ARYNews.tv | Urdu – Har Lamha Bakhabar

Tag: سیف علی خان

  • سیف علی خان حملے سے چند روز قبل کیا کررہے تھے؟ ویڈیو وائرل

    سیف علی خان حملے سے چند روز قبل کیا کررہے تھے؟ ویڈیو وائرل

    بالی ووڈ میں چھوٹے نواب کے نام سے مشہور سیف علی خان پر رات ڈھائی بجے ان کے باندرہ کے گھر میں چوری کی واردات کے دوران حملہ کیا گیا۔

    بھارتی میڈیا رپورٹ کے مطابق اداکار سیف علی خان کو لیلاوتی اسپتال منتقل کیا گیا جہاں ان کی سرجری ہورہی ہے تاہم اس واقعے سے کچھ دن پہلے سیف کو ممبئی ایئرپورٹ پر بیٹی اور اداکارہ سارہ علی خان کے ساتھ دیکھا گیا تھا۔

    یہ پڑھیں: ’سیف علی خان پر حملہ سب کے لیے ’ویک اپ کال‘ ہے‘

    سیف پر حملے کے بعد باپ اوربیٹی کا ویڈیو کلپ سوشل میڈیا پر وائرل ہورہا ہے۔

    ویڈیو میں انہیں بیٹی کو گلے لگاتے اور مداحوں سے ملتے دیکھا جاسکتا ہے اس کے بعد دونوں اپنی منزل کی جانب رواں دواں ہوگئے۔

     

    View this post on Instagram

     

    A post shared by Viral Bhayani (@viralbhayani)

    پولیس کے مطابق مشتبہ شخص رات ڈھائی بجے کے قریب سیف علی خان کے باندرہ کے گھر میں داخل ہوا اور دونوں میں جھگڑا ہوا جس کے دوران اداکارکو چاقو مارا گیا، واقعے کے بعد کرینہ گھر پر موجود نہیں تھیں جبکہ بچے تیمور اور جے گھر میں ہی تھے۔

    کام کے محاذ پر سیف علی خان کو آخری بار جونیئر این ٹی آر کی فلم دیورا میں دیکھا گیا جس میں جھانوی کپور نے بھی اداکاری کے جوہر دکھائے تھے۔

  • سیف علی خان پر حملہ کرنے والی شخص کی پہلی سی سی ٹی وی ویڈیو سامنے آگئی

    سیف علی خان پر حملہ کرنے والی شخص کی پہلی سی سی ٹی وی ویڈیو سامنے آگئی

    بالی ووڈ اسٹار چھوٹے نواب سیف علی خان کو حملہ کرکے شدیدی زخمی کرنے والے شخص کی پہلی سی سی ٹی وی ویڈیو سامنے آگئی۔

    ممبئی میں واقع جس گھر میں سیف پر حملہ کیا گیا اس کے کیمروں کی نئی سی سی ٹی وی ویڈیو سامنے آئی ہے جس میں قاتل کا چہرہ واضح نظر آرہا ہے، فوٹیج میں یہ بھی واضح کے کہ ملزم سیف پر حملہ کرنے کے بعد سیڑھیوں سے اتر کر جارہا ہے۔

    اداکار پر ان کے گھر میں ڈکیتی مزاحمت پر چاقو سے حملہ کیا گیا تھا، جس کے بعد انھیں فوری طور پر اسپتال میں داخل کرایا گیا، ایک شخص نے سیف کے گھر میں گھس کر تیز دھار آلے سے ان پر تقریباً 6 بار وار کیے۔

    واقعے کے بعد سیف علی خان کو لیلاوتی اسپتال منتقل کیا گیا جہاں ان کی سرجری کی گئی اور اب ان کی حالت خطرے سے باہر ہے، ڈاکٹر کا کہنا ہے کہ سیف کو 6 زخم آئے جس میں 2 زخم کافی گہرے تھے۔

    سیف علی خان آئی سی یو منتقل، ڈاکٹر کا بڑا بیان سامنے آگیا

    لیلاوتی اسپتال کے چیف آپریٹنگ آفیسر ڈاکٹر نیرج اتمانی کا کہنا تھا کہ ہم نے اداکار کی ریڑھ کی ہڈی سے 2.5 انچ کا چاقو کا ٹکڑا کامیابی کے ساتھ ہٹا دیا ہے۔

