ARYNews.tv | Urdu – Har Lamha Bakhabar

Tag: سیریز

  • محمد رضوان، بابر اعظم، نسیم شاہ، عبداللّٰہ شفیق فلوریڈا پہنچ گئے

    محمد رضوان، بابر اعظم، نسیم شاہ، عبداللّٰہ شفیق فلوریڈا پہنچ گئے

    پاکستانی ون ڈے ٹیم کے کپتان محمد رضوان، بابر اعظم، نسیم شاہ اور عبداللّٰہ شفیق 3 میچز پر مشتمل ون ڈے سیریز کے لئے فلوریڈا پہنچ گئے۔

    پاکستان اور ویسٹ انڈیز کے درمیان 3 میچز پر مشتمل ون ڈے سیریز رواں ماہ شیڈول ہے، سیریز کا پہلا میچ 8 اگست کو ٹرینیڈاڈ اینڈ ٹوبیگو میں کھیلا جائے گا۔

    پاکستان اور ویسٹ انڈیز کے درمیان ون ڈے سیریز کا دوسرا میچ 10 اور تیسرا میچ 12 اگست کو کھیلا جائے گا۔

    صائم ایوب نے پہلے ٹی 20 کا گیم پلان بتا دیا:

    پاکستانی ٹیم کے اوپنر بلے باز صائم ایوب نے ویسٹ انڈیز کے خلاف پہلے ٹی 20 کا گیم پلان بتا دیا۔

    پاکستان نے ویسٹ انڈیز کو پہلے ٹی 20 میچ میں 14 رنز سے شکست دے کر تین میچوں کی سیریز میں 1-0 کی برتری حاصل کرلی، صائم ایوب کو 57 رنز کی اننگز اور دو وکٹیں حاصل کرنے پر میچ کا بہترین کھلاڑی قرار دیا گیا۔

    صائم نے میچ کے بعد اپنی اور فخر زمان کی حکمت عملی کے بارے میں بات کی۔

    انہوں نے کہا کہ ہم دونوں کے پاس واضح گیم پلان تھا، فخر اور میں نے کریز پر وقت دینے اور غیر ضروری شاٹس کھیلنے سے گریز کرنے کا فیصلہ کیا۔

    صائم ایوب نے کہا کہ ہمیں اسپن پچ کی توقع تھی لیکن وہاں کے حالات فاسٹ بولرز کے حق میں تھے، پچ خشک تھی بعد میں اسپنرز کو مدد ملی اگر آئندہ میچوں میں بھی یہی حالات برقرار رہے تو اسپنرز کا اہم کردار ہوگا۔

    ویڈیو: ’آپ ایسے بات نہیں کرسکتے‘ کے ایل راہول امپائر سے الجھ پڑے

    اوپنر بیٹر نے کہا کہ ایسی چیلنجنگ سطح پر بیٹنگ کرنا آسان نہیں تھا، مسلسل شاٹس کھیلنا مشکل تھا، نئے بیٹرز کو سیٹ ہونے میں مشکل پیش آئی، ہمارا کمبی نیشن اچھا تھا اور ہر کھلاڑی نے صورت حال کے مطابق کھیلا۔

  • ویسٹ انڈیز کے خلاف سیریز کیلئے قومی ٹیم کا اعلان، اسکواڈ میں بڑی تبدیلیاں

    ویسٹ انڈیز کے خلاف سیریز کیلئے قومی ٹیم کا اعلان، اسکواڈ میں بڑی تبدیلیاں

    لاہور(25 جولائی 2025): پاکستان کرکٹ بورڈ نے ویسٹ انڈیز کے خلاف ون ڈے اور ٹی ٹوئنٹی انٹرنیشنل سیریز کیلئے قومی اسکواڈ کا اعلان کردیا۔

    ویسٹ انڈیز کیخلاف قومی ٹیم تین ٹی ٹوئنٹی انٹرنیشنل اور تین ون ڈے انٹرنیشنل میچز کھیلے گی، محمد رضوان کو ون ڈے انٹرنیشنل میں کپتان برقرار رکھا گیا ہے جبکہ بابراعظم اور شاہین شاہ آفریدی ون ڈے اسکواڈ میں شامل ہیں۔

