Tag: سیاستدان

پاکستان بھر میں آج عیدالفطر مذہبی جوش وجذبے کے ساتھ منائی جا رہی ہے حکمراں طبقے اور سیاستدان اپنے آبائی علاقوں میں عید منا رہے ہیں۔

پاکستان سمیت ملک بھر میں آج عیدالفطر کا تہوار مذہبی جوش وجذبے کے ساتھ منایا جا رہا ہے۔ جس طرح عام شہری عید اپنے پیاروں کے درمیان کر رہے ہیں۔ اسی طرح حکمراں طبقہ اور سیاستدان بھی عید اپنے آبائی علاقوں میں اہلخانہ، دوست احباب اور حلقہ انتخاب کے افراد کے ساتھ منا رہے ہیں۔

صدر مملکت آصف علی زرداری نوابشاہ میں عید منا رہے ہیں۔ انہوں نے نماز عید زرداری ہاؤس میں ادا کی۔ نماز عید کی ادائیگی کے بعد صدر پاکستان عوام الناس سے ملے اور انہیں عید کی مبارکباد دی۔ ڈپٹی اسپیکر قومی اسمبلی غلام مصطفیٰ شاہ، صوبائی وزیر علی حسن لنجار ودیگر بھی موجود تھے۔

وزیر اعظم شہباز شریف اپنے صاحبزادے اور سابق وزیراعلیٰ پنجاب حمزہ شہباز کے ہمراہ لاہور میں عید منا رہے ہیں۔ انہوں نے ماڈل ٹاؤن میں نماز عید ادا کی اور لوگوں کو عید کی مبارکباد دی۔

چیئرمین سینیٹ یوسف رضا گیلانی نے ملتان، اسپیکر قومی اسمبلی ایاز صادق، وفاقی وزیر داخلہ محسن نقوی اور وفاقی وزیر مواصلات عبدالعلیم خان عیدالفطر لاہور میں نماز عید ادا کی۔

جمعیت علمائے اسلام کے سربراہ مولانا فضل الرحمان نے ڈی آئی خان میں، مسلم لیگ ن کے مرکزی رہنما رانا ثنا اللہ نے فیصل آباد، احسن اقبال نے نارووال اور رانا تنویر نے مرید کے میں نماز عید ادا کی۔

مسلم لیگ ن کے صدر اور سابق وزیراعظم نواز شریف نے صاحبزادوں حسن اور حسیننواز کے ہمراہ جاتی امرا لاہور میں نماز عید ادا کی۔ وزیر اعلیٰ پنجاب نے بھی جاتی امرا میں عید منائی۔ اس موقع پر ن لیگ کے کئی رہنما بھی موجود تھے۔

نماز عید کی ادائیگی کے بعد انہوں نے میاں شریف اور بیگم کلثوم نواز کی قبروں پر حاضری دی اور فاتحہ خوانی کی۔

پاکستان پیپلز پارٹی کے چیئرمین اور سابق وزیر خارجہ بلاول بھٹو لاڑکانہ میں عید منا رہے ہیں۔ انہوں نے گڑھی خدا بخش میں نماز عید ادا کی۔ وزیراعلیٰ سندھ سید مراد علی شاہ، سابق وزیراعلیٰ سید قائم علی شاہ، نثار کھوڑو، سراج درانی ودیگر پارٹی رہنماؤں نے بھی گڑھی خدا بخش میں نماز عید ادا کی۔

نماز عید کے بعد بلاول بھٹو نے شہریوں سے ملاقات کرکے انہیں عید کی مبارکباد پیش کی بعد ازاں انہوں نے شہدائے جمہوریت کے مزارات پر حاضری دی۔

بلاول بھٹو نے سابق وزرا اعظم اپنی والدہ بینظیر بھٹو، ذوالفقار علی بھٹو، نصرت بھٹو، میر مرتضیٰ بھٹو اور شاہنواز بھٹو کی قبروں پر پھول چڑھائے اور فاتحہ خوانی کی۔

وزیراعلیٰ کے پی علی امین گنڈاپور نے عیدالفطر کی نماز ڈی آئی خان میں الامین ہاؤس ڈیرہ پر ادا کی۔ نماز عید کے بعد وہ اہل علاقہ اور پارٹی کارکنوں سے عید ملے۔

وزیراعلیٰ بلوچستان سرفراز بگٹی نے کوئٹہ میں صوبائی وزرا، اراکین اسمبلی اور اعلیٰ حکام کے ہمراہ نماز عید ادا کی۔

گورنر سندھ کامران ٹیسوری نے گورنر ہاؤس کراچی جب کہ گورنرپنجاب سردار سلیم حیدر خان نے اپنے آبائی گاؤں دھرنال میں نماز عید ادا کی۔ اسپیکر پنجاب اسمبلی نے عید الفطر کی نماز آبائی گاؤں کھائی ہٹھاڑ قصور میں ادا کی۔

ایم کیو ایم پاکستان کے چیئرمین خالد مقبول صدیقی اور ڈاکٹر فاروق ستار نے گورنر ہاؤس کراچی، امیر جماعت اسلامی پاکستان حافظ نعیم نے ناظم آباد گراؤنڈ عیدگاہ میں، میئر کراچی مرتضیٰ وہاب نے پولو گراؤنڈ میں نماز عید ادا کی۔

