اسلام آباد: ایشین باکسنگ چیمپیئن سید آصف ہزارہ نے 7 ویں انٹرنیشنل فائٹ کا اعلان کر دیا۔
تفصییلات کے مطابق ایشین باکسنگ چیمپیئن سید آصف ہزارہ اپنی ساتویں انٹرنیشنل فائٹ لڑنے جا رہے ہیں، سید آصف 25 مارچ کو آسٹریلیا کے شہر میلبرن میں اپنے ڈبلیو بی ایل ٹائٹل کا دفاع کریں گے۔
سید آصف ہزارہ کا مقابلہ فجی کہ ٹاپ باکسر نتن نوین لال سے ہوگا، جس کے لیے انھوں نے اپنی ٹائٹل فائٹ کی تیاری شروع کر دی۔ آصف ہزارہ نے فائٹ کے حوالے سے کہا ’’میری کوشش ہوگی کہ ٹائٹل کا دفاع کروں اور پاکستان کا نام روشن کروں۔‘‘
ایشین چیمپیئن کا کہنا تھا کہ باکسنگ ایک مہنگا کھیل ہے جس کے لیے انھیں اسپانسر شپ کی ضرورت ہے، اور قوم سے اپیل ہے کہ ان کی کامیابی کے لیے دعا کریں۔
تھائی لینڈ میں قومی باکسر تیمور خان نے سبز ہلالی پرچم سربلند کردیا