Tag: سیشن عدالت

لاہور : زیادتی کا منفرد کیس سامنے آ گیا، اپنی ہی بیوی سے زیادتی کے الزام میں قید شوہر کو عدالت نے بری کر دیا۔

تفصیلات کے مطابق سیشن عدالت لاہورمیں بیوی کی جانب سے اپنے ہی شوہر پر زیادتی کے کیس کی سماعت ہوئی۔ ملزم کے وکیل فیصل باجوہ ایڈووکیٹ نے بتایا کہ سونیا بی بی نے شریعت اور قانون کے مطابق عابد حسین سے شادی کی، شادی کے بعد ایک بیٹی معصومہ بھی پیدا ہوئی۔

فیصل باجوہ ایڈووکیٹ کا کہنا تھا کہ خاتون نے اپنےشوہرعابد حسین کیخلاف اغوااورزناکا مقدمہ درج کرادیا، خاتون کا نام گلناز بی بی تھامگراس نےنام بدل کر مقدمہ درج کرایا، مقدمہ درج کرواتے وقت خاتون نکاح سے مکر گئی اور بیٹی کے ناجائز ہونے کا دعویٰ کرتی رہی۔

وکیل نے مزید بتایا کہ شوہر کو جیل بھجوا کر خاتون شادی شدہ ہونے کے باوجود اپنے دوست کے ساتھ رہتی رہی، جس پر عدالت نے کہا یہ مقدمہ معاشرے میں پھیلی بے راہ روی کی بدترین مثال ہے، خاتون نےمذموم مقاصد کیلئےمیاں بیوی جیسےپاک اورمقدس رشتےکو بدنام کیا۔

عدالت کا کہنا تھا کہ شواہد کے مطابق خاتون اغوا ہوئی نہ ہی اس کے ساتھ کوئی زیادتی ہوئی، وہ ملزم کی بیوی ہے، خاتون اگر علیحدگی چاہتی تھی تو وہ فیملی عدالت سے رجوع کر سکتی تھی، مدعیہ کےپاس شوہرسےعلیحدگی کا آج بھی قانون کاراستہ موجود ہے۔

ملزم عابد حسین جون 2019 سے زیادتی کے مقدمے میں قید ہے، سیشن عدالت نے زیادتی کے الزام میں گرفتار شخص کو بری کردیا ، ملزم کیخلاف اس کی بیوی سونیا بی بی نے زیادتی کا مقدمہ درج کرایا تھا۔

لاہور : سیشن عدالت نے اغواءو زیادتی کے مقدمہ میں ملوث جمال پٹھان کو دس سال قید اور پچاس ہزار جرمانے کی سزا سنادی۔

ایڈیشنل سیشن جج لاہور اعجاز احمد نے اغواءو زیادتی کے مقدمہ میں ملوث جمال پٹھان کے خلاف مقدمہ کی سماعت کی مجرم جمال اور اس کی ساتھی کلثوم بی بی عورتوں کے اغواءاور ان سے زبردستی غیر اخلاقی کروانے میں ملوث تھے۔

سرکاری وکیل نے عدالت کو بتایا کہ مجرم اپنی ساتھی سمیت سادہ لوح خواتین کو جھانسا دے کر اغو کرتا اور بعد ازاں انھیں مختلف علاقوں میں فروخت کر دیتا ۔

عدالت نے جرم ثابت ہونے پر اسے دس سال قید اور پچاس ہزار روپے جرمانے کی سزا سنا دی جبکہ اسکی ساتھی کلثوم بی بی کو اشتہاری قرار دے دیا ہے۔

سیشن عدالت نے جمال پٹھان کی ضمانت بھی خارج کرتے ہوئے اسے گرفتار کر کے کوٹ لکھپت جیل منتقل کرنے کے احکامات جاری دیئے۔