سکھر: قومی اسمبلی میں قائدحزب اختلاف سید خورشید شاہ نے کہا ہے کہ نیب کاطریقہ کار غلط ہے، انہوں نے کہا کہ نیب کے حوالے سے وزیراعظم کو ایسی باتیں کرنے کی ضرورت نہیں۔
تفصیلات کے مطابق قائدحزب اختلاف سیدخورشیدشاہ نے بھی نیب کی تحقیقات کےطریقہ کار کوغلط قراردیدیا ہے۔ سکھر میں میڈیا سے بات کرتے ہوئے سید خورشید شاہ کا کہنا تھا کہ نیب کا طریقہ کار غلط ہے اسے ٹھیک کرنیکی ضرورت ہے۔
قائد حزب اختلاف نے کہا کہ پنجاب میں کارروائیوں پرسیخ پا نہیں ہونا چاہئیے۔ وزیراعظم کو ایسی باتیں کرنیکی ضرورت نہیں۔
خورشیدشاہ نےپٹھان کوٹ واقعےپر پوچھےگئےایک سوال کے جواب میں حکومت سے مطالبہ کیا کہ پٹھان کوٹ واقعے پر پارلیمنٹ کو بریفنگ دی جائے۔
اپوزیشن لیڈرکا کہنا تھا کہ ان کےعلم میں نہیں کہ چیئرمین نیب نے وزیر اعظم سےملاقات منسوخ کردی ہے۔ ان کاکہنا تھا کہ سندھ میں امن وامان کی صورتحال بہتر ہورہی ہے۔
شکارپور میں جاری آپریشن کامیاب ہونے کی امید ہے۔ لیڈر خورشید شاہ نے کہا کہ مجھے ذاتی طور پر نیب کے چیئرمین سے کوئی شکایت نہیں ،وزیراعظم نواز شریف اور میں نے نیب چیئرمین کا نام مقرر کیا تھا۔