    ڈاکٹر عثمانی نے کہا کہ سیف علی خان کی سرجری ہوگئی ہے، سرجری کے بعد انہیں آئی سی یو میں منتقل کر دیا گیا ہے، ایک یا دو دن میں انہیں وارڈ میں منتقل کر دیا جائے گا۔

    https://urdu.arynews.tv/saif-ali-khan-stabbing-narendra-modi/

  • ’سیف علی خان پر حملہ سب کے لیے ’ویک اپ کال‘ ہے‘

    ’سیف علی خان پر حملہ سب کے لیے ’ویک اپ کال‘ ہے‘

    بھارتی اداکارہ کرشمہ تنا نے سیف علی خان پر حملہ سب کے لیے ویک اپ کال قرار دے دیا۔

    بھارتی میڈیا رپورٹ کے مطابق اداکار سیف علی خان کی پڑوسی و اداکارہ کرشمہ تنا کا کہنا ہے کہ سیف علی خان پر حملہ سب کے لیے ویک اپ کال ہے ، ان کے ساتھ جو ہوا اس کا برا لگ رہا ہے۔

    اداکارہ نے کہا کہ سیف علی خان کے ساتھ جو کچھ ہوا نہیں ہونا چاہیے تھا۔

    کرشمہ تنا نے کہا کہ میں بھی اپنی سیکیورٹی سے متعلق بات کرتی ہوں، دعا گو ہوں کہ سیف علی خان جلد صحت یاب ہوجائیں گے۔

     

    View this post on Instagram

     

    A post shared by Viral Bhayani (@viralbhayani)

    خیال رہے کہ بدھ اور جمعرات کی درمیانی شب تقریباً 3 بجے کے قریب سیف علی خان کے ممبئی کے علاقے باندرا میں واقع گھر (اپارٹمنٹ) میں ڈکیتی کی کوشش کی گئی جسے اداکار نے مزاحمت کرکے ناکام بنادیا۔

    مزاحمت کے دوران سیف علی خان پر چاقو سے حملہ کیا گیا جس سے انہیں 6 زخم آئے جن میں سے 2 کافی گہرے تھے جب کہ ایک زخم ریڑھ کی ہڈی کے قریب ترین تھا۔

    یہ پڑھیں: سیف علی خان آئی سی یو منتقل، ڈاکٹر کا بڑا بیان سامنے آگیا

    ممبئی پولیس کے اعلیٰ عہدیدار Gedam Dixit نے خبر رساں ادارے رائٹرز کو بتایا کہ اسپتال میں 54 سالہ اداکار کا علاج کیا گیا اور اب ان کی زندگی خطرے سے باہر ہے۔

    اس سے قبل بھارتی میڈیا نے اسپتال حکام کے حوالے سے بتایا تھا کہ اداکار کی سرجری ہو رہی ہے اور اس کے مکمل ہونے پر علم ہوسکے گا کہ انہیں کتنا نقصان پہنچا ہے۔

    سیف علی خان اس اپارٹمنٹ میں اپنی اہلیہ کرینہ کپور خان اور 2 بچوں کے ساتھ رہائش پذیر ہیں۔

    کرینہ کپور کی ٹیم کی جانب سے جاری بیان میں ڈکیتی کی کوشش کی تصدیق کرتے ہوئے بتایا گیا تھا کہ ‘اداکار اس وقت اسپتال میں زیرِ علاج ہیں جب کہ ان کی اہلیہ اور دونوں بچے محفوظ ہیں’۔

  • سیف علی خان آئی سی یو منتقل، ڈاکٹر کا بڑا بیان سامنے آگیا

    سیف علی خان آئی سی یو منتقل، ڈاکٹر کا بڑا بیان سامنے آگیا

    بالی ووڈ کے چھوٹے نواب سیف علی خان جمعرات 16 جنوری کی صبح اپنے گھر میں ڈکیتی مزاحمت پر چور کی جانب سے کیے جانے والے جان لیوا حملے میں شدید زخمی ہوگئے۔