    قومی ٹیم 27 جولائی کو امریکا پہنچے گی یہ سیریز امریکا میں کھیلی جائے گی، 31 جولائی، 2 اور3 اگست کو 3 ٹی 20 انٹرنیشنل میچز کھیلے جائیں گے جبکہ ون ڈے انٹرنیشنل میچز 8، 10 اور 12 اگست کو شیڈول ہیں۔

    15 کھلاڑیوں پر مشتمل ٹی ٹوئنٹی اسکواڈ کی کپتانی سلمان علی آغا کریں گے جبکہ ٹیم میں حارث رؤف، حسن علی، شاہین شاہ آفریدی، فہیم اشرف، فخر زمان، خوشدل شاہ، حسین طلعت، محمد نواز، حسن نواز، صائم ایوب، ابرار احمد، صاحبزادہ فرحان، محمد حارث اور سفیان مقیم شامل ہیں۔

    ون ڈے انٹرنیشنل کی 16 رکنی اسکواڈ کی کپتانی محمد رضوان کریں گے جبکہ ٹیم کے دیگر کھلاڑیوں میں سلمان علی آغا، بابر اعظم، عبداللہ شفیق، فہیم اشرف، فخر زمان ، حسن علی، شاہین شاہ آفریدی، نسیم شاہ، صائم ایوب، حسین طلعت، محمد نواز، حسن نواز، ابرار احمد، محمد حارث اور سفیان مقیم شامل ہیں۔

    یاد رہے  کہ ویسٹ انڈیز کے خلاف ون ڈے ٹیم میں سات تبدیلیاں کی گئیں، صائم ایوب، فخر زمان، محمد حارث کی ٹیم میں واپسی۔ ہوئی ہے جبکہ حسن نواز کو پہلی بار ون ڈے اسکواڈ میں شامل کیا گیا۔

     

    View this post on Instagram

     

    A post shared by Pakistan Cricket (@therealpcb)

  • پاک بنگلادیش ٹی 20 سیریز کے لیے ٹرافی کی رونمائی کردی گئی

    پاک بنگلادیش ٹی 20 سیریز کے لیے ٹرافی کی رونمائی کردی گئی

    ڈھاکہ: پاکستان اور بنگلہ دیش کے درمیان آئندہ تین میچوں کی ٹی ٹوئنٹی سیریز کی ٹرافی کردی گئی۔

    پاکستان اور بنگلادیش کے درمیان 3 ٹی ٹوئنٹی میچز کی سیریز کی ٹرافی کی رونمائی میں دونوں ٹیموں کے کپتانوں نے شرکت کی، ٹرافی کی رونمائی ڈھاکا کے مقامی ہوٹل میں کی گئی۔

    پاکستان کے سلمان علی آغا اور بنگلہ دیش کے لٹن داس، ٹرافی کے ساتھ پوز دیتے ہوئے نظر آئے، دونوں ٹیموں کے درمیان افتتاحی میچ کل 20 جولائی کو پاکستانی وقت کے مطابق شام 5:00 بجے شروع ہوگا۔

    واضح رہے کہ پاکستان اور بنگلا دیش کے درمیان تینوں میچ 20، 22 اور 24 جولائی کو ڈھاکہ کے مشہور شیرِ بنگلہ نیشنل کرکٹ اسٹیڈیم میں کھیلے جائیں گے۔

    اس سیریز کیلئے پاکستان کی ٹیم ڈھاکہ پہنچ گئی ہے قومی ٹیم نے جمعرات کو آرام کے دن کے بعد جمعہ کو شیرِ بنگلہ اسٹیڈیم میں اپنا پہلا تربیتی سیشن کیا۔

  • بنگلہ دیش کیخلاف سیریز، پاکستان ٹیم ڈھاکا پہنچ گئی

    بنگلہ دیش کیخلاف سیریز، پاکستان ٹیم ڈھاکا پہنچ گئی

    بنگلہ دیش کے خلاف تین ٹی 20 میچوں پر مشتمل سیریز کھیلنے کے لیے پاکستان کرکٹ ٹیم ڈھاکا پہنچ گئی ہے۔

