ARYNews.tv | Urdu – Har Lamha Bakhabar

Tag: سیز فائر کی خلاف ورزی

  • بھارتی میڈیا کا پاکستان پر سیز فائر کی خلاف ورزی کا جھوٹا الزام

    بھارتی میڈیا کا پاکستان پر سیز فائر کی خلاف ورزی کا جھوٹا الزام

    بھارتی میڈیا نے ایک بار پھر منفی پروپیگنڈہ کرتے ہوئے پاکستان پر سیز فائر کی خلاف ورزی کا الزام عائد کر دیا جس کی تردید بھارتی فوج نے کر دی۔

    بھارتی میڈیا جو پاکستان کے خلاف ہر وقت منفی پروپیگنڈے کے تانے بانے بنتا رہتا ہے۔ اب ایک اور جھوٹ گھڑ لایا اور پاکستان پر سیز فائر کی خلاف ورزی کا الزام عائد کر دیا۔

    بھارتی میڈیا نے ایک بار پھر منفی پروپیگنڈے کو فروغ دیتے ہوئے جھوٹا الزام عائد کیا کہ پاکستاننے سیز فائر کی خلاف ورزی کرتے ہوئے لائن آف کنٹرول (ایل او سی) پر فائرنگ کی۔

    تاہم گودی میڈیا کو اس وقت منہ کی کھانی پڑی جب خود بھارتی فوج نے ان خبروں کو من گھڑت قرار دیا اور اپنے میڈیا کے پاکستان پر سیز فائر کی خلاف ورزی کے الزام کو جھٹلاتے ہوئے واضح کیا کہ پاکستان کی جانب سے ایل او سی پر سیز فائر کی کوئی خلاف ورزی نہیں ہوئی ہے۔

    واضح رہے کہ یہ پہلی بار نہیں جب بھارت نے پاکستان کے خلاف منفی پروپیگنڈا کیا ہو۔ جنگ کا میدان ہو یا کھیل کا، گودی میڈیا ہمیشہ من گھڑت اور پاکستان مخالف پروپیگنڈا خبروں سے دنیا کو گمراہ کرنے کی کوشش کرتا ہے۔

    آکسفورڈ سے صحافت کے ماہر راسموس کلیس نیلسن کی بھارتی میڈیا پروپیگنڈے پر کڑی تنقید

    تاہم اب دنیا کی آنکھیں کھل چکی ہیں اور وہ بھارتی میڈیا کے منفی پروپیگنڈے میں نہیں آتے۔ خود بھارت میں انڈین میڈیا کی جھوٹی خبروں پر تنقید ہو رہی ہے۔

    https://urdu.arynews.tv/fake-news-watchdog-india-pakistan-war/

  • سیز فائر کی خلاف ورزی: سینئر بھارتی سفارتکار کی دفتر خارجہ طلبی

    سیز فائر کی خلاف ورزی: سینئر بھارتی سفارتکار کی دفتر خارجہ طلبی

    اسلام آباد: بھارتی فوج کی جانب سے سیز فائر کی خلاف ورزی پر سینئر بھارتی سفارتکار کو دفتر خارجہ طلب کر لیا گیا، پاکستان کی جانب سے سیز فائر کی خلاف ورزی پر شدید احتجاج کیا گیا۔

    تفصیلات کے مطابق 14 اگست کو بھارتی فوج کی جانب سے لائن آف کنٹرول پر سیز فائر کی خلاف ورزی پر سینئر بھارتی سفارتکار کو دفتر خارجہ طلب کر لیا گیا۔

    جنگ بندی معاہدے کی خلاف ورزی پر پاکستان نے بھارت سے شدید احتجاج کیا۔

    ترجمان دفتر خارجہ کا کہنا تھا کہ بھارتی فوج کی جانب سے 14 اگست کو بھارتی فوج نے سیز فائرکی خلاف ورزی کی، بھارتی فوج نے ڈھڈنیال سیکٹر پر فائرنگ کی جس سے 3 سالہ بچی زخمی ہوئی۔

    دفتر خارجہ نے کہا کہ بھارت رواں سال 19 سو 80 مرتبہ سیز فائر کی خلاف ورزی کر چکا ہے، بھارتی فوج کی فائرنگ سے رواں سال 16 افراد شہید اور 160 زخمی ہوئے ہیں۔

    خیال رہے کہ 14 اگست سے قبل 5 اگست کو بھی بھارتی فوج نے لائن آف کنٹرول پر بلا اشتعال فائرنگ کی تھی جس سے گاؤں فتح پور میں 18 سالہ دوشیزہ شہید اور خواتین و بچیوں سمیت 6 افراد زخمی ہوگئے تھے۔