    بالی ووڈ کے معروف اداکار سیف علی خان پر ان کے گھر میں ڈکیتی مزاحمت پر چاقو سے حملہ کیا گیا، جس کے بعد انہیں فوری طور پر اسپتال میں داخل کرایا گیا، ایک شخص نے سیف کے گھر میں گھس کر تیز دھار ہتھیار سے تقریباً 6 بار وار کیا۔

    واقعے کے بعد سیف علی خان کو لیلاوتی اسپتال منتقل کیا گیا جہاں ان کی سرجری کی گئی اور اب ان کی حالت خطرے سے باہر ہے، ڈاکٹر کا کہنا ہے کہ سیف کو 6 زخم آئے جس میں 2 زخم کافی گہرے تھے۔

     

    View this post on Instagram

     

    A post shared by HT City (@htcity)

    لیلاوتی اسپتال کے چیف آپریٹنگ آفیسر ڈاکٹر نیرج اتمانی نے بتایا ’ہم نے اداکار کی ریڑھ کی ہڈی سے 2.5 انچ کا چاقو کا ٹکڑا کامیابی کے ساتھ ہٹا دیا ہے، سیف علی خان کو دو شدید اور دو درمیانے درجے کی چوٹیں آئی ہیں۔

    ڈاکٹر عثمانی نے کہا کہ ’ سیف علی خان کی سرجری ہوگئی ہے، سرجری کے بعد انہیں آئی سی یو میں منتقل کر دیا گیا ہے، ایک یا دو دن میں انہیں وارڈ میں منتقل کر دیا جائے گا، اداکار کی نیورو سرجری اور پلاسٹک سرجری دونوں کی گئی ہیں‘۔

    مزید پڑھیں:

    سیف علی خان گھر میں ڈکیتی مزاحمت پر شدید زخمی، اسپتال منتقل

    سیف علی خان پر حملے کے وقت کرینہ کپور کہاں تھیں؟ تصاویر سامنے آگئی

    چور سیف علی خان کے گھر میں کیسے داخل ہوا؟ 4 افراد گرفتار، اہم انکشافات

    لیلاوتی اسپتال کے نیورو سرجن ڈاکٹر نتن ڈانگے نے بتایا کہ سیف علی خان کو ریڑھ کی ہڈی میں خاصی چوٹ آئی ہے، ریڑھ کی ہڈی میں چاقو کے ٹکڑے کو ہٹانے کے لیے سرجری کی گئی، اس کے علاوہ اداکار کے بائیں ہاتھ اور دائیں جانب دو اور گہرے زخم تھے، جبکہ گردن میں بھی چوٹ ہے جس  کی پلاسٹک سرجری کی گئی ہے۔

    سیف علی خان کی پی آر ٹیم کی جانب سے حال ہی میں مداحوں کو مطلع کیا گیا ہے کہ اداکار کی سرجری کامیاب ہوگئی ہے جس کے بعد وہ اب صحتیاب ہیں تاہم ڈاکٹر ان کی کڑی نگرانی کر رہے ہیں۔

  • سیف علی خان کو کاریں ہوتے ہوئے رکشے میں اسپتال کیوں لایا گیا؟

    سیف علی خان کو کاریں ہوتے ہوئے رکشے میں اسپتال کیوں لایا گیا؟

    بھارتی فلم انڈسٹری کے معروف اداکار سیف علی خان کو چاقو حملے کے بعد ان کے بڑے بیٹے ابراہیم نے زخمی حالت میں آٹو رکشہ میں ڈال کر اسپتال پہنچایا۔

    بھارتی میڈیا رپورٹس کے مطابق سیف علی خان گزشتہ رات اپنے گھر میں چاقو کے حملے میں شدید زخمی ہوگئے تھے، حملہ آور نے ان پرمتعدد بار وار کیا، جن میں ایک ان کی ریڑھ کی ہڈی کے قریب لگا۔

    رپورٹس کے مطابق حملے کے بعد ان کے بڑے بیٹے، 23 سالہ ابراہیم علی خان نے گھر میں کار موجود نہ ہونے کے باعث والد کو ایک آٹو رکشہ میں ڈال کر لیلاوتی اسپتال منتقل کیا۔