     اے آر وائی نیوز کے مطابق گرین شرٹس دو دستوں کی صورت میں بنگلہ دیش پہنچے ہیں۔

    پہلے دستے میں کپتان سلمان علی آغا، صائم ایوب، فخر زمان، محمد نواز، ابرار احمد، خوشدل شاہ، فہیم اشرف سمیت سپورٹنگ اسٹاف شامل ہے، جو آج صبح ڈھاکا پہنچا تھا۔

     جب کہ پاکستان ٹیم کا دوسرا گروپ آج صبح کراچی سے روانہ ہوا تھا، جو بدھ کی شامل بنگلہ دیش پہنچ گیا۔

    قومی ٹیم کے دوسرے دستے میں محمد حارث، عباس آفریدی، صاحبزادہ فرحان، حسن نواز، سفیان مقیم، حسین طلعت، احمد دانیال، سلمان مرزا اور اسپورٹ اسٹاف کے ارکان شامل ہیں۔

     

    تمام کھلاڑی آج اور کل آرام کریں گے جس کے بعد سیریز کے لیے پریکٹس کا آغاز ہوگا۔
    گرین شرٹس ہوم گراؤنڈ میں کامیابی کے بعد اوے سیریز جیتنے کا مشن لے کر بنگلہ دیشی سر زمین پر اتری ہے۔ تین میچوں کی سیریز کا آغاز 20 جولائی سے ہوگا۔ سیریز کے تمام میچز ڈھاکا میں شیڈول ہیں۔

    بنگلہ دیش کرکٹ بورڈ نے بھی سیریز کے لیے بھرپور تیاریاں کی ہیں اور میچز کے ٹکٹوں کی قیمت اور فروخت کا اعلان کر دیا ہے۔ ٹکٹ کی کم سے کم قیمت 300 ٹکا مقرر کی گئی ہے۔

    دوسری جانب بنگلہ دیش کرکٹ بورڈ نے تاحال پاکستان کے خلاف سیریز کے لیے اپنے اسکواڈ کا اعلان نہیں کیا ہے۔ کل بنگال ٹائیگرز اور سری لنکا کے درمیان جاری ٹی 20 سیریز کے آخری میچ کے بعد اسکواڈ کا اعلان متوقع ہے۔

  • آئرلینڈ کرکٹ بورڈ‌ نے افغانستان کیخلاف سیریز ملتوی کر دی، وجہ کیا ہے؟

    آئرلینڈ کرکٹ بورڈ‌ نے افغانستان کیخلاف سیریز ملتوی کر دی، وجہ کیا ہے؟

    آئرلینڈ کرکٹ بورڈ نے رواں برس جولائی میں افغانستان ٹیم کی میزبانی سے معذرت کرتے ہوئے سیریز ملتوی کر دی ہے۔

    دنیائے کرکٹ میں تیزی سے ابھرنے والے دو ٹیموں افغانستان اور آئرلینڈ کے درمیان تینوں فارمیٹ کے میچز پر مشتمل سیریز رواں برس ہونی تھی تاہم آئرش بورڈ نے چند ماہ قبل ہی افغانستان ٹیم کی میزبانی سے معذرت کرتے ہوئے یہ سیریز ملتوی کر دی ہے۔

    آئرلینڈ کرکٹ بورڈ کی جانب سے سیریز ملتوی کرنے کا اعلان ایسے وقت سامنے آیا ہے جب افغانستان کی خواتین کرکٹ ٹیم پر طالبان حکومت کی جانب سے پابندی عائد کیے جانے کے بعد جہاں کرکٹ حلقہ اس کے خلاف آواز بلند کر رہے ہیں وہیں انسانی حقوق کی عالمی تنظیم نے بھی آئی سی سی سے افغانستان ٹیم کی رکنیت معطل کرنے کا مطالبہ کر دیا ہے۔

    تاہم کرکٹ آئرلینڈ کا کہنا ہے کہ سیریز کے التوا کا تعلق افغان ویمن کرکٹ ٹیم پر پابندی کی وجہ سے نہیں بلکہ بورڈ مالی طور پر افغانستان کی میزبانی کے لیے تیار نہیں ہے۔

