پاکستان شوبز انڈسٹری کے معروف ہدایت کار سید نور نے اداکارہ صائمہ سے دوسری شادی کرنے پر پہلی بیوی رخسانہ نور کے ردعمل سے متعلق بتایا ہے۔
حال ہی میں سید نور ایک پوڈ کاسٹ میں شرکت کی جہاں انہوں نے اپنی دوسری شادی سے متعلق کھل کر گفتگو کی۔
سید نور نے انکشاف کیا ہے پہلی بیوی رخسانہ کو میری دوسری شادی سے متعلق 4 سال بعد اخبار کے ذریعے ہوا، اس خبر کو پڑھنے کے بعد میری پہلی اہلیہ خاموش ہوگئیں اور انہوں نے مجھ سے بات کرنا بند کردیا لیکن ایک پڑوسی نے بات کی تو وہ مان گئیں۔
پاکستانی فلم انڈسٹری کی تباہی کے ذمہ دار شان اور سید نور ہیں: سعود قاسمی
ہدایت کار کا کہنا تھا کہ دونوں بیویوں کی پہلی ملاقات صائمہ اقبال ٹاؤن میں فلم کی شوٹنگ کے دوران ہوا، شوٹنگ کے دوران لوگ ان کے گرد جمع تھے اور انہیں پریشان کررہے تھے، صائمہ نے کسی قریبی گھر میں آرام کرنے کا فیصلہ کیا تو ڈرائیور انہیں میرے گھر لے آیا جو اقبال ٹاؤن میں تھا۔
سید نور نے بتایا کہ میری پہلی بیوی اس وقت گھرپر نہیں تھی، جب وہ واپس آئی تو اس نے پوچھا، گھر میں کون ہے؟ جواب دیا گیا کہ ’صائمہ‘ جس پر وہ چونک گئیں اور پھر وہ کچن کے اندر چلی گئیں۔
’’رخسار نے صائمہ کے لیے چائے تیار کی، اسے نوکروں کے حوالے کیا اور اپنے کمرے میں چلی گئیں، یہ میری پہلی اہلیہ کی طرف سے بہت اچھا اشارہ تھا‘‘
واضح رہے کہ سید نور پاکستان کے ایک تجربہ کار فلم ڈائریکٹر ہیں، انہوں نے ریما، شان، میرا، ریشم، ثنا، صائمہ اور دیگر کو متعارف کرایا، سید نور کی ہدایت کاری میں بننے والی قابل ذکر فلمیں ہیں۔