    سیف کی ٹیم کا کہنا ہے کہ ان کی سرجری کامیاب رہی اور اب ان کی زندگی کو خطرہ لاحق نہیں ہے، گھر کے دیگر افراد، بشمول ان کی اہلیہ اداکارہ کرینہ کپور خان، حملہ آور کے حملے میں محفوظ رہیں۔

    پولیس کا اس حوالے سے کہنا ہے کہ ابتدائی تحقیقات میں یہ بات سامنے آئی ہے کہ چوری کی نیت سے سیف کے گھر میں داخل ہونے والے شخص نے پہلے موقع کا انتظار کیا۔

    حملہ آور کو گھر کی سی سی ٹی وی فوٹیج میں دو گھنٹے قبل تک داخل ہوتے نہیں دیکھا گیا، جس سے یہ معلوم ہوتا ہے کہ وہ پہلے ہی عمارت میں موجود تھا۔ پولیس حملہ آور کی شناخت کے لیے مزید فوٹیج چیک کررہی ہے جبکہ اس حوالے سے اطراف میں موجود لوگوں سے معلومات حاصل کی جارہی ہیں۔

    ساتھ ہی سوشل میڈیا صارفین سیف پر حملے کا ذمہ دار بھارتی وزری اعظم نریندر مودی کو ٹھہرا رہے ہیں۔

    سوشل میڈیا صارفین کی جانب سے بھارتی وزیر داخلہ اور حکمران جماعت بی جے پی کو تنقید کا نشانہ بنایا جارہا ہے، ساتھ ہی ان سے یہ سوال کیا جارہا ہے کہ کیا وہ شہروں کو محفوظ رکھ سکتے ہیں؟

    بعض سوشل میڈیا صارفین کا کہنا تھا کہ مودی سے ملاقات کے بعد سیف کی زندگی میں بڑی تبدیلی آنا شروع ہوگئی، ان کا خیال ہے کہ جب سے ملاقات ہوئی ہے، اس کے لیے چیزیں نیچے کی طرف جا رہی ہیں۔

    سیف علی خان کے ساتھ زخمی ہونے والی خاتون کون ہے؟ پولیس کا اہم بیان

    ایک صارف کا کہنا تھا کہ سیف کی زندگی میں سب کچھ ٹھیک چل رہا تھا، پھر ان کی ملاقات نریندر مودی سے ہوگئی اور سب کچھ تبدیل ہونا شروع ہوگیا۔

  • کیا سیف علی خان پر حملہ مودی نے کرایا؟ اہم انکشاف

    کیا سیف علی خان پر حملہ مودی نے کرایا؟ اہم انکشاف

    بھارتی فلم انڈسٹری کے معروف اداکار سیف علی خان اور کرینہ کپور کے گھر میں ڈکیتی کی کوشش کی گئی، اس دوران مزاحمت پر اداکار شدید زخمی ہوگئے۔

    بھارتی میڈیا رپورٹ کے مطابق سیف علی خان اور کرینہ کپور کے گھر میں ڈکیتی کی کوشش کی گئی۔ مزاحمت پر سیف علی خان زخمی ہوگئے جنہیں لیلاوتی اسپتال منتقل کردیا گیا۔

    بھارتی میڈیا کا کہنا ہے کہ واقعہ رات ڈھائی بجے ممبئی میں بینڈرا میں اداکار کے گھر میں پیش آیا، بھارتی اداکار اور چھوٹے نواب پر ڈاکو نے چاقو سے حملہ کیا گیا ہے۔

    بھارتی میڈیا کے مطابق نامعلوم شخص نے چوری کی نیت سے سیف کے گھر میں گھسنے کی کوشش کی جس پر انہوں نے مزاحمت کی تو ملزم فرار ہوگیا۔

    معروف اداکار پر حملے کی خبر سوشل میڈیا پر آگ کی طرح پھیلی اور صارفین کی جانب سے اس واقعے کی مذمت کرنے کے ساتھ اداکار کی جلد صحت یابی کے لئے دعاؤں کا سلسلہ بھی جاری ہے۔