    اگر آئرلینڈ کرکٹ کی مصروفیات دیکھیں تو ویسٹ انڈیز مئی جون میں آئرلینڈ میں محدود اوورز کے میچز کھیلے گا جس کے بعد انگلینڈ ستمبر میں تین ٹی ٹوئنٹی میچز کی سیریز کے لیے پہنچے گا۔

    اس درمیان آئرلینڈ کو جولائی میں ایک ٹیسٹ، تین ون ڈے اور تین ٹی ٹوئنٹی میچز کے لیے افغانستان کی میزبانی کرنی تھی، جس سے اس نے معذرت کر لی ہے۔

    https://urdu.arynews.tv/demand-for-icc-to-suspend-afghanistan-cricket-team/

  • ’ڈبہ کارٹیل‘ ٹفن میں منشیات فروخت کرنے والی 5 خواتین کی دلچسپ کہانی

    ’ڈبہ کارٹیل‘ ٹفن میں منشیات فروخت کرنے والی 5 خواتین کی دلچسپ کہانی

    مڈل کلاس خواتین اور ان کے خاندانوں کی انوکھی کہانی پر مبنی نیٹ فلکس کی نئی ویب سیریز ’ڈبہ کارٹیل‘ کا ٹیزر جاری کردیا گیا۔

    ایکسل انٹرٹینمنٹ کی جانب سے پیش کردہ اور ہتیش بھاٹیہ کی ہدایت کاری میں بننے والی اس سیریز کو فلمساز فرحان اختر اور شیبانی ڈانڈیکر نے تیار کیا ہے، ڈبہ کارٹیل ایک دلچسپ ڈرامے پر مبنی کہانی ہے۔

    اس سیریز کی کہانی مہاراشٹر کے ضلع تھانے کی 5 مڈل کلاس خواتین کے گرد گھومتی ہے جو ٹفن ڈلیوری سروس کے ذریعے منشیات کا کاروبار شروع کرتی ہیں۔

    اس سیریز میں شبانہ اعظمی، جیوتیکا، فرحان اختر، نمیشا سجین، انجلی آنند، گجراج راؤ، سائی تمہنکر، للت دوبے اور جشو سینگپتا نے مرکزی کردار ادا کیا ہے۔

    31 جنوری کو جاری کردہ ٹیزر میں دکھایا گیا کہ ٹفن سروس فراہم کرنے والی عام خواتین کی زندگی اس وقت بدل جاتی ہے جب وہ منشیات کے کارٹیل میں ملوث ہو جاتی ہیں، ٹیزر کے آخر میں جیوتیکا، شبانہ سے کہتی ہیں، ’تو یہ ہے تمہارا نارکوس تھانے؟‘

    شیبانی ڈانڈیکر نے سیریز کے متعلق گفتگو کرتے ہوئے بتایا کہ دلچسپ بات یہ ہے کہ جب آپ کو ایک چھوٹا سا خیال آتا ہے اور آپ مصنفین کے ساتھ بیٹھتے ہیں اور ایکسل انٹرٹینمنٹ، نیٹ فلکس، اور ہتیش بھاٹیہ کے ساتھ کام کرتے ہیں تو وہ خیال ایک بڑے پروجیکٹ میں تبدیل ہو جاتا ہے۔

    فرحان اختر نے اس سیریز سے متعلق کہا کہ یہ ایک دلچسپ شو ہے اور کافی خاص بھی کیونکہ اس شو کی خالق شیبانی ہیں، یہی وجہ ہے کہ اس سیریز کو میرے دل میں ایک خاص جگہ حاصل ہے۔

    واضح رہے کہ ڈبہ کارٹیل رواں ماہ 28 فروری کو او ٹی ٹی پلیٹ فارم نیٹ فلکس پر ریلیز ہوگی۔

  • ’پاکستان سے شکست توہین آمیز ہے‘ برطانوی میڈیا نے انگش ٹیم کو آڑے ہاتھوں لے لیا

    ’پاکستان سے شکست توہین آمیز ہے‘ برطانوی میڈیا نے انگش ٹیم کو آڑے ہاتھوں لے لیا

     پاکستان کے ہاتھوں سیریز میں ناکامی پر برطانوی میڈیا نے انگش ٹیم کو آڑے ہاتھوں لے لیا۔

