اسلام آباد: ن لیگ نے حلقہ این اے ایک سو بائیس اور ایک سو چوّن سے ضمنی الیکشن لڑنے کا فیـصلہ کرلیا، وزیراعظم نوازشریف کی زیرصدارت پارٹی رہنماؤں کے اجلاس میں ایم کیوایم کے استعفوں سے پیدا شدہ صورتحال پر بھی غور کیا گیا۔
کپتان کی باؤنسرز کا مقابلہ کرنے کیلئے ن لیگ عوامی عدالت میں جائے گی، وزیراعظم نے ساتھوں سے مشاورت کرلی، اسلام آباد میں وزیراعظم کی زیرصدارت اعلی سطحٰ کا مشاورتی اجلاس ہوا جس میں ن لیگ نے حلقہ این اے 122 اور 154 سے ضمنی الیکشن لڑنے کا فیصلہ کرلیا۔
وفاقی وزیرپرویزرشید نے اجلاس کے بعد ن لیگ کے ضمنی الیکشن لڑنے کا اعلان کیا، ذرائع کے مطابق اجلاس میں وزیراعظم نے کہا کہ تحریک انصاف کیخلاف عوامی عدالت میں جانے سے نہیں گھبراتے، عوام نے پہلے بھی ن لیگ پراعتماد کا اظہارکیا۔
ذرائع کے مطابق اجلاس میں وزیراعظم کو ایم کیوایم سے مذاکرات کی تفصیلات سے بھی آگاہ کیا گیا اوراس کی رپورٹ بھی پیش کی گئی ۔
اجلاس میں وزیراعظم نے ایم کیوایم کے مطالبات اورتحفظات پرساتھیوں سے صلاح مشورہ کیا اور مزید مشاورت کیلئے مولانا فضل الرحمان کو بلوالیا ۔