    آئی ایس پی آر کا کہنا تھا کہ بھارتی فوج نے تتہ پانی سیکٹر پر شہری آبادی کو جان بوجھ کر نشانہ بنایا، بھارتی فائرنگ سے گاؤں فتح پور میں 18 سال کی لڑکی شہید ہوگئی تھی۔

  • پاکستان کے عوام اور مسلح افواج جارحیت سے نمٹنے کے لیے تیار ہیں: وزارت خارجہ

    پاکستان کے عوام اور مسلح افواج جارحیت سے نمٹنے کے لیے تیار ہیں: وزارت خارجہ

    اسلام آباد: وزارتِ خارجہ نے کہا ہے کہ پاکستان کے کسی قسم کے جارحانہ عزائم نہیں ہیں، تاہم پاکستان کے عوام اور مسلح افواج کسی بھی جارحیت سے نمٹنے کے لیے تیار ہیں۔

    تفصیلات کے مطابق دفتر خارجہ کے ترجمان نے کہا ہے کہ پاکستان نے غیر ملکی سفارت کاروں اور ذرایع ابلاغ کو ایل او سی کا دورہ کرایا جہاں بھارتی فوج کی جانب سے سیز فائر کی خلاف ورزی کی گئی، اور بھارتی آرمی چیف کے جھوٹ کو بے نقاب کر دیا۔

    ترجمان دفتر خارجہ نے کہا کہ پاکستان نے بھارتی ہائی کمیشن سے کہا کہ لانچنگ پیڈ کا محل وقوع بتایا جائے لیکن اب تک بھارتی ہائی کمیشن کی طرف سے کوئی جواب نہیں دیا گیا، بھارتی ہائی کمیشن کے حکام کو بھی دورے کے لیے مدعو کیا گیا تھا لیکن وہ نہیں گئے، بھارت کا تفصیلات نہ دینا اس کے جھوٹ کو بے نقاب کرنے کے لیے کافی ہے۔

    یہ بھی پڑھیں:  غیرملکی سفارتکاروں اورمیڈیا کا ایل اوسی جورا سیکٹر کا دورہ

    انھوں نے کہا کہ جھوٹ بھارت کی ریاستی پالیسی اور غاصبانہ عزائم کا حصہ ہے، بھارت کا رویہ خطے میں امن و استحکام کے لیے سخت خطرے کا باعث ہے، بھارت کی کوشش ہے مقبوضہ کشمیر میں مظالم سے توجہ ہٹائی جائے۔

    ترجمان نے بتایا کہ بھارت کی جانب سے ایل او سی پر سیز فائر کی خلاف ورزی سے علاقے میں 5 پاکستانی شہری شہید، اور 6 زخمی ہوئے تھے، سفارت کاروں کو جورا لے جایا گیا تاکہ وہ خود صورت حال کا جائزہ لے سکیں، انھوں نے خود شہریوں کے جانی و مالی نقصانات کو دیکھا، اور مظفر آباد میں زخمیوں سے بھی ملاقات کی۔

  • کھوئی رٹہ سیکٹر میں بلا اشتعال فائرنگ، بھارتی ناظم الامور کی دفتر خارجہ طلبی

    کھوئی رٹہ سیکٹر میں بلا اشتعال فائرنگ، بھارتی ناظم الامور کی دفتر خارجہ طلبی

    اسلام آباد: بھارتی فوج کی ایل او سی پر سیز فائر کی شدید اور مسلسل خلاف ورزیوں پر ایک بار پھر بھارتی ناظم الامور کی دفتر خارجہ طلبی کی گئی ہے۔

    ترجمان دفتر خارجہ کے مطابق بھارتی ناظم الامور کو دفتر خارجہ طلب کر کے لائن آف کنٹرول پر سیز فائر کی خلاف ورزی پر شدید احتجاج کیا گیا، اس موقع پر بھارتی ڈپٹی ہائی کمشنر کو احتجاجی مراسلہ بھی تھمایا گیا۔

    ایل او سی پر سیز فائر معاہدے کی خلاف ورزی پر پاکستان نے شدید احتجاج کرتے ہوئے کہا ہے کہ بھارتی فوج نے ایل او سی کے کھوئی رٹہ سیکٹر میں گزشتہ روز بلا اشتعال فائرنگ کی جس سے چار معصوم شہری زخمی ہوئے۔