    راولپنڈی ٹیسٹ میں پاکستانی اسپنرز کی شاندار بولنگ کی بدولت انگلینڈ کی ٹیم دوسری اننگز میں 112 رنز پر آؤٹ ہوگئی تھی اور پاکستان کو جیت کے لیے 36 رنز کا ہدف ملا جو پاکستان نے ایک وکٹ کے نقصان پر پورا کر لیا۔

    نعمان علی نے سیریز میں 20 اور ساجد خان نے 19 کھلاڑیوں کو آؤٹ کیا جب کہ ساجد خان کو شاندار بولنگ پر انہیں سیریز کا بہترین کھلاڑی قرار دیا گیا۔

     برطانوی میڈیا ڈیلی میل نے لکھا انگلینڈ پاکستان کے ہاتھوں رسوا ہوا، سب سے کم اسکور کے ساتھ سیریز میں زبردست شکست کا سامنا کرناپڑا۔

    بی بی سی نےساجد اور نعمان کی تصویرکے ساتھ لکھا انگلینڈ اسپن سے ہار گیا جبکہ ٹیلی گراف نے بھی انگلش ٹیم کی کلاس لی، اسکائی اسپورٹس نے لکھا بین اسٹوکس کی سائڈ راولپنڈی میں ڈھیر ہوگئی۔

    پنڈی ٹیسٹ میں انگلینڈ کو 9 وکٹوں سے شک

  • بھارت نے آسٹریلیا سے سیریز کیلئے اسکواڈ کا اعلان کردیا

    بھارت نے آسٹریلیا سے سیریز کیلئے اسکواڈ کا اعلان کردیا

    آسٹریلیا کے خلاف ٹیسٹ سیریز کیلیے بھارت کی جانب سے اسکواڈ کا اعلان کردیا گیا ہے۔

    رپورٹس کے مطابق بھارتی کرکٹ ٹیم آسٹریلیا میں 5 ٹیسٹ میچز کی سیریز کھیلے گی، دونوں ٹیموں کے درمیان بورڈر، گواسکر ٹرافی کا انعقاد 22 نومبر سے ہوگا۔

    روہت شرما بھارت کے 18 رکنی اسکواڈ کی قیادت کریں گے جبکہ جسپریت بمرا نائب کپتانی کے فرائض انجام دیں گے۔

    بھارتی ٹیم میں کے ایل راہول، رشبھ پنت، شبمن گل، ویرات کوہلی، سرفراز خان، اشون، رویندر جدیجا، محمد سراج، آکاش دیپ، پراسدھ کرشنا، ہرشٹ رانا، نتیش کمار ریڈی، واشنگٹن سندر،ابھی منیوشامل ہیں۔

    بھارتی بورڈ کی جانب سے دورہ آسٹریلیا کیلیے 3 ٹریولنگ ریزرو کا بھی اعلان کیا گیا ہے، جن میں مکیش کمار، نوادیپ اور خلیل احمد شامل ہیں۔

    ڈیوڈ وارنر سے بڑی پابندی اٹھا لی گئی

    اس سے قبل بھارت کی جانب سے جنوبی افریقہ کے خلاف ٹی 20 سیریز کیلیے بھی 15 رکنی اسکواڈ کا اعلان کیا جاچکا ہے، جس کی قیادت سوریا کماریادیو کریں گے۔

  • پاکستان اور آئرلینڈ کے درمیان پہلا ٹی ٹوئنٹی آج ڈبلن میں کھیلا جائے گا

    پاکستان اور آئرلینڈ کے درمیان پہلا ٹی ٹوئنٹی آج ڈبلن میں کھیلا جائے گا

    ڈبلن: پاکستان اور آئرلینڈ کے درمیان تین میچز پر مشتمل سیریز میں سے پہلا ٹی ٹوئنٹی انٹرنیشنل آج کھیلا جائے گا۔