    ساتھ ہی سوشل میڈیا صارفین سیف پر حملے کا ذمہ دار بھارتی وزری اعظم نریندر مودی کو ٹھہرا رہے ہیں۔

    سوشل میڈیا صارفین کی جانب سے بھارتی وزیر داخلہ اور حکمران جماعت بی جے پی کو تنقید کا نشانہ بنایا جارہا ہے، ساتھ ہی ان سے یہ سوال کیا جارہا ہے کہ کیا وہ شہروں کو محفوظ رکھ سکتے ہیں؟ کچھ لوگوں نے اداکار سیف اور ان کے خاندان کو مذہب کی وجہ سے نشانہ بناتے ہوئے تبادلہ خیال کیا۔

    بعض سوشل میڈیا صارفین کا کہنا تھا کہ مودی سے ملاقات کے بعد سیف کی زندگی میں بڑی تبدیلی آنا شروع ہوگئی، ان کا خیال ہے کہ جب سے ملاقات ہوئی ہے، اس کے لیے چیزیں نیچے کی طرف جا رہی ہیں۔

    سیف علی خان کے ساتھ زخمی ہونے والی خاتون کون ہے؟ پولیس کا اہم بیان

    ایک صارف کا کہنا تھا کہ سیف کی زندگی میں سب کچھ ٹھیک چل رہا تھا، پھر ان کی ملاقات نریندر مودی سے ہوگئی اور سب کچھ تبدیل ہونا شروع ہوگیا۔

    سوشل میڈیا صارفین نے سیف کی حمایت کرتے ہوئے بھارتی حکومت سے شہریوں کی حفاظت کو یقینی بنانے کا مطالبہ کیا ہے۔

  • چور سیف علی خان کے گھر میں کیسے داخل ہوا؟ 4 افراد گرفتار، اہم انکشافات

    چور سیف علی خان کے گھر میں کیسے داخل ہوا؟ 4 افراد گرفتار، اہم انکشافات

    ممبئی: بالی ووڈ کے معروف اداکار سیف علی خان کے ڈکیتی مزاحمت پر زخمی ہونے کے بعد اب اس واقعے کی تفصیلات سامنے آنا شروع ہو گئی ہیں۔

    بھارتی میڈیا کے مطابق  بالی ووڈ کے معروف اداکار سیف علی خان پر ان کے گھر میں ڈکیتی مزاحمت پر چاقو سے حملہ کیا گیا، جس کے بعد انہیں فوری طور پر اسپتال میں داخل کرایا گیا، ایک شخص نے سیف کے گھر میں گھس کر تیز دھار ہتھیار سے تقریباً 6 بار وار کیا۔

    مزید پڑھیں:

    سیف علی خان گھر میں ڈکیتی مزاحمت پر شدید زخمی، اسپتال منتقل

    سیف علی خان پر حملے کے وقت کرینہ کپور کہاں تھیں؟ تصاویر سامنے آگئی

    واقعے کے بعد سیف علی خان کو لیلاوتی اسپتال منتقل کیا گیا جہاں ان کی سرجری کی گئی اور اب ان کی حالت خطرے سے باہر ہے، ڈاکٹر کا کہنا ہے کہ سیف کو 6 زخم آئے جس میں 2 زخم کافی گہرے تھے۔

    ممبئی پولیس نے واقعے کی تحقیقات کا آغاز کردیا ہے، ابتدائی رپورٹ کے مطابق سیف علی خان کے گھر میں ایک شخص زبردستی اندر آنے کے بعد ملازمہ سے جھگڑا کیا، جس کے بعد اداکار نے مداخلت کی۔

    پولیس کے ابتدائی بیان کے مطابق مشتبہ شخص ممکنہ طور دوسری عمارت کے کمپاؤنڈ کے ایک پائپ لائن کے ذریعے گھر میں داخل ہوا، اس وقت سیف کی اہلیہ کرینہ کپور اور بچے گھر میں موجود نہیں تھے۔

    پولیس نے سیف علی خان کے گارڈ سمیت چار افراد کو حراست میں لے لیا ہے، سیف علی خان کے گھر ڈکیتی میں ایک ملزم کی نشاندہی کرلی گئی جبکہ پوچھ کچھ کا سلسلہ اب بھی جاری ہے۔