سابق وزیر اعلیٰ پنجاب پرویز الٰہی اور وفاقی وزیر چوہدری سالک حسین نے عید نماز گجرات کی جامع مسجد خاتم النبین جھنڈے وال میں ادا کی۔ سابق وزیر داخلہ شیخ رشید ودیگر نے نماز عید لیاقت باغ میں ادا کی۔

اسلام آباد: جشن آزادی پر اسلام آباد کے کنونشن سینٹر میں پرچم کشائی کی تقریب جاری ہے، صدر مملکت عارف علوی نے پرچم فضا میں بلند کیا۔

اے آر وائی نیوز کے مطابق جشن آزادی کی مرکزی تقریب سے خطاب کرتے ہوئے صدر عارف علوی نے پیغام میں کہا کہ سیاستدان اور اسٹیک ہولڈرز درگزر کا رویہ اپنائیں، انصاف کیلئےضروری ہے کہ فریقین کوسناجائے۔

انہوں نے کہا کہ پوری قوم کو یوم آزادی پر مبارکباد پیش کرتا ہوں، پاکستان کیلئےکوششیں اور قربانیاں 1857 کی جنگ آزادی سے شروع ہوئیں،  آج بھی میرے فوجی، سویلین اور میری قوم مسلسل شہادتیں دے رہے ہیں۔

صدرمملکت کا کہنا تھا کہ دہشت گردی کیخلاف  جنگ میں ایک لاکھ جانیں قربان کی گئیں، آزادی اور جمہوریت کیلئے یہ قربانیاں دی گئیں، قانون و آئین کی بالادستی کے لئے قربانیاں دی گئیں۔

صدرعارف علوی کا کہنا تھا کہ ہمارے بزرگوں نے مساوات، مذہبی آزادی، بنیادی حقوق کیلئے جانیں قربان کیں، قرآنی تعلیمات پر عمل پیرا ہوکر اتحاد و یگانگت کی فضا قائم کی جاسکتی ہے، تعلیمات دین سیکھ کر دنیا اور آخرت کی کامیابی یقینی بنائی جاسکتی ہے۔

صدر مملکت نے کہا کہ ذخیرہ اندوزی سے اجتناب کریں، اللہ کی راہ میں خرچ کریں، سیاستدان اور اسٹیک ہولڈرز درگزر کا رویہ اپنائیں، انصاف کیلئے ضروری ہے کہ فریقین کو سنا جائے، انصاف نہ ہونے سے معاشرہ انتشار کا شکار ہوجاتا ہے۔

ان کا کہنا تھا کہ اسلام پرامن مذہب ہے، ہم اپنے نبیﷺاور قرآن سے محبت کرتے ہیں، اسلام کی بتائی ہوئی اقدار پر عمل کرنے میں ہی کامیابی ہے، تعلیم کو عام کر کے ملک سے غربت کا خاتمہ ممکن ہے۔

صدر عارف علوی نے کہا کہ 2 کروذ 70 لاکھ بچے اسکولوں سے باہر ہیں، ٹیکس دینے والے ٹیکس نہ دینے والوں کا بوجھ اٹھا رہے ہیں، ہماری ترجیح بہترین صحت کی سہولتوں کی فراہمی ہونی چاہیے، قومی ترقی میں خواندگی اور صحت کے مسائل اہمیت کے حامل ہیں۔

صدرعارف علوی نے خطاب میں مزید کہا کہ پاکستان قدرتی وسائل سے مالامال ملک ہے، انصاف سے ہی معاشرے ترقی کرتے ہیں، اخلاقی اقدار کی پستی کی وجہ سے دنیا میں انتشار ہے، حضورﷺنے عفودر گزر کی تلقین کی، قومی ترقی کیلئے اتحاد و یگانگت کی ضرورت ہے۔

پاکستان تحریک انصاف کے چیئرمین عمران خان نے کہا ہے کہ سیاستدان کو ہر وقت کسی کے بھی ساتھ مذاکرات کے لیے تیار رہنا چاہیے۔

سابق وزیر اعظم چیئر مین پی ٹی آئی عمران خان نے انڈیپنڈنٹ اردو کو انٹرویو دیتے ہوئے کہا کہ  آج گرفتاری کے 80 فیصد امکانات ہے، عدالتیں میری آخری امید ہیں۔

عمران خان کا کہنا تھا کہ سیاستدان کو ہر وقت کسی کے بھی ساتھ  مذاکرات کے لیے تیار رہنا چاہیے، کیوں کہ سیاستدان اختلافات کو مذاکرات کے ذریعے حل کرتے ہیں نہ کہ بندوقوں کے ذریعے۔

سابق وزیر اعظم کا کہنا تھا کہ تحریک انصاف کے 10 ہزار کارکنان بغیر کسی الزام جیل میں ہیں، وہ عدالت سے ضمانت لیتے ہیں جیسے ہی  باہر آتے ہیں دوبارہ اٹھا لیا جاتا ہے۔

عمران خان نے کہا کہ جو کچھ ہی ہو رہا ہے وہ غیرقانونی ہے، عدالتیں میری آخری امید ہیں، لیکن حکومت عدالتوں کا حکم نہیں مان رہی، جب عدالت ریلیف دیتی ہے تو حکومت پرواہ نہیں کرتی۔