Tag: سید قائم علی شاہ
-
وسائل کی کمی دہشتگردوں تک رسائی میں رکاوٹ ہے، قائم علی شاہ
وزیر اعلیٰ سندھ سید قائم علی شاہ نے کہا ہے کہ دہشتگردوں تک رسائی میں وسائل کی کمی کی دیوار کھڑی ہے ۔
سکھر ایئرپورٹ پر میڈیا سے گفتگو میں وزیر اعلیٰ سندھ کا کہنا تھا کہ :کرا چی میں امن و امان کے حوالے سے بہت کام کرنا ہے، محکمہ پولیس میں وسائل کم ہونے کے باعث دہشتگرودں تک رسائی نہیں ہو رہی۔
انکا کہنا تھا کہ دہشتگردوں کے پاس جدید ہتھیار ہیں پولیس کو بکتر بند گاڑیاں فراہم کر کے دہشتگردوں کے خلاف بڑے پیمانے پر آپریشن کیا جائیگا، قائم علی شاہ نے کہا کہ بلدیاتی الیکشن کیلئے حکومتِ سندھ نے تیاری مکمل کر لی ہے، بلدیاتی الیکشن کی تاریخ مقرر کرنا الیکشن کمیشن اورعدالت کا کام ہے۔
-
مفتی عثمان قتل: سمیع الحق، فضل الرحمن، الطاف حسین اور وزیرَاعلی سندھ کی مذمت
جمعیت علما اسلام کے رہنما مولانا سمیع الحق نے مفتی عثمان یار پر فائرنگ کی شدید الفاظ میں مذمت کرتے ہوئے تین روزہ سوگ کا اعلان کردیا
جمعیت علما اسلام کے رہنما مولانا سمیع الحق کا کہنا ہے کہ سندھ حکومت عام لوگوں کو تحفظ دینے میں ناکام ہوگئی ہے۔
ان کا کہنا تھا کہ مفتی عثمان یار خان کی شہادت علمی دنیا کا بڑا سانحہ ہے ۔۔مولانا سمیع الحق کا کہنا تھا کہ کراچی میںکوئی محفوظ نہیں علما کرام کو بھی قتل کیا جارہا ہے انہوں نے بتایا کہ مفتی عثمان مرکزی ڈپٹی جنرل سیکریٹری اورسندھ کےامیرتھے۔
وزیراعلیٰ سندھ سید قائم علی شاہ نے آج مفتی عثمان یار خان کی گاڑی پر مسلح افراد کی فائرنگ سے انکے ساتھیوں سمیت انکے قتل کی سخت الفاظ میں مذمت کی ہے انہوں نے سوگوار خاندانوں کے ساتھ اپنے رنج و دکھ کا اظہار کیا ہے وزیراعلیٰ سندھ سید قائم علی شاہ نے مفتی عثمان یار خان اور انکی ساتھیوں کی شہادت کا نوٹس لیتے ہوئے آئی جی پولیس سندھ کو معاملے کی چھان بین کرنے اور قاتلوں کو جلد سے جلد گرفتار کرنے کے ہدایت کی ہے اور اسکے ساتھ ساتھ انہوں نے شہر کی اہم شاہراہوں پر مزید گشت بڑھانے اور حساس اداروں کو اپنے نیٹ ورک کو مزید موئثر بنانے کی بھی ہدایت کی ہے تاکہ آئندہ اس قسم کے ناخوشگوار واقعات سے بروقت نمٹا جاسکے۔
دوسری جانب وزیراعلیٰ سندھ سید قائم علی شاہ نے ایکسپریس ٹی وی چینل کی گاڑی پر فائرنگ کے نتیجے میں 3افراد کے قتل کی سخت الفاظ میں مذمت کی ہے انہوں نے سوگوار خاندانوں اور ایکسپریس ٹی وی کی انتظامیہ کے ساتھ اپنے رنج و دکھ کا اظہار کیا ہے۔ وزیراعلیٰ سندھ سید قائم علی شاہ نے ایکسپریس ٹی وی چینل کی ٹیم کی شہادت کا نوٹس لیتے ہوئے آئی جی پولیس سندھ سے فوری رپورٹ طلب کرتے ہوئے قاتلوں کو جلد سے جلد گرفتار کرنے کے ہدایت کی ہے اور کہا ہے کہ واقع شہر میں امن و امان کو بگاڑنے کی ایک سوچی سمجھی سازش ہے انہوں نے ٹی وی چینل کی انتظامیہ اور سوگوار خاندان کو انصاف مہیا کرنے کی بھی یقین دھانی کرائی۔
