رہے کہ گزشتہ روز مری، گلیات، ایوبیہ اور نتھیا گلی میں ہلکی برف باری ہوئی تھی، جس کے بعد ایوبیہ سے مری تک بدترین ٹریفک جام رہا۔ گلیات کی سیاحت کو فروغ دینے کے لیے نومبر میں گلیات ڈیویلپمنٹ اتھارٹی نے برفانی سیزن کے پیش نظر انتہائی جدید مشینری بھی خرید لی ہے۔ جی ڈے اے نے کہا ہے کہ دنیا بھر سے سیاحوں کو خوش آمدید کہتے ہیں، گلیات آ کر سیاحوں کو اپنی زندگی کا یادگار تجربہ ہوگا، سڑکوں سے برف ہٹائے جانے کے بعد اب سیاح برف سے ڈھکے پہاڑوں کی وادی کے نظارے کر سکتے ہیں۔

یاد رہے کہ گلیات میں گزشتہ دنوں برف باری کے دوران آنے والے سیاحوں کو شدید مشکلات کا سامنا رہا، مقامی لوگوں نے گاڑی کے ٹائروں پہ زنجیر باندھنے کا منہ مانگا دام وصول کیا، گلیات میں بے بس سیاحوں کی مجبوری کا فائدہ اٹھانا معمول بن گیا ہے، جب کہ متعلقہ محکمے خاموش تماشائی بنے بیٹھے ہیں۔

گلیات ڈیویلپمنٹ اتھارٹی کی جانب سے سفر کے دوران مشکلات سے بچنے کے لیے چند احتیاطی تدابیر اختیار کرنے کی ہدایت کی گئی ہے، جی ڈی اے نے کہا ہے کہ حالیہ موسمی صورت حال کے پیش نظر گلیات اور ٹھنڈیاںی میں سفر مکمل احتیاط سے کیا جائے، گاڑی میں پیٹرول، گیس کی مناسب مقدار برقرار رکھیں، کھانے پینے کی اشیا اور پانی خاص طور پر خشک میوہ جات، بسکٹ وغیرہ اپنے ساتھ ضرور رکھیں۔ گاڑی کے ٹائروں میں ہوا کم رکھیں اور پھسلن سے بچنے کے لیے زنجیر کا استعمال کریں۔ گاڑی پہلے یا دوسرے گیئر میں چلائیں اور بریک کا استعمال کم کریں۔ برف پر چلنے والے جوتے استعمال کریں۔ عورتوں اور بچوں کو ساتھ لانے سے گریز کریں۔

کراچی: وزیر اعظم عمران خان کے وژن کے مطابق پاکستان میں سیاحت کے فروغ کے لیے ایک بڑا قدم اٹھا لیا گیا، ایک فضائی کمپنی کو 6 جنوری کو پہلا ٹی پی آر آئی لائسنس دیا جائے گا۔

تفصیلات کے مطابق وفاقی وزیر براۓ ہوا بازی غلام سرور خان نے کہا ہے کہ تمام شرائط پورے کرنے پر ائیر کرافٹ سیلز اور سروس لمیٹڈ کو چھ جنوری کو پہلا ٹی پی آر آئی لائسنس دیا جائے گا۔

اے آر وائی نیوز کے نمایندے کے مطابق کہ یہ کمپنی اپنی سیاحتی فروغ کی پروازیں جلد شروع کرے گی، اس کمپنی کے فلیٹ میں 3 ہوائی جہاز، بیچ 1900 ڈی، سیسنا 406-F اور کنگ ائیر 250 شامل ہیں۔

وفاقی وزیر نے بتایا کہ یہ کمپنی 2 بڑے جہاز لینے میں بھی دل چسپی رکھتی ہے، اور عن قریب 2 بڑے جہاز ایمبریر E 145 حاصل کرے گی، کمپنی کراچی، لاہور اور اسلام آباد سے پروازیں گوادر، تربت، موہنجو داڑو، گلگت اور اسکردو لے کر جائے گی۔

سول ایوی ایشن نے سیاحت کے فروغ کیلئے ٹی پی آر آئی لائسنس متعارف کرادیا

وفاقی وزیر کا کہنا تھا کہ ٹی پی آر آئی لائسنس سے ملکی اور غیر ملکی سیاحت کو فراغ ملے گا۔

خیال رہے کہ گزشتہ برس جون میں سول ایوی ایشن اتھارٹی نے نئی ایوی ایشن پالیسی کے تحت سیاحت کے فروغ کے لیے ٹی پی آر آئی لائسنس متعارف کرایا تھا، جسے ٹورازم پروموشن اینڈ ریجنل انٹیگریشن کا نام دیا گیا۔

پشاور: صوبہ خیبرپختونخواہ کے سینئر وزیر عاطف خان کا کہنا ہے کہ صوبے میں سیاحتی ترقی کے لیے منصوبوں پر کام جاری ہے، صوبے میں 4 مربوط سیاحتی زونز تعمیر کیے جا رہے ہیں۔

تفصیلات کے مطابق ہ خیبرپختونخواہ کے سینئر وزیر عاطف خان سے چین کے کمرشل قونصلر ڈاکٹر وینگ شینوا نے ملاقات کی۔ ملاقات میں مختلف شعبوں میں سرمایہ کاری، سی پیک اوررشکئی اکنامک زونز سے متعلق بھی تفصیلی گفتگو ہوئی۔

چین کے کمرشل قونصلر نے بہترین ملک قرار دینے پرسینئر وزیر عاطف خان کو مبارکباد دی۔ اس موقع پر صوبائی وزیر عاطف خان کا کہنا تھا کہ صوبے میں سیاحتی ترقی کے لیے منصوبوں پر کام جاری ہے، صوبے میں 4 مربوط سیاحتی زونز تعمیر کیے جا رہے ہیں۔

انہوں نے کہا کہ ایک ارب کی لاگت سے آرکیالوجیکل سائٹس کو محفوظ بنایا جا رہا ہے، ملاقات میں ایک دوسرے کے تجربات سے فوائد، مشترکہ کام کرنے پر بھی اتفاق کیا گیا۔ چینی قونصلر جنرل نے مختلف شعبوں میں سرمایہ کاری میں دلچسپی کا بھی اظہار کیا۔

امریکی سیاحتی میگزین نے 2020 کے لیے پاکستان کو بہترین ملک قرار دے دیا

یاد رہے کہ رواں ماہ 14 دسمبر کو امریکی میگزین کونڈی ناسٹ نے سیاحت کے لیے بہترین ممالک میں پاکستان کو نمبر ون قرار دیا، تھا امریکی میگزین کے مطابق 2020 میں پاکستان سیاحت کے لیے بہترین ملک ہوگا۔

کونڈی ناسٹ میگزین کا کہنا تھا کہ پاکستان تاریخی اور خوبصورت قدرتی مناظر سے مالا مال ہے، مذہبی سیاحتی لحاظ سے بھی پاکستان بہترین ملک بن گیا ہے، پاکستان امن کی بحالی کی وجہ سے سیاحت کے لیے بہترین ہے۔