    ممبئی پولیس کا مزید کہنا ہے کہ 10 ٹیمیں تشکیل دی گئی ہیں، واردات میں استعمال ہونے والا چاقو ٹوٹا ہوا ہے، سی سی ٹی وی ویڈیوز بھی حاصل کر لی ہیں جن کی مدد سے تحقیقات کو آگے بڑھایا جا رہا ہے۔

  • سیف علی خان کے گھر میں ڈکیتی کے بعد کی ویڈیو سامنے آگئی

    سیف علی خان کے گھر میں ڈکیتی کے بعد کی ویڈیو سامنے آگئی

    بالی ووڈ کے سپر اسٹار اداکار سیف علی خان کے گھر میں ڈکیتی کے فوری بعد کی ویڈیو سامنے آگئی۔

    بھارتی میڈیا کے مطابق ممبئی میں رات ڈھائی بجے اداکار سیف علی خان اور کرینہ کپور کے گھر میں ڈکیت گھس آیا تھا جس نے مزاحمت پر سیف علی خان کو چاقو مار کر زخمی کردیا اور فرار ہوگیا۔

    واقعے کے بعد سیف علی خان کو لیلاوتی اسپتال منتقل کیا گیا جہاں ان کی سرجری کی گئی اور اب ان کی حالت خطرے سے باہر ہے، ڈاکٹر کا کہنا ہے کہ سیف کو 6 زخم آئے جس میں 2 زخم کافی گہرے تھے۔

     

    View this post on Instagram

     

    A post shared by Viral Bhayani (@viralbhayani)

    تاہم اب بھارتی انٹرٹنمنٹ پیچز پر اداکار سیف علی خان کے گھر میں ڈکیتی کے فوری بعد کی ویڈیو سامنے آگئی ہے جس میں اداکارہ کرینہ کپور کو پریشان دیکھا جاسکتا ہے۔

    سیف علی خان گھر میں ڈکیتی مزاحمت پر شدید زخمی، اسپتال منتقل

    ویڈیو میں سیف کی اہلیہ کرینہ کپور کو گھر کے پورچ میں ملازمین کے ساتھ کھڑے دیکھا جاسکتا ہے جبکہ دوسری جانب رکشہ بھی موجود ہے، ویڈیو میں کرینہ  پریشانی کی حالت میں پوچھ گچھ کرتی  نظر آرہی ہیں۔

  • سیف علی خان پر حملے کے وقت کرینہ کپور کہاں تھیں؟ تصاویر سامنے آگئی

    سیف علی خان پر حملے کے وقت کرینہ کپور کہاں تھیں؟ تصاویر سامنے آگئی

    بالی ووڈ کے چھوٹے نواب سیف علی خان گھر میں ڈکیتی مزاحمت پر شدید زخمی ہوگئے تاہم انہوں نے ڈکیتی کی کوشش ناکام بنادی۔

    بھارتی میڈیا کے مطابق یہ چونکا دینے والا واقعہ جمعرات 16 جنوری 2025 کو صبح 2:30 بجے کے قریب اس وقت پیش آیا جب ایک ڈاکو سیف کے گھر میں گھس آیا تھا لیکن اداکار نے ڈاکو کا مقابلہ کیا۔

    اس دوران سیف علی خان شدید زخمی ہوگئے واقعے کے فوراً بعد انہیں اسپتال منقتل کیا گیا جہاں ڈاکٹر نے ان کی ڈھائی گھنٹے کی سرجری کی جس کے بعد ان کی حالت خطرے سے باہر ہے۔

    بھارتی میڈیا کے مطابق اس سارے واقعے کے وقت اداکارہ کرینہ کپور گھر پر موجود نہیں تھیں، اور اس تمام واقعے کے ان کے بچے بھی محفوظ ہیں۔

    میڈیا رپورٹس کے مطابق کرینہ کپور شام سے ہی اپنی بہن کرشمہ کپور اور دیگر دوستوں کے ساتھ باہر تھیں جبکہ سیف اپنے بیٹوں تیمور اور جے کے ساتھ باندرہ کی رہائش گاہ پر تھے۔