    ترجمان دفتر خارجہ نے کہا کہ بھارتی فوج تسلسل سے شہری آبادی کو نشانہ بنا رہی ہے، بھارت کی جانب سے 2017 سے جنگ بندی کی خلاف ورزیوں میں تیزی آئی ہے، بھارت 2 سال میں 1970 بار جنگ بندی کی خلاف ورزی کر چکا ہے۔

    دفترخارجہ کا کہنا ہے کہ جان بوجھ کر شہری آبادی کو نشانہ بنانا انسانی حقوق کی خلاف ورزی ہے، بھارت کی جنگ بندی کی خلاف ورزی علاقائی امن کے لیے خطرہ ہے، اس سے تزویراتی غلط فہمی پیدا ہو سکتی ہے۔

    پاکستان نے بھارت پر زور دیا کہ 2003 کی جنگ بندی مفاہمت کا احترام کرے، بھارت اپنی افواج کو جنگ بندی پر مکمل عمل درآمد کی ہدایت کرے، ایل او سی اور ورکنگ باؤنڈری پر بھارت امن برقرار رکھے، اور امن مشن کو سلامتی کونسل کی قراردادوں کے مطابق کردار ادا کرنے دے۔

  • ورکنگ باؤنڈری پربھارت کی بلااشتعال فائرنگ،خاتون سمیت 2 افراد شہید،3افراد زخمی

    ورکنگ باؤنڈری پربھارت کی بلااشتعال فائرنگ،خاتون سمیت 2 افراد شہید،3افراد زخمی

    شکرگڑھ : ورکنگ باؤنڈری پربھار ت کی بلااشتعال فائرنگ سے خاتون سمیت 2 افراد شہید اور رینجرز اہلکار سمیت 3 افراد زخمی ہوگئے۔

    آئی ایس پی آر کے مطابق رواں برس بھارتی فوج نےچھٹی مرتبہ جارحیت کامظاہرہ کیا اور بھاری ہتھیاروں سے سویلین آبادی کونشانہ بنایا، بھارت کی جانب سے ظفروال اور شکرگڑھ کے علاقوں پرمارٹرگولے داغے گئے اور فائرنگ کی گئی، چناب رینجرز نے بھارت کی بلااشتعال فائرنگ کا منہ توڑ جواب دیا،جس کے نتیجے میں بھارتی فوج کوبھاری نقصان پہنچنے کی اطلاعات ہیں۔

  • ورکنگ باؤنڈری پر سیز فائر کی خلاف ورزی

    ورکنگ باؤنڈری پر سیز فائر کی خلاف ورزی

    شکر گڑھ: بھارت کی جانب سے ایک بار شکر گڑھ کے قریب ورکنگ باؤنڈری پر سیز فائر کی خلاف ورزی کرتے ہوئے بلااشتعال فائرنگ کی گئی ہے۔

    رینجرز حکام کے مطابق رات دیر گئے شروع ہونے والا فائرنگ کا یہ سلسلہ صبح تک جاری رہا ، حکام کے مطابق پاکستان کی جانب سے بھارتی فائرنگ کا بھرپور اور منہ توڑ جواب دیا گیا، جس پر بھارتی توپیں خاموش ہوگئیں ہیں۔

    دفاعی ماہرین نے بھارت کی جانب سے اس اشتعال انگیزی کو بین الاقوامی قوانین کی صریح خلاف ورزی قرار دیا ہے۔

    دو روز قبل پاکستان کی جانب سے غلطی سے لائن آف کنٹرول پار کرنے والی کھوئی رٹہ کی بارہ سالہ نسرین کو بھارت کے حوالے کیا گیا جبکہ اگلے روز رینجرز اہلکاروں کو فلیگ میٹنگ کے بہانے بلا کر فائرنگ کا ناشنہ بنایا گیا، جو بعد ازاں شہید ہوگئے ہیں۔

    واقعات کے مطابق پاکستان ماضی قریب میں انڈین بارڈر سکیورٹی فورس کے اہلکار سمیت بھارتی شہریوں کو پاکستانی علاقے میں آنے پر واپس کرتا رہا ہے جبکہ بسا اوقات پاکستانی شہریوں کے بھارتی علاقے میں چلے جانے سے کے واقعات پر درعمل منفی رہا۔

    چند واقعات میں بی ایس ایف پاکستانی شہریوں کو بعض اوقات زیر و لائن سے زبردستی اٹھا کر لے گئی اور پھر ان کو زندہ واپس نہیں کیا گیا۔