Tag: سیف علی خان

چھوٹے نواب سیف علی خان ایک بار پھر ریس 4 میں جلوہ گر ہونے کو تیار ہیں، تاہم مداحوں نے اس کے فلاپ ہونے کی پیشگوئی کی ہے۔

سلمان خان نے اس سے قبل ریس 3 میں سیف علی خان کی جگہ لی تھی، تاہم فرنچائز کی پہلی دو فلموں کی طرح ریس کچھ خاص کامیابی حاصل کرنے میں کامیاب نہیں رہی تھی، اب خبروں کے مطابق سیف علی خان پھر سے اپنی جگہ سنبھالنے کے لیے آرہے ہیں جبکہ ان کے ساتھ سدھارتھ ملہوترا بھی نظر آئیں گے۔

میڈیا رپورٹس کے مطابق فلم کا حصہ بنانے کے لیے سدھارتھ ملہوترا سے بات چیت جاری ہے، تاہم اب تک یہ بات واضح نہیں ہے کہ فلم میں سدھارتھ ولن کا کردار نبھائیں گے یا سیف کی سپورٹ میں کوئی کردار ادا کرتے نظر آئیں گے۔

مداح یہ خبر سننے کے بعد کہ سیف علی فلم میں واپس آرہے ہیں خوشی کا اظہار کررہے ہیں، ایک مداح نے لکھا کہ سیف کے بنا ریس ادھوری ہے وہ ایک بہترین ریسر ہیں۔

تاہم کچھ مداح سدھارتھ کے فلم کا حصہ بننے کی خبروں پر مایوس نظر آئے، انھوں نے کہا کہ سیف کے آنے سے امید تھی کہ فلم فلاپ کی کیٹیگری سے نکل آئے گی تاہم سدھارتھ کے جوائن کرنے سے یہ فلم یقیناً فلاپ ہوگی۔

ایک صارف نے لکھا کہ سیف علی خان تو فلم کےلیے ٹھیک ہیں مگر ریس 4 سدھارتھ کی جگہ اکشے کھنہ کو ہی ہونا چاہیے تھا۔

View this post on Instagram

A post shared by Instant Bollywood (@instantbollywood)

خیال رہے کہ اس سیریز کی پلی فلم ریس 2008 میں ریلیز ہوئی تھی جس کی ہدایت کاری کے فرائض عباس مستان نے انجام دیے تھے جس میں سیف کے ساتھ بپاشا، کترینہ، اکشے کھنہ اور انیل کپور بھی شامل تھے۔

فرنچائز کی دوسری فلم ریس 2 کو میکرز نے 2013 میں ریلیز کیا تھا اور اس نے بھی کامیابی کے جھنڈے گاڑے تھے جبکہ اس میں سیف کے ساتھ جان ابراہام اور دپیکا پڈوکون موجود تھے۔

ریمو ڈی سوزا کی ہدایت کاری میں 2018 میں ریس 3 ریلیز کی گئی تھی جس میں سیف کی جگہ سلمان خان نے لی تھی تاہم یہ فلم شائیقین کے دلوں میں جگہ بنانے میں ناکام رہی تھی اور اس کا باکس آفس بزنس بھی اوسط رہا تھا۔

بالی ووڈ کی معروف اداکارہ کرینہ کپور نے انکشاف کیا ہے کہ ان کے شوہر چھوٹے نواب سیف علی خان انھیں ویلیو نہیں دیتے ہیں۔

کرینہ نے حال ہی میں ایک انٹرویو میں اس بات پر روشنی ڈالی ہے کہ کسی ایسے شخص سے شادی کرنا کیسا ہے جو ایک اداکار بھی ہو، انھوں ایک اداکار سے شادی کو مشکل قرار دیتے ہوئے مذاقاً کہا کہ ان کے شوہر سیف علی خان نے انھیں ’معمولی‘ لیا ہوا ہے۔

بیبو کی عرفیت سے مشہور اداکارہ کا کہنا تھا کہ ایک اداکار سے شادی کرنا بہت مشکل کام ہے، کبھی کبھی جب میں کام کے لیے نکلتی ہوں تو وہ سو رہے ہوتے ہیں، اکثر ایسا ہوتا ہے کہ ایک ہی گھر میں رہتے ہوئے ہم ایک دوسرے کو نہیں دیکھ پاتے۔

ایک ہی گھر میں چوںکہ ہم دو اداکار ہیں، اس لیے ہم بچوں کے لیے وقت نکالنے کی کوشش کرتے ہیں، سیف کے پاس اتنا بھی وقت نہیں تھا کہ وہ میری فلم ’کریو‘ دیکھتے۔

کرینہ کپور نے کہا کہ وہ شادی کے بعد بدل گئی ہیں اور پہلے سے بہتر ہوگئی ہیں جبکہ پہلے وہ تھوڑی پاگل سی تھیں تاہم سیف نے ان کی کافی مدد کی ہے۔

انھوں نے کہا کہ میں ہمیشہ سیف سے مشورہ مانگتی ہوں، اور وہ مجھ سے بھی پوچھتے ہیں تاہم مجھے نہیں معلوم کہ وہ میرا مشورہ مانتے بھی ہیں یا نہیں، میں ان کی فلموں پر تنقید بھی کرتی ہوں۔

کرینہ کو آخری بار فلم ’کریو‘ میں دیکھا گیا تھا، جس میں ان کے ہمراہ تبو اور کریتی سینن نے بھی اداکاری کی تھی جبکہ فلم کو شائقین اور ناقدین نے کافی پسند کیا تھا۔