متحدہ قومی موومنٹ کے قائدالطاف حسین نے کراچی میں مسلح دہشت گردوں کی فائرنگ سے جمعیت علمائے اسلام( سمیع الحق گروپ )کے رہنمامفتی عثمان یارخان اوران کے دوساتھیوں کے بہیمانہ قتل کی شدیدمذمت کی ہےاپنے بیان میں الطاف حسین نے کہاکہ حکومت سندھ کی جانب سے کراچی میں قیام امن کیلئے ٹارگٹڈآپریشن کے دعوے کئے جارہے ہیں لیکن حکومت کے تمام تردعووں کے باوجود شہرمیں روزانہ قتل اوردہشت گردی کے واقعات ہورہے ہیں۔ لیکن حکومت کی جانب سے کوئی سنجیدہ ایکشن نہیں کیاجارہاہے ۔الطاف حسین نے حکومت سے مطالبہ کیاکہ مفتی عثمان یارخان اورانکے ساتھیوں کے بہیمانہ قتل کے واقعہ کی تحقیقات کرائی جائے اور قاتلوں کوفی الفورگرفتارکیا جائے۔
دوسری جانب جمعیت العلمائے اسلام (فضل) کے سربراہ مولانا فضل الرحمن نے بھی مفتی عثمان کے قتل کی شدید مذمت کرتے ہوئے کل احتجاج کا اعلان بھی کیا ہے۔
-
نواب شاہ سانحہ غفلت نہیں جرم ہے، قائم علی شاہ
وزیراعلیٰ سندھ قائم علی شاہ نے کہا ہے کراچی آپریشن پہلے کی طرح جاری رہے گا ،نواب شاہ سانحہ غفلت نہیں جرم ہے۔دولت پور حادثے میں جاں بحق ہونے والے بچوں کے لواحقین سے تعزیعت کرتے ہوئے وزیر اعلی سندھ کا کہنا تھا
نواب شاہ سانحہ غفلت نہیں جرم ہے ۔ان کا کہنا تھا سڑکوں پر اوور لوڈڈنگ کی روک تھام کے کیے اقدامات کر رہے ہیں ان کا ایک سوال کے جواب میں کہن اتھا کراچی میں پولیس افسران کے تبادلوں پر رینجرز اور پولیس میں کوئی تضاد نہیں۔
-
چوہدری اسلم پر حملے کی تحقیقات جلد مکمل کی جائے گی، قائم علی شاہ
وزیر اعلی سندھ سید قائم علی شاہ نے چوہدری اسلم کے اہل خانہ سے تعزیت کرتے ہوئے چوہدری اسلم کی بیوہ کو دو کروڑ روپے کا چیک پیش کیا ۔
ان کا کہنا تھا کہ اہل خانہ کو مکمل سیکیورٹی دی جائے گی اور نوکری کی عمر تک پہنچتے ہی ایک بیٹے کو پولیس میں نوکری بھی دی جائے گی ۔
وزیر اعلی سندھ کا کہنا تھا کہ چوہدری اسلم بہادرافسر تھے، قوم کو ان پر فخر ہے، بیوہ نورین اسلم نے کہا کہ وہ چاہتی ہیں ہے کہ ایک بیٹا پولیس میں شامل ہوکروالد کے مشن کوجاری رکھے
-
سندھ دھرتی ماں ہے، تقسیم کا خیال دل سے نکال دیں ، قائم علی شاہ
وزیراعلی سندھ سید قائم علی شاہ نے کہا ہے کہ سندھ دھرتی ماں ہے ، کسی کے دل میں تقسیم کا خیال ہے تو وہ اپنے دل سے نکال دے۔
سندھ سیکرٹریٹ کراچی میں میڈیا سے گفتگو میں وزیر اعلیٰ سندھ سید قائم علی شاہ کا کہنا تھا کہ سندھ ہماری دھرتی ماں ہے اور ماں کبھی ون اور ٹو نہیں ہوتی جن لوگوں کے دل میں تقسیم کا خیال ہے وہ اسے دل سے نکال دیں، قائم علی شاہ کاکہنا تھا کہ سندھ میں بلدیاتی انتخابات کا مستقبل عدالتی فیصلے سے وابستہ ہے۔
صوبے میں بلدیاتی انتخابات کی تاخیر کے ذمہ دار وہ لوگ ہیں جو حلقہ بندیوں پر عدالت گئے۔ وزیراعلی سندھ کا کہنا تھا کہ بلدیاتی انتخابات کیلئے حلقہ بندیوں پر عدالتی فیصلے کا ہمیں انتظار ہے جس کے بعد بلدیاتی انتخابات کی تاریخ کا فیصلہ ہوگا۔ سندھ حکومت صوبے میں بلدیاتی انتخابات کرانے کیلئے تیار ہے۔