    تفصیلات کے مطابق پاک آئرلینڈ کے درمیان پہلا ٹی ٹوئنٹی میچ آج ڈبلن میں کھیلا جائے گا، قومی ٹیم نے گزشتہ روز بھرپور پریکٹس سے تیاری بھی فائنل کرلی۔

    سیریز کی ٹرافی کی رونمائی بھی کردی گئی، اس موقع پر کپتانوں نے تصویریں بنوائیں جبکہ قومی اسکواڈ کا پری سیریز فوٹو شوٹ بھی ہوا۔

    دوسری جانب قومی ٹیم کے فاسٹ بولر محمد عامر کو بھی ڈبلن کا ویزا مل گیا، وہ آج قومی اسکواڈ کو جوائن کرنے کے لیے روانہ ہوجائیں گے۔

    قومی ٹیم کے فاسٹ بولر محمد عامر اتوار اور منگل کو کھیلے جانے والے دوسرے اور تیسرے ٹی ٹوئنٹی انٹرنیشنل کے لیے دستیاب ہوں گے واضح رہے کہ ویزے کی وجہ سے محمد عامر ٹیم کے ہمراہ آئرلینڈ روانہ نہیں ہوسکے تھے۔

    پاکستان اور آئرلینڈ کے درمیان تین ٹی ٹوئنٹی انٹرنیشلز 10، 12 اور 14 مئی کو ڈبلن میں کھیلے جائیں گے، آئرلینڈ کا دورہ مکمل کرکے پاکستان کرکٹ ٹیم انگلینڈ پہنچے گی جہاں اسے انگلینڈ کے خلاف 4 ٹی ٹوئنٹی انٹرنیشنل میچوں کی سیریز کھیلنا ہے۔

    انگلینڈ اور قومی ٹیم کے درمیان کھیلے جانے والے یہ میچ 22 سے30 مئی تک ہوں گے۔

  • پاکستان اور آسٹریلیا کی ٹیمیں اتوار سے پرتھ میں ڈیرے ڈالیں گی

    پاکستان اور آسٹریلیا کی ٹیمیں اتوار سے پرتھ میں ڈیرے ڈالیں گی

    قومی کرکٹ ٹیم اور پرائم منسٹر الیون کی ٹیمیں اتوار سے پرتھ میں ڈیرے ڈالیں گی، دونوں ٹیمیں 14 دسمبر سے شروع ہونے والے ویسٹ ٹیسٹ میں شرکت کریں گی۔

    تفصیلات کے مطابق تین میچز پر مشتمل سیریز کا پہلا ٹیسٹ پرتھ اسٹیڈیم میں کھیلا جائے گا، پیٹ کمنز کی قیادت میں آسٹریلیا کرکٹ ٹیم کل پرتھ پہنچے گی۔

    سیریز کے لیے پرائم منسٹر الیون کی ٹیم اتوار سے تربیتی سیشن کا آغاز کرے گی، ہیڈ کوچ اینڈریو میکڈونلڈ سیشن کے بعد میڈیا کانفرنس میں شرکت کریں گے۔

    دوسری جانب پاکستانی اسکواڈ اتوار کو کینبرا سے پرتھ روانہ ہوگا، قومی ٹیم  پیر سے ٹریننگ کا آغاز کرے گی، پاکستانی اسکواڈ کا ایک رکن پریکٹس سیشن کے بعد میڈیا سے بات چیت کے لیے دستیاب ہوگا۔

    ویسٹ ٹیسٹ کی خاص بات یہاں ٹیسٹ سیریز لانچ کا انعقاد ہے، جو پیر کو منعقد ہوگا، بارہ دسمبر کو اسٹیو اسمتھ پریکٹس سیشن سے قبل پرتھ اسٹیڈیم میں میڈیا سے گفتگو کریں گے۔

    پاکستانی ٹیم دوپہر کو یہاں اپنی ٹریننگ کا آغاز کرے گی، تیرہ دسمبر کو دونوں کپتان بینو قادر ٹرافی کے فوٹو شوٹ میں شرکت کریں گے، ٹرافی شوٹ کے بعد دونوں کپتان پریس کانفرنس میں شرکت کریں گے۔