    فوٹو اینڈ شیرنگ ایپ انسٹاگرام اسٹوری پر اداکارہ کرشمہ کپور نے تصویر بھی شیئر کی تھی جس سے معلوم ہوتا ہے کہ کرینہ کپور اپنے گھر پر موجود نہیں تھیں۔

    کرشمہ اور کرینہ کے ہمراہ انیل کپور کی بیٹیاں اداکارہ سونم کپور اور ریا کپور بھی کرشمہ کے گھر پر تھیں، کرینہ کی شیئر کردہ اسٹوری سوشل میڈیا کی زینت بنی ہوئی ہے۔

    بھارتی میڈیا کے مطابق سیف علی خان کے گھر پر پیش آئے واقعے کی پولیس نے سی سی ٹی وی ویڈیوز بھی حاصل کر لی ہیں جن کی مدد سے تحقیقات کو آگے بڑھایا جا رہا ہے۔

  • سیف علی خان کے ساتھ زخمی ہونے والی خاتون کون ہے؟ پولیس کا اہم بیان

    سیف علی خان کے ساتھ زخمی ہونے والی خاتون کون ہے؟ پولیس کا اہم بیان

    بھارتی فلم انڈسٹری کے معروف اداکارسیف علی خان کے گھر ڈکیتی اور اس دوران مزاحمت میں ان کے شدید زخمی ہونے سے متعلق بھارتی پولیس نے بیان جاری کیا ہے۔

    بھارتی میڈیا رپورٹس کے مطابق پولیس کا میڈیا سے بات کرتے ہوئے کہنا تھا کہ رات گئے 3 بجے ہمیں اداکار سیف اور ان کے گھر پر حملے کی اطلاع موصول ہوئی، پولیس نے اداکار کو اسپتال منتقل کیا۔

    پولیس کے مطابق معروف اداکار کے علاوہ ان کی خاتون ملازمہ پر بھی حملہ ہوا ہے،انہیں بھی معمولی زخم آئے ہیں، تاہم اب ان کی حالت خطرے سے باہر ہے۔

    واضح رہے کہ معروف اداکار کے ڈکیتی مزاحمت میں زخمی ہونے سے متعلق واقعے پر کرینہ کپور کی ٹیم نے بھی تفصیلات جاری کی ہیں۔

     

    View this post on Instagram

     

    A post shared by HT City (@htcity)

    بھارتی میڈیا کے مطابق بالی ووڈ اداکار گھر میں ڈکیتی کی کوشش کے دوران شدید زخمی ہو گئے، ان پر 6 بار چھری سے حملہ کیا گیا۔

    بھارتی میڈیا کے مطابق رات 2 بج کر 30 منٹ پر ممبئی کے علاقے باندرا میں واقع اداکار کے گھر چور گھس گئے تھے جس کے بعد ان کا سامنا اداکار سے ہوا تاہم چور فرار ہونے میں کامیاب ہو گیا۔

    رپورٹ کے مطابق ڈکیتی مزاحمت پر سیف زخمی ہوئے جنہیں لیلاوتی اسپتال منتقل کر دیا گیا ہے، جہاں ڈاکٹر کا کہنا ہے کہ اداکار کی سرجری ہو رہی ہے۔

    لیلاوتی اسپتال کے سی او او ڈاکٹر نیرج اتمانی نے بتایا کہ سیف پر ان کے گھر میں ایک نامعلوم شخص نے حملہ کیا، انہیں صبح 3 بجے کے قریب لیلاوتی میں لایا گیا، اداکار کو چھ زخم آئے ہیں جن میں سے دو گہری ہیں، ان میں سے ایک زخم ان کی ریڑھ کی ہڈی کے قریب ہے۔

    گھر میں ڈکیتی کے بعد سیف علی خان اور کرینہ کپور کا بیان سامنے آگیا

    ڈاکٹر کا کہنا ہے کہ اداکار کا آپریشن نیورو سرجن نتن ڈانگے، کاسمیٹک سرجن لینا جین اینستھیٹسٹ نشا گاندھی کر رہے ہیں، ڈاکٹر کا کہنا ہے کہ سرجری کے بعد ہی کچھ بتایا جاسکتا ہے۔